- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლევან ბერიანიძის დებიუტი ბრინჯაოთი
<p>ცოტა ხნის წინ მოსკოვში გამართულ მსოფლიოს ჩემპიონატზე თავისუფალი სტილის მოჭიდავეთა შორის საქართველოს ნაკრები მხოლოდ ორი ბრინჯაოს მედლით დაკმაყოფილდა...</p><p><br> ცოტა ხნის წინ მოსკოვში გამართულ მსოფლიოს ჩემპიონატზე თავისუფალი სტილის მოჭიდავეთა შორის საქართველოს ნაკრები მხოლოდ ორი ბრინჯაოს მედლით დაკმაყოფილდა. დებიუტანტისთვის ნებისმიერი მედალი წარმატებაა, მაგრამ ჩვენი გუნდის გამოცდილი მოჭიდავეების ხელმოცარვის ფონზე მძიმეწონოსან ლევან ბერიანიძის საპატიო კვარცხლბეკზე ასვლა ჭიდაობის სპეციალისტებმა ორმაგად დასაფასებელად მიიჩნიეს. გუშინ, 10 ოქტომბერს ლევანს 20 წელი შეუსრულდა.</p><p>მილოცვის შემდეგ იუბილარმა სპორტში პირველი ნაბიჯები გაიხსენა.</p><p>_ ვარჯიში 8 წლისამ შოთა კოტორაშვილთან დავიწყე. სამი წლის შემდეგ ჩემი მწვრთნელები თამაზ ბედიანაშვილი და ჯონი ლორია გახდნენ. პირველი დასამახსოვრებელი წარმატება კადეტთა შორის ზარბეგ ბერიაშვილის სახელობის ტურნირზე გამარჯვება იყო. ჩემი წონიდან გამომდინარე, ძალიან ცოტა ჭაბუკთა შეჯიბრებაში მომიწია გამოსვლამ. ახალგაზრდებში კი საქართველოს პირველივე ჩემპიონატზე, 2007 წელს ფინალისტი გავხდი. მომდევნო წელს პირველი ვიყავი. შარშან კი გიორგი საკანდელიძესთან წავაგე ფინალი.</p><p><strong>_ და დაიწყო კიდეც შენი და საკანდელიძის პრინციპული პაექრობა წონაში ლიდერობისთვის.</p><p></strong>_ ჩვენ შორის მართალაც მძაფრი კონკურენციაა, რაც სასიკეთოდაც კი წაგვადგა _ უფრო მოვუმატეთ ვარჯიშს. 2009 წლის ფინალი საკანდელიძემ წილისყრით მომიგო, მერე რიგის ტურნირის ნახევარფინალში ვძლიე, სადაც ჩემპიონი გავხდი, ისევე, როგორც მომდევნო შეჯიბრებაზე ანტალიაში. ცოტა ხანში ვახტანგ ბალავაძის ტურნირიც მოვიგე, მაგრამ ევროპის ჩემპიონატის წინ ჩემსა და გიორგის შორის გამართულ საკონტროლო შეხვედრაში დავმარცხდი და გადაწყდა, რომ კონტინენტის პირველობაზე ის იჭიდავებდა.</p><p><strong>_ ბოლო ორი წელია, ახალგაზრდებში ევროპისა და მსოფლიოს ჩემპიონატებმა შენ გარეშე ჩაიარა...</p><p></strong>_ ორივე წელს შეჯიბრებებში ჩემი მონაწილეობა იგეგმებოდა, თუმცა ორივეჯერ მიზეზთა გამო ამ შეჯიბრების მიღმა დავრჩი. თუმცა აქვე საკანდელიძის წარმატებებზეც უნდა ვთქვა _ იქამდე მე ევროპასა და მსოფლიოზე ბრინჯაოს მედლები მოვიპოვე, ხოლო გიორგი ოქროსაც შესწვდა და ვერცხლსაც.</p><p>ახალგაზრდების მსოფლიოს ჩემპიონატის გამოტოვების გამო საშუალება მომეცა, პირველ ნაკრებთან ერთად ბაქოს ტურნირზე მეჭიდავა, სადაც მესამე პრიზიორი გავხდი და დიდებს შორის მსოფლიოს ჩემპიონატზეც წამიყვანეს.</p><p><strong>_ ბრინჯაო ბაქოს "დიდი პრიზზე" შენი პირველი მედალი იყო საერთაშორისო არენაზე უკვე დიდებს შორის...</p><p></strong>_ პირველად რუს გოტოვცევს, მერე კი ბელარუს შემაროვს ვაჯობე, მესამე წრეში თურქმა ევროპის ვიცე-ჩემპიონმა ფათიჰ შაკიროღლუმ მომიგო, მესამე ადგილისთვის კი ჩვენივე გუნდის წევრ დავით მოძმანაშვილს შევხვდი და დამატებით დროში 2:0 მოვიგე. ამ გამარჯვებით ჩვენი ნაკრების მძიმე წონაში ფავორიტთა შორის დავწინაურდი და მოსკოვის მსოფლიოს ჩემპიონატისაკენ გზა გამეხსნა.</p><p><strong>_ ეს შენთვის მსოფლიოს პირველი ჩემპიონატი იყო, გქონდა მედლის იმედი?</p><p></strong>_ ბუნებრივია, ძნელია, ასეთი მაღალი რანგის შეჯიბრებაზე დებიუტანტმა წარმატება დაგეგმო, მაგრამ მოსკოვიდან შინ მთლად უსახელოდ დაბრუნებაც არ შედიოდა ჩემს გეგმებში. ჩემპიონატის წინ ნაკრებთან ერთად სამი შეკრება გავიარე და კარგ ფორმაში ვიყავი. მოსკოვში ჯერ ევროპის პრიზიორ პოლონელ ბარტნიცკის, შემდეგ ყაზახ ოლიმპიურ პრიზიორ მუტალიბოვს ვაჯობე და მეოთხედფინალში მსოფლიოს ჩემპიონატის ფინალისტ ირანელ ფადინ ვალადს შევხვდი. მასთან ერთხელ წაგებული მქონდა და რევანში ავიღე. სამწუხაროდ, ფინალში გადასასვლელი ორთაბრძოლა რუს ბილიალ მახოვთან ჩემი მარცხით დასრულდა. ბრინჯაოს მედლისთვის პაექრობაში უნგრელი დანიელ ლიგეტი დავამარცხე.</p><p><strong>_ სპეციალისტებმა შენი წარმატება სასიამოვნო სიურპრიზად მიიჩნიეს.</p><p></strong>_ მათი აზრი ჩემთვის ძვირფასია. სხვათა შორის, მსოფლიოს ჩემპიონატის შემდეგ მე და გიორგი გოგშელიძეს გორში შეხვედრა მოგვიწყეს წარსულში ცნობილმა ადგილობრივმა ფალავნებმა და იქაც დიდი სითბო და სიამაყე ვიგრძენი. სასიამოვნო იყო ამდენი ჩემპიონის გვერდით ყოფნა, მათგან შექების და რჩევების მოსმენა.</p><p><strong>_ უახლოეს შეჯიბრებაზე სად გიხილავთ?</p><p></strong>_ თვის ბოლოს სომხეთში უნდა მეჭიდავა კომერციულ საერთაშორისო ტურნირში, მაგრამ მოსკოვში გამიზეზებული ფეხის ტრავმა ჯერჯერობით არ მაძლევს საშუალებას, გავიდე საჭიდაო ხალიჩაზე. ექიმების რჩევით ორ თვესაც დავისვენებ და მერე საქართველოს ჩემპიონატში გამოვალ.</p><p><strong>ყოველდღიური სპორტული გაზეთი</p><p>"ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა