თბილისს დიდი წყალბურთი დაუბრუნდა

ქართული სპორტის სტაჟიან ქომაგებს, ცხადია, ემახსოვრებათ "ლაგუნა ვერეს" აუზში წყალბურთელთა საერთაშორისო ტურნირები, რომლებშიც მსოფლიოს უძლიერეს ათლეტებს უასპარეზიათ... ქართული სპორტის სტაჟიან ქომაგებს, ცხადია, ემახსოვრებათ "ლაგუნა ვერეს" აუზში წყალბურთელთა საერთაშორისო ტურნირები, რომლებშიც მსოფლიოს უძლიერეს ათლეტებს უასპარეზიათ. 80-იანი წლების მიწურულიდან ტრადიცია, სამწუხაროდ, დავიწყებას მიეცა. და აი, წლეულს, მას შემდეგ, რაც მწყობრში ჩადგა ჩოლოყაშვილის ქუჩაზე რეკონსტრუირებული საცურაო აუზი, პირველ საერთაშორისო ტურნირსაც ვუმასპინძლეთ. გუშინ კი "ოლიმპიკში" წყალბურთელებისა და სპორტის ამ სახეობის ქომაგებისთვის ზეიმი დაიწყო: თბილისი ევროპის საკლუბო ჩემპიონატის - ლენტროფის პირველი შესარჩევ რაუნდს მასპინძლობს. საქართველოს დედაქალაქში, როგორც გაუწყეთ, ექვსმა გუნდმა მოიყარა თავი. ისინი წრიული სისტემით იმ ოთხი რჩეულის ვინაობას გაარკვევენ, რომლებიც მომდევნო ეტაპზე გავლენ.ტურნირის ერთ-ერთი ფავორიტია ბუდაპეშტის "ჰონვედი". მის შემადგენლობაში სამი ოლიმპიური ჩემპიონი თამაშობს. ესენი არიან იშტვან გერგელი, მარტონ შივოში და ბალაშ ჰარაი. თბილისური ტურნირი გუშინ სწორედ უნგრელებმა და ფრანგებმა გახსნეს. "ჰონვედის" უპირატესობა პირველივე წუთებიდანვე გამოიკვეთა და ფავორიტებმა "ოლიმპიკი" 11:2 (4:0, 2:2, 4:0, 1:0. ბურთები: შივოში-5, გორ-ნაგი-2, ტოტი-1, ჰანგოდი-1, სალამონი-1, ჰარაი-1 (ყველა - ჰონვედი), იაბლონსკი-1, იაკაბი-1 (ორივე - ოლიმპიკი) დაამარცხა.უფრო დიდი ანგარიშით გაიმარჯვა ევროლიგის სამგზის ჩემპიონმა, ლენტროფისა და სუპერთასის ხუთგზის მფლობელმა იტალიის "პოსილიპომ", რომელმაც 19:1 (3:0, 5:0, 4:1, 7:0) სძლია თურქეთის ენკა-ს (გუიდალდი-4, გალო-4, ბანი-3, ჰუტენი-2, პერესი-2, საკოია-2, ბერტოლი-1, რენზუტო-1 (ყველა - "პოსილიპო"), გესიკი-1 (ენკა).ჩვენთვის ყველაზე მნიშვნელოვანი, ცხადია, მასპინძლების - ილიას სახელმწიფო უნივერსიტეტისა და თბილისის მერიის გაერთიანებული გუნდისა და ისრაელის წარმომადგენელთა დაპირისპირება იყო."ოლიმპიკი", 7 ოქტომბერი.ლიგამუსი-თბილისი (საქართველო)-ასა (ისრაელი)18:4 (6:1, 3:0, 5:1, 4:2).ლიგამუსი-თბილისი: ზურაბ ჭუმბურიძე, ბექა ქენქაძე (2), გურამ კოტარია (1), იოვან პოპოვიჩი (1), მარკო კორდიჩი (1), გიორგი ხვედელიანი, რევაზ ჩომახიძე (3), მიხეილ ბაღათურია (2), ზურაბ რურუა (კ. 3), კონსტანტინე გეგელაშვილი (4), ტატო ნიკოლეიშვილი, ბექა ქავთარაძე (1), იოვან სტრუიჩი (მთავარი მწვრთნელი ზვიად დავითიანი).ასა: კადზირი, გოლდენბერგი, გოლომბეკი, სტრუგო, შოჰამი (1), აპტელი, ეროსი (1), გულდშმია (1), ჰადარი (1), მურვიტზი, პოლაცეკი (მთავარი მწვრთნელი ბენი ლენგი).შეხვედრა მასპინძელთა იერიშებით დაიწყო, მაგრამ ანგარიში მხოლოდ მე-5 წუთზე გაიხსნა _ თავი ბექა ქენქაძემ გამოიჩინა. რამდენიმე წამის შემდეგ გუნდის კაპიტანმა ზურაბ რურუამ პენალტით ანგარიში ორამდე გაზარდა. ინიციატივას მთლინად "ლიგამუსი-თბილისი" დაეუფლა და პირველი პერიოდის ბოლომდე მეტოქის კარში კიდევ ოთხი გოლი გაიტანა. სტუმრებმა ანგარიშის მხოლოდ ერთი ბურთით შემცირება მოახერხეს.მეორე პერიოდის დასაწყისში სახელოვანმა ქართველმა სპორტსმენმა რევაზ ჩომახიძემ იყოჩაღა _ კადზირთან პირისპირ გასულმა მე-7 ბურთი მოათავსა ასა-ს კარის ბადეში. საერთოდ, ამ მატჩში ჩომახიძემ, რომელიც ერთწლიანი შესვენების შემდეგ დაუბრუნდა დიდ სარბიელს, სამი გოლი გაიტანა. მთლიანად ამ მატჩში "ლიგამუსი-თბილისის" წყალბურთელებმა 18 გოლი მიითვალეს, საკუთარ კარში კი 4 ბურთი მიიღეს. ქართული წყალბურთის ისტორიაში პირველმა ჩვენებურმა საკლუბო გუნდმა სადებიუტო ოფიციალურ ტურნირზე _ ლენტროფის გათამაშებაში პირველი გამარჯვება იზეიმა, თანაც დიდი ანგარიშით.დღეს მასპინძლები სტამბოლის ენკა-ს შეხვდებიან. წარმატების შემთხვევაში, დანარჩენი ორთაბრძოლების მიუხედავად, ფაქტობრივად, მეორე ეტაპის საგზურს დაიბევებენ._ მიხარია, რომ საკლუბო ჩემპიონატში პირველი შეხვედრა მოვიგეთ, _ მითხრა "ლიგამუსი-თბილისის" კაპიტანმა ზურაბ რურუამ. _ ბიჭები მონდომებულები იყვნენ და სასურველ შედეგსაც მივაღწიეთ. ასა არ ყოფილა ძლიერი გუნდი. ისრაელში ბოლო ორი-სამი წელიწადია, წყალბურთს ყურადღებას უთმობენ, თუმცა დღეს ახალგაზრდულმა კლუბმა სათანადო წინააღმდეგობა ვერ გაგვიწია. მეორე ტურში დიდი ბრძოლა მოგველის თურქეთის ენკა-სთან, რადგან მე-4 საგზურის მთავარი კონკურენტი ჩვენთვის სწორედ ეს გუნდია. სტამბოლელებს შეჯიბრების სტარტზე მაინცდამაინც თავი არ შეუკლავთ "პოსილიპოსთვის". ასე მგონია, ძალები "ლიგამუსი-თბილისთან" საბრძოლველად შემოინახეს...ასპარეზობის მონაწილენი დღეს ორ-ორ შეხვედრას გამართავენ: მე-2 ტური. 09.30. პოსილიპო-ოლიმპიკი, 11.00. ჰონვედი-ასა, 12.30ლიგამუსი-თბილისი-ენკა. მე-3 ტური. 15.30. პოსილიპო-ასა, 17.00. ენკა-ოლიმპიკი, 18.30. ჰონვედი-ლიგამუსი-თბილისი.ყოველდღიური სპორტული გაზეთი"ლელო"

69 გოლი 2 მატჩში - საქართველოს წყალბურთელთა ნაკრებმა ევროპირველობის საგზური მოიპოვა

საქართველოს წყალბურთელთა ეროვნული ნაკრები, 2025 წლის მსოფლიო თასის საკვალიფიკაციო ეტაპზე 1/4 ფინალში გავიდა

საქართველოს წყალბურთელთა ნაკრები რუმინეთთან დამარცხდა

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია