- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საფრანგეთში ქართველთა "ტულონმა" ლიდერობა დაიბრუნა
<p>საფრანგეთის სარაგბო ჩემპიონატის ელიტურ, პირველ დივიზიონში მერვე ტურის მატჩები გაიმართა <br> საფრანგეთის სარაგბო ჩემპიონატის ელიტურ, პირველ დივიზიონში მერვე ტურის მატჩების შემდეგ ქართველ მორაგბეთა გუნდმა "ტულონმა" ლიდერობა დაიბრუნა.</p><p>მოწინავე სამეულს, რომელსაც ასევე "ქართული გუნდები" შეადგენდნენ, ჩვენებურთა კიდევ ერთი, მეოთხე გუნდი, "მონპელიე" დაემატა.</p><p>როგორც უკვე აღვნიშნეთ, გათამაშებას სათავეში <strong>დავით ქუბრიაშვილის</strong>, <strong>კონსტანტინე მიქაუტაძისა</strong> და <strong>ლევან ჩილაჩავას</strong> "ტულონი" ჩაუდგა.</p><p>ტულონელებმა სტუმრად დიდი ანგარიშით შეძლეს ბასკური "ბიარიცის" დამარცხება - 36:9. აღსანიშნავია, რომ "ბიარიცმა" წლეულს შესანიშნავი სტარტი აიღო, მაგრამ კრიზისი ნაადრევად დაეწყო, რაც, ძირითადად, ქართული წარმოშობის ცხრა ნომრის, <strong>დიმიტრი იაშვილისა</strong> და მესამეხაზელის, იმანოლ არინორდოკის ტრავმებს უკავშირდება.</p><p>მიუხედავად იმისა, რომ "ტულონს" ოცი წუთის განმავლობაში კაცნაკლულს მოუწია თამაში, ძალიან დიდი უპირატესობა ჰქონდა, რაც ანგარიშშიც ნათლად აისახა.</p><p>კვლავ ბრწყინვალედ გაისარჯა ინგლისელი მგეზავი ჯონი ვილკინსონი, რომელმაც გუნდს 21 ქულა მოუტანა (სამი გარდასახვა და ხუთი საჯარიმო).</p><p>ქუბრიაშვილი ტრავმირებულია და არ უთამაშია, მიქაუტაძე და ჩილაჩავა განაცხადში არ იყვნენ.</p><p><strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონმა", რომელიც მერვე ტურამდე ლიდერობდა, სტუმრად წააგო <strong>ანტონ ფეიქრიშვილის</strong> "კასტრთან" - 13:16.</p><p>კასტრელები ოდითგანვე სახლის გუნდად არიან აღიარებულნი და იქ გამარჯვების მიღწევა ცოტა ვინმეს თუ ხელეწიფება. ეს ვერც "ვულკანებმა" შეძლეს.</p><p>მატჩის პირველი ნახევარი კლერმონელებმა მოიგეს - 6:3. მეორე ტაიმის 49-ე წუთზე კი ანგარიშში სხვაობა შვიდ ქულამდე გაზარდეს - 13:6. ამის მერე სათამაშო უპირატესობა მთლიანად მასპინძლებმა იგდეს ხელთ და მრისხანე მეტოქე შინ თავჩაღუნული გაისტუმრეს.</p><p>ზირაქაშვილი ძირითად შემადგენლობაში იყო და 68-ე წუთზე შეცვალეს, ფეიქრიშვილი თამაშში სამი წუთით ადრე ჩაერთო, კოლელიშვილი განაცხადში არ იყო.</p><p>სატურნირო ცხრილის მეორე საფეხურზე გადაბარგდა <strong>ჯაბა ბრეგვაძისა</strong> და <strong>ვასილ კაკოვინის</strong> "ტულუზი", რომელმაც სტუმრად დაამარცხა "ბორდო" - 34:32.</p><p>აღსანიშნავია, რომ ტულუზელებმა პირველი ტაიმი 10:14 წააგეს. უფრო მეტიც, შესვენების შემდეგ ბორდოელებმა, რომლებიც აუტსაიდერები არიან, ანგარიშში სხვაობა კიდევ გაზარდეს და 65-ე წუთამდე უკვე 19 ქულით იგებდნენ - 29:10.</p><p>"ტულუზი" მხოლოდ ამის შემდეგღა გამოცოცხლდა და მატჩის დასასრულამდე დარჩენილ 15 წუთში სამი ლელოს გატანა შეძლო. ბოლო, გამარჯვების მომტანი ლელო კი მათ სულაც თამაშის უკანასკნელ წუთზე მიითვალეს - 34:32.</p><p>ბრეგვაძე და კაკოვინი ტრავმირებულნი არიან და არ უთამაშიათ.</p><p>უამრავი პრობლემის მიუხედავად, <strong>მამუკა გორგოძის</strong>, <strong>გიორგი ჟღენტისა</strong> და <strong>მიხეილ ნარიაშვილის</strong> "მონპელიე" ლიდერთა შორის გაერია.</p><p>ჩვენებურთა გუნდმა უმნიშვნელოვანესი გამარჯვება მოიპოვა სტუმრად "მეტრო რასინგთან" - 16:12. საგულისხმოა, რომ მონპელიელებს პარიზში 2008 წლის შემდეგ აღარ მოეგოთ და ამჯერადაც ფავორიტებად მასპინძლები მიაჩნდათ.</p><p>გორგოძემ და კომპანიამ ყველა პროგნოზი გააბათილეს. პირველი ტაიმი მონპელიელებმა რაგბისთვის უჩვეულო ანგარიშით, 3:0 მოიგეს. შესვენების შემდეგ ერთი ხანობა მასპინძლები საგრძნობლად გააქტიურდნენ, ანგარიშში დაწინაურებაც შეძლეს, თუმცა სტუმრებმა მათი წინააღმდეგობის დაძლევა მაინც მოახერხეს. შეგახსენებთ, რომ "მონპელიეს" არგენტინის ნაკრებში მივლინებული ექვსი წამყვანი მოთამაშე აკლია.</p><p>გორგოძემ თავიდან ბოლომდე ითამაშა, ჟღენტი 59-ე წუთზე შეცვალეს, ნარიაშვილი ტრავმირებულია და არ უთამაშია.</p><p><strong>ზურაბ ჟვანიას</strong> "სტად ფრანსემ" სტუმრად შეძლო უიმედო აუტსაიდერის, "მონ დე მარსანის" დამარცხება - 30:28 და სახიფათო ზონას ოდნავ დაშორდა.</p><p>პარიზელებმა მეტოქეს ლელო ვერაფრით გაუტანეს და ფონს ფულბეკის, ჟერომ პორიკალის და მგეზავის, ჟული პლისონის ფეხჩუბინობის წყალობით გავიდნენ. პორიკალმა რვა საჯარიმო გაიტანა (24 ქულა), პლისონმა კი ორი არეკნი მიითვალა (6 ქულა).</p><p>ჟვანია სათადარიგოთა შორის იყო, თუმცა მოედანზე არ გამოჩენილა.</p><p><span style="color: #ff0000;"><strong>I დივიზიონი</p><p></strong></span><strong>VIII ტური</p><p></strong>კასტრი-კლერმონი 16:13, ბიარიცი-ტულონი 9:36, გრენობლი-პერპინიანი 28:23, ბაიონი-აჟენი 37:16, მეტრო რასინგი-მონპელიე 12:16, მონ დე მარსანი-სტად ფრანსე 28:30, ბორდო-ტულუზი 32:34.</p><p><em>სატურნირო მდგომარეობა</p><p></em>1. ტულონი - 32 ქულა, 2. ტულუზი - 28, 3. კლერმონი - 28, 4. მონპელიე - 23, 5. გრენობლი - 22, 6. კასტრი - 20, 7. ბიარიცი - 19, 8. მეტრო რასინგი - 19, 9. პერპინიანი - 16, 10. სტად ფრანსე - 15, 11. ბაიონი - 15, 12. აჟენი - 14, 13. ბორდო - 11, 14. მონ დე მარსანი - 1.</p><p><strong>IX ტური</p><p></strong>მონ დე მარსანი-ბორდო, სტად ფრანსე-ტულუზი, აჟენი-კასტრი, პერპინიანი-მეტრო რასინგი, კლერმონი-ბიარიცი, ტულონი-ბაიონი, მონპელიე-გრენობლი.</p><p><span style="color: #ff0000;"><strong></p><p>* * *</strong></span></p><p>ელიტური, მეორე დივიზიონის გათამაშებაში ექვსი ტურის შემდეგ საპლეიოფო ზონაში ქართველ მორაგბეთა ოთხი გუნდია. ესენია: "ლიონი", "ტარბი", "ორიაკი" და "ალბი". ჩამოსაწერი არც "ბრივია", რომელიც დაწინაურებულებს სულ რაღაც ორი ქულით ჩამორჩება.</p><p>სატურნირო ცხრილში 20 ქულით მეორე ადგილზე <strong>გურამ კავთიძის</strong> "ლიონია", რომელიც სეზონის წინ უმთავრეს ფავორიტად მიიჩნეოდა.</p><p>ლიონელებმა მე-6 ტურში შინ მოუგეს "ნარბონს" - 36:16. მასპინძლებმა მეტოქეს 6 ლელო გაუტანეს და კიდევ ერთხელ დაამტკიცეს, რომ პირველობაზე საფუძვლიანად აცხადებენ პრეტენზიას.</p><p>კავთიძე ძირითად შემადგენლობაში იყო და 65-ე წუთზე შეცვალეს.</p><p><strong>გიორგი ჩხაიძის</strong>, <strong>გიორგი ნემსაძის</strong>, <strong>დავით დადუნაშვილისა</strong> და <strong>ირაკლი მირცხულავას</strong> "ტარბმა", რომელიც 19 ქულით მესამე ადგილზეა, სტუმრად უმძიმეს ბრძოლაში დაამარცხა "ექსი" - 20:16.</p><p>თამაში ძალზედ დაძაბული გამოდგა. მატჩის არბიტრი იძულებული გახდა, მოედნიდან ხუთი მორაგბე გაესინბინებინა. აქედან ხუთი ტარბელი იყო. მათ შორის იყო გუნდის კაპიტანი გიორგი ჩხაიძეც, რომელმაც ათი წუთით მოედანი პირველი ტაიმის 30-ე წუთზე დატოვა. გიორგიმ თავიდან ბოლომდე ითამაშა.</p><p>ძირითად შემადგენლობაში იყო და ასევე სრულად ითამაშა საქართველოს ნაკრების მეორეხაზელმა გიორგი ნემსაძემ, რომელიც "ტარბის" ვიცე-კაპიტანია; დავით დადუნაშვილი და ირაკლი მირცხულავა თამაშში ერთდროულად, 56-ე წუთიდან ჩაერთვნენ.</p><p>ერთგვარი ქართული დერბი გაიმართა ალბიში, სადაც <strong>ალექსანდრე თოდუას</strong>, <strong>ვახტანგ მაისურაძის</strong>, <strong>ვახტანგ ახობაძის</strong>, <strong>კახაბერ კობერიძისა</strong> და <strong>გიორგი თეთრაშვილის</strong> "ალბიმ" <strong>ლევან დათუნაშვილის</strong>, <strong>კარლენ ასეიშვილისა</strong> და <strong>გიორგი ნაცარაშვილის</strong> "ორიაკს" მოუგო - 25:19.</p><p>მასპინძლები დასაწყისშივე დაეუფლნენ ინიციატივას და თამაშის ბოლომდე აკონტროლებდნენ მატჩის მსვლელობას. ერთი უცნაური დეტალი - "ორიაკის" შერკინების ბურჯი კარლენ ასეიშვილი, რომელმაც სრულად ითამაშა, მატჩის არბიტრმა პირველივე წუთზე გაასინბინა.</p><p>ასევე თავიდან ბოლომდე ითამაშა საქართველოს ნაკრების მეორეხაზელმა ლევან დათუნაშვილმა, გიორგი ნაცარაშვილი მატჩში 57-ე წუთიდან ჩაერთო, ალექსანდრე თოდუა კი "ალბის" რიგებში რვა წუთით გვიან გამოჩნდა; მაისურაძე, ახობაძე, კობერიძე და თეთრაშვილი განაცხადში არ იყვნენ.</p><p>"ორიაკს" და "ალბის" ახლა 17-17 ქულა აქვთ და, შესაბამისად, მე-4 და მე-6 ადგილებზე არიან.</p><p>მათ ორი ქულით ჩამორჩება <strong>დავით ხინჩაგიშვილის</strong>, <strong>ირაკლი ნატრიაშვილისა</strong> და <strong>გოდერძი შველიძის</strong> "ბრივი", რომელმაც შინ მოუგო "ოშს" - 16:11.</p><p>ანგარიშიდანაც კარგად ჩანს, რომ ბრიველებს მეტოქის დამარცხება ძალიან გაუჭირდათ. არადა, ეს გუნდი ელიტური, პირველი დივიზიონიდან წლეულს დაქვეითდა და, წესით, უკან დაბრუნება არ უნდა გაუჭირდეს. თუმცა მოვლენები სრულიად სხვაგვარად ვითარდება.</p><p>ხინჩაგიშვილი ძირითად შემადგენლობაში იყო და ის 63-ე წუთზე შველიძემ შეცვალა; ნატრიაშვილი განაცხადში არ იყო.</p><p>მეორე დივიზიონში დარჩენისთვის ბრძოლა მოუწევს ორ "ქართულ გუნდს", "ბეზიესა" და "მასის". <strong>ბექა შეყლაშვილის</strong> "ბეზიემ" შინ მოულოდნელად წააგო "პოსთან" 16:19. შეყლაშვილი ძირითად შემადგენლობაში იყო და 67-ე წუთზე შეცვალეს. ლანგედოკელები ახლა 10 ქულით მე-13 ადგილზე არიან.</p><p><strong>შალვა სუთიაშვილისა</strong> და <strong>დავით აშვეთიას</strong> "მასიმ" სტუმრად წააგო აუტსაიდერ "დაქსთან" - 10:44. ამ მატჩში არბიტრმა ბარათების ჩვენების რეკორდი მოხსნა. მან ექვსი მორაგბე სინბინში გაუშვა, ერთს კი წითელი ბარათი უჩვენა და თამაშის ბოლომდე დაატოვებინა მოედანი.</p><p>დასჯილთა შორის ორივე ქართველი მოხვდა. სუთიაშვილი, რომელმაც სრულად ითამაშა, 21-ე წუთზე გაასინბინეს. აშვეთიას კი ყვითელი ბარათი 39-ე წუთზე უჩვენეს და მოედანზე აღარ დაბრუნებულა. 49-ე წუთზე მის ნაცვლად თამაშში არგენტინელი მარიო საგარიო ჩაერთო.</p><p><span style="color: #ff0000;"><strong>II დივიზიონი</p><p></strong></span><strong>VI ტური</p><p></strong>კარკასონი-ოიონაქსი 25:21, ექსი-ტარბი 16:20, ალბი-ორიაკი 25:19, ბრივი-ოში 16:11, ბეზიე-პო 16:19, დაქსი-მასი 44:10, კოლომიე-ლა როშელი 25:30, ლიონი-ნარბონი 36:16.</p><p><em>სატურნირო მდგომარეობა</p><p></em>1. ოიონაქსი - 21 ქულა, 2. ლიონი - 20, 3. ტარბი - 19, 4. ორიაკი - 17, 5. პო - 17, 6. ალბი - 17, 7. კარკასონი - 16, 8. ლა როშელი - 15, 9. ბრივი - 15, 10. ოში - 13, 11. კოლომიე - 11, 12. ნარბონი - 10, 13. ბეზიე - 10, 14. მასი - 9, 15. ექსი - 8, 16. დაქსი - 7.</p><p><strong>VII ტური</p><p></strong>ოში-ბეზიე, ალბი-ტარბი, ბრივი-მასი, პო-კოლომიე, ორიაკი-ნარბონი, ექსი-ლიონი, ლა როშელი-კარკასონი, ოიონაქსი-დაქსი.</p><p><span style="color: #ff0000;"><strong></p><p>* * *</strong></span></p><p>კელტთა ლიგაში მე-6 ტურის შეხვედრები გაიმართა. <strong>დიმიტრი ბასილაიას</strong> "ედინბურგმა" შინ მოულოდნელად წააგო იტალიურ "ბენეტონთან" - 22:27. ბასილაიამ თავიდან ბოლომდე ითამაშა.</p><p>ედინბურგელები 12 ქულით ახლა მეცხრე ადგილზე არიან. ლიდერობა კი ხელთ იგდო ირლანდიურმა "ალსტერმა", რომელმაც 21 ქულა დააგროვა.</p><p><span style="color: #ff0000;"><strong>კელტთა ლიგა</p><p></strong></span><strong>VI ტური</p><p></strong>ზებრე-ოსფრიზი 16:34, ჰლანეჰლი-ნიუპორტი 24:13, ალსტერი-ქონოთი 25:0, ედინბურგი-ბენეტონი 22:27, კარდიფი-გლაზგო 3:18, ლენსტერი-მანსტერი 30:21.</p><p><em>სატურნირო მდგომარ</em><em>ეობა</p><p></em>1. ალსტერი - 21 ქულა, 2. ჰლანეჰლი - 20, 3. გლაზგო - 18, 4. ლენსტერი - 17, 5. მანსტერი - 14, 6. ოსფრიზი - 14, 7. კარდიფი - 14, 8. ბენეტონი - 13, 9. ედინბურგი - 12, 10. ქონოთი - 12, 11. ნიუპორტი - 9, 12. ზებრე - 1.</p><p><strong>VII ტური</p><p></strong>ნიუპორტი-ალსტერი, ედინბურგი-ჰლანეჰლი, მანსტერი-ზებრე, ოსფრიზი-ქონოთი, ბენეტონი-გლაზგო, ლესტერი-კარდიფი.</p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა