- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თემურ ჩხაიძე: ფეხბურთის განვითარების თურქული მოდელი მშვენიერი მაგალითია
<p>ვეტერანი ფეხბურთელი და ლანჩხუთის მაჟორიტარი დეპუტატი საქართველოში ფეხბურთის განვითარებაზე საუბრობს <br> ლანჩხუთელებმა თემურ ჩხაიძეს ნდობა გამოუცხადეს და "ქართულ ოცნების" კანდიდატი მაჟორიტარ დეპუტატად აირჩიეს.</p><p>ლანჩხუთის "გურიას" საუკუნის მოთამაშედ აღიარებული ჩხაიძე და ლანჩხუთის "გურია" 1990 წელს საქართველოს ფეხბურთის დამოუკიდებელი ფედერაციის დამფუძნებელი ყრილობის უპირველესი მხარდამჭერები იყვნენ.</p><p>სწორედ მათმა პრინციპულმა პოზიციამ განაპირობა, ეროვნულ ჩემპიონატში საუკეთესო ქართული გუნდები მაშინვე რომ ჩაერთვნენ და არა ერთი, ან ორი წლის შემდეგ. არადა, ასეთი მოწოდებები ისმოდა და მხარდამჭერებიც ჰყავდა.</p><p>ისევ და ისევ ლანჩხუთში "გურიას" ვეტერანი ფეხბურთელები იყვნენ სპორტსმენებში პირველები, შარშან ნოემბერში ბიძინა ივანიშვილისთვის საქართველოს მოქალაქეობის აღდგენის მოთხოვნას რომ შეურთდნენ.</p><p>მერე გურულები "ქართულ ოცნებას" შეუერთდნენ და ლანჩხუთის "გურიას" და თბილისის "დინამოს" ყოფილი ფეხბურთელი, 1972-74 წლებში საბჭოთა კავშირის იუნიორთა ნაკრების ექს-კაპიტანი და უბრალოდ, ერთი კარგი გურული კაცი ლანჩხუთში მაჟორიტარობის კანდიდატად დაასახელეს.</p><p>თემურ ჩხაიძე "ლელოს" სტუმარია და გველაპარაკება, როგორ წარმოუდგენია სპორტისა და კერძოდ, ფეხბურთის განვითარება.</p><p><strong>- უპირველესად, არჩევნებში გამარჯვებას გილოცავთ.</strong></p><p>- დიდი მადლობა თქვენ, მადლობა ლანჩხუთელებს, რომლებმაც ამხელა ნდობა გამომიცხადეს. ყველამ იცის, რომ პოლიტიკით არასოდეს დავინტერესებულვარ, რომ არა ქვეყანაში შექმნილი მდგომარეობა. არ შემეძლო გულგრილი ვყოფილიყავი. მხოლოდ ამის გამო გადავწყვიტე ბიძინა ივანიშვილის თანადგომა.</p><p>კარგად ვგრძნობ, რამხელა ჯვარი უნდა ვატარო და ლანჩხუთელთა რამხელა ნდობა უნდა გავამართლო. საამისოდ აუცილებლად ყველაფერი უნდა გავაკეთო.</p><p><strong>- "ქართულმა ოცნების" მაჟორიტარი კანდიდატებიდან პარლამენტში ბევრი ცნობილი სპორტული სახე მოხვდა: თქვენ, კახა კალაძე, ლერი ხაბელოვი, შოთა ხაბარელი, სოსო ჯაჭვლიანი, ზვიად ზვიადაური. ცხადია, სპორტულ სამყარო დაიმედდა, რომ ამ სფეროში დაგროვილ პრობლემებს ახლა მაინც მოევლება.</strong></p><p>- არა მხოლოდ სპორტს, ყველა სფეროს უნდა მოევლოს. შინაარსობრივი მიხედვა პროფესიონალების ნდობა და კანონმდებლობის ქვეყნის სამსახურში ჩაყენება იქნება.</p><p>თავადაც იცით, რაც ხდებოდა ნებისმიერ სფეროში. მგონია, რომ ახლა პროფესიონალი ადამიანების დრო დადგა.</p><p>"ქართულ ოცნებაში" ანგარიშსწორებაზე არავინ ფიქრობს და პროფესიონალებსაც არავინ ერჩის. არ მსურს იმის გახსენება, მე რა შემემთხვა. ცუდი არაფერი გაგვიკეთებია "გურიას" ვეტერანებს, რომლებმა ხელი მოვაწერეთ, რომ მოქალაქეობა აღედგინათ იმ ადამიანისთვის, რომელმაც სპორტისა და მთლიანად ქვეყნისთვის უამრავი კარგი საქმე გააკეთა.</p><p>"გურია" და მისი მოთამაშეები ყოველთვის ქვეყნის სამსახურში ვიყავით. გაიხსენეთ, 1990 წელს ფეხბურთის ფედერაციის დამფუძნებელი ყრილობა.</p><p>პირველი სწორედ ლანჩხუთელებმა ამოვიღეთ ხმა და მხარი ღიად დავუჭირეთ ქართული ფეხბურთის დამოუკიდებლობას. სასაცილოა, ამ ხალხს რუსების მხარდამჭერებად რომ გვაცხადებდნენ.</p><p><strong>- სპორტული სამყარო იმედოვნებს, რომ ახლა ფედერაციებში პოლიტიკა ნაკლებად შეიჭრება და "ქართული ოცნება" ფსონს პროფესიონალებზე დადებს და არა უბრალოდ, საკუთარ მხარდამჭერებზე.</strong></p><p>- ამის პასუხად ბიძინა ივანიშვილის საქციელს მოვიყვან: როდესაც ის პოლიტიკაში გამოჩნდა, ბევრმა, ვისაც აფინანსებდა, ხელისუფლების მხარე დაიჭირა.</p><p>მაგრამ მათთვის დაფინანსება არ შეუწყვეტია, რომ არ ეთქვათ, ამას ვიღაცის სიმპათიის მოსაპოვებლად აკეთებდაო. თქვენი აზრით, ასეთი ადამიანი და მის გარშემო შეკრებილები პროფესიონალებს არ დააფასებენ?</p><p><strong>- ლანჩხუთის "გურიამ" კრიზისს თავი ვერა და ვერ დააღწია. თქვენი გუნდის აღორძინებას როგორ აპირებთ?</strong></p><p>- სხვათა შორის, წინასაარჩევნო მიტინგზე ბიძინა ივანიშვილმა თავად ბრძანა, რომ ასეთი დიდი ტრადიციისა და ისტორიის მქონე კლუბის აღორძინებით არის დაინტერესებული. ეს ყველა ლანჩხუთელის ოცნებაა.</p><p>გუნდს გაძლიერება ყველა მიმართულებით ესაჭიროება და დარწმუნებული ვარ, ამას შევძლებთ. არა მხოლოდ "გურიას" მიმართ, მთლიანად ქვეყანაში სპორტისადმი შეიცვლება მიდგომა.</p><p><strong>- ცხადია, ცვლილებას ფეხბურთის ფედერაციაშიც ელიან, მაგრამ რა მოხდება, არავინ უწყის.</strong></p><p>- წინასწარ ვერაფერს გეტყვით, რადგან ჯერ ამ თემაზე არ გვილაპარაკია და ნაჩქარები განცხადებებისგან მეც თავს შევიკავებ. აქ ძალიან აწონ-დაწონილი და სწორი გადაწყვეტილება არის მისაღები.</p><p><strong>- ხელისუფლებას ფეხბურთის ფედერაციის საქმიანობაში ჩარევისა და რიგგარეშე ყრილობის ჩატარების უფლება არ გააჩნია. არადა, უკვე ლაპარაკობენ ხელმძღვანელობის შეცვლაზე.</strong></p><p>- ამას ნამდვილად ვერ დაგიდასტურებთ, რადგან ჩვენ თავად არ უნდა გავიმეოროთ ის, რაც წინა ხელისუფლებაში არ მოგვწონდა - ისინი კი ყველა ორგანიზაციის საქმიანობაში ერეოდნენ.</p><p>საზოგადოებრივი ორგანიზაცია თავად გადაწყვეტს, ვინ უნდა მართოს. თუ ფედერაციის დღევანდელი მმართველი საქმეს კარგად უძღვება, ხელს არავინ კრავს.</p><p><strong>- სპორტის დასახმარებლად, პირადად თქვენ რა სახის საკანონმდებლო ინიციატივას მიემხრობით?</strong></p><p>- მიმაჩნია, რომ გარკვეული პერიოდის განმავლობაში სახელმწიფო ფეხბურთს უნდა დაეხმაროს. მაგრამ საქმეს უფრო გლობალურად მივუდგეთ: ველოსიპედის გამოგონების არც დრო არის და არც სურვილია.</p><p>არსებობს პრეცედენტი, როგორ მოახერხა სახელმწიფომ ფეხბურთის განვითარება ჩვენს მეზობელ თურქეთში, სადაც თბილისის "დინამო" და სხვა ჩვენი კლუბები გასასეირნებლად ჩადიოდნენ და 10:0-ებს იგებდნენ.</p><p>აი, ამ დონიდან ქვეყანამ მოახერხა და მსოფლიოს ჩემპიონატის მესამეადგილოსანი გახდა, მისი კლუბები კი სისტემატურად ხვდებიან ჩემპიონთა და ევროპის ლიგების ჯგუფებში.</p><p>თურქეთის მაგალითი და მათი საკანონმდებლო ცვლილებები ჩვენც უნდა გავითვალისწინოთ და ადგილობრივი სპეციფიკის გათვალისწინებით, ვიფიქროთ, რა და როგორ წაგვადგება. იგივეს ვიტყვი კერძო კლუბებსა და მთლიანად, საფეხბურთო მეურნეობაზეც.</p><p>დამთავრდება საარჩევნო პროცესი, დავლაგდებით და მერწმუნეთ, სერიოზული ცვლილებები დაიწყება.</p><p>ჩვენ მხოლოდ ის კი არ გვინდა, რომ საქმე წინა ხელისუფლებაზე უკეთ ვაკეთოთ, არამედ, კარგად უნდა ვაკეთოთ.</p><p>კრიტერიუმი არის მსოფლიო სტანდარტი და მხოლოდ უკეთესით დაკმაყოფილება საკმარისი არ არის.</p><p><strong>ყოველდღიური სპორტული გაზეთი "ლელო"</strong></p>
-
messi
ბატონო თემურ გილოცავთ ხალხის ამ დიდ ნდობას! თქვენ ამას იმსახურებთ თქვენი წესიერი ადამიანობით, თქვენი სიკეთით, თქვენი უბრალოებით, თქვენი კაი კაცობით! თქვენ უყვარხართ ყველა თქვენ აღზრდილ ფეხბურთელს და ყველა იმ ადამიანს, ვინც კი თქვენს ირგვლივ ტრიალებს.
OPTA-ს სუპერკომპიუტერმა 2026 წლის მსოფლიო ჩემპიონატის ფავორიტები დაასახელა
რას ვნახავთ დეკემბერში - პსჟ-ს მატჩები და თბილისის "დინამო" ახალგაზრდულ ლიგაზე
"ვინისიუსის მსგავსი ფეხბურთელი არ უნდა გააბრაზო" - პერესმა ალონსო გააფრთხილა
ლუის ენრიკე: კვარაცხელია განსხვავებულია, სანახაობრივია, უმაღლესი ინტელექტი აქვს
დავითაშვილმა შეუცვლელად ითამაშა - "სენტ-ეტიენი" "დიუნკერკთან“ დამარცხდა
როგორი შეფასებები მიიღეს პსჟ-ს ფეხბურთელებმა "რენთან" მატჩში?
[VIDEO] "კვარამ" "რენს" თქვენი მოწონებული გაუტანა
[VIDEO] ალისონს სამი გაუტანეს - "ლივერპული" "ლიდსთან" ფრეს დასჯერდა
"რენთან" მატჩში ლუის ენრიკემ პსჟ-ს შემადგენლობა დაასახელა
ბუდუს "ჰაიდენჰაიმმა" ზედიზედ მეორე მატჩი შემოატრიალა
[VIDEO] შოთა ნონიკაშვილმა უკრაინის პრემიერლიგაში გაიტანა!
"შავმა ლომმა" "მონპელიე" მხოლოდ პირველ ტაიმში დაჯაბნა
[VIDEO. ეროვნული ლიგა. ბოლო ტური] ტიტული დაცულია! თბილისის "იბერია 1999" ზედიზედ მეორედ გახდა საქართველოს ჩემპიონი!
[VIDEO] ჩაკვეტაძემ ისევ ტრავმა მიიღო და მოედანი ნაადრევად დატოვა
[VIDEO. ეროვნული ლიგა. ბოლო ტური] იონსენი ზედიზედ მეორედ ხდება საუკეთესო ბომბარდირი, პლეი-აუტის ორივე წყვილი ცნობილია...
[VIDEO] მესი, ჩემზე დაქორწინდები? - არგენტინელის პასუხმა ასაკოვანი გულშემატკივარი გაახარა
[VIDEO] მასპინძელი იაპონელი იპონით დაამარცხა! - ილია სულამანიძე ტოკიოს გრანდ სლემის გამარჯვებულია
[VIDEOS] ეთერ ლიპარტელიანმა და გიორგი ჯაბნიაშვილმა ტოკიოს გრანდ სლემზე ბრინჯაოს მედლები მოიპოვეს
კურტუამ მადრიდის "რეალს" შემადგენლობის გაძლიერება მოსთხოვა
"მართალია ერთმანეთი არ მოგვწონს, მაგრამ..." - პიმბლეტმა გეიჯისთან ბრძოლის წინ თოფურიაზე ისაუბრა
"ჭორები "ინტერზე"? "კომოს" გამო ყველას და ყველაფერს შევჭამ" - სესკ ფაბრეგასი
[VIDEO] ბითაძის 20 და მამუკელაშვილის 16 წუთი - ქართველების ტური NBA-ში
რომელ სამეულს აარჩევს ენრიკე პარიზელთა შეტევაში - დღის საინტერესო მატჩები