- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საფრანგეთის სარაგბო ჩემპიონატში ქართველთა "კლერმონი" ლიდერობს
<p>საფრანგეთის სარაგბო ჩემპიონატის ელიტურ, პირველ დივიზიონში მე-7 ტურის შეხვედრები გაიმართა <br> საფრანგეთის სარაგბო ჩემპიონატის ელიტურ, პირველ დივიზიონში მე-7 ტურის შეხვედრები გაიმართა, რასაც სატურნირო ცხრილში ლიდერის ცვლილება მოჰყვა.</p><p><strong>დავით ქუბრიაშვილის</strong>, <strong>კონსტანტინე მიქა</strong><strong>უტაძისა</strong> და <strong>ლევან ჩილაჩავას</strong> "ტულონმა" პირველი მარცხი განიცადა, რის გამოც პოზიციის დათმობა მოუწია.</p><p>გათამაშებას სათავეში <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონი" ჩაუდგა, რომელმაც შინ დაამარცხა <strong>ზურაბ ჟვანიას</strong> "სტად ფრანსე" - 28:25.</p><p>აღსანიშნავია, რომ პირველი ტაიმი სტუმრების, პარიზელი მორაგბეების უპირატესობით წარიმართა.</p><p>"ვულკანებმა" თამაშის დალაგება ვერაფრით მოახერხეს და შესვენებაზე 12-ქულიანი ჩამორჩენით წავიდნენ - 10:22.</p><p>მეორე ნახევარში კლერმონელებმა მდგომარეობის გამოსწორება შეძლეს და 66-ე წუთზე ანგარიში გაათანაბრეს - 22:22. თუმცა "სტად ფრანსემ" ხუთ წუთში საჯარიმოთი ისევ შეძლო დაწინაურება - 25:22.</p><p>გამარჯვების მიღწევა მასპინძლებმა დასკვნით ორ წუთში მოახერხეს. ცხრა ნომერმა მორგან პარამ 78-ე წუთზე საჯარიმოთი ანგარიში გაათანაბრა, რასაც მგეზავმა ბრუკ ჯეიმზმა ბოლო წუთზე არეკნიც მიაყოლა - 28:25.</p><p>აღსანიშნავია, რომ პარამ ხუთი საჯარიმო და ერთი გარდასახვა გაიტანა (17 ქულა), ჯეიმზმა კი ორი არეკნი (6 ქულა).</p><p>ზირაქაშვილი ტრავმირებულია და არ უთამაშია, კოლელიშვილი განაცხადში იყო, ჟვანია პარიზელთა თადარიგში გახლდათ, თუმცა მოედანზე არ გამოჩენილა.</p><p>"კლერმონს" ამ გამარჯვების შემდეგ 27 ქულა დაუგროვდა და, როგორც უკვე ვთქვით, პირველ ადგილზეა.</p><p>ამდენივე ქულა აქვს და სატურნირო ცხრილის მეორე საფეხური უჭირავს <strong>დავით ქუბრიაშვილის</strong>, <strong>კონსტანტინე მიქაუტაძისა</strong> და <strong>ლევან ჩილაჩავას</strong> "ტულონს".</p><p>ჩვენებურთა ეს გუნდი მე-6 ტურამდე დაუმარცხებელი იყო, მაგრამ ამჯერად სტუმრად ვერას გახდა საფრანგეთის ჩემპიონთან, <strong>ჯაბა ბრეგვაძისა</strong> და <strong>ვასილ კაკოვინის</strong> "ტულუზთან" - 9:32.</p><p>მასპინძლებმა საკმაოდ გადახალისებული შემადგენლობით მოთამაშე მეტოქესთან უპირატესობა დასაწყისშივე მოიპოვეს და 27-ე წუთისთვის 16:0-ს იგებდნენ. "ტულონმა" მონაგარს პირველი ქულები 33-ე წუთზე შესძინა.</p><p>საჯარიმო ზუსტად ჯონი ვილკინსონის შემცვლელმა მგეზავმა ფრედერიკ მიშალაკმა გაიტანა. მან კიდევ ორი საჯარიმო მიითვალა, თუმცა ამას მატჩის საბოლოო ანგარიშზე გავლენა არ მოუხდენია.</p><p>ტულუზელებმა მატჩი აღმავლობით ჩაატარეს და ჩემპიონატში უმთავრესი კონკურენტი დამაჯერებლად დაამარცხეს. თუმცა ისიც არ უნდა დავივიწყოთ, რომ სტუმართა გუნდს ძირითადი შემადგენლობის 14 მორაგბე აკლდა.</p><p>"ტულონის" მთავარმა მწვრთნელმა ბერნარ ლაპორტმა მათ დასვენების საშუალება მისცა. საქართველოს ნაკრების შერკინების ბურჯმა <strong>დავით ქუბრიაშვილმა</strong> კი ტრავმის გამო არ ითამაშა.</p><p>ახლახან ფრანგულ მედიაში გავრცელდა ინფორმაცია, რომ "დუდუ" გამოჯანმრთელდა და მომდევნო ტურში აუცილებლად ითამაშებს.</p><p>ქართველი მორაგბეებიდან ამ შეხვედრაში მხოლოდ <strong>კონსტანტინე მიქაუტაძემ</strong> იასპარეზა. ის ძირითად შემადგენლობაში იყო და 58-ე წუთზე შეცვალეს, ბრეგვაძე და კაკოვინი დაშავებულნი არიან, ჩილაჩავა განაცხადში არ იყო. "ტულუზს" ახლა 24 ქულა აქვს და მე-3 ადგილზეა.</p><p>საკმაოდ დაძაბული გამოდგა <strong>მამუკა გორგოძის</strong>, <strong>მიხეილ ნარიაშვილისა</strong> და <strong>გიორგი ჟღენტის</strong> "მონპელიეს" საშინაო დაპირისპირება <strong>ანტონ ფეიქრიშვილის</strong> "კასტრთან".</p><p>მასპინძლებმა, რომლებსაც რამდენიმე ტრავმირებული და არგენტინის ნაკრებში მივლინებული ექვსი მორაგბე აკლიათ, უმძიმეს ბრძოლაში უმნიშვნელოვანესი გამარჯვება მოიპოვეს უშუალო კონკურენტთან - 19:12.</p><p>მიუხედავად იმისა, რომ სათამაშო უპირატესობას მონპელიელები ფლობდნენ, ანგარიში მე-16 წუთზე სტუმრებმა გახსნეს სამხრეთაფრიკელი ცხრა ნომრის, რორი კოკოთის საჯარიმოს წყალობით. "მონპელიემ" ანგარიშის გათანაბრება 30-ე წუთზე შეძლო, თუმცა ტაიმი მაინც წააგო - 3:6.</p><p>შესვენების შემდეგ, 57-ე წუთისთვის, კასტრელები ცხრა ქულის სხვაობით დაწინაურდნენ - 12:3. მასპინძლები ამის შემდეგ კიდევ უფრო გააქტიურდნენ და ანგარიშში დაწინაურება 66-ე წუთზე შეძლეს - 13:12. საბოლოოდ კი ბენუა პეილონგმა კიდევ ორჯერ გაიტანა საჯარიმო.</p><p>გორგოძემ თავიდან ბოლომდე ითამაშა, ჟღენტი ძირითად შემადგენლობაში იყო და 57-ე წუთზე შეცვალეს, ნარიაშვილი და ფეიქრიშვილი ტრავმირებულნი არიან.</p><p><span style="color: #ff0000;"><strong>I დივიზიონი</p><p></strong></span><strong>VII ტური</p><p></strong>კლერმონი-სტად ფრანსე 28:25, მონპელიე-კასტრი 19:12, პერპინიანი-მონ დე მარსანი 15:6, გრენობლი-მეტრო რასინგი 27:13, აჟენი-ბორდო 19:15, ტულუზი-ტულონი 32:9, ბიარიცი-ბაიონი 15:16.</p><p><em>სატურნირო მდგომარეობა</p><p></em>1. კლერმონი - 27 ქულა, 2. ტულონი - 27, 3. ტულუზი - 24, 4. ბიარიცი - 19, 5. გრენობლი - 18, 6. მეტრო რასინგი - 18, 7. მონპელიე - 18, 8. კასტრი - 16, 9. პერპინიანი - 15, 10. აჟენი - 14, 11. სტად ფრანსე - 11, 12. ბაიონი - 11, 13. ბორდო - 10, 14. მონ დე მარსანი - 0.</p><p><strong>VIII ტური</p><p></strong>კასტრი-კლერმონი, ბიარიცი-ტულონი, გრენობლი-პერპინიანი, ბაიონი-აჟენი, მეტრო რასინგი-მონპელიე, მონ დე მარსანი-სტად ფრანსე, ბორდო-ტულუზი.</p><p><span style="color: #ff0000;"><strong></p><p>* * *</strong></span></p><p>ელიტურ, მეორე დივიზიონში ამ უქმეებზე შესვენება იყო. შეგახსენებთ, რომ აქ ქართველ მორაგბეთა რვა გუნდი ასპარეზობს. ამათგან სამი: "ორიაკი" (ლევან დათუნაშვილი, კარლენ ასეიშვილი და გიორგი ნაცარაშვილი), "ლიონი" (გურამ კავთიძე) და "ტარბი" (გიორგი ჩხაიძე, ირაკლი მირცხულავა, დავით დადუნაშვილი და გიორგი ნემსაძე) მეორე-მეოთხე ადგილებს იყოფენ. გათამაშებას კი დაუმარცხებლად "ოიონაქსი" ლიდერობს.</p><p>პლეი ოფში მოხვედრისთვის იბრძვის <strong>ალექსანდე თოდუას</strong>, <strong>ვახტანგ ახობაძის</strong>, <strong>ვახტანგ მაისურაძის</strong>, <strong>კახაბერ კობერიძის</strong>"ალბი", რომელიც 13 ქულით მე-6 ადგილზეა.</p><p>ამავე მიზნის მიღწევის შანსი აქვს <strong>დავით ხინჩაგიშვილის</strong>, <strong>გოდერძი შველიძისა</strong> და <strong>ირაკლი ნატრიაშვილის</strong> "ბრივს", რომელიც "ალბის" ორი ქულით ჩამორჩება.</p><p>როგორც ჩანს, დივიზიონში ადგილის შენარჩუნებისთვის იბრძოლებენ "მასი" (შალვა სუთიაშვილი, დავით აშვეთია), "ბეზიე" (ბექა შეყლაშვილი) და "დაქსი" (ტარიელ რატიანიძე).</p><p><span style="color: #ff0000;"><strong>II დივიზიონი</p><p></strong></span><em>სატურნირო მდგომარეობა</p><p></em>1. ოიონაქსი - 20 ქულა, 2. ორიაკი - 16, 3. ლიონი - 15, 4. ტარბი - 15, 5. პო - 13, 6. ალბი - 13, 7. კარკასონი - 12, 8. ოში - 12, 9. ლა როშელი - 11, 10. ბრივი - 11, 11. ნარბონი - 10, 12. კოლომიე - 10, 13. მასი - 9, 14. ბეზიე - 9, 15. ექსი - 7, 16. დაქსი - 2.</p><p><strong>VI ტური</p><p></strong>კარკასონი-ოიონაქსი, ექსი-ტარბი, ალბი-ორიაკი, კოლომიე-ლა როშელი, ბრივი-ოში, ბეზიე-პო, დაქსი-მასი, ლიონი-ნარბონი.</p><p><span style="color: #ff0000;"><strong>* * *</strong></span></p><p>კელტთა ლიგაში მე-5 ტურის მატჩები გაიმართა. საქართველოს ნაკრების მესამეხაზელის, <strong>დიმიტრი ბასილაიას</strong> "ედინბურგმა" სტუმრად წააგო ერთ-ერთ აუტსაიდერთან, უელსურ "ნიუპორტთან" - 12:32.</p><p>შოტლანდიური კლუბისთვის ეს ზედიზედ მეორე მარცხი იყო. თამაში ედინბურგელებმა აქტიურად დაიწყეს და მე-11 წუთისთვის დაწინაურდნენ კიდეც - 7:0. ამის შემდეგ ჩვენებურის გუნდს მეორე ტაიმის 64-ე წუთამდე აღარაფერი შეუმატებია.</p><p>მასპინძლებმა კი, როგორც უკვე აღვნიშნეთ, 32 ქულა დააგროვეს და სატურნირო ცხრილის ფსკერს თავი დააღწიეს. "ედინბურგი" კი 11 ქულით მე-7 ადგილზეა.</p><p>დიმიტრი ბასილაია სათადარიგოთა შორის იყო და თამაშში მე-60 წუთიდან ჩაერთო.</p><p><span style="color: #ff0000;"><strong>კელტთა ლიგა</p><p></strong></span><strong>V ტური</p><p></strong>ნიუპორტი-ედინბურგი 32:12, კარდიფი-ალსტერი 19:48, გლაზგო-ზებრე 22:19, ქონოთი-ლენსტერი 34:6, ბენეტონი-ჰლანეჰლი 22:20, ოსფრიზი-მანსტერი 30:15.</p><p><em></p><p>სატურნირო ცხრილი</em></p><p>1. ალსტერი - 17 ქულა, 2. ჰლანეჰლი - 16, 3. მანსტერი - 14, 4. გლაზგო - 14, 5. კარდიფი - 14, 6. ლენსტერი - 13, 7. ედინბურგი - 11, 8. ქონოთი - 10, 9. ოსფრიზი - 10, 10. ნიუპორტი - 9, 11. ბენეტონი - 9, 12. ზებრე - 1.</p><p><strong>VI ტური</p><p></strong>ზებრე-ოსფრიზი, ჰლანეჰლი-ნიუპოტი, ალსტერი-ქონოთი, ედინბურგი-ბენეტონი, კარდიფი-გლაზგო, ლენსტერი-მანსტერი.</p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა