- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთი. ლა ლიგა. VI ტურის წინ: შანსი კაკას? რატომაც არა!
<p>ტურის მშვენება "სანჩეს პისხუანზე" უნდა გაიმართოს - "სევილია" "ბარსელონას" მასპინძლობს. ორივე გუნდს წაგებათა გრაფაში 0-იანი უწერია... <br> ლა ლიგის VI ტურის მშვენება "სანჩეს პისხუანზე" უნდა გაიმართოს - "სევილია" "ბარსელონას" მასპინძლობს. ორივე გუნდს წაგებათა გრაფაში 0-იანი უწერია...</p><p><span style="color: #ff0000;"><strong>ტიტოს 9 ათიდან</strong></span></p><p>"ბარსას" პრეზიდენტმა პირველი შეფასება გაუკეთა <strong>ტიტო ვილანოვას</strong> სამწვრთნელო დებიუტს - 9-იანი 10-ბალიანი სისტემით.</p><p><strong>ვილანოვას</strong> გუნდს ქულა არ დაუკარგავს, მის გუნდს ბევრი გოლი გააქვს (მხოლოდ "ატლეტიკოს" ჩამორჩება), ცოტას უშვებს (ნაკლები მხოლოდ "მალაგას" და "სევილიას") და ისევ ისეთი საშიშია მეტოქეებისთვის, როგორც გვარდიოლას დროს.</p><p>მაგრამ 29 სექტემბერს კატალონიური გუნდი პირველად დგას ქულების დაკარგვის რეალურ საფრთხესთან - "ბარსა" ჩადის სევილიაში...</p><p>თუკი ამ შეხვედრასაც "ბარსელონა" მოიგებს, <strong>ტიტო</strong> კლუბის რეკორდს გაიმეორებს - ზედიზედ 6 მოგებას სტარტზე, აი, მომდევნო გამარჯვება კი უკვე რეკორდული იქნება.</p><p>და რაც უფრო მთავარია, გამარჯვების შემთხვევაში "ბარსა" "რეალთან", სულ მცირე, 8-ქულიან ფორას შეინარჩუნებს.</p><p>"სევილიას" "რეალის" ლეგენდა <strong>მიჩელი</strong> წვრთნის, მან უკვე შეძლო ერთი გრანდის დამარცხება (იმავე "რეალის"), ახლა ჯერი მეორეზეა.</p><p>ანდალუსიური კლუბი ჯერაც დაუმარცხებელია და სულ რაღაც 2 გოლი აქვს გაშვებული 5 შეხვედრაში.</p><p>"სევილიას" შეიძლება ის ორი ტრავმირებულიც დაუბრუნდეს, რომლებიც მას ბოლო დროს აკლდა - <strong>ხოსე რეიესი</strong> და <strong>დიეგო პეროტი</strong>. სამშაბათს ამ დუეტმა საქველმოქმედო მატჩში ითამაშა, თუმცა <strong>მიჩელი </strong>ესპანელსა და არგენტინელს ალბათ ჯერ მხოლოდ სათადარიგოთა სკამზე დასვამს.</p><p><strong>ანდრეს ინიესტა</strong> მიყვება გუნდს ანდალუსიაში, ნახევარმცველმა შეიძლება პირველად ითამაშოს თბილისური დაპირისპირების შემდეგ. დაცვის ცენტრი ისევ მორღვეულია - არც <strong>ჟერარდ პიკე</strong> (კოჭი) იქნება და არც მისი პარტნიორი <strong>კარლეს პუიოლი</strong> (მუხლი).</p><p><strong>ტიტოს</strong> შეუძლია მათ ნაცვლად ახალგაზრდები, <strong>ბარტრა</strong> და <strong>ფონტასი</strong> ათამაშოს, მაგრამ ის უფრო ნახევარმცველების, <strong>ხავიერ მასკერანოსა</strong> და <strong>ალექს სონგის</strong> უკან დახევას მიემხრობა. მით უფრო, რომ ამ დუეტმა უკვე ითამაშა "გრანადასთან".</p><p>ბოლო ინფორმაციით, საეჭვოა <strong>ბუსკეტსის</strong> თამაშიც.</p><p><em>სავარაუდო შემადგენლობები</em></p><p>სევილია: პალოპი - სისინიო, ბოტია, სპაჰიჩი, ფ. ნავარო - მედელი, მადურო, ხესუს ნავასი, რაკიტიჩი, ტროხოვსკი - ნეგრედო.</p><p>ბარსელონა: ვალდესი - დანი ალვეში, სონგი, მასკერანო, ალბა - ჩავი, ბუსკეტსი, ინიესტა - პედრო, მესი, სანჩესი.</p><p><span style="color: #ff0000;"><strong>ცარიელი ლაზარეთი</strong></span></p><p>კვირას "რეალი" ლა კორუნიის "დეპორტივოს" მიიღებს. დაპირისპირება, რომლის გარეშეც ჩაიარა ლა ლიგის შარშანდელმა სეზონმა.</p><p>მოგეხსენებათ, გალისიური გუნდი, რომელსაც თავის დროზე ეყო სითამამე და გრანდებს ხელთათმანი ესროლა, სეგუნდა დივიზიონში იყო გავარდნილი.</p><p>"რეალის" პირველ გუნდთან ერთად ორი ახალგაზრდაც ემზადება, <strong>ხესე როდრიგესი</strong> და <strong>კრისტიან ბენავენტე</strong>. აღსანიშნავია, რომ პირველი ევროპის ახალგაზრდული ჩემპიონატის ბომბარდირი იყო, ახლა კი სეგუნდა დივიზიონის ბომბარდირთა სიას უდგას სათავეში.</p><p><strong>ჟოზე მოურინიოს</strong> ამ ერთხელაც არ ეყოლება დისკვალიფიცირებული <strong>ფაბიო კოენტრაო</strong>. ტრავმების მხრივ კი "სამეფო კლუბს" იდეალურად აქვს საქმე - "რეალის" ლაზარეთი ცარიელია.</p><p>ზუსტად ორი წლის წინათ ამ გუნდების დაპირისპირება "სანტიაგო ბერნაბეუზე" "დეპორტივოსთვის" ტრაგიკულად დასრულდა - მასპინძლებმა 6:1 მოიგეს, თუმცა შემდეგ თებერვალში "დეპორმა" "რეალს" ქულები დააკარგვინა - 0:0.</p><p>"მილიონარიოსთან" ჰეთთრიკის შესრულების შემდეგ <strong>მოურინიომ კაკა</strong> შეაქო, თავად <strong>კაკამ</strong> კი თქვა 30 წელი ის ასაკია, ყველაფრის თავიდან დაწყებაც კი შეიძლებაო.</p><p>მოკლედ, ბრაზილიელი ოპტიმისტურადაა (ის ბრაზილიის ნაკრებშიც კი მიიწვიეს) და ვნახოთ, მისცემენ თუ არა მას შანსს. <strong>მოდრიჩისა</strong> და <strong>იოზილის</strong> დღევანდელი თამაშის დონის მიხედვით თუ ვიმსჯელებთ, <strong>კაკას</strong> არგამოყენება ძალზე გაუგებარია.</p><p><span style="color: #ff0000;"><strong>სეზონის მატჩი</strong></span></p><p>29 სექტემბერს, სან სებასტიანში ბასკური დერბია - "რეალ სოსიედადი" ბილბაოს "ატლეტიკის" წინააღმდეგ. ორივე გუნდის ფანებისთვის ეს შეხვედრა და არა "რეალთან" ან "ბარსელონასთან" დაპირისპირებაა მთავარი მატჩი.</p><p>შარშანდელ სეზონში ორივე შეხვედრა ბილბაოელებმა მოიგეს. მასპინძლების მთავარი თავისტკივილი <strong>კლაუდიო ბრავოს</strong> შემცვლელია - <strong>ენო ზუბიკარაი</strong> კარგი მეკარეა, მაგრამ ლა ლიგაში ჯერ არ უთამაშია, ხოლო სამხრეთამერიკელის შეცვლა რთული საქმეა.</p><p>"ვალენსია", რომელსაც 6 ისეთი ფეხბურთელი აკლია, რომლებიც წესით სასტარტო შემადგენლობაში უპრობლემოდ ხვდებიან, "სარაგოსას" მასპინძლობს.</p><p>29 სექტემბერს ანდალუსიურ დერბის ვიხილავთ - "მალაგა", რომელსაც ძალიან კარგი სტარტი აქვს, "ბეტისს" მასპინძლობს.</p><p>სხვა თამაშებიდან გამოვყოფთ ბარსელონურ ჯახს "ესპანიოლსა" და "ატლეტიკოს" შორის. ნელნელა მადრიდულ კლუბს გრანდების მთავარ მოცილედ განიხილავენ ("ვალენსიას" ნაცვლად). არის ამაში ლოგიკა - "ატლეტიკო" მეორე ადგილზეა, შესანიშნავად უტევს, ტოპფორმაშია <strong>რადამელ ფალკაო</strong> (7 ქულა) და მიუხედავად იმისა, რომ <strong>დიეგო სიმეონეს</strong> გუნდს თითქმის არასოდეს აქვს უპირატესობა ბურთის ფლობაში, გაცილებით მწარედ "იჩხვლიტება".</p><p>თავის მხრივ, "ესპანიოლსა" და <strong>სიმეონეს</strong> თანამემამულესა და ვიზავის, <strong>მაურისიო პოჩეტინოს</strong> ძალიან უჭირს - გუნდს მხოლოდ 1 ქულა აქვს, კლუბის ხელმძღვანელობის ნდობა კი ალბათ ულიმიტო არ არის, არც უნდა იყოს.</p><p><strong><span style="color: #ff0000;">ესპანეთი. ლა ლიგა. VI ტური</span></strong></p><p><em>29 სექტემბერი</em></p><p><em><strong>ვალენსია-სარაგოსა 18:00</strong></em></p><p>ტრავმა: ალბელდა, მატიო, გაგო, კანალესი, პიატი, ბანეგა - პინტერი, ლოოვენსი, ობრადოვიჩი</p><p><em><strong>მალაგა-ბეტისი 20:00</strong></em></p><p>დისკვალიფიკაცია: ს. სანჩესი (მალ)</p><p>ტრავმა: ბუონანოტე, ბაპტიშტა - ჩიკა</p><p><em><strong>სოსიედადი-ბილბაო 22:00</strong></em></p><p>ტრავმა: კადამურო (?), ელუსტონდო, აგირეჩე (?), ბრავო - ანდერი, პერესი (?)</p><p><em><strong>სევილია-ბარსელონა 00:00</strong></em></p><p>ტრავმა: პეროტი (?), რეიესი (?) - პუიოლი, ინიესტა (?), პიკე, კვენკა, აბიდალი, მუნიესა, ბუსკეტსი (?)</p><p><em>30 სექტემბერი</em></p><p><em><strong>გრანადა-სელტა 14:00</strong></em></p><p>დისკვალიფიკაცია: ბენიტესი (გრა)</p><p>ტრავმა: რიკო, იებდა, იგჰალო, ლუსენა - ლუკასი</p><p><em><strong>ვალიადოლიდი-ვალეკანო 18:00</strong></em></p><p>ტრავმა: ებერტი (ვალიადოლიდი)</p><p><em><strong>ოსასუნა-ლევანტე 20:00</strong></em></p><p>დისკვალიფიკაცია: ხ. ლორენტე, პუნიალი (ოსა)</p><p>ტრავმა: ბერტრანი, დამია - პალიარდო</p><p><em><strong>რეალი-დეპორტივო 21:50</strong></em></p><p>დისკვალიფიკაცია: კოენტრაო (რეა)</p><p>ტრავმა: კამუნიასი (?) (დეპ)</p><p><em><strong>ესპანიოლი-ატლეტიკო 23:30</strong></em></p><p>დისკვალიფიკაცია: ლონგო (ესპ)</p><p>ტრავმა: ბაენა, კოლოტო, ფორლინი, გარსია, მატიონი - კელასტი</p><p><em>1 ოქტომბერი</em></p><p><em><strong>ხეტაფე-მალიორკა 23:30</strong></em></p><p>დისკვალიფიკაცია: ნუნიეში (მალ)</p><p>ტრავმა: ხიმენესი, სანტოსი (მალ)</p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. ბარსელონა 5 5 0 0 14-3 15</p><p>2. ატლეტიკო 5 4 1 0 15-7 13</p><p>3. მალიორკა 5 3 2 0 7-3 11</p><p>4. მალაგა 5 3 2 0 6-2 11</p><p>5. სევილია 5 3 2 0 6-2 11</p><p>6. ბეტისი 5 3 0 2 10-9 9</p><p>7. რეალი 5 2 1 2 7-4 7</p><p>8. ვალეკანო 5 2 1 2 6-7 7</p><p>9. ლევანტე 5 2 1 2 7-9 7</p><p>10. დეპორტივო 5 1 3 1 7-7 6</p><p>11. სელტა 5 2 0 3 6-6 6</p><p>12. სარაგოსა 5 2 0 3 5-6 6</p><p>13. ვალიადოლიდი 5 2 0 3 4-5 6</p><p>14. სოსიედადი 5 2 0 3 6-9 6</p><p>15. ვალენსია 5 1 2 2 6-8 5</p><p>16. ბილბაო 5 1 2 2 8-12 5</p><p>17. ხეტაფე 5 1 1 3 6-10 4</p><p>18. გრანადა 5 0 2 3 2-8 2</p><p>19. ესპანიოლი 5 0 1 4 7-11 1</p><p>20. ოსასუნა 5 0 1 4 3-10 1</p><p><strong>ბომბარდირები:</strong></p><p>7 - რადამელ ფალკაო (ატლეტიკო); 6 - ლიონელ მესი (ბარსელონა); 4 - ტომერ ჰემედი (მალიორკა).</p><p><strong>ყოველდღიური სპორტული გაზეთი "ლელო"</strong></p>
"რეალმა" ესპანეთის ჩემპიონატში საკუთარი რეკორდი გააუმჯობესა
რაშფორდს მიმდინარე სეზონში ტრებლის მოგების სჯერა
ბელინგემმა ვარჯიში დაიწყო - "რეალი" აჩქარებას არ აპირებს
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა