- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანიის თასი. II ეტაპი: იუპს რაც უნდა, ისა ქნას...
<p>"ბაიერნი" მეორე შემადგენლობითაც იოლად იგებს, "გლადბახი" გავარდა, "ვოლფსბურგი" გავიდა, "ლევერკუზენმა" იწვალა</p><p><br> გერმანიის თასის მეორე ეტაპზე სერიოზული სენსაცია არც ოთხშაბათს მოხდა - დაფიქსირდა მხოლოდ ლოგიკური და რამდენიმე საგულისხმო შედეგი.</p><p>დიუსელდორფის "ფორტუნამ" მიონხენგლადბახის "ბორუსია" დაიფრინა; "ვოლფსბურგმა" ლორენც-გიუნტერ კიოსტნერის ხელმძღვანელობით მეორე თამაშიც მოიგო; "ლევერკუზენმა" მესამებუნდესლიგელ "არმინიასთან" მაგრად იწვალა, მაგრამ მერვედფინალში მაინც გავიდა; "ჰანოვერში" მეკარე გახდა გმირი, ფანებმა კი მორიგი სკანდალი მოაწყვეს; "კარლსრუემ" და "ოფენბახმა" მეორებუნდესლიგელები დაჯაბნეს, მიუნხენის "ბაიერნმა" კი "კაიზერსლაუტერნი" აბსოლუტურად უპრობლემოდ დაამარცხა.</p><p><em><strong>ფორტუნა-ბორუსია (მ) 0:0 (1:0 დ.დ.)</p><p></strong></em>ფორტუნა (4-2-3-1): გიფერი - ლეველსი, ლანგენეკე, ხუანანი, ი. ვან დერ ბერგი - ბოძეკი, ო. ფინკი - კრუსი (102. ილსიო), ლამბერტცი (91. გარბუშევსკი), ბელინგჰაუზენი - შაჰინი (82. რაფაელი).</p><p>ბორუსია /მ/ (4-4-2): ტერ შტეგენი - შტრანცლი, ბრუვერსი, ალვარო დომინგესი, დემსი - რუპი, ნორდტვეიტი, მარქსი (72. ჯაკა), არანგო - ჰერმანი (86. მლაპა), დე კამარგო (72. ჰანკე).</p><p>84-ე წუთზე ლანგენეკემ (ფორტუნა) ვერ გაიტანა პენალტი (მეკარე)</p><p>გოლი: 1:0 რაფაელი (96)</p><p>მაყურებელი: 54 000</p><p>მიონხენგლადბახის "ბორუსია" ამ სეზონში თავის თავს რომ აღარ ჰგავს, ეს ბუნდესლიგის სატურნირო ცხრილიდანაც ჩანს, სადაც წინა სეზონის მეოთხეადგილოსანი მე-9 პოზიციაზეა.</p><p>შესაბამისად, ლოგიკური ჩანს ისიც, რომ "გლადბახმა" გერმანიის თასზე ასპარეზობა მეორე ეტაპზე, ნაადრევად დაასრულა.</p><p>თუმცა ლუსიენ ფავრის ბიჭებს "ფორტუნას" სახით არაკომფორტული მეტოქე ჰყავდათ და შედეგზე დიდი გავლენა იქონია იმანაც, რომ მატჩი დიუსელდორფში, "ფორტუნას" სტადიონზე გაიმართა.</p><p>დიუსელდორფელებმა თამაში ნანდო რაფაელის გოლით მოიგეს, რომელმაც ყოფილი გუნდის კარის დალაშქვრა დამატებით დროში, 96-ე წუთზე მოახერხა. აღსანიშნავია, რომ რაფაელი მოედანზე 82-ე წუთიდან გამოჩნდა.</p><p>მანამდე, განსაკუთრებით პირველ ტაიმში, "ფორტუნა" არაერთხელ გადარჩა, რაც მეკარე გიფერის დამსახურებაა, რომელმაც სხვადასხვა დროს ნორდტვეიტს, დომინგესს, დე კამარგოს, მარქსს და ჰერმანს აუღო.</p><p>მეორე ტაიმში გიფერმა შეცდომა დაუშვა, მაგრამ თვითონვე გამოასწორა - ჰერმანს მისთვის ბურთის თავზე გადაგდების საშუალება მაინც არ მისცა. ძირითადი დროის მიწურულს მსაჯმა კნუტ კირხერმა მიონხენგლადბახელთა კარში პენალტი დანიშნა, მაგრამ ლანგენეკეს ტერ შტეგენმა აუღო.</p><p><em><strong>ბაიერნი-კაიზერსლაუტერნი 4:0</p><p></strong></em>ბაიერნი (4-2-3-1): შტარკე - რაფინია (79. ვაიზერი), ხავი მარტინესი, ბოატენგი, კონტენტო - ტიმოშჩუკი, ჩანი - რობენი, ალაბა, შაჩირი - პისარო.</p><p>გოლები: 1:0 პისარო (11), 2:0 რობენი (49), 3:0 პისარო (58), 4:0 რობენი (88)</p><p>"ბაიერნის" მთავარი მწვრთნელი იუპ ჰაინკესი ჩემპიონთა ლიგასა და ბუნდესლიგაში მცირე როტაციას მიმართავს ხოლმე, გერმანიის თასზე კი ბევრი ისეთი ფეხბურთელი ათამაშა, რომლებიც შეცვლაზეც იშვიათად, ან საერთოდ არ გამოდიან ხოლმე.</p><p>მაგალითად, რეკორდმაისტერის კარს "კაიზერსლაუტერნთან" ტომ შტარკე იცავდა. ძირითად შემადგენლობაში იყვნენ რაფინია, დიეგო კონტენტო, ანატოლი ტიმოშჩუკი, ემრე ჩანი და კლაუდიო პისარო.</p><p>აღსანიშნავია ისიც, რომ "დონ იუპმა" მხოლოდ ერთი ცვლილება გააკეთა და თამაშში ახალგაზრდა ვაიზერი ჩართო. მიუხედავად ამისა, "ბაიერნს" მეორებუნდესლიგელი "კაიზერსლაუტერნის" დამარცხება ოდნავადაც არ გაუჭირდა - ბავარიელებმა "ეშმაკები" 4:0 გაანადგურეს.</p><p>თუმცა გოლები მაინც გამოცდილმა ფეხბურთელებმა გაიტანეს - არიენ რობენმა და პისარომ დუბლები შეასრულეს.</p><p>აქვე ისიც ვთქვათ, რომ "ბაიერნის" კაპიტანი რობენი გახლდათ, ალაბა გამთამაშებლის პოზიციაზე (!) თამაშობდა, ხავი მარტინესი - დაცვის ცენტრში. ერთი სიტყვით, ჰაინკესმა თავს ექსპერიმენტირების უფლება მისცა და კარგი შედეგი მაინც უპრობლემოდ მიიღო.</p><p><em><strong>ვოლფსბურგი-ფრანკფურტი 2:0</p><p></strong></em>ვოლფსბურგი (4-2-3-1): ბენალიო - ფაგნერი, ნალდო, კიაერი, მ. შეფერი - პოლაკი, ჟოსუე (88. კნოზე) - ჰასებე, დიეგო, ოლიჩი (77. ვიეირინია) - დოსტი (72. ლაკიჩი).</p><p>გოლები: 1:0 დიეგო (51), 2:0 დოსტი (61)</p><p>"ვოლფსბურგმა" კრიზისიდან გამოსვლისკენ მორიგი ნაბიჯი გადადგა - ფელიქს მაგათის გათავისუფლების შემდეგ "მგლებმა" მეორე მატჩიც დამაჯერებლად მოიგეს და გერმანიის თასის მერვედფინალში გავიდნენ.</p><p>როგორც ჩანს, ამ გუნდის მთავარი და ერთადერთი სერიოზული პრობლემა მართლაც მაგათი გახლდათ, რადგან ლორენც-გიუნტერ კიოსტნერის ხელში, რომელიც გუნდის დროებითი თავკაცია, ვოლფსბურგელები ძალიან კარგად ათამაშდნენ.</p><p>მეორებუნდესლიგელ "ფრანკფურტთან" პაექრობაში გოლები დიეგომ და ბას დოსტმა გაიტანეს. აღსანიშნავია, რომ 60 წლის კიოსტნერმა ძირითადი შემადგენლობა არ შეცვალა და ზუსტად ის ფეხბურთელები ათამაშა, რომლებმაც შაბათს "ფორტუნა" 4:1 დაამარცხეს.</p><p>შედარებისთვის: მაგათს "ვოლფსბურგში" ზედიზედ ორ თამაშში ერთი და იგივე ძირითადი შემადგენლობა არასდროს გაუმწესებია. ჩვენი გერმანელი კოლეგების ცნობით, "ვოლფსბურგის" ხელმძღვანელები კიოსტნერის დიდხანს დატოვებაზე სერიოზულად დაფიქრდნენ...</p><p><em><strong>ჰანოვერი-დინამო 1:1 (5:4 პ. ს.)</p><p></strong></em>გოლები: 1:0 დიუფი (15), 1:1 ბრეგერიე (27)</p><p>"ჰანოვერისა" და დრეზდენის "დინამოს" მატჩში აგრესიული ფანების აქტიურობა მოსალოდნელი იყო და ამაზე მატჩამდეც მთელი საფეხბურთო გერმანია ლაპარაკობდა, მაგრამ უსაფრთხოების ჯეროვანი ზომების მიღება მაინც ვერ მოხერხდა: ამ მატჩის ფარგლებში ჰანოვერის პოლიციამ 15 ულტრასი დააკავა! 1 400-მდე ფანმა მოედანზე შეღწევა და თამაშის ჩაშლა სცადა.</p><p>პოლიციის ოფიციალური განცხადებით, სტადიონის დაცვის არაერთი თანამშრომელი დაშავდა. საბოლოოდ, მოედანზე 300-მდე აგრესიულმა გულშემატკივარმა შეაღწია, მატჩის წინ და უშუალოდ შეხვედრის დროს კი დრეზდენელმა და ჰანოვერელმა ფანებმა აკრძალული პეტარდები აანთეს.</p><p>რაც შეეხება მატჩს: ელიტელმა "ჰანოვერმა" მეორებუნდესლიგელი "დინამოს" დამარცხება მხოლოდ პენალტების სერიაშიღა შეძლო (ძირითადი დრო 1:1 დამთავრდა). თერთმეტმეტრიანების სერიის გადამწყვეტ მომენტში "ჰანოვერის" მეკარე რონ-რობერტ ცილერმა დრეზდენელი მიკაელ პოტეს პენალტი მოიგერია და მირკო სლომკას გუნდი თასის მერვედფინალში გაიყვანა.</p><p><em><strong>არმინია-ლევერკუზენი 2:2 (2:3 დ. დ.)</p><p></strong></em>ლევერკუზენი (4-1-2-2-1): რენზინგი - კარვახალი, მ. ფრიდრიხი, ტოპრაკი, შვააბი (40. ჰოსოგაი) - რაინარტცი - ლ. ბენდერი, ჰეგელერი - კასტრო (72. სემი), შიურლე (98. როლფესი) - კისლინგი.</p><p>გოლები: 1:0 ჰილე (8), 1:1 ჰეგელერი (23), 1:2 მ. ფრიდრიხი (56), 2:2 შიუტცი (82), 2:3 შიურლე (94)</p><p>გერმანიის თასზე მოულოდნელი წაგება, პირველ რიგში, "ლევერკუზენისგანაა" ხოლმე მოსალოდნელი და "ფარმაცევტებს" ამჯერადაც ძალიან გაუჭირდათ, თუმცა მესამებუნდესლიგელი ბილეფელდის "არმინია" ბოლოს მაინც დაამარცხეს.</p><p>"ბაიერნთან" ბრწყინვალე გამარჯვებიდან სამი დღის შემდეგ ლევერკუზენელებმა ბილეფელდში მხოლოდ დამატებით დროში გატანილი გოლის წყალობით იმარჯვეს - ძირითადი დრო 2:2 დამთავრდა.</p><p>აღსანიშნავია, რომ "ლევერკუზენმა" გერმანიის თასის მერვედფინალში 4-წლიანი (!) პაუზის შემდეგ გააღწია.</p><p>კიდევ ერთი საინტერესო ფაქტი: "ბაიერს" ბილეფელდში ბოლოს 13 წლის წინ ჰქონდა მოგებული. თუმცა "ლევერკუზენს" წარმატება ძვირად დაუჯდა: უკანახაზელები იომერ ტოპრაკი და დანიელ შვააბი სერიოზულად დაშავდნენ...</p><p><em><strong>შტუტგარტი-ზანკტ პაული 3:0</p><p></strong></em>გოლები: 1:0 ტრაორე (20), 2:0 იბიშევიჩი (21), 3:0 ჰაინალი (41)</p><p>"შტუტგარტმა" მერვედფინალში უპრობლემოდ შეაბიჯა: ბრუნო ლაბადიას შეგირდებმა დასუსტებული "ზანკტ პაული" 3:0 გაანადგურეს. აღსანიშნავია, რომ "ლევერკუზენისგან" განსხვავებით, "შტუტგარტი" გერმანიის თასის მერვედფინალში ზედიზედ მეშვიდედ გავიდა.</p><p><em><strong>ოფენბახი-უნიონი 2:0</p><p></strong></em>გოლები: 1:0 ფეტში (75), 2:0 ფოგლერი (85)</p><p>ოფენბახის "კიკერსის" წარმატებას ბერლინის "უნიონთან" მცირე სენსაცია უნდა ეწოდოს, რადგან ოფენბახელები მესამე ბუნდესლიგაში ასპარეზობენ, "უნიონი" კი მეორე ბუნდესლიგის სტაბილური გუნდია. "კიკერსმა" მათიას ფეტშისა და შტეფან ფოგლერის გვიანი გოლებით მოიგო.</p><p><em><strong>კარლსრუე-დუისბურგი 1:0</p><p></strong></em>გოლი: 1:0 კემპე (88)</p><p>მესამე ბუნდესლიგაში დაქვეითებული "კარლსრუესთვის" თასის მერვედფინალში გასვლა საგულისხმო და მნიშვნელოვანი წარმატებაა. ბადენელებმა "დუისბურგი" დენის კემპეს გოლით (88) დაამარცხეს და აღსანიშნავია, რომ "ზებრები" მე-80 წუთიდან ათი კაცით იყვნენ, საფინალო სასტვენამდე ცოტა ხნით ადრე კი მსაჯმა სტუმრებს მეორე ფეხბურთელიც გაუძევა...</p><p><strong>ყოველდღიური სპორტული გაზეთი "ლელო"</strong></p>
ბუნდესლიგა ხმაურიანი მატჩით იხსნება - "ბაიერნი" "ლაიფციგს" უმასპინძლებს
ზივზივაძის "ჰაიდენჰაიმს" ახალი მეკარე ჰყავს
ლუის დიასი მიუნხენში ჩაფრინდა და დღეს "ბაიერნის" ფეხბურთელი ოფიციალურად გახდება
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა