- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ინგლისი. პრემიერლიგა. VI ტურის წინ: დიდი შაბათი
<p>არსენ ვენგერის "არსენალი" არნახულ ფორმაშია და მისი შეტევების ნეიტრალიზება "ჩელსის" ძალიან გაუჭირდება <br> "არსენალი"-"ჩელსის" მატჩის შემდეგ შეიძლება ცხრილს ახალი ლიდერი მოევლინოს. "მანჩესტერ იუნაიტედი" ყველაზე დიდ და დამაინტრიგებელ ლონდონურ დერბიში, ბუნებრივია, ფრეს ელის, რათა "ტოტენჰემთან" 3 ქულის აღების შემთხვევაში ყველას ზემოდან გადახედოს.</p><p>მაშ ასე, მე-5 ტურისა არ იყოს, ამ უქმეებზე გასამართსაც ორი უმაღლესი დონის თამაში ამშვენებს.</p><p>მოდი, ტურის წინა მიმოხილვა სწორედ ამ შეხვედრებით დავიწყოთ, მით უფრო, რომ საფეხბურთო შაბათ-კვირას სწორედ დედაქალაქელების დაპირისპირება ხსნის.</p><p><span style="color: #ff0000;"><strong>დერბი და არანაკლები</strong></span></p><p>"ემირიტსზე" "მეთოფეებიც" და "ლურჯებიც" მშვენიერ განწყობაზე გავლენ მინდორზე, მიზეზი გასაგებია - შუა კვირაში ერთმაც და მეორემაც ლიგის თასზე მეტოქე მიწასთან გაასწორა, გაუტანა რა 6 გოლი.</p><p>თუკი იმას გავითვალისწინებთ, რომ მასპინძლებმა არც თუ ისე დიდი ხნის წინ "საუთჰემპტონსაც" 6:1 "ასიამოვნეს", ცხადი გახდება, რომ <strong>არსენ ვენგერის</strong> გუნდი არნახულ ფორმაშია და მისი შეტევების ნეიტრალიზება "ჩელსის" ძალიან გაუჭირდება.</p><p><strong>ჯონ ტერი</strong> ალბათ ძირითად შემადგენლობაში იქნება იმის მიუხედავად, რომ საფეხბურთო ასოციაციაში მოსმენებზე სიარულმა მის ფორმაზე ცუდად იმოქმედა. "ჩელსიზე" რისი თქმა შეიძლება? შარშანდელი სტარტისგან განსხვავებით უკანა ხაზი ბევრად უფრო სტაბილურია. აი, შეტევას კიდევ <strong>ედენ აზარის</strong> ფანტაზია დაემატა.</p><p>ასე რომ, არ გადავაჭარბებთ თუ ვიტყვით, რომ წლევანდელი გუნდი პოტენციალით შარშანდელს რამდენადმე აღემატება. ოღონდ ახალმა გუნდმა თავისი თამაში აუცილებლად უნდა დაიჭიროს.</p><p>ტრავმირებული ფეხბურთელების მხრივ "არსენალი" ბევრად მდიდარია, მაგრამ "მეთოფეებმა" დაამტკიცეს, რომ მათთვის ეს გადამწყვეტი ფაქტორი არ არის. სასიამოვნოა, რომ <strong>ჯეკ უილშირი</strong> მინდორს უკვე დაუბრუნდა. 14-თვიანი პაუზის შემდეგ ის ჯერჯერობით მხოლოდ 21-წლამდელთა გუნდში თამაშობს.</p><p>29 სექტემბრის მატჩებს "იუნაიტედი"-"ტოტენჰემი" დახურავენ. თუკი ეს თამაში წინას რაიმეთი ჩამორჩება, ეს მხოლოდ დერბის ხასიათი და ინტრიგაა. საშემსრულებლო ოსტატობის საშუალო დონე არ გვგონია, "ოლდ ტრეფორდზე" ნაკლები იყოს. შესაბამისად, მისი შედეგის წინასწარ გამოცნონა უფრო იოლია.</p><p><strong>უეინ რუნი</strong> გამოჯანმრთელდა. დიდი შანსია ძირითადში ვიხილოთ ისიც და <strong>რობინ ვან პერსიც</strong>. "ეშმაკების" თავდასხმის წყვილს "დეზების" დაცვის ხაზისთვის გადაუჭრელი პრობლემების შექმნა შეუძლია. გამარჯვების შემთხვევაში მასპინძლებისთვის ეს მიჯრით მეხუთე წარმატება იქნება.</p><p>თავის მხრივ სტუმრებს <strong>ჯერმეინ დეფოს</strong> იმედი უნდა ჰქონდეთ, ვინც კარიერაში ერთ-ერთ საუკეთესო სეზონს ატარებს.</p><p>ბუკმეკერები "იუნაიტედს" გამარჯვების უპირობო ფავორიტად ასახელებენ. სტატისტიკას თვალი გადავავლეთ და აღმოვაჩინეთ, რომ ჩემპიონატში "დეზებმა" მანჩესტერიდან 3 ქულა უკანასკნელად 1989 წლის 16 დეკემბერს მოიპოვეს.</p><p>ასე რომ, "ეშმაკებს" ეს გარემოებაც იმედიანად განაწყობს.</p><p><strong><span style="color: #ff0000;">სხვა მატჩები</span></p><p></strong>ახლა დანარჩენ შეხვედრებზეც ვთქვათ ორიოდე სიტყვა: მესამეადგილოსანი "ევერტონი" "საუთჰემპტონს" მასპინძლობს. მე-5 ტურში "წმინდანებმა" პირველი, მაგრამ ხმაურიანი გამარჯვება ("ასტონ ვილა" 4:1) მოიპოვეს და "გუდისონ პარკს" კარგ ხასიათზე ესტუმრებიან.</p><p><strong>ნაიჯელ ედკინსის</strong> გუნდმა შუა კვირაში ლიგის თასზე "შეფილდ უენსდი" დაამარცხა, "ევერტონმა" კი "ლიდსთან" დათმო მე-4 ეტაპის საგზური. თასის თამაში ერთია, მაგრამ მერსისაიდელები პრემიერლიგაში მაინც ფავორიტები არიან.</p><p>"სტოკს" ჯერ გამარჯვება არ ღირსებია. განვლილ ტურებში მის ანგარიშზე 4 ფრე და წაგებაა. "სუონსი" ის გუნდია, ვისი დამარცხებაც "მეთიხეებს" ნამდვილად შეუძლიათ. <strong>მიკაელ ლაუდრუპის</strong> შეგირდებმა, წესით, 29 სექტემბერს თავი უნდა გადადონ, რათა 3-თამაშიანი მოუგებელი სერია შეწყვიტონ. ამ შემთხვევაში ფავორიტის დასახელება გვიჭირს.</p><p>"ფულჰემი" მოქმედ ჩემპიონს მასპინძლობს, ვინც ჯერჯერობით ვერ დგას მოწოდების სიმაღლეზე და ჩემპიონატის განვლილ შეხვედრებში მხოლოდ ორჯერ იმარჯვა.</p><p>მასპინძელს სეზონის ბოლოს ევროთასებზე მოხვედრის ამბიცია აქვს, "ქალაქელების" მიზნებზე წერა კი ზედმეტია. <strong>რობერტო მანჩინის</strong> ყველა ტურნირის მოგება სურდა, სადაც ასპარეზობდა, თუმცა შუა კვირაში ლიგის თასზე "ასტონ ვილასთან" დამარცხდა.</p><p>ჩვენი პროგნოზით, "სიტი" სამი ქულის აღებას მოახერხებს, უარეს შემთხვევაში კი ქულას დაიმსახურებს.</p><p>ნორვიჩის "ქეროუ როუდზე" "ლივერპული" 3 ქულისთვის გავა სათამაშოდ. მერსისაიდელებმა ლიგის თასზე "ვესტ ბრომვიჩს" სძლიეს და ყველას დაუმტკიცეს, რომ ნელ-ნელა ფერზე მოდიან და პრემიერლიგაში რეალურ ბრძოლაში ჩასართველადაც არიან მზად.</p><p><strong>ბრენდან როჯერსმა</strong> ისიც დაგვანახვა, რომ მას ძალიან ბევრი ახალგაზრდა ფეხბურთელის იმედი შეიძლება ჰქონდეს. ცხადია, გრძელი სათადარიგოთა სკამი მძიმე სეზონის განმავლობაში დიდი ფუფუნებაა.</p><p>"ნიუკასლი" ამ ეტაპზე ჩემპიონატის ყველაზე სუსტ გუნდს - "რედინგს" სტუმრობს. "კაჭკაჭები" კარგ ხასიათზე უნდა იყვნენ, რადგან გუნდის თავკაცმა <strong>ალან პარდიუმ </strong>თანამშრომლობა 7 წლით (2020 წლამდე) გააგრძელა. მისმა ფეხბურთელებმა კი განსაკუთრებით უნდა მოინდომონ. გვგონია, რომ სტუმრები <strong>კრის ჰიუტონის</strong> გუნდს იოლად გატეხენ.</p><p>კიდევ ერთი შეხვედრა, სადაც ერთ გუნდს მოგების შანსი ბევრად მეტი აქვს, ვიდრე მეორეს, "სანდერლენდი"-"უიგანია". "შავ კატებს" არნახულ ფორმაში ჰყავთ <strong>სტივენ ფლეტჩერი</strong>, ვინც უგოლოდ მოედანს არ ტოვებს.</p><p>თუკი სტუმრებს არ სურთ, რომ შარშანდელივით სეზონის ბოლოს დაუდგეთ საქმე ადგილის შენარჩუნებაზე, უკვე უნდა დაიწყონ ფიქრი, თუ როგორ გამოასწორონ თამაში.</p><p><strong>სტივ კლარკს</strong> უცნაური გუნდი ჰყავს, რომელიც ჩემპიონატში კი ახერხებს სტაბილურად თამაშს, მაგრამ როცა საქმე პლეი ოფის მატჩებზე მიდგა, მუხლი აუკანკალდა და "ლივერპულის" ლამის დუბლშემადგენლობასთან დამარცხდა.</p><p>ლიგის თასზე "სიტისთან" ბრწყინვალე მოგების შემდეგ 30 სექტემბერს მასპინძელმა ფრთებგამოსხმულმა უნდა ითამაშოს, მაგრამ... მაინც ვფიქრობთ, რომ "ვილა პარკზე" შეხვედრა ფრედ დასრულდება.</p><p>მე-6 ტურს "ქუინზ პარკისა" და "ვესტ ჰემის" ორშაბათის დაპირისპირება დახურავს. საშინელი სტარტის შემდეგ <strong>მარკ ჰიუზს</strong> ალბათ ერთ-ერთი უკანასკნელი შანსი ეძლევა იმის დასამკიცებლად, რომ სწორედ ის სპეციალისტია, რომელიც ამ გუნდის სათავეში უნდა იყოს.</p><p><span style="color: #ff0000;"><strong>ინგლისი.</strong></span><span style="color: #ff0000;"><strong> პრემიერლიგა. VI ტური</strong></span></p><p><em>29 სექტემბერი</em></p><p><em><strong>არსენალი-ჩელსი 15:45</strong></em></p><p>ტრავმა: ფაბიანსკი, შამახი, როსიცკი, სანია, ფრიმპონგი, უილშირი, ვერმალენი, შჩესნი - სტარიჯი</p><p><em><strong>ევერტონი-საუთჰემპტონი 18:00</strong></em></p><p>ტრავმა: გიბსონი, ჰიბერტი (ევე)</p><p><em><strong>ფულჰემი-მანჩესტერ სიტი 18:00</strong></em></p><p>ტრავმა: სენდეროსი, რიჩარდსონი, ფრეი, დევისი, დიარა - როდუელი, რიჩარდსი, მაიკონი</p><p><em><strong>ნორვიჩი-ლივერპული 18:00</strong></em></p><p>ტრავმა: ბასონგი, ლაპინი, ბენეტი, უიტეკერი - ბორინი, კელი, კოული, ლეივა, აგერი</p><p><em><strong>რედინგი-ნიუკასლი 18:00</strong></em></p><p>ტრავმა: ფედერიჩი, რობერტსი, კებე - კრული, ტეილორი, სიმპსონი, კოლოჩინი</p><p><em><strong>სტოკ სიტი-სუონსი 18:00</strong></em></p><p>ტრავმა: ნესი - ბარტლი, ტეილორი, ერნანდესი, აგუსტინი</p><p><em><strong>სანდერლენდი-უიგანი 18:00</strong></em></p><p>ტრავმა: ბერდსლი, ბრაუნი, კუელიარი, კემპბელი, ჯონსონი, ლარსონი - ალკარასი, დი სანტო</p><p><em><strong>მანჩესტერ იუნაიტედი-ტოტენჰემი 20:30</strong></em></p><p>ტრავმა: ვიდიჩი, რაფაელი, ჯოუნსი, იანგი, სმოლინგი - კაბული, პარკერი, გომესი, ასუ-ეკოტო, ადებაიორი, ნაუტონი, ლივერმორი</p><p><em>30 სექტემბერი</em></p><p><em><strong>ასტონ ვილა-ვესტ ბრომვიჩი 19:00</strong></em></p><p>ტრავმა: აირლანდი, პეტროვი, გარდნერი, დანი - რიდი, პოპოვი, მორისონი, ტომასი</p><p><em>1 ოქტომბერი </em></p><p><em><strong>ქუინზ პარკი-ვესტ ჰემი</strong></em></p><p>ტრავმა: ჯონსონი, მბია, ტრაორე, ბოსინგვა, ფაბიო, ტაარაბტი, ფერდინანდი - კეროლი, კოლისონი</p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. ჩელსი 5 4 1 0 9-2 13</p><p>2. იუნაიტედი 5 4 0 1 12-6 12</p><p>3. ევერტონი 5 3 1 1 9-5 10</p><p>4. ვესტ ბრომვიჩი 5 3 1 1 7-4 10</p><p>5. არსენალი 5 2 3 0 9-2 9</p><p>6. ფულჰემი 5 3 0 2 12-7 9</p><p>7. სიტი 5 2 3 0 10-7 9</p><p>8. ტოტენჰემი 5 2 2 1 8-6 8</p><p>9. ვესტ ჰემი 5 2 2 1 5-4 8</p><p>10. ნიუკასლი 5 2 2 1 6-6 8</p><p>11. სუონსი 5 2 1 2 10-7 7</p><p>12. სანდერლენდი 4 0 4 0 4-4 4</p><p>13. სტოკი 5 0 4 1 4-5 4</p><p>14. ასტონ ვილა 5 1 1 3 5-9 4</p><p>15. უიგანი 5 1 1 3 5-10 4</p><p>16. საუთჰემპტ. 5 1 0 4 9-15 3</p><p>17. ნორვიჩი 5 0 3 2 2-8 3</p><p>18. ლივერპული 5 0 2 3 4-10 2</p><p>19. ქუინზ პარკი 5 0 2 3 3-11 2</p><p>20. რედინგი 4 0 1 3 4-9 1</p><p><strong>ყოველდღიური სპორტული გაზეთი "ლელო"</strong></p>
ხოსეპ გვარდიოლამ "სიტიში" თავის მომავალზე ისაუბრა
სალაჰი პრემიერ ლიგის გასული სეზონის საუკეთესო ფეხბურთელად დაასახელეს
ლუკაკუს "ნაპოლიში" ვარდი შეცვლის? - "პარტენოპეი" ვეტერან ფორვარდს უახლოვდება
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა