- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანია. ბუნდესლიგა. VI ტურის წინ: იქნებ "ვერდერმა" შეძლოს?
<p>ბავარიელები ყველაზე ხშირად სწორედ ბრემენელებთან აგებენ <br> ბუნდესლიგის მეექვსე ტური 28 სექტემბერს, "ფორტუნას" და "შალკეს" დაპირისპირებით დაიწყო. მიუხედავად იმისა, რომ მასპინძლები ორბურთიანი სხვაობით იგებდნენ, საბოლოოდ შეხვედრა ფრედ 2:2 დასრულდა.</p><p>29 სექტემბერს ორი უაღრესად საინტერესო მატჩია: "ვერდერისა" და "ბაიერნის" დაპირისპირება ბრემენში და "ბორუსიების" ჯახი დორტმუნდში.</p><p>ჰამბურგი იუბილეს აღნიშნავს და "ჰანოვერს" ეთამაშება, ხოლო გასავარდნ ზონაში მყოფ "შტუტგარტს" "ნიურნბერგთან" ექნება საქმე.</p><p>30 სექტემბერს მეორეადგილოსანი "აინტრახტი" "ფრაიბურგს" მასპინძლობს, კრიზისულ სიტუაციაში მყოფი "ვოლფსბურგი" კი "მაინცს" მიიღებს.</p><p><strong><span style="color: #ff0000;">მოიგებს ჰამბურგი იუბილეზე?</span></p><p></strong>"ჰამბურგს" VII ტურში გამარჯვება განსაკუთრებით სჭირდება, რადგან ბუნდესლიგის "უკანასკნელი დინო" 125 წლის გახდა და კლუბი უდიდეს საიუბილეო ზეიმს გეგმავს, რომელსაც "ჰანოვერთან" მოგება ნამდვილად დაამშვენებდა.</p><p>"გლადბახთან" 2:2-ის შემდეგ მწვრთნელ <strong>ტორსტენ ფინკს</strong> დისკვალიფიკაციამოხდილი <strong>ირაჩეკი</strong> უბრუნდება, რომელსაც ალბათ ძირითად შემადგენლობაში ვიხილავთ.</p><p>ფაქტია, რომ "ჰანოვერი" "ჰამბურგს" იოლად არაფერს დაუთმობს. <strong>მირკო სლომკას</strong> გუნდი ჩინებულ ფორმაშია, რაც წინა ტურშიც დადასტურდა: "წითლებმა" "ნიურნბერგი" 4:1 გაანადგურეს და ერთადერთი, რამაც <strong>სლომკა </strong>დაამწუხრა, <strong>ლეონ ანდრეასენის</strong> მორიგი მძიმე ტრავმაა, რადგან ეს უკანასკნელი "ჰანოვერისთვის" უაღრესად მნიშვნელოვანი ფიგურაა.</p><p>თუმცა, რაც მთავარია, ჰანოვერელებს მწყობრში ჰყავთ უნგრელი შემტევი ნახევარმცველი <strong>ჟაბოლჩ ჰუშტი</strong>, რომელიც 5 ტურის შემდეგ (ერთი ტური დისკვალიფიკაციის გამო გამოტოვა) ლიდერობს როგორც საუკეთესო ფეხბურთელების რეიტინგს "კიკერის" შეფასებების მიხედვით (საშუალო შეფასება 1.17), ისე გოლს პლუს პასის რეიტინგსაც (3-7).</p><p><strong><span style="color: #ff0000;">ცენტრალური მატჩი ბრემენში</span></p><p></strong>ფრანკფურტის "აინტრახტმა" "დორტმუნდთან" ქულები რომ დაკარგა (3:3), ამით "ბაიერნის" წისქვილზე დაასხა წყალი - რეკორდმაისტერი ახლა უკვე ერთპიროვნული ლიდერია.</p><p>ხუთი თამაში, ხუთი მოგება, ბურთების შეფარდება 17:2 - "ბაიერნმა" არსებობის ისტორიაში ბუნდესლიგაში საუკეთესო სტარტი აიღო, რაც იმასაც ნიშნავს, რომ მიუნხენში ოქტობერფესტისთვის იდეალური განწყობაა.</p><p>"ვოლფსბურგთან" მატჩის (3:0) შემდეგ, ბავარიელთა სპორტული დირექტორი <strong>მათიას ზამერი</strong> იძულებული გახდა, ეიფორია შეეჩერებინა - ჯერ არაფრისთვის მიგვიღწევია და ფეხბურთელების ქება-დიდება ძალიან ადრეაო.</p><p><em>"არ მინდა, შექმნილი სიტუაცია ნეგატიურად შევაფასო, მაგრამ მინდა ყველას შევახსენო, რომ ყველაფერი ძალიან სწრაფად შეიძლება შეიცვალოს და ამის თავიდან ასაცილებლად მუდმივად მოწოდების სიმაღლეზე დგომა და მაქსიმალური კონცენტრაციაა საჭირო",</em> - აღნიშნა <strong>ზამერმა</strong>.</p><p>თანაც, "ბაიერნს" 29 სექტემბერს საკმაოდ რთული მატჩი ელის "ვერდერთან" - რეკორდმაისტერი ყველაზე ხშირად ხომ სწორედ ბრემენში მარცხდება (19 წაგება) ხოლმე.</p><p>"მუსიკოსებმა" შუა კვირაში "ფრაიბურგი" 2:1 დაამარცხეს და ცუდად არ უთამაშიათ, მაგრამ ფაქტია, რომ თომას შააფის გუნდს "ბაიერნთან" წარმატების მისაღწევად გაცილებით მეტი მონდომება სჭირდება. <strong>აარონ ჰანტმა</strong> პირდაპირ თქვა, "ფრაიბურგთან" კი მოვიგეთ, მაგრამ ძალიან ცუდად ვითამაშეთო.</p><p>აქვე ვთქვათ, რომ "ვერდერს" მარჯვენა მცველი <strong>თეოდორ გებრე სელასიე</strong> გამოუჯანმრთელდა. "ბაიერნიდან" მცირე ტრავმები აწუხებთ და კითხვის ნიშნის ქვეშაა <strong>ხავი მარტინესის, არიენ რობენისა</strong> და <strong>თომას მიულერის</strong> თამაში.</p><p>დიდი შანსია, რომ ბავარიელთა თავკაცმა <strong>იუპ ჰაინკესმა</strong> <strong>მარიო მანჯუკიჩი </strong>დაასვენოს და თავდასხმაში <strong>კლაუდიო პისარო</strong> ათამაშოს, რომელიც ყოფილი ბრემენელია, მიუნხენში კი ამ ზაფხულს გადავიდა.</p><p>სხვათა შორის, "ვერდერის" ცენტრფორვარდი ნილს პეტერსენი "ბაიერნის" საკუთრებაა და "მუსიკოსებში" არენდით თამაშობს...</p><p><em>სავარაუდო შემადგენლობები</em></p><p>ვერდერი (4-1-4-1): მილიტცი - გებრე სელასიე, პრიოდლი, სოკრატისი, ფრიტცი - იუნუზოვიჩი - არნაუტოვიჩი, დე ბრუინი, ჰანტი, ელია - პეტერსენი.</p><p>ბაიერნი (4-2-3-1): ნოიერი - ლამი, ბოატენგი, დანტე, ბადშტუბერი - ლუის გუსტავო, შვაინშტაიგერი - რობენი (ან შაჩირი), კროოსი, რიბერი - პისარო.</p><p><strong><span style="color: #ff0000;">ვინ გამოსწორდება: ნიურნბერგი თუ შტუტგარტი?</span></p><p></strong>მეხუთე ტურში "ნიურნბერგმა" (1:4 ჰანოვერში) და "შტუტგარტმა" (0:3 ჰოფენჰაიმთან) სამარცხვინო მარცხი იწვნიეს, შაბათს კი ერთმანეთს უპირისპირდებიან და თუკი "ნიურნბერგის" მდგომარეობას არა უშავს, შტუტგარტელები უკვე კრიტიკულ სიტუაციაში არიან.</p><p><strong>ბრუნო ლაბადიას</strong> თავმომწონე გუნდს მხოლოდ 2 ქულა აქვს და ბოლოსწინა ადგილზეა.</p><p><em>"ჰოფენჰაიმთან" კატასტროფულად ვითამაშეთ და იმედია, ასეთი რამ აღარ განმეორდება",</em> - ეს <strong>ლაბადიას </strong>სიტყვებია, რომელსაც დისკვალიფიკაციამოხდილი ლიდერი <strong>მარტინ ჰარნიკი</strong> უბრუნდება.</p><p>ცვლილებებს გეგმავს ნიურნბნერგელთა დამრიგებელი <strong>დიტერ ჰეკინგიც</strong> და დიდი შანსია, რომ ექს-შტუტგარტელი <strong>გებჰარტი</strong> ყოფილი გუნდის წინააღმდეგ სასტარტოში ათამაშოს.</p><p><strong><span style="color: #ff0000;">აუგსბურგს ქულები სჭირდება</span></p><p></strong>ზედიზედ სამი წაგების შემდეგ "ჰოფენჰაიმმა" ორი თამაში მოიგო და მდგომარეობა მნიშვნელოვნად გაიუმჯობესა. შესაბამისად, <strong>მარკუს ბაბელის</strong> გუნდის მიზანი "აუგსბურგთან" მოგებათა სერიის სამამდე გაზრდაა.</p><p><strong>ბაბელს</strong> ძირითადი შემადგენლობის შეცვლის მიზეზი არ აქვს, თანაც, მეკარე <strong>ტიმ ვიზე</strong> ჯერ კიდევ ტრავმირებულია.</p><p>"აუგსბურგი" ერთი ქულით ბოლო ადგილზეა და მიუხედავად ამისა, ფეხბურთელებიცა და ხელმძღვანელებიც ახალგაზრდა მწვრთნელ <strong>მარკუს ვაინცირლს</strong> მხარში უდგანან - ამ სპეციალისტის შესაძლებლობებში დარწმუნებულები ვართო.</p><p>სხვათა შორის, "აუგსბურგმა" წინა სეზონიც ამაზრზენად დაიწყო და მხოლოდ მეცხრე ტურში შეძლო პირველი თამაშის მოგება, საბოლოოდ კი მიზანს მაინც მიაღწია და პირველ ბუნდესლიგაში დარჩა.</p><p><em>"თუმცა "ჰოფენჰაიმთან" მინიმუმ ერთი ქულა გვჭირდება",</em> - ეს აუგსბურგელთა სპორტული დირექტორის, <strong>მანფრედ პაულას</strong> სიტყვებია.</p><p><strong><span style="color: #ff0000;">ლევერკუზენის შანსი</span></p><p></strong>"ლევერკუზენმა" აუგსბურგში კი მოიგო (3:1), მაგრამ მწვრთნელები მაინც უკმაყოფილო დარჩნენ - გაცილებით ლამაზი ფეხბურთი უნდა გვეთამაშაო.</p><p>გამოსწორების შანსი "ფარმაცევტებს" 29 სექტემბერს "ფიურტთან" საშინაო მატჩში მიეცემათ. მთავარი მწვრთნელი <strong>სამი ჰიიპია </strong>ტრავმირებულ რაინარტცს ვერ გამოიყენებს, რომელსაც სავარაუდოდ <strong>ჰოსოგაი</strong> შეცვლის.</p><p>"დებიუტანტმა" "ფიურტმა" სეზონი კარგად დაიწყო, მაგრამ მერე მოუკლო და ხუთი ტურის შემდეგ მე-16 ადგილზეა, თუმცა მწვრთნელ <strong>მაიკ ბიუსკენსს</strong> ამაზე მეტად გული წინა ტურში, "ფორტუნასთან" წაგების გამო სწყდება, რადგან თუ "ფიურტს" გადარჩენა უნდა, უშუალო კონკურენტებთან მაინც უნდა მოიგოს.</p><p><strong>ბიუსკენსმა</strong> თქვა, "ლევერკუზენთან" აქტიურად და თამამად უნდა ვითამაშოთო...</p><p><strong><span style="color: #ff0000;">ბორუსიების დუელი: როისი ყურადღების ცენტრში</span></p><p></strong>29 სექტემბერს საღამოს მატჩი სეხნიების დაპირისპირებაა, რომელიც დორტმუნდში გაიმართება.</p><p>რა თქმა უნდა, ყურადღების ცენტრშია ბუნდესლიგის წინა სეზონის საუკეთესო ფეხბურთელი <strong>მარკო როისი</strong>, რომელიც BVB-მ 17 მილიონ ევროდ შეიძინა და ყოფილი თანაგუნდელების წინააღმდეგ მოუწევს თამაში.</p><p><em>"ეს შეხვედრა პირადად ჩემთვის, რა თქმა უნდა, განსაკუთრებულია, მაგრამ ბავშვობიდან "დორტმუნდის" ფანი ვარ და ყოფილი გუნდის წინააღმდეგ თამაშისას მაქსიმალურად მოტივირებული ვიქნები",</em> - უთხრა <strong>როისმა</strong> "კიკერს".</p><p>"დორტმუნდმა" ბოლო ორ ტურში ექვსი გოლი (სამი "აინტრახტისგან", სამიც "ჰამბურგისგან") გაუშვა, რაც იმას ნიშნავს, რომ მოქმედი ჩემპიონის მცველები მოწოდების სიმაღლეზე ვეღარ დგანან. დორტმუნდელთა თავკაცმა <strong>იურგენ კლოპმა</strong> ამიტომაც თქვა, დაცვას უნდა მივხედოო.</p><p>შესაძლოა, მოედანზე გასვლა შეძლოს საყრდენმა ნახევარმცველმა <strong>სვენ ბენდერმა</strong>, რომელსაც ჯერ ტრავმა, მერე კი გრიპი აწუხებდა.</p><p><em>"მარკო როისი ჩვენთვის უკვე წარსულია და მე არ სურს წარსულზე ლაპარაკი",</em> - განაცხადა მატჩის წინა დღეს გამართულ პრესკონფერენციაზე "გლადბახის" თავკაცმა <strong>ლუსიენ ფავრმა</strong>. მიონხენგლადბახელთა რეალობა ისაა, რომ გუნდს, რომელმაც წინა სეზონში მეოთხე ადგილი დაიკავა, ხუთი ტურის შემდეგ მხოლოდ ერთი მატჩი აქვს მოგებული.</p><p>თუმცა "გლადბახმა" "ჰამბურგთან" (2:2) დაამტკიცა, რომ ჯერ კიდევ ბრძოლისუნარიანი გუნდია - ანგარიში ათი ფეხბურთელით გაათანაბრა. <strong>ფავრი</strong> VI ტურში <strong>შტრანცლს</strong> მოისაკლისებს - "ჰამბურგთან" სწორედ ეს უკანასკნელი გააძევეს.</p><p><em>სავარაუდო შემადგენლობები</em></p><p>ბორუსია /დ/ (4-2-3-1): ვაიდენფელერი - პიშჩეკი, სუბოტიჩი, ჰუმელსი, შმელცერი - ს. ბენდერი, კელი - ბლაშჩიკოვსკი, გიოტცე, როისი (ან გროსკროიტცი) - ლევანდოვსკი.</p><p>ბორუსია /მ/ (4-2-2-2): ტერ შტეგენი - იანჩკე, ბრუვერსი, ალვარო დომინგესი, დემსი - ნორდტვეიტი, ჯაკა - ჰერმანი, არანგო - ჰანკე, ლ. დე იონგი.</p><p><strong><span style="color: #ff0000;">აინტრახტიც შეუჩერებელია?</span></p><p></strong>"აინტრახტი" უკვე მოვლენაა: ვისაც ოთხივე თამაშიც მოგების შემდეგ მაინც ეპარებოდა ეჭვი ფრანკფურტელთა შესაძლებლობებში, მეხუთე ტურში საბოლოოდ დარწმუნდებოდა, რომ <strong>არმინ ფეეს</strong> გუნდი ნამდვილად არ იგებს შემთხვევით - "აინტრახტმა" "დორტმუნდთანაც" (განსაკუთრებით მეორე ტაიმში) ძალიან კარგად ითამაშა და 3:3-ს მიაღწია.</p><p>30 სექტემბერს <strong>ფეეს</strong> გუნდს ერთი შეხედვით იოლი მატჩი ელის "ფრაიბურგთან", თუმცა ბრაისგაუელთა თავკაცი <strong>კრისტიან შტრაიხი</strong> იმუქრება, ფრანკფურტში არაფრისდიდებით არ უნდა წავაგოთო და ჩვენ ვიცით, რომ <strong>შტრაიხმა</strong> "სხვანაირი" მუქარა იცის...</p><p>კვირის მეორე მატჩი "ვოლფსბურგისა" და "მაინცის" ჯახია. "ბაიერნთან" წაგების (0:3) შემდეგ <strong>ფელიქს მაგათმა</strong> ვარჯიშები გაამკაცრა და მოიტანს თუ არა ეს შედეგს, ამას 30 სექტემბერს გავიგებთ...</p><p><span style="color: #ff0000;"><strong>გერმანია. ბუნდესლიგა. VI ტური</strong></span></p><p><em>28 სექტემბერი</em></p><p><em><strong>ფორტუნა-შალკე 2:2</strong></em></p><p>გოლები: 0:1 ჰუნტელაარი (13), 0:2 მატიპი (20), 1:2 დ.შაჰინი (48), 2:2 დ.შაჰინი (77)</p><p><em>29 სექტემბერი</em></p><p><em><strong>ლევერკუზენი-ფიურტი 17:30</strong></em></p><p>ტრავმა: რაინარტცი - ტირალა, ფალი</p><p><em><strong>ვერდერი-ბაიერნი 17:30</strong></em></p><p>დისკვალიფიკაცია: ლუკიმია (ვერდერი)</p><p>ტრავმა: რედერი, ალაბა, გომესი (ყველა ბაიერნი)</p><p><em><strong>ნიურნბერგი-შტუტგარტი 17:30</strong></em></p><p>ტრავმა: ჰლუშეკი, მენდლერი - ჰუგლანდი, აუდელი, დიდავი, თორუნი</p><p><em><strong>ჰოფენჰაიმი-აუგსბურგი 17:30</strong></em></p><p>ტრავმა: ვიზე, კრისი, იაისლე - იენტცში, ს. ლანგკამპი, ფილპი, კალსენ-ბრაკერი, კოო, მუსონა, მიოლდერსი</p><p><em><strong>ჰამბურგი-ჰანოვერი 17:30</strong></em></p><p>დისკვალიფიკაცია: რაიკოვიჩი (ჰამბურგი, შიდა)</p><p>ტრავმა: აოგო (ვირუსი), ბრუმა, შარნერი - პანდერი, კ. შულცი, ანდრეასენი, სობიეხი</p><p><em><strong>ბორუსია (დ)-ბორუსია (მ) 20:30</strong></em></p><p>დისკვალიფიკაცია: შტრანცლი (ბორუსია /მ/)</p><p>ტრავმა: ოვომოიელა, დუკში - ჯაკა (?)</p><p><em>30 სექტემბერი</em></p><p><em><strong>აინტრახტი-ფრაიბურგი 17:30</strong></em></p><p>ტრავმა: ამედიკი, კუემაა - როზენტალი</p><p><em><strong>ვოლფსბურგი-მაინცი 19:30</strong></em></p><p>ტრავმა: პილარი, პოლაკი, ჰელმესი - ჰ. მიულერი, რისსე</p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. ბაიერნი 5 5 0 0 17-2 15</p><p>2. აინტრახტი 5 4 1 0 14-7 13</p><p>3. შალკე 6 3 2 1 12-7 11</p><p>4. ჰანოვერი 5 3 1 1 14-8 10</p><p>5. ფორტუნა 6 2 4 0 6-2 10</p><p>6. ბორუსია (დ) 5 2 2 1 11-8 8</p><p>7. ვერდერი 5 2 1 2 9-8 7</p><p>8. ლევერკუზენი 5 2 1 2 7-7 7</p><p>9. ნიურნბერგი 5 2 1 2 7-9 7</p><p>10. ბორუსია (მ) 5 1 3 1 7-7 6</p><p>11. ჰოფენჰაიმი 5 2 0 3 10-12 6</p><p>12. ფრაიბურგი 5 1 2 2 7-8 5</p><p>13. ვოლფსბურგი 5 1 2 2 2-8 5</p><p>14. ჰამბურგი 5 1 1 3 7-10 4</p><p>15. მაინცი 5 1 1 3 4-8 4</p><p>16. ფიურტი 5 1 1 3 2-8 4</p><p>17. შტუტგარტი 5 0 2 3 3-12 2</p><p>18. აუგსბურგი 5 0 1 4 2-10 1</p><p><strong>ბომბარდირები: </strong></p><p>5 - მარიო მანჯუკიჩი (ბაიერნი); 4 - თომას მიულერი (ბაიერნი).</p><p><strong>ყოველდღიური სპორტული გაზეთი "ლელო"</strong></p>
ზივზივაძის "ჰაიდენჰაიმს" ახალი მეკარე ჰყავს
ლუის დიასი მიუნხენში ჩაფრინდა და დღეს "ბაიერნის" ფეხბურთელი ოფიციალურად გახდება
ჰამანმა "ბაიერნს" დონარუმას უფასოდ ხელში ჩაგდება ურჩია
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია