<p>"კალჩო 2000"-მა კასანოსთან მინი-ინტერვიუ გამოაქვეყნა, სადაც ფეხბურთელი დერბიზე და ბევრ საინტერესო თემაზე საუბრობს <br> მართალია, მილანურ გუნდებს საუკეთესო დროება არ უდგათ, მაგრამ მათი დაპირისპირება მაინც უდიდესი საფეხბურთო მოვლენაა, რომელიც სცდება იტალიურ მასშტაბს.</p><p>"დერბი დელა მადონინა" მომდევნო უქმეებზე შედგება, თუმცა აქედანვე პრესის ყურადღების ცენტრშია მოქცეული. "კალჩო 2000"-მა ანტონიო კასანოსთან მინი-ინტერვიუ გამოაქვეყნა, რომელსაც აქვე გთავაზობთ. კასანო "მილანიდან" "ინტერში" გასულ ზაფხულს გადაბარგდა და ბუნებრივია, სათქმელი ბევრი აქვს...</p><p><strong>- შესანიშნავ ფორმაში ხართ, რაც იმის მანიშნებელია, რომ ახალ გარემოს კარგად შეეწყვეთ...</p><p></strong>- თავის ქებაში ნუ ჩამომართმევთ, მაგრამ კარგ ფორმაში უკვე დიდი ხანია ვარ და მაგალითის მოსაყვანად ევროპის ჩემპიონატის გახსენებაც შეიძლება.</p><p>დიდი ხანია, თავს იდეალურად ვგრძნობ, მაგრამ "მილანში" არ მეძლეოდა ბოლომდე გახსნის საშუალება. არავის ვადანაშაულებ, უბრალოდ, ფაქტს აღვნიშნავ.</p><p><strong>- მაინც რისი ბრალი იყო, რომ </strong>"<strong>მილანში</strong>"<strong> თავის გამოჩენის საშუალება სრულად არ მოგეცათ?..</p><p></strong>- გუნდში ძალიან ბევრი მაღალი კლასის თავდამსხმელი იყო, სტაბილურად ძირითად შემადგენლობაში კი მხოლოდ ზლატან იბრაჰიმოვიჩი ასპარეზობდა. მუდმივ როტაციაში რთულია ბოლომდე გაიხსნა და თავი საუკეთესო კუთხით წარმოაჩინო.</p><p>მაშინაც კი, როდესაც ძირითად შემადგენლობაში ვიყავი, მუდმივად იმის განცდა მქონდა, რომ წუთი-წუთზე შემცვლიდნენ. "ინტერში" სულ სხვა გარემოა, ვგრძნობ, რომ მენდობიან და თავისუფლად ვთამაშობ.</p><p>თუმცა, ეს იმას არ ნიშნავს, რომ "ნერაძურიში" კონკურენცია დაბალია. არანაირად. უბრალოდ, სტრამაჩონის ყველაფერი იდეალურად აქვს დალაგებული.</p><p><strong>- წინ მილანური დერბია, რას გრძნობთ?</p><p></strong>- სტადიონზე მეტწილად "მილანის" გულშემატკივრები იქნებიან და იმედი მაქვს, კარგად მიმიღებენ.</p><p>"ინტერში" გადასვლა ჩემი ინიციატივა არ ყოფილა, თუმცა ვაღიარებ, რომ ეს ჩემი ბავშვობის ოცნება იყო.</p><p>დიახ, "ნერაძურის" ყოველთვის ვგულშემატკივრობდი და მიხარია, რომ დღეს ამ გუნდის ღისებას ვიცავ. რაც შეეხება დერბის, დაძაბული მატჩი იქნება, თუმცა მგონია, რომ ჩვენ გავიმარჯვებთ. დღეს "ინტერი" უფრო ძლიერია, ვიდრე "მილანი", რაც მოედანზე უნდა დამტკიცდეს.</p><p>ვიცი, რომ ორივე გუნდი შეუტევს. ეს კი სანახაობის საწინდარია. ამიტომ ერთი ცხადია: გულშემატკივარი მოგებული დარჩება.</p><p><strong>- რა შეფასებას მისცემთ </strong>"<strong>მილანის</strong>"<strong> მესვეურთა სატრანსფერო პოლიტიკას?</p><p></strong>- ის, რომ "მილანი" დღეს "ინტერზე" სუსტი მგონია, სწორედ მათი სატრანსფერო პოლიტიკის ბრალია. ზლატან იბრაჰიმოვიჩის და ტიაგო სილვას გაშვება ძალიან დიდი შეცდომა იყო, რომელიც აუცილებლად აისახება "როსონერის" შედეგებზე.</p><p>განსაკუთრებით, ეს ბრაზილიელზე ითქმის, რომელიც დაცვის ცენტრში კედელივით იდგა. ტიაგო თანამედროვეობის საუკეთესო მცველად მიმაჩნია და მისი გაშვება არაფრისდიდებით არ შეიძლებოდა.</p><p><strong>- შეადარეთ ერთმანეთს მასიმილიანო ალეგრი და ანდრეა სტრამაჩონი...</p><p></strong>- მასიმილიანო ალეგრი ყველაზე რთულ სიტუაციაშიც ინარჩუნებს სიმშვიდეს და ეს მას ძალიან ეხმარება.</p><p>ასეთ დროს მისი თავდაჯერებულობა ფეხბურთელებზეც გადადის, რაც გუნდზე დადებითად აისახება.</p><p>ანდრეა სტრამაჩონი ძალიან ემოციურია და ფეხბურთელების დამუხტვა ეხერხება. მისი მეთოდი რადიკალურად განსხვავებულია, მაგრამ ასევე წარმატების მომტანი. ვფიქრობ, მასიმილიანოც და ანდრეაც შესანიშნავი მწვრთნელები არიან, თუმცა მე სტრამაჩონისთან მუშაობა უფრო მომწონს.</p><p><strong>- დაბოლოს, რას ეტყვით </strong>"<strong>მილანის</strong>"<strong> გულშემატკივრებს?</p><p></strong>- მათი უსაზღვროდ მადლობელი ვარ, რადგან ყოველთვის გვერდში მედგნენ. ვიცი, რომ გული დაწყდათ, როდესაც "ინტერში" გადავედი, მაგრამ ასეთია რეალობა.</p><p>"მილანელებთან" დღემდე კარგი ურთიერთობა მაქვს, რამდენიმე მათგანთან კი ახლო მეგობრობა მაკავშირებს. მაურო ტასოტი ხშირად მირეკავს და გოლებს მილოცავს... მინდა, "როსონერის" ტოფოზებთანაც ასეთი თბილი ურთიერთობა მქონდეს.</p><p><strong>ყოველდღიური სპორტული გაზეთი "ლელო"</strong></p>
პოლიტანომ "ნაპოლისთან" კონტრაქტი გაახანგრძლივა
"ნაპოლიმ" ისევ მოიგო და ერთპიროვნული ლიდერია
64 წლის შემდეგ გადაწერილი ისტორია - მოდრიჩი 40 წლის ასაკშიც შესანიშნავ ფორმაშია
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ