<p>ჩვენმა სამბისტებმა მსოფლიოს ჩემპიონატამდე ერთი თვით ადრე უკვე მეორედ გამართეს 2012 წლის საქართველოს ჩემპიონატი <br> სამბო ერთადერთია, რომელსაც წლეულს წინ აქვს მსოფლიოს ჩემპიონატი. ჩვენმა სამბისტებმა მსოფლიოს ჩემპიონატამდე ერთი თვით ადრე უკვე მეორედ გამართეს 2012 წლის საქართველოს ჩემპიონატი. შეჯიბრება დიღომში, ძიუდოს დარბაზში გაიმართა 128 ფალავნის მონაწილეობით.</p><p>ქვეყნის ჩემპიონატის ორჯერ გამართვა წლის განმავლობაში არახალია. პირველებმა ეს პრაქტიკა ძიუდოისტებმა დანერგეს. სხვათა შორის, როგორც ყოველთვის, ამჯერადაც სამბისტთა ჩემპიონატში ბევრი ძიუდოისტი ასპარეზობდა.</p><p>ერთი თვის შემდეგ ბელორუსის დედაქალაქში მსოფლიოს ჩემპიონატია. მანამდე კი საწვრთნელი შეკრებაა ქვეყნის ნაკრები გუნდის საბოლოო მომზადებისათვის და მსოფლიოზე წარმატებით გამოსასვლელად.</p><p><strong>კვარცხლბეკი</strong></p><p><strong>52 კგ. </strong> ამ წონაში ფინალში ორი ფოთელი შეერკინა ერთმანეთს. კარგა ხნის შესვენების შემდეგ გამოცდილმა <strong>ნუკრი ბერაიამ </strong>2 ქულით აჯობა <strong>ლაშა ლატარიას</strong> და ჩემპიონი გახდა. 3. <strong>დიმიტრი მულაძე</strong> და <strong>თამაზ ნოზაძე</strong> (ორივე-შიდა ქართლი).</p><p><strong>57 კგ.</strong> ლონდონის XXX ოლიმპიური თამაშების ლიცენზიანტს, კასპელ ძიუდოისტს <strong>ამირან პაპინაშვილს,</strong> მართალია, ლონდონის ოლიმპიადაზე არ უჭიდავია, მაგრამ ახლა სამბისტთა ჩემპიონატზე საუკეთესო იყო 57 კგ-ში. ფინალში ის თელაველ <strong>ვახტანგ ჩიდრაშვილს</strong> დაუპირისპირდა და 6:5 მოუგო. ასე რომ, მას იოლი გასეირნება არ ჰქონია ოქროს მედლამდე. 3. <strong>გიორგი მესაბლიშვილი</strong> (კახეთი), 3. <strong>ილია ტყეშელაშვილი</strong> (იმერეთი).</p><p><strong>62 კგ.</strong> ძალზე დაძაბული გამოდგა მცხეთელი <strong>ლევან ქოჩიევისა</strong> და კასპელი <strong>ზვიად ოდოშაშვილის</strong> ფინალი - 3:2 გაიმარჯვა ქოჩიევმა. 3. <strong>ბექა ბუცხრიკიძე</strong> (სამეგრელო - ზემო სვანეთი) და <strong>მერაბ დვალიშვილი</strong> (იმერეთი).</p><p>68 კგ. აქ თამაშდებოდა ერთი თვის წინ ლოპოტას ხეობაში საზღვრის შეიარაღებულ დამრღვევებთან შეტაკების დროს გმირულად დაღუპული მსოფლიოსა და ევროპის ჩემპიონის, საქართველოს სამბისტთა ნაკრების უფროსი მწვრთნელის, <strong>არჩილ ჩოხელის</strong> სახელობის თასი.</p><p>ჩემპიონობა ამ წონაში მცხეთელმა <strong>ლევან ნახუცრიშვილმა</strong> მოიპოვა, რომელმაც 5:1 აჯობა ფინალში მასზე ახალგაზრდა ფოთელ <strong>ბექა ტუღუშს.</strong></p><p>ნახუცრიშვილს თასი გადასცა არჩილ ჩოხელის დიშვილმა რატი მასურიშვილმა. 3. <strong>ვანიკო თოთლაძე</strong> (შიდა ქართლი) და <strong>ზურაბ ჩადუნელი</strong> (მესხეთ-ჯავახეთი).</p><p><strong>74 კგ.</strong> ზუგდიდელი ევროპის წლევანდელი ვიცე-ჩემპიონი <strong>ბესარიონ ბერულავა</strong> დიდხანს იგებდა 3:0-ს ქარელელ <strong>ზვიად კაპანაძესთან,</strong> მაგრამ ორთაბრძოლის მიწურულს ქარელელმა შებოჭა მასზე გამოცდილი ბერულავა და 4:3 მოიგო. სხვათა შორის, ზვიად კაპანაძე ქართულ ჭიდაობაშიც გახდა წლეულს ჩვენი ქვეყნის ჩემპიონი. 3. კახა მამულაშვილი, 3. გიორგი პაპუნაშვილი (ორივე-შიდა ქართლი).</p><p><strong>82 კგ.</strong> ყველაზე გამოცდილ და ნაკრების ერთ-ერთ ლიდერს, ფოთელ <strong>ნიკო კუციას</strong> გადამწყვეტ შეხვედრაში მედგარი წინააღმდეგობა გაუწია ქვემოქართლელმა ზაზა დავაძემ, მაგრამ გამოცდილებამ მაინც თავისი გაიტანა... 3. <strong>ზვიად ბაზანდარაშვილი </strong>(შიდა ქართლი), და <strong>ლაშა ზურაბიანი </strong>(მცხეთა-მთიანეთი).</p><p><strong>90 კგ.</strong> ამ წონაში მოზრდილებში პირველად გახდა საქართველოს ჩემპიონი აჭარელი <strong>რეზო წულუკიძე.</strong> მან დაძაბულ პაექრობაში მცხეთელ <strong>გიორგი ცოციაშვილს</strong> აჯობა. 3. <strong>კახა გაზაშვილი</strong> (შიდა ქართლი) და <strong>ფრიდონ ზურაბიანი</strong> (მცხეთა-მთიანეთი).</p><p><strong>100 კგ.</strong> ტრავმისა და ოპერაციის შემდეგ კარგახანს არ უვარჯიშია მარტყოფელ ძიუდოისტსა და სამბისტს <strong>დავით ლორიაშვილს,</strong> რომელიც 2011 წლის მსოფლიოს ჩემპიონატის ბრინჯაოს მედლის მფლობელია სამბოში (+100 კგ). ვარჯიშის განახლების შემდეგ ლორიაშვილისთვის სამბისტთა ჩემპიონატი პირველი იყო, სადაც მან მთავარ ბრძოლაში ქარელელ <strong>გიორგი ბოლოთაშვილს</strong> აჯობა. 3. <strong>გიორგი ქავთარაძე</strong> (ქვემო ქართლი) და <strong>მიხეილ ნარიმანიძე</strong> (კახეთი).</p><p><strong>+100 კგ.</strong> მძიმე წონაში რამდენიმე ძლიერმა სამბისტმა არ იასპარეზა. ამიტომ ევროპის პრიზიორმა <strong>ვახტანგ ზოიძემ</strong> (აჭარა) შედარებით იოლად განვლო გზა ჩემპიონობამდე. ფინალში მან იმერელ <strong>გიორგი ზაქარიაძეს</strong> მოუგო. 3. <strong>მიხეილ ქოიავა </strong>(სამეგრელო-ზემო სვანეთი), 3. <strong>ტატო მუკვან</strong>ი (ქვემო ქართლი).</p><p>გაბრიელ ბარჯაძე</p><p><strong>ყოველდღიური სპორტული გაზეთი "ლელო"</strong></p>
ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს
ლერი აბულაძე მსოფლიოს ჩემპიონი გახდა [VIDEO]
"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა