 
    
    
    <p>5 ნოემბერს ლონდონში ATP-ის წლის შემაჯამებელმა ტურნირმა სტარტი აიღო <br> 5 ნოემბერს ლონდონში სტარტი აიღო ATP-ის წლის შემაჯამებელმა ტურნირმა.</p><p>შეგახსენებთ, რომ გასულ წლებში დასკვნითი ჩემპიონატი კვირას იწყებოდა იმის გამო, რომ ფინალი უქმეებს დამთხვეოდა, მაგრამ წელს ATP-ის კალენდარი ორი კვირით შეამცირეს, რის გამოც გაქრა პაუზა პარიზის მასტერსსა და საბოლოო ტურნირს შორის.</p><p>შესაბამისად, შემაჯამებელი ტურნირის სტარტი ორშაბათს გადაიტანეს, რაც იმას ნიშნავს, რომ ფინალიც ორშაბათს, 12 ნოემბერს გაიმართება.</p><p>ტურნირი A ჯგუფის მატჩებით გაიხსნა. პირველები კორტზე ადგილობრივი პუბლიკის კერპი ენდი მიურეი და ჩეხი ტომაშ ბერდიხი გავიდნენ. მიუხედავად იმისა, რომ წელს ენდიმ ჰარდზე ორჯერ დაამარცხა ტომაში, ურთიერთშეხვედრებში წინ ჩეხი იყო - 4:3.</p><p>მასპინძელს კარგი სტარტი გამოუვიდა - პირველივე გეიმში ორმაგი ბრეიკ-პოინტი მიიღო, მაგრამ შანსის გამოყენება ვერ შეძლო.</p><p>მოგვიანებით ბერდიხმა სამმაგი ბრეიკ-პოინტი მისცა მეტოქეს, მაგრამ ისევ შეძლო საკუთარი გეიმის გადარჩენა. ამან ჩეხს მეტი დამაჯერებლობა შესძინა და მალე ბერდიხი ბრეიკით დაწინაურდა. ბოლოს მან სეტზე ჩაწოდებისას კიდევ ორი ბრეიკ-პოინტი მოიგერია და პარტია თავის სასარგებლოდ დაასრულა - 6:3.</p><p>მეორე სეტში საპირისპირო სცენარი გათამაშდა. აქ უკვე ტომაშმა გაუშვა ბრეიკზე საკუთარი შანსები და მაშინვე დაისაჯა თავისი გეიმის წაგებით. ჩეხს თითქმის არ ჰქონდა საპასუხო ბრეიკის შანსი, რადგან ენდი შესანიშნავად ათამაშდა.</p><p>განსაკუთრებით კარგად გამოსდიოდა მას ბადესთან გასვლები. მიურეიმ სეტებს შორის ანგარიში გაათანაბრა, მესამე პარტიაში კი ბრძოლა საერთოდ არ ყოფილა.</p><p>მართალია, მასპინძლის უპირატესობა ძალიან დიდი არ ყოფილა (მხოლოდ ერთი ბრეიკი გააკეთა), მაგრამ ჩოგბურთელებს არც ერთი ხანგრძლივი გეიმი არ უთამაშიათ - ერთხელაც არ დაფიქსირებულა "თანაბარი". ბრეიკ-პოინტიც მხოლოდ ერთი იყო, რომელიც ბრიტანელმა გამოიყენა და პირველი გამარჯვება იზეიმა ჯგუფში - 3:6, 6:3, 6:4.</p><p><strong></p><p>* * *</strong></p><p>საღამოს სესიაში, A ჯგუფის მეორე მატჩში ნოვაკ ჯოკოვიჩი და ჟო-ვილფრიდ ცონგა შეხვდნენ ერთმანეთს. ნოვაკმა გასულ კვირას პირველივე მატჩი წააგო პარიზის მასტერსზე სემ კუერისთან, შემდეგ კი სასწრაფოდ ბელგრადში გაემგზავრა საავადმყოფოში მოთავსებული მამის მოსანახულებლად.</p><p>შესაძლოა ამ მიზეზით სერბმა ცუდად დაიწყო მატჩი და პირველივე გეიმში ბრეიკ-პოინტის შანსი მისცა მეტოქეს. ჯოკოვიჩი მისთვის არადამახიათებელ ბევრ შეცდომას უშვებდა, განსაკუთრებით, ბეკჰენდის დროს.</p><p>სწორედ ამას ელოდა ცონგა, რომელსაც დაცვითი ტაქტიკა ჰქონდა არჩეული. თუმცა ფრანგს დიდი ხანი არ ეყო მოთმინება.</p><p>მალე მანაც დაიწყო იერიშებზე გადასვლა. თან ნოვაკმაც თანდათან იგრძნო თამაში. თუმცა ცონგამ მაინც მოიპოვა ორი ბრეიკ-პოინტი, აქედან მეორე 5:5-ზე, რაც "დაფარულ" სეტბოლს ნიშნავდა, მაგრამ გადამწყვეტ მომენტებში ჯოკოვიჩი ოდნავ უფრო ძლიერი აღმოჩნდა - დამაჯერებლად ჩაატარა ტაი-ბრეიკი და პირველი პარტია თავის სასარგებლოდ დაასრულა.</p><p>მეორე სეტის სტარტზე ტაი-ბრეიკის შედეგით განაწყენებულმა ცონგამ რამდენიმე უხეში შეცდომა დაუშვა და მატჩში პირველად წააგო თავისი მოწოდება.</p><p>საპასუხო ბრეიკის შანსი ფრანგს თითქმის არ ჰქონია - მხოლოდ ერთხელ ჩამორჩა ჯოკოვიჩი თავის მოწოდებაზე - 0:30. დანარჩენი საკუთარი გეიმი სერბმა "მშრალი" ანგარიშით მოიგო. თავად ცონგაც უპრობლემოდ იღებდა თავის მოწოდებებს, მაგრამ ბოლოს ჯოკოვიჩმა მეორე ბრეიკიც გააკეთა - 6:7, 3:6.</p><p><strong>ყოველდღიური სპორტული გაზეთი "ლელო"</strong></p>
უდიდესი სენსაცია პარიზში - ალკარასმა ნორისთან წააგო
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ოფიციალურად - სპალეტი "იუვენტუსის" მწვრთნელია
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
[VIDEO] "კვარა" შეცვლაზე - პსჟ-მ "ლორიენთან" დუე და ორი ქულა დაკარგა
[VIDEO] გოგლიჩიძის უიღბლო 90 წუთი - "იუვენტუსმა" 8-მატჩიანი მოუგებელი სერია "უდინეზესთან" დაასრულა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე