საქართველოს ჩემპიონატი: ვინ გახდება ზამთრის ჩემპიონი?

გათამაშებას ისევ თბილისის "ლელო" ლიდერობს, იმ განსხვავებით, რომ ამჯერად ლელოელები უახლოეს მდევარ "არმიას" ორი ქულით უსწრებენ საქართველოს ჩემპიონატის მეორე წრის პირველი ტურის შემდეგ სატურნირო ცხრილში მნიშვნელოვანი ცვლილებები არ მომხდარა. გათამაშებას ისევ თბილისის "ლელო" ლიდერობს, იმ განსხვავებით, რომ ამჯერად ლელოელები უახლოეს მდევარ "არმიას" ორი ქულით უსწრებენ.ქვეყნის ჩემპიონმა და თასის მფლობელმა არმიელთა გუნდმა ჩემპიონატის დებიუტანტ "ილიაუნი ჯიქთან" არათუ პრემიალური ქულის მოპოვება ვერ მოახერხა, არამედ წაგებას გადაურჩა. არაერთხელ გვითქვამს, რომ ეს ახალბედა და ახალგაზრდა მორაგბეებით დაკომპლექტებული გუნდი წლევანდელი სეზონის აღმოჩენაა და ცოტა მეტი გამოცდილება რომ ჰქონდეთ, აუცილებლად ლიდერთა შორის იქნებოდნენ.ეს სენტენცია "ჯიქებმა" "არმიასთან" მატჩშიც დაამტკიცეს, თუმცა სამართლიანობა მოითხოვს აღინიშნოს, რომ ქვეყნის ჩემპიონს ტრავმების გამო თორმეტი მოთამაშე აკლდა. ამასთან ერთად, სამი წამყვანი მორაგბე ეროვნულ ნაკრებში იყო მივლინებული. "ბორჯღალოსნებმა" მოკლევადიანი შეკრება საფრანგეთში, ტულუზის მახლობლად გამართეს."არმია", ცხადია, ფავორიტია. როცა ეს გუნდი ოპტიმალური შემადგენლობით ასპარეზობს, მისი შეჩერება ძალიან ძნელია. შერკინებისა და უკანა ხაზის მწყობრი, შეხმატკბილებული თამაში არმიელთა დამახასიათებელი ხელწერაა."ჯიქები" კი თამამად შეიძლება დავასახელოთ ყველაზე მებრძოლ გუნდად, რომელიც ავტორიტეტებს არ უფრთხის და ყველასთან თავდაუზოგავად, მხოლოდ მოგებისთვის იბრძვის.მორიგი გამარჯვება მოიპოვა გათამაშების ლიდერმა "ლელომ". მისი მეტოქე ერთ-ერთი აუტსაიდერი "აკადემია" იყო. ვერ ვიტყვით, რომ ლელოელებს მეტოქის ძლევა გაუჭირდათ, თუმცა მუდამ მებრძოლი სულით გამორჩეულ აკადემიელებთან სერიოზული გარჯა მოუწიათ.ისევე, როგორც წინა რამდენიმე მატჩში, "ლელომ" ამჯერადაც მოახერხა პრემიალური ქულის აღება. სულ კი აქამდე გათამაშების ლიდერმა შვიდი პრემიალური ქულა ირგუნა, რის გამოც, "არმიას" გარდა, სხვა კონკურენტები საგრძნობლად ჩამოიტოვა."აკადემიას" კი ძალზედ რთული სატურნირო მდგომარეობა აქვს. საქმეს ისეთი პირი უჩანს, რომ უშუალო კონკურენტებთან ბრძოლაში უნდა შეეცადონ უმაღლეს ლიგაში ადგილის შენარჩუნებას. მათი ყველაზე რეალური მეტოქე თბილისის "ყოჩებია", რომელიც, მართალია, თამაშიდან თამაშამდე უმატებს, მაგრამ სატურნირო ცხრილის ფსკერს თავი მაინც ვერ დააღწია."ყოჩების" მეტოქე მე-10 ტურში ქვეყნის მრავალგზის ჩემპიონი თბილისის "ლოკომოტივი" იყო, რომელიც ამჟამად კრიზისშია. მიზეზი ბანალურია, მოთამაშეთა საკმაოდ დიდი ნაწილი ტრავმირებულია.რკინიგზელებმა, მიუხედავად წარუმატებელი ასპარეზობისა (ათ მატჩში ოთხ მოგებას, ერთ ფრეს და ხუთ წაგებას ამ გუნდისთვის წარმატებად ვერაფრით აღვიქვამთ), თამაშის სტილი შეცვალეს. თუ აქამდე "ლოკომოტივი" მეტწილად მორკინალების მიძალებით თამაშს ანიჭებდა უპირატესობას, ამჯერად ხელდახელ ბურთაობაც მშვენივრად გამოსდის.ამასთან, ისიც შესამჩნევია, რომ შერკინება ძველებურად მძლავრი და ღონიერი ვეღარ არის, რასაც ჩემპიონობისთვის ბრძოლაში უშუალო კონკურენტები კარგად იყენებენ.ქუთაისის "აიამ", რომელიც 34 ქულით მესამე ადგილზეა, გასვლით მატჩში პრინციპულ მეტოქეს, "ბათუმს" მოუგო. ამით ქუთათურებმა სატურნირო მდგომარეობა გაიმყარეს. ბესიკ ხამაშურიძის სამწყსომ, როგორც ჩანს, პირველი წრის შუაწელში წარმოქმნილი კრიზისი დაძლია და მეხუთე ტურის შემდეგ ყველა შეხვედრა მოიგო.ორი გამოტოვებული მატჩი აქვს სათამაშო რუსთავის "ხარებს" - ერთი ბათუმში და მეორეც შინ, ლიდერთა ჯგუფის წარმომადგენელ თბილისის "არმაზთან". ორივე ეს მატჩი საქართველოს ნაკრების ნოემბრის ტესტების შემდეგ გაიმართება, ისევე, როგორც ჩემპიონატის მომდევნო ორი ტური. მერე კი საქართველოს ჩემპიონატში თებერვლამდე შესვენება გამოცხადდება.XI ტურიხარები-ილიაუნი ჯიქი, აია-არმია, ლოკომოტივი-ბათუმი, ლელო-ყოჩები, არმაზი-აკადემია.სატურნირო მდგომარეობა<table style="height: 300px; width: 300px;" border="0"> <tbody> <tr style="background-color: #0967f5;" align="center"> <td>ა</td> <td>გუნდი</td> <td>თ</td> <td>მ</td> <td>ფ</td> <td>წ</td> <td>ბ</td> <td>ქ</td> </tr> <tr align="center"> <td>1</td> <td>ლელო</td> <td>10</td> <td>9</td> <td>0</td> <td>1</td> <td>+167</td> <td>43</td> </tr> <tr style="background-color: #cacacb;" align="center"> <td>2</td> <td>არმია</td> <td>10</td> <td>9</td> <td>0</td> <td>1</td> <td>+112</td> <td>41</td> </tr> <tr align="center"> <td>3</td> <td>აია</td> <td>10</td> <td>7</td> <td>1</td> <td>2</td> <td>+133</td> <td>34</td> </tr> <tr style="background-color: #cacacb;" align="center"> <td>4</td> <td>არმაზი</td> <td>9</td> <td>6</td> <td>0</td> <td>3</td> <td>+21</td> <td>25</td> </tr> <tr align="center"> <td>5</td> <td>ლოკომოტივი</td> <td>10</td> <td>4</td> <td>1</td> <td>5</td> <td>+28</td> <td>22</td> </tr> <tr style="background-color: #cacacb;" align="center"> <td>6</td> <td>ჯიქები</td> <td>10</td> <td>4</td> <td>0</td> <td>6</td> <td>+11</td> <td>22</td> </tr> <tr align="center"> <td>7</td> <td>ბათუმი</td> <td>9</td> <td>3</td> <td>0</td> <td>6</td> <td>-50</td> <td>14</td> </tr> <tr style="background-color: #cacacb;" align="center"> <td>8</td> <td>ხარები</td> <td>8</td> <td>2</td> <td>0</td> <td>6</td> <td>-104</td> <td>9</td> </tr> <tr align="center"> <td>9</td> <td>აკადემია</td> <td>10</td> <td>2</td> <td>0</td> <td>8</td> <td>-206</td> <td>9</td> </tr> <tr style="background-color: #cacacb;" align="center"> <td>10</td> <td>ყოჩები</td> <td>10</td> <td>1</td> <td>0</td> <td>9</td> <td>-112</td> <td>7</td> </tr> </tbody> </table>ხულიგანამ B ლიგა მოიგომეორე წრის პირველი ტურის შეხვედრები გაიმართა პირველ ლიგის აღმოსავლეთ ზონაში. გათამაშების ლიდერი თბილისის "თიბისი", რომელიც დღემდე დაუმარცხებელია, ამჯერად ისვენებდა.მეორეადგილოსანმა პატარძეულის "ვეფხვებმა" კი შინ უმძიმეს ბრძოლაში შეძლო უშუალო კონკურენტის, თბილისის "დინამოს" დამარცხება - 29:24. "ხულიგანამ" კი სტუმრად დიდი ანგარიშით მოუგო გარდაბნის "მგლებს" 70:15 და 28 ქულით მესამე ადგილზე გადაინაცვლა. კიდევ ერთ შეხვედრაში "ივერიამ" მშრალი ანგარიში სძლია "ტონადოს" - 48:0.დასავლეთ ზონაში კი ერთი გადადებული შეხვედრა გაიმართა. გათამაშების ლიდერმა ქუთაისის "ბაგრატმა" სტუმრად მოუგო ბათუმის "დელფინებს" - 21:11. შეგახსენებთ, რომ ქუთაისურმა გუნდმა პირველი წრე დაუმარცხებლად განვლო.I ლიგააღმოსავლეთი ზონაX ტურიმგლები-ხულიგანა 15:70, ვეფხვები-დინამო 29:24, ტორნადო-ივერია 0:48, უნივერსიტეტი-დევები (გადაიდო).სატურნირო მდგომარეობა1. თიბისი - 38 ქულა, 2. ვეფხვები - 29, 3. ხულიგანა - 28, 4. დინამო - 24, 5. მგლები - 19, 6. ივერია - 17, 7. ტორნადო - 13, 8. დევები - 11, 9. უნივერსიტეტი - 1.XI ტურიტორნადო-მგლები, დინამო-უნივერსიტეტი, თიბისი-ხულიგანა, ივერია-ვეფხვები.დასავლეთი ზონაგამოტოვებული მატჩიდელფინები-ბაგრატი 11:21სატურნირო მდგომარეობა1. ბაგრატი - 24 ქულა, 2. რაინდები - 18, 3. დელფინები - 16, 4. არწივები - 10, 5. ჯრუჭი - 4, 6. მარტვილი - 1.დასრულდა ჭაბუკთა B ლიგის გათამაშება. ფინალში თბილისის "ხულიგანამ" ქუთაისის პირველი გუნდი 17:7 დაამარცხა და ტურნირში პირველი ადგილი დაიკავა.მესამე ადგილისთვის მატჩში კი თბილისის "აკადემიამ" მშრალი ანგარიშით მოუგო ფოთის "რაინდებს" - 20:0.ჭაბუკთა B ლიგაIII ადგილისთვისრაინდები-აკადემია 0:20ფინალიხულიგანა-ქუთაისი 1 17:7საბოლოო მდგომარეობა1. ხულიგანა, 2. ქუთაისი 1, 3. აკადემია.ყოველდღიური სპორტული გაზეთი "ლელო"

crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!

დიდი 10 | ბათუმი 33:21 ხარები

დიდი 10 | "აია" საქართველოს ჩემპიონია!

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია