- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გიორგი ცინცაძე: საქართველოს ნაკრები ერთი დიდი ოჯახია
<p>ქართველი კალათბურთელი საქართველოს ნაკრების, ახალი კლუბის და უკრაინული კარიერის შესახებ მოგვითხრობს <br> უკრაინული "ბუდიველნიკის" საიტზე გამოქვეყნდა ინტერვიუ გიორგი ცინცაძესთან, რომელიც მოგვითხრობს საქართველოს ნაკრების, ახალი კლუბის და უკრაინული კარიერის შესახებ.</p><p><strong>- ტრადიციული შეკითხვა: როგორია პირველი შთაბეჭდილებები?</strong></p><p>- დიდი ხანი არ არის, რაც გუნდს შევუერთდი. შეიძლება ითქვას, რომ სანაკრებო გამოსვლის შემდეგ დასვენება ცოტა გამიგრძელდა კიდეც.</p><p>მოუთმენლად ველი სეზონის დაწყებას, რათა დავამტკიცო, რომ ტყუილად არ ჩამოვსულვარ. აქ ყველაფერი მომწონს, სიმპათიური ქალაქია, კარგი კლიმატი... მახარებს ისიც, რომ ენის ბარიერი არ მაქვს, თავისუფლად ვლაპარაკობ რუსულად და ინგლისურად.</p><p>ადაპტაციის საკითხში ეს დიდი პლუსია. ამასთან, კარგად ვიცნობ არტურ დროზდოვს, რომელთანაც "დონეცკში" ვთამაშობდი.</p><p><strong>- რატომ აირჩიეთ "ბუდიველნიკი"?</p><p></strong>- გამოგიტყდებით, შეთავაზება რომ მივიღე, დიდხანს არ მიფიქრია. ტრავმის გამო ვერა და ვერ მოვახერხე სათანადო დონეზე ასვლა.</p><p>ბევრი სპორტსმენისთვის ნაცნობ სიტუაციაში აღმოვჩნდი: ტრავმის შემდეგ რეაბილიტაციამ დიდი დრო წამართვა, ფორმის აღდგენასაც დრო დასჭირდა. ყოველივე ამის გადატანა იოლი არ იყო. ძალიან მინდოდა მალე მეთამაშა ისე, როგორც შემიძლია.</p><p>ამ ზაფხულს მთავარი ამოცანა საქართველოს ნაკრების დახმარება იყო; შემდეგ ისეთი კლუბის პოვნა, რომელიც ევროარენაზე გამოდიოდა.</p><p>სანაკრებო ბატალიებისას აგენტმა დამირეკა და მითხრა - "ბუდიველნიკია" დაინტერესებული, რომელიც ევროთასზე იასპარეზებსო. შეთავაზების ფინანსურ დეტალებს გავეცანი და წინადადება მივიღე. ნაკრებთან ერთად დასახული ამოცანა შევასრულე, კლუბთან კი ახალი მიზნებისთვის საბრძოლველად ვემზადები.</p><p><strong>- სად შეიძლება აღმოჩენილიყავით, რომ არა "ბუდიველნიკი"?</p><p></strong>- გუნდის დასახელებისგან თავს შევიკავებ, მხოლოდ ვიტყვი, რომ საფრანგეთის ჩემპიონატის წარმომადგენელია.</p><p><strong>- სპორტული სააგენტოებით ბევრი არ არის კმაყოფილი, მათ შორის, გუნდის თავკაცი აინარს ბაგაცკისი...</p><p></strong>- არ ვიცი, სხვები რას ფიქრობენ, მაგრამ ჩემს მენეჯერს დიდი ხანია, ვიცნობ და მასთან მეგობრული ურთიერთობა მაკავშირებს. ბოლომდე ვენდობი. სხვათა შორის, რამდენიმე წლის წინათ "დონეცკში" გადასვლა სწორედ მან მირჩია.</p><p>რაც შეეხება მწვრთნელს, აინარს ბაგაცკისს პირადად ვიცნობდი - ჩვენი გზები მაშინ გადაიკვეთა, როცა იგი საქართველოში მუშაობდა.</p><p><strong>- "დონეცკში" თამაშის პერიოდი როგორ დაგამახსოვრდათ?</p><p></strong>- კარგი შემადგენლობა შეიკრიბა, ტაქტიკას გავეცანით, ცოტა წავითამაშეთ და ყველაფერი მალე დამთავრდა. უცნაური შეგრძნება იყო - შუა სეზონში გუნდის ყველა ლეგიონერს დაგვემშვიდობნენ.</p><p><strong>- თქვით: ძალიან მინდოდა მეთამაშა ისე, როგორც შემიძლიაო. რა დონეს გულისხმობთ?</p><p></strong>- ძნელია საკუთარ შესაძლებლობებზე მსჯელობა, თუმცა პასუხის გაცემას მაინც ვეცდები. დღევანდელ მდგომარეობაზე ლაპარაკი ევრობასკეტის შესარჩევ ეტაპზე გამოსვლით შემიძლია. გუნდმა დასახული ამოცანა შეასრულა, ევროპის ჩემპიონატის საგზური მოიპოვა.</p><p>ნამდვილად არ მქონდა უმნიშვნელო როლი, გარდა თამაშის ორგანიზებისა, უკმაყოფილო არ ვარ სხვა ასპექტებში საკუთარი გარჯით - მოხსნებში, ჩაჭრებში, ტყორცნებში. შესარჩევ ეტაპზე საქართველოს ნაკრებში ყველაზე მეტი სათამაშო დრო მქონდა.</p><p><strong>- გუნდის გამოსვლით კმაყოფილი თუ ხართ?</p><p></strong>- ძალიან კმაყოფილი ვარ. ეს მეორე შემთხვევაა სპორტის გუნდურ სახეობაში ქართული ნაკრების ევროპის ჩემპიონატზე მოხვედრისა! სხვათა შორის, პირველადაც ჩვენ გავედით ევროპაზე - 2011 წელს ლიტვაში ვითამაშეთ.</p><p>მოხარული ვარ ეროვნული ნაკრების წევრობით. მერვე წელიწადია, ამ გუნდში ვარ, ყოველთვის სიხარულით ჩავდივარ. იქ ყველა ერთმანეთის მეგობარია, ერთი დიდი ოჯახი ვართ.</p><p><strong>- ყველაზე ახლოს ვისთან ხართ?</p><p></strong>- როგორც ვთქვი, ყველასთან დიდი ხანია, ოჯახებით ვმეგობრობ - მანუჩართან, თორნიკესთან, ზაზასთან...</p><p><strong>- და მაინც, ყველაზე მეტად?</p><p></strong>- თუ ასე დაჟინებით მეკითხებით, გიპასუხებთ: ვიქტორ სანიკიძესთან.</p><p><strong>- ბოლო წლებში შეიცვალა გიორგი ცინცაძე? რას უნდა ელოდნენ კიეველი ქომაგები მისგან?</p><p></strong>- მნიშვნელოვნად. ოსტატობის დონეზე არაფერს ვიტყვი, შევიცვალე ფსიქოლოგიის, კალათბურთთან დამოკიდებულების თვალსაზრისით. კარგი მაგალითი იტალიაში გამართული "ადიდასის კემპი" იყო, სადაც ძალიან ახალგაზრდა ჩავედი.</p><p>იქ უამრავი სკაუტი გახლდათ, როგორც ევროპული, ისე ამერიკული კლუბებიდან. თითოეული კალათბურთელი საკუთარი თავის წარმოჩენაზე ფიქრობდა, გუნდურად არავინ თამაშობდა. არც მე ვიყავი გამონაკლისი.</p><p>მოკლედ, მაშინ ყველაფერი კარგად გამომივიდა და რამდენიმე დღეში არაერთი საინტერესო წინადადება მივიღე. ასეთსავე კემპზე 20 წლისაც მიმიწვიეს და მოხდა საპირისპირო: პლეიმეიქერად თამაშის საკმარისი გამოცდილება მქონდა და როცა კალათისკენ დავიძრებოდი, თავისუფალი პარტნიორის გამოჩენისთანავე პასს ავტომატურად ვაძლევდი.</p><p>ასეთმა ცინცაძემ სკაუტებზე შთაბეჭდილება ვერ მოახდინა. ახლა კიდევ უფრო გამოცდილი, პასზე ორიენტირებული გამთამაშებელი ვარ. სწორედ ასეთს მნახავენ "ბუდიველნიკის" ქომაგები.</p><p><strong>- ლეგიონერები უკრაინის ჩემპიონატს დროებით, ბუფერულ პუნქტად განიხილავენ. "მშენებელთა" შორის კიდევ რამდენ ხანს აპირებთ დარჩენას?</p><p></strong>- "ბუდიველნიკს" დროებით გუნდად არ განვიხილავ. თუ ასეთი გუნდი შეიძლება დასახელდეს, ეს თბილისის "ოლიმპი" იყო, რომელიც სათანადოდ დამეხმარა ტრავმისშემდგომი რეაბილიტაციისას.</p><p>რაც შეეხება "ბუდიველნიკს", იგი ერთი წლის წინათ უკრაინის ჩემპიონი გახდა, ახლა ევროთასზე ასპარეზობს და მაღალ მიზნებსაც ისახავს.</p><p>მინდა, მისი პროგრესის გზას მეც გავყვე. დანარჩენს სეზონის ბოლოს ვნახავთ. თუ კლუბს დავჭირდები და მეც კმაყოფილი ვიქნები, სიამოვნებით დავრჩები. სამუშაო ადგილი არაერთხელ გამოვიცვალე და აქ გაჩერება ურიგო ნამდვილად არ იქნება.</p><p><strong>ყოველდღიური სპორტული გაზეთი "ლელო"</strong></p>
ახალგაზრდული ევროლიგის ფინალში ხატიაშვილმა "ბარსელონას" 15 ქულა ჩაუგდო
რიდი კვლავ MVP-ია - მარკისის 34 ქულა თურქეთის ჩემპიონატში
ხატიაშვილის 17 ქულა, 7 პასი და მისი გუნდის გამარჯვება "პანათინაიკოსთან"
შეთანხმება მიღწეულია - ფლიკი "ბარსელონას" მთავარი მწვრთნელის პოსტზე დარჩება
პერესის რჩეული - "რეალი" ოლისეს სუპერ ტრანსფერისთვის ემზადება?
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს