<p>5 ოქტომბერს დანიშნული საქართველოს ძიუდოს ფედერაციის საარჩევნო-საანგარიშო ყრილობა აღარ გაიმართება. ის აღმასკომის 26 სექტემბრის გადაწყვეტილებით, გაურკვეველი ვადით გადაიდო <br> 5 ოქტომბერს დანიშნული საქართველოს ძიუდოს ფედერაციის საარჩევნო-საანგარიშო ყრილობა აღარ გაიმართება. ის აღმასკომის 26 სექტემბრის გადაწყვეტილებით გაურკვეველი ვადით გადაიდო.</p><p>ასევე გაურკვეველია, როდის აირჩევენ ფედერაციის ახალ პრეზიდენტს. აღმასკომმა ყრილობის გადავადების ოფიციალურ მიზეზად საორგანიზაციო საკითხების მოუგვარებლობა და პრეზიდენტის პოსტზე კანდიდატთა არარსებობა დაასახელა, თუმცა კულუარებში არ მალავენ, რომ რეალური საბაბი ქვეყანაში არსებული დაძაბული პოლიტიკური ფონია.</p><p>აღმასკომს არც ახალი არჩევნების თარიღი დაუდგენია, თუმცა დებულებით წლის ბოლომდე არ აგვიანდება. ოღონდ კულისებში გადაჭრით ამბობენ, რომ ვიდრე ქვეყანაში ვითარება არ ჩაწყნარდება, მანამ ფედერაციის არჩევნებისთვის არავის სცხელაო.</p><p>კაცმა რომ თქვას, 1 ოქტომბერს დანიშნული საპარლამენტო არჩევნების ფონზე ეს ყრილობა მართლაც აზრს კარგავდა, რადგან დიდი შანსია, იმისმა შედეგმა ქვეყანაში ყველაფერი შეცვალოს. მით უფრო - ძიუდოს ფედერაციაში, სადაც არაოფიციალური ინფორმაციით, არჩევნებში ერთმანეთს ხელისუფლებისა და მთავარი ოპოზიციური პარტიის, "ქართული ოცნების" კანდიდატები, <strong>ცეზარ ჩოჩელი </strong>და <strong>შოთა ხაბარელი</strong> დაუპირისპირდებოდნენ.</p><p>პრეზიდენტის პოსტზე განაცხადების მიღების ვადა 28 სექტემბერს იწურებოდა და არჩევნების გადადების მომენტში სურვილი ოფიციალურად არავის ჰქონდა დაფიქსირებული, თუმცა ჩოჩელი უკვე ატარებდა წინასაარჩევნო კამპანიას, ხვდებოდა მწვრთნელებს, ძიუდოს სამყაროს წარმომადგენლებს და დაპირებებსაც იძლეოდა - ეს თავად ამ შეხვედრების მონაწილეთაგან ვიცი.</p><p>ამასობაში სხვა რამეც გაირკვა - პრეზიდენტის პოსტზე კანდიდატურის წამოყენებას არა შოთა ხაბარელი, არამედ მისი შვილი - მამუკა ხაბარელი აპირებდა, რომელიც ადრეც მუშაობდა ფედერაციაში აღმასრულებელ დირექტორად, უფრო ადრე თბილისის ფედერაციის ერთ-ერთი ხელმძღვანელიც იყო და ორივეგან რიგიან წინამძღოლად წარმოაჩინა თავი. მამუკა ხაბარელის ვერსიით, არჩევნები სწორედ მისი კანდიდატურის გამოჩენის გამო გადაიდო, თორემ მანამდე ფედერაცია ჩვეულებრივად ემზადებოდა საამისოდ.</p><p>დაველოდოთ 1 ოქტომბერს. მანამდე კი ერთ თემას მივუბრუნდეთ, რომელიც ირიბად ჯერაც ეხება ქართულ ძიუდოს - ნაკრების ექს-თავკაცი <strong>პეტერ ზაიზენბახერის</strong> მომავალ კარიერას. ეს კაცი ჩვენი ნაკრებიდან კი წავიდა, მაგრამ არანაირი გარანტია არაა, რომ ავსტრიელის აჩრდილი საბოლოოდ ჩამოგვშორდა - ამის თქმის საფუძველს მხოლოდ რომელიმე ქვეყანაში მისი დანიშვნა მოგვცემს, რაც დღემდე ჭიანურდება. მანამდე კი მუდამ იარსებებს უკან დაბრუნების შიში.</p><p>მოარული ხმებით, მან უკვე მიაღწია წინასწარ შეთანხმებას აზერბაიჯანის ფედერაციასთან, რაც იქაურებს დღემდე არ დაუდასტურებიათ. პირიქით, თუ ორი დღის წინ ინტერნეტში გავრცელებულ ახალ ცნობას დავუჯერებთ, საკითხი გადაწყვეტილი არაა.</p><p>კერძოდ, აზერბაიჯანის სპორტისა და ახალგაზრდობის მინისტრმა <strong>აზად რახიმოვმა</strong> განაცხადა, რომ <strong>აგიარ ახუნდზადე </strong>პოსტს დატოვებს და ძიუდოს ნაკრებს ახალი მთავარი მწვრთნელი ეყოლება. მისი თქმით, კანდიდატებთან უკვე მიმდინარეობს მოლაპარაკება და პრინციპულ საკითხებზე შეთანხმებასაც მიაღწიეს, თუმცა კონტრაქტის გაფორმებამდე მათი გვარების დასახელებისგან თავი შეიკავა. სამაგიეროდ, დააზუსტა, რომ მოლაპარაკება მიმდინარეობს ავსტრიელ, ფრანგ და რუმინელ სპეციალისტებთან. ვიმედოვნებთ, ავსტრიელში ნამდვილად ზაიზენბახერი იგულისხმება.</p><p><strong>ყოველდღიური სპორტული გაზეთი "ლელო"</strong></p>
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა