გაბრიელა ხვედელიძე - სეზონის მაჟორული ფინიში

ახალგაზრდა ქართველი ტანმოვარჯიშე ბელგრადში მოპოვებულ წარმატებაზე საუბრობს უკვე გაუწყეთ, რომ ქართველმა მხატვრულმა ტანმოვარჯიშემ გაბრიელა ხვედელიძემ (მწვრთნელი ბელა კობალაძე) ბელგრადში ახალგაზრდა სპორტსმენთა საერთაშორისო ტურნირზე ორი ოქროს და სამი ვერცხლის მედალი მოიპოვა.შეჯიბრებაში 15 ქვეყნის წარმომადგენლები მონაწილეობდნენ, მათ შორის რუსები, რომლებსაც სპორტის ამ სახეობაში საერთაშორისო სარბიელზე მოწინავე პოზიციები უკავიათ. ხვედელიძემ მრავალჭიდში ყველა მათგანი ჩამოიტოვა და 98,667 ქულით პირველი ადგილი დაიკავა.გამარჯვებულს 1,250 ქულით ჩამორჩა იულია ბრავიკინა (რუსეთი). 96,950 ქულით მესამე ადგილი რუმინელ ლუიზა ფილიორიანუს ერგო. ცალკეული საგნების მიხედვით ადგილები ასე განაწილდა:ბურთი. 1. გაბრიელა ხვედელიძე (23,900), 2. ლუიზა ფილიორიანუ (23,525), 3. იულია ბრავიკინა (23,508).რგოლი. 1. ოლგა ბელკოვა (რუსეთი, 24,900), 2. გაბრიელა ხვედელიძე (24,642), 3. ლუიზა ფილიორიანუ (24,308).გურზები. 1. იულია ბრავიკინა (25,575), 2. გაბრიელა ხვედელიძე (25,375), 3. ლუიზა ფილიორიანუ (24,467).ბაფთი. 1. იულია ბრავიკინა (25,520), 2. გაბრიელა ხვედელიძე (24,750), 3. ლუიზა ფილიორიანუ (24,650)."ბელგრადის საერთაშორისო ტურნირში პირველად ვიასპარეზე. ყველაფერი შესანიშნავად იყო ორგანიზებული. ძლიერი კონკურენტები მყავდა.მათ შორის - 6 რუსი, რუმინელი ფილიორიანუ და მოლდოველი ნიკოლეტა დულგაჰერუ, რომელიც წლეულს ახალგაზრდების ევროპის ჩემპიონატში მონაწილეობდა და ბურთით ვარჯიშში ფინალურ ეტაპზე მედლებისთვისაც კი იბრძოდა.მართალი გითხრათ, ასე კარგად თუ გამოვიდოდი, არ მეგონა, რადგან წლევანდელი ევროპის პირველობის შემდეგ, სადაც გუნდურსა და გურზებით ვარჯიშში ბრინჯაოს მედლები მოვიპოვე, არსად მიასპარეზია, მაგრამ ჩემს მწვრთნელ ბელა კობალაძესთან ერთად ყველაფერი გავაკეთე წარმატებისთვის.ამ სეზონში, თანაც ამ პროგრამით, ჩემი ბოლო შეჯიბრება იყო და ძალიან მინდოდა, მაჟორული ფინიში მქონოდა.მომავალი წლისთვის ახალ პროგრამას ვამუშავებთ, რომელსაც, ალბათ, გაისად თებერვალში ტარტუს საერთაშორისო ტურნირ "მის ვალენტინზე "გამოვცდი", - მითხრა ბელგრადიდან დაბრუნებულმა ხვედელიძემ."გაბრიელას წარმატებამ ჩვენც ძალიან გაგვახარა, - ჩაერია საუბარში საქართველოს ტანვარჯიშის სახეობათა ეროვნული ფედერაციის გენერალური მდივანი ფიქრია ფანქველაშვილი. - სასიამოვნოა, რომ ახალგაზრდების ევროპის ჩემპიონატის შემდეგ სპორტული ფორმა შეინარჩუნა. მტკიცე ხასიათისა და სტაბილური ტანმოვარჯიშეა. მომავალშიც არაერთხელ გაგვახარებს".- მხატვრულ ტანვარჯიშში მოსალოდნელ ცვლილებებზე რას იტყვი?- ყოველი ოლიმპიადის შემდეგ ჩვენს სახეობაში, ჩვეულებრივ, პროგრამები და შეფასების წესები იცვლება. საერთაშორისო ფედერაციიდან უკვე მივიღეთ შესაბამისი საბუთები და მითითებები, რომელთა მიხედვით ყველა საგანში ახალი ვარჯიშები გვექნება, რათა მომავალი წლისთვის საფუძვლიანად მოვემზადოთ.უფროსებში მსოფლიოს და ევროპის ჩემპიონატები გველის. ეს შეჯიბრებები 2013 წელს, შესაბამისად, უკრაინასა და ავსტრიაში გაიმართება. ახალგაზრდებში ევროპის მესამე პრიზიორი სალომე ფაჟავა გაისად უკვე უფროსებში იასპარეზებს.მასთან ერთად ეროვნულ ნაკრებში მოსახვედრად ელვირა ზუკაკიშვილი, მედეა გათენაძე, ლია ცეცაძე და სალომე შავდათუაშვილი იბრძოლებენ.<a href="/images/videomanager/videos/Nike and puddle.flv"></a>რაც შეეხებათ ახალგაზრდებს, გაბრიელა ხვედელიძისა და სოფიკო ფარულავას მონაწილეობით შეგვეძლო ჯგუფურში კარგი ნაკრები ჩამოგვეყალიბებინა, რომელიც ევროპის პირველობაზე აუცილებლად მედლისთვის იბრძოლებდა, მაგრამ ამ ეტაპზე ვარჩიეთ, რომ ორივე სპორტსმენმა 2013 წელს მხოლოდ ინდივიდუალურში აიმაღლონ ოსტატობა, გრან პრის ტურნირებსა და მსოფლიოს თასის ეტაპებზე მოსინჯონ ძალები, რათა 2014 წელს უფროსებში გადანაცვლებისას მეტი საშეჯიბრო გამოცდილება ჰქონდეთ და სხვა ქართველ ტანმოვარჯიშეებთან ერთად 2016 წლის ოლიმპიური თამაშების ლიცენზიებისთვის წარმატებით იბრძოლონ.ყოველდღიური სპორტული გაზეთი "ლელო"

ტანმოვარჯიშე დაჩი დოლიძე ევროპის ახალგაზრდული ოლიმპიური ფესტივალის ფინალშია

დაჩი დოლიძემ ლუქსემბურგში გამართულ ტურნირზე ვერცხლის მედალი მოიპოვა

რუსეთში ყველაფერი მოსულა, პრეზიდენტმა ოლიმპიური ჩემპიონი ისევ დააორსულა

"რუსეთის მხარდამჭერი ყველა ქვეყანა გარიცხეთ" - შევჩენკოს მოწოდება ოლიმპიურ თამაშებზე

თუ ალონსოს გაათავისუფლებენ - "რეალის" ჩაბარების მთავარი კანდიდატი არვალო არბელოაა

მწვრთნელს თავი მოაწონა - "ბარსელონა" რაშფორდის გამოსყიდვას შეეცდება

ვიტინიამ გაამხილა სად სურს კარიერის გაგრძელება

რასპადორი მალე შეიძლება "რომაში" გადავიდეს

"კორინთიანსმა" "მილანს" ბრაზილიის ნაკრების მეკარე არ მიჰყიდა

დემბელე უკმაყოფილოა - ლუის ენრიკე ფრთხილობს

20 წ. | ორი ტესტი მოქმედ ჩემპიონ სამხრეთ აფრიკასთან

ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა

იმედები ვერ გაამართლა - "ატლეტიკო" სორლოტის გაყიდვას ეცდება

"ფერადკანიან ბავშვებს ასწავლიან, რომ ბო*ივით მორჩილი მონები იყვნენ - იან რაიტმა ჯუდ ბელინგემი დაიცვა

"გიორგი რუსეთის ნაკრებში დაბრუნებაზე ოცნებობს, ამხანაგურ მატჩში მაინც..." - ჯიქიას აგენტი

"პსჟ მადრიდის "რეალის" მცველს სარფიან კონტრაქტს შესთავაზებს" - ესპანური გამოცემა

"მიქაუტაძე "ვილიარეალს" წიტაიშვილის შეძენას ურჩევს, საქმეში სხვა კლუბებიც არიან" - რას წერს ფრანგული გამოცემა ქართველზე?

[VIDEO] რონალდოს ლამაზი საგოლე პასი და ფელიქსის ბრწყინვალე გოლი

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ფუტსალი | საქართველოს ნაკრები სომხეთთან დამარცხდა

დამძიმებული ფეხებით - ჩაკვეტაძემ "ლესტერთან" მატჩამდე ისაუბრა

ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!