- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სახალისო საკითხავი: ლენინი, ლენონი და ნიქსონი ერთ გუნდში
<p>ბრაზილია ყველაფრით გამორჩეული და უცნაური ქვეყანაა, სადაც ფეხბურთელებსაც კი უცნაური სახელები თუ მეტსახელები ჰქვიათ <br> ბრაზილია ყველაფრით გამორჩეული და უცნაური ქვეყანაა, განსაკუთრებით ევროპელებისთვის. იქ ყველაფერი სხვანაირად არის, ფეხბურთელებსაც კი უცნაური სახელები თუ მეტსახელები ჰქვიათ.</p><p>ალბათ, ყველას გახსოვთ 90-იან წლებში მოთამაშე შავკანიანი ფორვარდი, სახელად ალენ დელონი...</p><p>საინტერესო სახელების თვალსაზრისით, წლევანდელი სეზონიც გამორჩეულია. მოდით, ერთად შევადგინოთ ამ სეზონის სერია ა-ს სიმბოლური ნაკრები, ოღონდ მთავარი კრიტერიუმი არა თავად მოთამაშის სიძლიერე, არამედ მისი პროტოტიპის ცნობადობაა.</p><p>ტაქტიკურ სქემად 4-4-1-1 ავირჩიეთ, მაგრამ ეს ის შემთხვევაა, როდესაც ტაქტიკა მოვარგეთ მოთამაშეებს და არა მოთამაშეები ტაქტიკას.</p><p>წინასწარ აღვნიშნოთ, რომ ბრაზილიელებს ძალიან უყვართ ამერიკის შეერთებული შტატების ყოფილი პრეზიდენტები და ამაში თავადაც დარწმუნდებით.</p><p><span style="color: #ff0000;"><strong>მეკარე</strong></span></p><p><strong>მეკარე: </strong>ჯეფერსონი (ბოტაფოგო) - სრული სახელი: ჯეფერსონ დე ოლივეირა გალვაო.<strong> </strong></p><p>"ბოტაფოგოს" 29 წლის მეკარე გუნდის ძირითადი მეკარეა და სერია ა-შიც ერთ-ერთი გამორჩეულია.</p><p>მართალია, ეს სახელი ბრაზილიაში ბევრ ფეხბურთელს ჰქვია, მაგრამ, როგორც ჩანს, მომავალი მეკარეების მშობლებს შემოქმედებითი კრიზისი ჰქონდათ, რადგან სხვა კიპერი საინტერესო სახელით, უბრალოდ, არ არის.</p><p><em>პროტოტიპი: თომას ჯეფერსონი - აშშ-ის დამოუკიდებლობის დეკლარაციის ერთ-ერთი ავტორი და ქვეყნის მესამე პრეზიდენტი 1801-1809 წლებში.</em></p><p><span style="color: #ff0000;"><strong>მცველები</strong></span></p><p><strong>მარჯვენა მცველი:</strong> ჯონ ლენონი (ბოტაფოგო) - სრული სახელი: ჯონ ლენონ სილვა სანტოსი.</p><p>"ბოტაფოგოს კიდევ ერთი ფეხბურთელი, ახალგაზრდა მარჯვენა მცველი, რომელიც ბოლო დროს გუნდის ძირითადში ვეღარ ხვდება, რადგან ოსვალდო დე ოლივეირამ "სან პაულოსთან" დიდი ანგარიშით (4:0) წაგება სწორედ მას დააბრალა.</p><p><em>პროტოტიპი: ჯონ ლენონი - ლეგენდარული მუსიკოსი, ჰიპების მოძრაობის ერთ-ერთი ლიდერი, The Beatles-ის ერთ-ერთი დამაარსებელი.</em></p><p><strong>მარჯვენა ცენტრალური მცველი:</strong> ბრინერი (ბოტაფოგო) - სრული სახელი: ბრინერ ენრიკე სანტოს სოუზა.</p><p>"ბოტაფოგოს" მესამე და უკანასკნელი წევრი ჩვენს ნაკრებში. ყველაზე მეტი ფეხბურთელი სიმბოლურში სწორედ რიოს კლუბმა მიავლინა. ბრინერი ლენონზე ხშირად თამაშობს, თუმცა "სან პაულოსთან" ნახსენებ მატჩში მან გაცილებით ცუდად ითამაშა, ვიდრე ლენონმა, მაგრამ რატომღაც ჯოხი ამ უკანასკნელზე გადატყდა.</p><p><em>პროტოტიპი: იულ ბრინერი - ლეგენდარული მსახიობი, "ოსკარის" მფლობელი ფილმისთვის "მეფე და მე". მისი ყველაზე ცნობილი როლი, ალბათ, მაინც "შესანიშნავ შვიდეულში" კრისის როლი გახლავთ. </em></p><p><strong>მარცხენა ცენტრალური მცველი:</strong> მატეუსი (კრუზეირო) - სრული სახელი: მატეუს ალვეშ მასიელი.</p><p>ასეთი სახელი ბრაზილიაში ბევრ ფეხბურთელს ჰქვია, მაგრამ მათ შორის ყველაზე ცნობილი და ამავე დროს, ყველაზე ძლიერი, სწორედ "კრუზეიროს" მცველი გახლავთ. ტანმაღალი ფეხბურთელი დაცვის ერთ-ერთი გამორჩეული წევრია.</p><p><em>პროტოტიპი: ლოთარ მათეუსი - გერმანიის ნაკრების, მიონხენგლადბახის "ბორუსიას", "ბაიერნის" და "ინტერის" ყოფილი ლიდერი, 1980 წლის ევროპის და 1990 წლის მსოფლიოს ჩემპიონი. 1990 წლის "ოქროს ბურთის" მფლობელი, გერმანიის 7-გზის ჩემპიონი და კიდევ არაერთი გამორჩეული ტიტულის მფლობელი. სულ ბოლოს ბულგარეთის ნაკრების მწვრთნელი იყო. </em></p><p><strong>მარცხენა მცველი: </strong>უოლასი (ფლუმინენსე) - სრული სახელი: უოლას ოლივეირა დოს სანტოსი.</p><p>ბრაზილიაში უოლასიც საკმაოდ ბევრია, თუმცა მათგან ყველაზე გამორჩეული აშკარად "ფლუმინენსეს" 18 წლის მცველია, რომელიც ორივე ფლანგზე თანაბრად კარგად თამაშობს. იყო ბრაზილიის 17-წლამდელთა ნაკრებში. ახლა კი 20-წლამდელთა ნაკრების კანდიდატია.</p><p><em>პროტოტიპი: სერ უილიამ უოლასი - შოტლანდიის ეროვნული გმირი, დამოუკიდებლობისთვის ბრძოლის ერთ-ერთი ლიდერი. მიუხედავად იმისა, რომ უოლასი საკულტო ფიგურაა (განსაკუთრებით, ეკრანებზე "მამაცი გულის" გამოსვლის შემდეგ), მის შესახებ ძალიან ბევრი რამ არ არის ცნობილი. ჩვენი ცოდნა მასზე უმეტესწილად პოემით: "უილიამ უოლასის გმირობები" შემოიფარგლება, რომელიც უოლასის სიკვდილიდან 170 წლის შემდეგ არის დაწერილი და გადმოცემებსა თუ ლეგენდებზეა დაყრდნობილი. </em></p><p><span style="color: #ff0000;"><strong>ნახევარმცველები</strong></span></p><p><strong>საყრდენი ნახევარმცველი:</strong> ლენინი (ბაია) - სრული სახელი: ვიქტორ ლენინ პერეირა სანტანა.</p><p>ამ ფეხბურთელის შესახებ სათქმელიც ბევრი არაფერია - 21 წლის ნახევარმცველს ამ სეზონში საერთოდ არ უთამაშია. უბრალოდ, ასეთი სახელის პატრონი ჩვენი სიმბოლურის მიღმა ვერ დარჩებოდა.</p><p><em>პროტოტიპი: ვლადიმერ ლენინი - ოქტომბრის რევოლუციის ერთ-ერთი ლიდერი, კომუნისტური პარტიის და მსოფლიოში პირველი სოციალისტური სახელმწიფოს დამაარსებელი.</p><p></em></p><p><strong>ცენტრალური ნახევარმცველი:</strong> ბრაიტნერი (ნაუტიკო) - სრული სახელი: ოვერატ ბრაიტნერ და სილვა მედინა.</p><p>როგორც ხედავთ "ნაუტიკოს" ერთ-ერთ, არაფრით გამორჩეულ ნახევარმცველს (სულ 5 თამაში 25 ტურის შემდეგ) არამარტო ხმაურიანი გვარი (ბრაიტნერ და სილვა მედინა), არამედ ხმაურიანი სახელიც (ოვერატი) ჰქვია. მიუხედავად ასეთი შესანიშნავი ნაზავისა, 23 წლის ფეხბურთელი ჯერჯერობით არც ოვერატს წააგავს და არც ბრაიტნერს.</p><p><em>პროტოტიპები: ვოლფგანგ ოვერატი და პაულ ბრაიტნერი - ლეგენდარული გერმანელი ფეხბურთელები, გერმანიის ნაკრების წევრები, 1974 წლის მსოფლიოს ჩემპიონები. ოვერატი "კიოლნის" ლეგენდაა, სადაც მთელი კარიერა აქვს გატარებული; ბრაიტნერი კი "ბაიერნის" ლეგენდა გახლავთ, თუმცა ასევე მადრიდის "რეალში" და ბრაუნშვაიგის "აინტრახტში" აქვს ნათამაშები. </em></p><p><strong>მარჯვენა ნახევარმცველი: </strong>ჯექსონი (კორიტიბა) - სრული სახელი: ჯექსონ ფერნანდო დე სოუზა.</p><p>აშშ-ის კიდევ ერთი ყოფილი, რიგით მეშვიდე პრეზიდენტის, ენდრიუ ჯექსონის სეხნია. "კორიტიბას" 22 წლის ნახევარმცველი ხშირად ხვდება ძირითადში და გუნდშიც ერთ-ერთი გამორჩეულია.</p><p>იმის გამო, რომ ყოფილი პრეზიდენტები ისედაც ბევრი გვყავს, მოდით, მის პროტოტიპად სხვა ჯექსონი ავიღოთ, მით უმეტეს, რომ ფეხბურთელი 1990 წელს არის დაბადებული და ალბათ, მისი მშობლები, როდესაც შვილისთვის სახელს არჩევდნენ, სწორედ ამ ჯექსონზე ფიქრობდნენ.</p><p>თუ ასე არ არის, მაშინ, უბრალოდ, ძალიან სურდათ, რომ მათ შვილს 50-დოლარიანები უხვად ჰქონოდა.</p><p><em>პროტოტიპი: მაიკლ ჯექსონი - პოპის მეფე, მსოფლიოს რეკორდსმენი გაყიდული ალბომების მიხედვით. მუსიკის ისტორიაში ერთ-ერთი ყველაზე წარმატებული და ცნობილი შემსრულებელი.</p><p></em></p><p><strong>მარცხენა ნახევარმცველი:</strong> ლინიკერი (ნაუტიკო) - სრული სახელი: ლინიკერ ფერეირა ანისედო.</p><p>დაბადებისას "ნაუტიკოს" ახალგაზრდა ფეხბურთელს მოწმობაში მშობლებმა სახელი ოდნავ არაზუსტად ჩაუწერეს (Liniker, უნდა იყოს: Lineker), მაგრამ არა უშავს - ჩვენ ხომ ვიცით, ვისაც გულისხმობდნენ.</p><p>ოვერატ-ბრაიტნერის არ იყოს, სახელს ლინიკერიც ვერ ამართლებს - ჯერჯერობით მას ერთი მატჩიც კი არ უთამაშია.</p><p><em>პროტოტიპი: გარი ლინეკერი - ინგლისის ნაკრების, "ლესტერის", "ევერტონის", "ბარსელონას" და "ტოტენჰემის" ყოფილი ფეხბურთელი. ამჟამად ძალიან ცნობილი და პოპულარული ტელე-წამყვანი. ინგლისის ეროვნული გუნდის ყველა დროის ბომბარდირებში მეორე ადგილზეა 48 გოლით.</em></p><p><strong>გამთამაშებელი:</strong> ჰემილტონი (სპორტ რესიფე) - სრული სახელი: ჰემილტონ ენია ფერეირა კალეიროსი.</p><p>32 წლის ფეხბურთელი ბრაზილიაში კი არის დაბადებული, მაგრამ ტოგოს მოქალაქეც გახლავთ და ამ ქვეყნის ნაკრებში ერთი მატჩიც აქვს ჩატარებული. ბრაზილიის 17-წლამდელთა ნაკრების და ტოგოს 20-წლამდელთა ნაკრების (15 თამაში და 9 გოლი) ყოფილი წევრი.</p><p><em>პროტოტიპი: ალექსანდრ ჰემილტონი - აშშ-ის დამოუკიდებლობის დეკლარაციის ერთ-ერთი ავტორი და აშშ-ი</em><em>ს პირველი ფინანსთა მინისტრი. </em></p><p><span style="color: #ff0000;"><strong>ფორვარდი</strong></span></p><p><strong>ფორვარდი:</strong> ნიქსონი (ფლამენგო) - სრული სახელი: ნიქსონ დარლანიო რეის კარდოსო. 20 წლის ფეხბურთელს სულ 2 მატჩი აქვს "ფლამენგოში" ჩატარებული. არის ძალიან სწრაფი და ტექნიკური, თუმცა ჯერ კიდევ დაუღვინებელია.</p><p><em>პროტოტიპი: რიჩარდ ნიქსონი - აშშ-ის 37-ე პრეზიდენტი. ერთადერთი პრეზიდენტი, რომელიც "უოტერგეიტის" სკანდალის გამო პოსტიდან საკუთარი ნებით გადადგა. </em></p><p>საბოლოოდ ჩვენმა სიმბოლურმა ასეთი სახე მიიღო: ჯეფერსონი - ჯონ ლენონი, ბრინერი, მატეუსი, უოლასი - ლენინი, ბრაიტნერი, ჯექსონი, ლინიკერი - ჰემილტონი - ნიქსონი.</p><p>გარდა ამ ფეხბურთელებისა, სერია ა-ში ასევე თამაშობენ: კიეზა (ნაუტიკო), პატრიკ ვიეირა (პალმეირასი), მაზინიო (პალმეირასი), უამრავი ბებეტო და კიდევ უფრო მეტი რომარიო.</p><p>ასევე, სერია ბ-შიც მოიძებნება ორი საინტერესო ფეხბურთელი: ბაჯო (გუარანტიგეტა) და ფრანკლინი (ბრაგანტინო).</p><p><strong>ყოველდღიური სპორტული გაზეთი "ლელო"</strong></p>
-
რექსაჩი
სასაცილოა, ძალიან. თუმცა ნახე უფრო მეტი, დაეხმარე ქართველ ფეხბურთელებს განვითარებაში, აღმოაჩინე ევროპა ლიგა საქართველოში და ერთად მოვითხოვოთ ლეგიონერების ნატურალიზება
ანდრეს ინიესტა - ფინანსური თაღლითობის საქმის ფიგურანტი პერუში
"ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის" - 64 წლის ასაკში "ვალენსიას" ლეგენდარული მეკარე გარდაიცვალა
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
ოფიციალურად - მანჩინი "ალ-სადს" ჩაუდგა სათავეში
"გული მტკივა, როცა საფრანგეთში ამდენ უცხოელ მწვრთნელს ვხედავ" - დიდიე დეშამი
[VIDEO] ფენომენალური ნიკოლა იოკიჩის 55-ქულიანი მატჩი და მორიგი რეკორდი - "დენვერ ნაგეთსმა" "ლოს ანჯელეს კლიპერსი" დაამარცხა
"მუდრიკი 100%-ით უდანაშაულოა, ვერ ვხვდები, ეს როგორ მოხდა" - დარიო სრნამ მიხაილო დაიცვა
"ბარსელონას" ვარსკვლავი შეიძლება თურქულ გუნდში გადაბარგდეს
შენგელიას 10 ქულა და "ბარსელონას" გამარჯვება "ბაიერნთან"
[სიმბოლური ნაკრები. ეროვნული ლიგა. XXXII ტური] იონსენის "პოკერი", ანუ როცა მოდუნება წამითაც არ შეიძლება...
"რეალი" თავდამსხმელს იჯარით "ლიონში" გაუშვებს
"ჯგუფიდან გასასვლელად სასწაული გვჭირდება" - ნაკრების შეკრების მესამე დღე
"ვულვერჰემპტონს" ახალი მწვრთნელი ჰყავს
"ბარსელონამ" ლევანდოვსკის შემცვლელი შეარჩია
U19. ევროპირველობის შესარჩევი ციკლის პირველ ტურში საქართველოს ნაკრები ხორვატიასთან დამარცხდა
"ფულჰემმა" შესაძლოა, მთავარი მწვრთნელი გაათავისუფლოს
უარი დაბრუნებაზე - ოვერმასმა და ტენ ჰაგმა "აიაქსის" წინადადება უარყვეს
მიჩელი "არსენალში" გადადის - "ნაპოლიში" კვარაცხელიას ერთ-ერთ აღმომჩენად ის სახელდება
თბილისის "დინამო" ახალგაზრდული ლიგის მესამე რაუნდის ორივე მატჩს სახლში გამართავს
მანჩინი სამწვრთნელო საქმიანობას დაუბრუნდა - იტალიელმა კატარული გუნდი ჩაიბარა
[VIDEO] ზაბარნიმ საფონოვს ხელი ჩამოართვა და მიესალმა - ინტერნეტში კადრები ვირუსულად გავრცელდა
პსჟ-ის რიგები შესაძლოა, 17 წლის ტალანტმა დატოვოს - მას შეთავაზება გერმანიიდან აქვს
"ჩვენ ერთად თამაშიც შეგვიძლია" - ეკიტიკემ ისაკის შესახებ ისაუბრა