- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
არგენტინა. ტორნეო ინისიალი. VIII ტური.
<p>არგენტინის ჩემპიონატის მერვე ტური რამდენიმე საინტერესო დაპირისპირებით და რაც ყველაზე მთავარია, ლიდერების შეცვლით აღინიშნა</p><p><br> არგენტინის ჩემპიონატის მერვე ტური რამდენიმე საინტერესო დაპირისპირებით და რაც ყველაზე მთავარია, ლიდერის შეცვლით აღინიშნა. “ნიუელს ოლდ ბოისმა” სტუმრად “კოლონს” სძლია და ვინაიდან თავისი მატჩი წააგო “ბოკამ”, ხერარდო მარტინოს გუნდი სათავეში ჩაუდგა “ტორნეო ინისიალს”...</p><p><strong> <span style="color: #ff0000;">რივერ პლეიტი უკვე გასავარდნ ზონაშია</span></strong></p><p>ტური შაბათს დაიწყო და ყველაზე უხვგოლიანი მატჩიც სწორედ ამ დღეს გაიმართა. დიეგო მარადონას სახელობის სტადიონზე “არხენტინოს ხუნიორსმა” “უნიონს” უმასპინძლა და ფავორიტის სტატუსი ვერ გაამართლა. სანტა ფეს გუნდი ამ ტურამდე ბოლო ადგილს იკავებდა და გარდა ამისა, “უნიონი” 3-წლიან სარელეგაციო ცხრილშიც გასავარდნ ზონაშია. მასპინძლებმა მატჩი რიხით დაიწყეს და პირველი ტაიმი 2:0 მოიგეს. ორივე გოლი მარკოს ფიგეროამ გაიტანა. ფიგეროა შარშან არგენტინის ჩემპიონატის მესამე დივიზიონში თამაშობდა და იქაც კი არაფრით გამორჩეული ფეხბურთელი იყო, თუმცა ამ ტურში მან ჰეთ თრიქის შესრულება შეძლო. 22 წლის ფორვარდმა მესამე გოლი 55-ე წუთზე გაიტანა და ანგარიში 3:1 გახადა. მიუხედავად ამხელა უპირატესობისა, შეხვედრის ბოლოს მასპინძლებმა აუტსაიდერისგან ორი გოლი გაუშვეს და საბოლოოდ მხოლოდ ქულას დასჯერდნენ.</p><p>შაბათსვე კიდევ ერთი გაჭირვებულის, “ინდეპენდიენტეს” მატჩი გაიმართა. ამერიკო გალიეგოს შეგირდები “ოლ ბოისს” მასპინძლობდნენ და ვისთან უნდა მოეპოვებინათ პირველი გამარჯვება, თუ არა ამ გუნდთან, თუმცა არგენტინის ერთ-ერთი ყველაზე ტიტულოვანი კლუბი მარცხსაც კი ძლივს გადაურჩა. “ოლ ბოისი” საუკეთესო ბომბარდირის, ივან ბორგელიოს გოლით დაწინაურდა, მაგრამ მატჩის 84-ე წუთზე მასპინძლები ერნესტო ფარიასმა იხსნა. “ინდეპენდიენტეს” უკვე 15 თამაშია, არ მოუგია (წინა სეზონის ჩათვლით). რა გასაკვირია, რომ ასეთი სტატისტიკის მქონდე გუნდი 3-წლიან ცხრილში ბოლო ადგილზეა. კიდევ ერთხელ უნდა გავიმეოროთ: თუ კოპა ლიბერტადორესის 7-გზის გამარჯვებული დროულად არ მოეგება გონს, ამ გუნდს ვერაფერი იხსნის.</p><p>სხვათა შორის, სარელეგაციო ცხრილის ქვედა ნაწილში ცვლილებებია: გასავარდნი ზონა დატოვა “სან მარტინმა”, რომელმაც 4:0 გაანადგურა “კილმესი”. როგორც იქნა, გოლი გაიტანა გასტონ კაპრარიმ - “სან მარტინის” საუკეთესო ფორვარდისთვის ამ ტურნირში ეს პირველი გოლი იყო.</p><p>სანხუანელთა ადგილი კი გასავარდნ ზონაში... “რივერ პლეიტმა” დაიკავა. მოგეხსენებათ, სარელეგაციო ცხრილში ბოლო 3 წლის განმავლობაში დაგროვებული ქულები ჯამდება და შემდეგ ჩატარებულ მატჩებზე იყოფა. იმის გამო, რომ “რივერი” დებიუტანტია, მისი საშუალო არითმეტიკული ქულის გამოსათვლელად მხოლოდ ამ სეზონის ქულები და ჩატარებული მატჩები ითვლება. რაც უფრო ნაკლებია ქულა (მატჩი), მით მეტი ფასი აქვს თითოეულ მათგანს. “რივერის” შედეგებზე მოგება ან წაგება გაცილებით მკვეთრად აისახება, ვიდრე, მაგალითად, იმავე “ინდეპენდიენტეს” საშუალო არითმეტიკულ ქულაზე.</p><p>ადრეც ვივარაუდეთ, რომ თუ “ლოს მილიონარიოსი” ზედიზედ რამოდენიმე მატჩს ჩააგდება, მატიას ალმეიდას გუნდი გასავარდნ ზონაში დაქვეითდებოდა. “რივერმა” სამ ფრეს ორი წაგება მოაყოლა და ახლა არგენტინის ყველაზე ტიტულოვანი გუნდი მე-19 ადგილს იკავებს სარელეგაციო ცხრილში.</p><p>“რივერის” მორიგი მეტოქე “რასინგი” იყო, ანუ მონუმენტალზე “კლასიკო” გაიმართა, რომელიც სტუმართა გამარჯვებით დასრულდა. მატჩის ერთადერთი გოლი “რასინგის” მცველმა, მატიას კააისმა გაიტანა. საბოლოოდ 0:1 და “აკადემიამ” (რასინგის მეტსახელია) “რივერი” 2009 წლის შემდეგ პირველად დაამარცხა.</p><p>მატჩის შემდეგ “რივერის” პრეზიდენტმა დანიელ პასარელამ ჟურნალისტებთან ისაუბრა და უარყო გავრცელებული ხმები, თითქოს ის მატიას ალმეიდას დათხოვნას აპირებდეს. მიუხედავად ამისა, სპეციალისტები მიიჩნევენ, რომ ალმეიდა ჩემოდნებზე ზის და ყოველი მატჩი შეიძლება მისთვის უკანასკნელი გამოდგეს.</p><p><strong> <span style="color: #ff0000;">ბოკა უკვე მესამე ადგილზეა</span></strong></p><p>“ბოკა ხუნიორსი” ამ ტურში “ლანუსს” სტუმრობდა და იოლი მატჩის მოლოდინში არ იყო. საბოლოოდ სტუმართა შიში გამართლდა და ხულიო სესარ ფალსიონის გუნდი დამარცხდა. გოლები მასპინძელთა მხრიდან ურუგვაის ნაკრების ყოფილმა ფეხბურთელმა მარიო რეგეირომ და ცვლილებაზე შემოსულმა დიეგო ვალერიმ გაიტანეს. ზოგადად “ლანუსი” “ბოკასთვის” უხერხული მეტოქეა და ეს კიდევ ერთხელ დამტკიცდა. ამ მარცხის გამო ფალსიონის გუნდი სატურნირო ცხრილში უკვე მესამე ადგილზეა.</p><p>ამ ტურში მეორე კლასიკოც გაიმართა: “სან ლორენსო”-“ველეს სარსფილდი”. გუნდები რადიკალურად განსხვავებულ სიტუაციაში არიან. ვიგო მორტენსენის საყვარელი “სან ლორენსო” მძიმე მდგომარეობაშია და ლიგაში ადგილის შენარჩუნებისთვის იბრძვის, “ველესი” კი კარგად გამოიყურება და “ტორნეო ინისიალის” მოგების ერთ-ერთი კანდიდატია. ამ ყველაფრის გათვალისწინებით, ლოგიკური იყო ის, რომ საბოლოოდ გამარჯვება სტუმრებს დარჩათ. არგენტინის ახალგაზრდული ნაკრების ყოფილმა ლიდერმა, ფაკუნდო ფერეირამ დუბლი შეასრულა და ამ ჩემპიონატში პირველი გოლები გაიტანა. მასპინძელთა მხრიდან თავი ინგლისმოვლილმა დენის სტრაკვალურსიმ გამოიჩინა, მაგრამ მისი გოლი საკმარისი არ გამოდგა.</p><p>ჩემპიონატის ახალი ლიდერი კი “ნიუელს ოლდ ბოისი” არის. ხერარდო მარტინოს გუნდი ამ ტურში სენსინი-ბატისტუტას “კოლონს” ხვდებოდა. რობერტო სენსინიც და გაბრიელ ბატისტუტაც “ნიუელსის” აღზრდილები არიან (ისევე, როგორც ლეო მესი), მაგრამ როგორც ჩანს, მათ ხეზე ცოცვა არ ასწავლეს, რადგან გამარჯვება ამ მატჩში სტუმრებს დარჩათ.</p><p>“ძველი ბიჭების მხრიდან გოლები იგნასიო სკოკომ (მე-6 გოლი სეზონში) და პარაგვაის ნაკრებში მარტინოს ყოფილმა შეგირდმა, მარტინ კასერესმა გაიტანეს. “ნიუელსი” ერთადერთი დაუმარცხებელი გუნდია და მისი ეს სვლა, ალბათ, მომდევნო ტურშიც გაგრძელდება, რადგან ლიდერის მორიგი მეტოქე კრიზისში მყოფი “ტიგრე” არის.</p><p><span style="color: #ff0000;"><strong>არგენტინა. ტორნეო ინისიალი. VIII ტური. </strong></span></p><p><em><strong>ბელგრანო-გოდოი კრუსი 1:0</strong></em></p><p>გოლი: კ. პერესი (72-პენ).</p><p><em><strong>ატლ. რაფაელა-ტიგრე 3:0</strong></em></p><p>გოლები: 1:0 კარინიანო (14-პენ), 2:0 ბოვალიო (76), 3:0 მაჩინი (87).</p><p><em><strong>არხენტინოსი-უნიონი 3:3</strong></em></p><p>გოლები: 1:0 მ. ფიგეროა (18), 2:0 მ. ფიგეროა (30), 2:1 დ. ხარა (52), 3:1 მ. ფიგეროა (55), 3:2 ბარისონე (83), 3:3 მანინი (90).</p><p><em><strong>სან ლორენსო-ველესი 1:2</strong></em></p><p>გოლები: 0:1 ფ. ფერეირა (14), 1:1 სტრაკვალურსი (26), 1:2 ფ. ფერეირა (65).</p><p><em><strong>ინდეპენდიენტე-ოლ ბოისი 1:1</strong></em></p><p>გოლები: 0:1 ბორგელიო (68), 1:1 ფარიასი (84).</p><p><em><strong>რივერ პლეიტი-რასინგი 0:1</strong></em></p><p>გოლი: 0:1 კააისი (70).</p><p><em><strong>სან მარტინი-კილმესი 4:0</strong></em></p><p>გოლები: 1:0 კაპრარი (8), 2:0 ოსორიო ბოტელიო (12), 3:0 ხ. ლუნა (43), 4:0 პენკო (80).</p><p><em><strong>კოლონი-ნიუელსი 1:2</strong></em></p><p>გოლები: 0:1 სკოკო (13), 0:2 მ. კასერესი (61), 1:2 მუგნი (72).</p><p><em><strong>ლანუსი-ბოკა ხუნიორსი 2:0</strong></em></p><p>გოლები: 1:0 მ. რეგეირო (33), 2:0 დ. ვალერი (88).</p><p><em><strong>ესტუდიანტესი-არსენალი 2:1</strong></em></p><p>გოლები: 0:1 კარბონერო (20), 1:1 ლისანდრო ლოპესი (23-საკ. კარში), 2:1 მარტინესი (64).</p><p><em>ა გ თ მ ფ წ ბ ქ</em></p><p>1. ნიუელსი 8 5 3 0 10-4 18</p><p>2. ველესი 8 5 2 1 12-4 17</p><p>3. ბოკა 8 5 1 2 12-10 16</p><p>4. ბელგრანო 8 4 3 1 9-5 15</p><p>5. რასინგი 8 4 2 2 10-5 14</p><p>6. გოდოი კრუსი 8 4 1 3 8-7 13</p><p>7. ესტუდიანტესი 8 4 1 3 7-7 13</p><p>8. კოლონი 8 3 3 2 11-10 12</p><p>9. არხენტინოსი 8 3 3 2 10-12 12</p><p>10. ლანუსი 8 3 2 3 7-4 11</p><p>11. არსენალი 8 3 2 3 7-10 11</p><p>12. არტ. რაფაელა 8 2 4 2 8-7 10</p><p>13. კილმესი 8 2 4 2 8-9 10</p><p>14. რივერი 8 2 3 3 10-11 9</p><p>15. სან ლორენსო 8 2 3 3 6-7 9</p><p>16. ოლ ბოისი 8 1 4 3 10-12 7</p><p>17. სან მარტინი 8 2 0 6 10-12 6</p><p>18. ინდეპენდიენტე 8 0 4 4 4-10 4</p><p>19. ტიგრე 8 0 4 4 9-16 4</p><p>20. უნიონი 8 0 3 5 7-13 3</p><p><strong></p><p>ბომბარდირები</strong>:</p><p>6 - სკოკო (ნიუელსი); 5 - ბორგელიო (ოლ ბოისი); 4 - დ. რამირესი (გოდოი კრუსი).</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
"ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის" - 64 წლის ასაკში "ვალენსიას" ლეგენდარული მეკარე გარდაიცვალა
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა
საქართველო 5:0 ესტონეთი
[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა
"ლიონთან" მატჩში პსჟ-ს შემადგენლობა ცნობილია
[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია
14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა
ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო
დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს
დერბი ვერ მოიგო, თუმცა 1000-იანთა კლუბში შევიდა - სპალეტის მორიგი მიღწევა სამწვრთნელო კარიერაში
ალვარესი "ატლეტიკოში" მხოლოდ ორ შემთხვევაში დარჩება - ფეხბურთელმა პსჟ-ში ჩაშლილ ტრანსფერზე ისაუბრა
“მილანს” ლევანდოვსკი სურს - აგენტმა საუდის არაბეთის ვარიანტი გამორიცხა
ქოჩორაშვილი არ ათამაშეს - "სპორტინგმა" რთულ მატჩში გაიმარჯვა
მიქაუტაძის გარეშე - "ვილიარეალმა" მოიგო და მეორე ადგილზე აღზევდა
ვიქტორ სანიკიძე საქართველოს კალათბურთის ფედერაციის პრეზიდენტად მეორე ვადით აირჩიეს
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
[VIDEO. ეროვნული ლიგა] ორი გოლი პროტესტის ფონზე! "იბერია 1999" პირველ ადგილს ინარჩუნებს...
[VIDEO] ზივზივაძის 33 წუთი და "ჰაიდენჰაიმის" 0:6 "ბაიერთან"
[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა
[VIDEO] გოლი 97-ე წუთზე - გოჩოლეიშვილის "ჰამბურგი" "დორტმუნდს" ფრედ ეთამაშა
დღეს - პარიზელები ლიდერობის დასაბრუნებლად და "მამარდას" დიდი მატჩი