- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანია. ბუნდესლიგა. X ტურის შეჯამება და სიმბოლური ნაკრები
<p>ტიმ ვიზემ (მარჯვნივ), როგორც იქნა, კარგად ითამაშა და "ჰოფენჰაიმთან" ერთად პირველად მოიგო <br> გერმანიის ჩემპიონობისთვის მიმდინარე ბრძოლაში "ბაიერნის" შანსების ზრდასა თუ კლებაზე წერა უკვე ძალიან მოსაბეზრებელია, რადგან გვინდა თუ არ გვინდა, ბუნდესლიგა ჯერჯერობით ერთი მსახიობის თეატრია.</p><p>თუმცა აღსანიშნავი და ყურადღების ღირსი სხვაც ბევრი ხდება. არ გჯერათ? ინებეთ!</p><p><strong></p><p><span style="color: #ff0000;">ვიზე</span></p><p></strong>ბუნდესლიგამ ათი ტური მოილია და ამ ათიდან მხოლოდ ორი ტური იყო ისეთი, რომელშიც "ჰოფენჰაიმის" მეკარე <strong>ტიმ ვიზემ</strong> კრიტიკა ან დაცინვა არ დაიმსახურა და ისიც იმიტომ, რომ იმ ორ ტურში არც უთამაშია.</p><p>გამოცდილი გოლკიპერი დაცინვის ობიექტი პირველ რიგში იმის გამო გახდა, რომ სეზონის წინ ჩემპიონთა ლიგის საგზურზე საუბრობდა. მერე გავრცელდა კურიოზული ცნობები იმის შესახებ, რომ თითქოს <strong>ვიზეთი</strong> მადრიდის "რეალი" იყო დაინტერესებული და ამ ყველაფრის ფონზე <strong>ტიმი</strong> ძალიან ბევრ გოლს უშვებდა, რომელთაგან უმეტესობაში პირადად თვითონ იყო დამნაშავე.</p><p>ახლა კი, როგორც იქნა, <strong>ტიმზე</strong> პოზიტიურად უნდა ვისაუბროთ, რადგან "შალკესთან" მოულოდნელად მოგებულ მატჩში (3:2) ის არა მარტო ერთ-ერთი საუკეთესო იყო მოედანზე მყოფთაგან, არამედ მაყურებლებმაც ოვაციები მიუძღვნეს და მის სახელსა და გვარს დადებით კონტექსტში სკანდირებდნენ.</p><p><strong><span style="color: #ff0000;">გულახდილი დანტე</span></p><p></strong>რატომ აღარ ვთარგმნით ბუნდესლიგელების ინტერვიუებს ისე ხშირად, როგორც ამას ადრე ვაკეთებდით? მიზეზი მარტივია: გერმანულ ფეხბურთში მართლა საინტერესო ინტერვიუ იშვიათობა გახდა.</p><p>შორს ვართ იმ აზრისგან, რომ ფეხბურთელები საინტერესო რაღაცებს აღარ ამბობენ; უბრალოდ, ფაქტია, რომ მათ მხოლოდ ბანალური ფრაზების (მაგალითად: "ჩვენ მხოლოდ საკუთარ თამაშზე ვართ კონცენტრირებულები და სხვების შედეგები არ გვაინტერესებს") გაჟღერების უფლება აქვთ და თუ ვინმე მაინც იტყვის რაიმე "ისეთს", სწორედ ასეთი შემთხვევებისთვის არსებობენ კლუბების პრეს-ატაშეები, რომლებიც ასეთ კომენტარებს, უბრალოდ, შლიან.</p><p>მე-10 ტურის ფარგლებში ამ მხრივ გამონაკლისი "ბაიერნის" ბრაზილიელი მცველი <strong>დანტე</strong> გახლდათ, რომელმაც პირდაპირ ეთერში ასეთი რამ თქვა:</p><p><em>"მხოლოდ საკუთარი გუნდის თამაშზე კონცენტრირება ძალიან ძნელია. დასამალი არაფერია: შესვენებისას სმარტფონებით კონკურენტების შედეგებსაც ვეცნობით ხოლმე".</em></p><p><strong><span style="color: #ff0000;">ლორენც-გიუნტერი ვეღარ გვის</span></p><p></strong>"ვოლფსბურგის" დროებითი (დროებითი?) მწვრთნელის ორმატჩიანი მოგებათა სერია შეწყდა - <strong>ფელიქს მაგათის</strong> ნაცვლად დანიშნული <strong>ლორენც-გიუნტერ კიოსტნერის</strong> ხელში "მგლებმა" პირველი მარცხი განიცადეს (0:1 ნიურნბერგში).</p><p>ეს საკმარისი აღმოჩნდა იმისათვის, რომ გერმანელი ექსპერტების (ექსპერტების?) საკმაოდ დიდ ნაწილს აზრი ერთ დღეში შეეცვალათ: "ზუდდოიჩე ცაითუნგი", "ფრანკფურტერ ალგემაინე", "ვოლფსბურგერ ნახრიხთენი" და რა თქმა უნდა, ასეთი სიტუაციების ერთგული "ბილდი" კვირას წერდნენ, ეტყობა, არც <strong>კიოსტნერია</strong> ის კაცი, ვინც "ვოლფსბურგში" უნდა მუშაობდესო.</p><p><strong><span style="color: #ff0000;">რაშია საქმე, სიმონ?</span></p><p></strong>"ლევერკუზენის" ნახევარმცველმა <strong>სიმონ როლფესმა</strong> დიუსელდორფის "ფორტუნასთან" მატჩში მოედანზე სულ რაღაც 75 წამი დაჰყო - 63-ეზე შევიდა და 75 წამის შემდეგ მოედნიდან გააძევეს. მიზეზი: დიუსელდორფელი კოლეგა <strong>ადამ ბოძეკი</strong> უკნიდან უშნოდ მოცელა.</p><p>მატჩის შემდეგ <strong>სიმონი</strong>, რა თქმა უნდა, აღშფოთებული გახლდათ - ეს მხოლოდ და მხოლოდ ჩვეულებრივი ფოლი იყო, წითელ ბარათს კი არა, გაფრთხილებასაც არ ვიმსახურებდიო.</p><p>აღსანიშნავია, რომ <strong>როლფესს</strong> ცოტა დააკლდა საინტერესო რეკორდამდე: ფეხბურთელი, რომელიც ბუნდესლიგაში მოედანზე გამოჩენის შემდეგ ყველაზე სწრაფად გააძევეს, <strong>მარსელ ტიჩ-რივეროა</strong>, რომელსაც 2011 წლის მაისში მსაჯმა მოედანი გამოსვლიდან 43 წამში დაატოვებინა.</p><p><strong>ტიჩ-რივერო</strong> "აინტრახტის" ფეხბურთელი გახლდათ და იმ შეხვედრაში ფრანკფურტელებს დორტმუნდის "ბორუსიასთან" ჰქონდათ საქმე...</p><p><strong><span style="color: #ff0000;">არც მიწისაა, არც ცისა...</span></p><p></strong>გერმანიის მოქმედი ჩემპიონი დორტმუნდის "ბორუსია" ათი ტურის შემდეგ მეხუთე ადგილზეა და "ბაიერნს" 11 ქულით ჩამორჩება.</p><p>მიუხედავად ამისა, დორტმუნდული კლუბის ხელმძღვანელები სიტყვა კრიზისს არ ახსენებენ და მხოლოდ მსუბუქი თვითგვემით შემოიფარგლებიან.</p><p><em>"ეს არ არის კატასტროფა, მაგრამ არც ისაა, რასაც გუნდისგან ველით და ვითხოვთ",</em> - თქვა "შტუტგარტთან" 0:0-ის შემდეგ "ბორუსიას" გენერალურმა მენეჯერმა <strong>ჰანს-იოახიმ ვატცკემ</strong>.</p><p>6 ნოემბერს "დორტმუნდი" ჩემპიონთა ლიგაში მადრიდის "რეალს" სტუმრობს...</p><p><strong><span style="color: #ff0000;">უმაქნისი ვან დერ ვაარტი</span></p><p>სილვი ვან დერ ვაარტი</strong>, რა თქმა უნდა, ისევ ძალიან კარგად გამოიყურებოდა. <strong>რაფაელ ვან დერ ვაარტის</strong> მეუღლე "ჰამბურგის" სტადიონის საკუთარ (!) ლოჟაში ასევე ძალიან მომხიბვლელ ორ ქალბატონთან ერთად იჯდა და უყურებდა, როგორ მუშაობდა მისი ქმარი.</p><p>...და რა გააკეთა ჰოლანდიელმა ფეხბურთელმა იმისათვის, რომ მის უმშვენიერეს მეუღლეს თავისი ქმრით ეამაყა? არც არაფერი! უფრო სწორად, ვერც ვერაფერი.</p><p>პირველ ტაიმში <strong>რაფაელმა</strong> "ბაიერნის" უკანახაზელებთან ორთაბრძოლების მხოლოდ 11 პროცენტი მოიგო, ანუ 89 პროცენტი წააგო. შესაბამისად, მეორე ტაიმში <strong>ვან დერ ვაარტს</strong> ორთაბრძოლაში შესვლაც კი არ უცდია.</p><p><strong><span style="color: #ff0000;">იდეალური რიბერი</span></p><p>ფრანკ რიბერი</strong> კი, რომელსაც ამ სეზონში უკვე მესამედ ვასახელებთ ტურის გმირად, გასულ უქმეებზე <strong>ვან დერ ვაარტის</strong> ანტიპოდი გახლდათ.</p><p>კიდევ ერთხელ დავრწმუნდით, რომ ბუნდესლიგაში არცერთ სხვა ფეხბურთელს არ შეუძლია, გადაწყვიტოს თამაშის ბედი მარტომ ისე, როგორც ფრანგ ნახევარმცველს. მთავარია, კარგი დღე გაუთენდეს, კარგ განწყობაზე იყოს და <strong>რიბერის</strong> გამჩერებელი გერმანიაში კაციშვილი არაა!</p><p>როცა <strong>რიბერი</strong> ფეხბურთს ისე თამაშობს, როგორც "ჰამბურგთან" ითამაშა, მსოფლიოში საუკეთესო ფეხბურთელების მინიმუმ ხუთეულში უნდა მოვიხსენიოთ. ფრანგი "ჰამბურგის" მცველებს კატა-თაგვობანას ეთამაშებოდა და ამიტომაც მოითხოვა აწ უკვე ტელეკომპანია "სქაის" ექსპერტმა, ისე კი "ბაიერნის" ლეგენდარულმა ფეხბურთელმა <strong>შტეფან ეფენბერგმა</strong>, მიეცით ოქროს ბურთი <strong>რიბერისო</strong>, რაც, რა თქმა უნდა, გადაჭარბებულია, მაგრამ მაინც...</p><p><strong><span style="color: #ff0000;">ფეეს მე-300 ქულა</span></p><p></strong>რაც უნდა არაადეკვატურად ჟღერდეს, "აინტრახტის" თავკაც <strong>არმინ ფეეს</strong> "ფიურტთან" საშინაო მატჩში 1:1-ის დაფიქსირების გამო მისალოცად ჰქონდა საქმე.</p><p>საქმე ისაა, რომ <strong>ფეემ</strong> ბუნდესლიგის მწვრთნელის რანგში რიგით მე-300 ქულა აიღო.</p><p>მართალია, თავად <strong>არმინმა</strong> თქვა, მერჩივნა, მოგვეგოო, მაგრამ დაგვეთანხმებით, 302 გაცილებით უინტერესო რიცხვი იქნებოდა და შეიძლება არც აგვეღნიშნა...</p><p><span style="color: #ff0000;"><strong>X ტურის გმირი - ფრანკ რიბერი (ბაიერნი, 3)</strong></span></p><p>"ბაიერნის" ფრანგი დრიბლიორი ასეთ კარგ ფორმაში ბოლოს 2007 წელს იყო - მაშინ <strong>რიბერი</strong> მიუნხენურ გრანდში ახალი გადასული გახლდათ და ფანებს ბრწყინვალე დრიბლინგებითა და გოლებით აღაფრთოვანებდა.</p><p>დღეისათვის 29 წლის ნახევარმცველი მაშინ გერმანიის წლის საუკეთესო ფეხბურთელადაც აღიარეს.</p><p><strong>რიბერი</strong> ახლაც საუკეთესო ფორმაშია, რაც შაბათს, ჰამბურგში კიდევ ერთხელ დაამტკიცა და ამ სეზონში უკვე მესამედ დაიმსახურა ტურის გმირის წოდება.</p><p>3:0-ზე მოგებულ შეხვედრაში ფრანგმა ისევ დაიმსახურა ოვაციები შესანიშნავი დრიბლინგების, ტრიუკებისა და მოედნის იდეალური ხედვის გამო.</p><p>"ბაიერნის" თავკაც <strong>იუპ ჰაინკესს</strong> კი ყველაზე მეტად ის ფაქტი ახარებს, რომ <strong>რიბერი</strong> ახლა დაცვასაც აქტიურად ეხმარება, რაც მის მარგი ქმედების კოეფიციენტს მინიმუმ აორმაგებს.</p><p><img src="/media/images/new_photo/UCXOURI/2012/SOCCER/NOV1-15/symbol/00 10 symbol germany.jpg" border="0" alt="Sportall.Ge" title="გერმანია. ბუნდესლიგა. X ტურის შეჯამება და სიმბოლური ნაკრები" width="570" /></p><p><strong><span style="color: #ff0000;">საუკეთესო ფეხბურთელები</span></p><p>X ტურის შემდეგ, "კიკერის" შეფასებების მიხედვით</strong></p><p><em>ფეხბურთელი კლუბი თამაში საშუალო შეფასება</em></p><p>1. ფრანკ რიბერი ბაიერნი 6 1.75</p><p>2. რენე ადლერი ჰამბურგი 10 2.10</p><p>3. თომას მიულერი ბაიერნი 9 2.13</p><p>4. კევინ ტრაპი აინტრახტი 10 2.15</p><p>5. ბასტიან შვაინშტაიგერი ბაიერნი 10 2.33</p><p>6. აარონ ჰანტი ვერდერი 10 2.40</p><p>7. მარიო გიოტცე ბორუსია (დ) 9 2.50</p><p>8. სებასტიან როდე აინტრახტი 10 2.50</p><p>9. ფაბიან გიფერი ფორტუნა 10 2.60</p><p>10. იაკუბ ბლაშჩიკოვსკი ბორუსია (დ) 7 2.67</p><p><strong><span style="color: #ff0000;">გოლს პლუს პასის რეიტინგი</span></p><p></strong><em>ფეხბურთელი კლუბი თამაში გოლი პასი ქულა</em></p><p>1. თომას მიულერი ბაიერნი 9 7 7 14</p><p>2. ჟაბოლჩ ჰუშტი ჰანოვერი 9 3 7 10</p><p>3. მარიო მანჯუკიჩი ბაიერნი 10 8 1 9</p><p>4. ადამ სალაი მაინცი 10 8 1 9</p><p>5. ხუან არანგო ბორუსია (მ) 10 3 5 8</p><p>6. შტეფან კისლინგი ლევერკუზენი 10 6 2 8</p><p>7. ალექსანდერ მაიერი აინტრახტი 10 7 1 8</p><p>8. ფრანკ რიბერი ბაიერნი 6 2 6 8</p><p>9. ჯეფერსონ ფარფანი შალკე 8 3 4 7</p><p>10. აარონ ჰანტი ვერდერი 10 5 2 7</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/uckhouri-fekhburthi/germania/41308-germania-bundesliga-x-turi-miunkhenis-qbaiernmaq-qhamburgicq-daibriyva.html" target="_blank">გერმანია. ბუნდესლიგა. X ტური: მიუნხენის "ბაიერნმა" "ჰამბურგიც" დაიბრიყვა</a></p>
ზივზივაძის "ჰაიდენჰაიმს" ახალი მეკარე ჰყავს
ლუის დიასი მიუნხენში ჩაფრინდა და დღეს "ბაიერნის" ფეხბურთელი ოფიციალურად გახდება
ჰამანმა "ბაიერნს" დონარუმას უფასოდ ხელში ჩაგდება ურჩია
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია