- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გია გიორგაძე: ილუმჟინოვმა დაპირება არ შეგვისრულა
<p>ხანტი-მანსიისკში მსოფლიოს საჭადრაკო ოლიმპიადაზე საქართველოს ქალთა ნაკრებმა მესამე ადგილი დაიკავა, ცალკეული დაფების მიხედვით მელიას და ხოტენაშვილს, შესაბამისად, ვერცხლი და ბრინჯაო ხვდათ...</p><p><br> ხანტი-მანსიისკში მსოფლიოს საჭადრაკო ოლიმპიადაზე საქართველოს ქალთა ნაკრებმა (ნანა ძაგნიძე, ლელა ჯავახიშვილი, სალომე მელია, სოფიო ხუხაშვილი, ბელა ხოტენაშვილი, კაპიტანი ნინო გურიელი, მწვრთნელები _ ზურაბ სტურუა და დავით არუთინიანი) მესამე ადგილი დაიკავა, ცალკეული დაფების მიხედვით მელიას და ხოტენაშვილს, შესაბამისად, ვერცხლი და ბრინჯაო ხვდათ. ვაჟთა ნაკრები კი 30-ე ადგილს დასჯერდა.</p><p>ამ და ოლიმპიადის სხვა მოვლენებზე გვესაუბრება საქართველოს ჭადრაკის ფედერაციის პრეზიდენტი, ხანტი-მანსიისკში ჩვენი დელეგაციის ხელმძღვანელი გია გიორგაძე:</p><p>_ შეჯიბრებაში 146 ქვეყანა მონაწილეობდა. პირველობისთვის ბრძოლა იყო უშეღავათო, რადგან ჭადრაკში კონკურენცია ბოლო დროს ძალიან გაიზარდა. ქალებში უდავო ფავორიტის სახელი გაამართლა რუსეთის პირველმა ნაკრებმა, რომლის შემადგენლობაში მსოფლიოს ჩემპიონი ალექსანდრა კოსტენიუკი და ორგზის ევროპის ჩემპიონი ტატიანა კოსინცევა გამოდიოდნენ. ამ ოლიმპიადისთვის სპეციალურად მოიწვიეს ალისა გალიამოვა, რომელსაც თითქმის მთელი წლის განმავლობაში ჭადრაკისთვის თავი დანებებული ჰქონდა. ყოველგვარი პირობა შეუქმნეს მოსამზადებლად და მომგებიანი ქულებიც მოუტანა გუნდს.</p><p>რაც შეეხება ჩვენს ქალთა ნაკრებს, თაობათა ცვლას უმტკივნეულოდ არ ჩაუვლია. მოგეხსენებათ, ხანტი-მანსიისკში თამაშზე უარი თქვა წინა ოლიმპიადის გმირმა მაია ჩიბურდანიძემ, ბოლო მომენტში ობიექტური მიზეზების გამო შეჯიბრებაზე ვერ გაემგზავრა ნინო ხურციძე. ორი ახალბედა მივიწვიეთ ნაკრებში. ყოველივეს მიუხედავად, მიმაჩნია, რომ ჩვენს ნაკრებს ურიგოდ არ უთამაშია. ერთადერთი დასანანი მარცხი სერბებთან ვიწვნიეთ. დარწმუნებული ვარ, ამ გუნდს ჩვენები სხვა დროს და სხვა სიტუაციაში დიდი ანგარიშითაც დაამარცხებდნენ. იქ კი წინა დღეს ჩინელების ძლევას შეალიეს დიდი ენერგია, ძალების სრულად აღდგენა ვერ მოასწრეს. რაც მთავარია, მეტოქე სათანადოდ არ შეაფასეს. ყოველივეს მიუხედავად, კიდევ ერთხელ გავიმეორებ _ ბრინჯაოს მოპოვება დიდი წარმატებაა და ამიტომ ალალია ჩვენს ქალებზე სახელმწიფო ჯილდოც და ის პრემიაც, რომელიც ფედერაციის მთავარმა სპონსორმა</p><p>"სოკარმა" დააწესა მათთვის. მადლობა ყველა მოთამაშეს, კაპიტანსა და მწვრთნელებს, რომლებმაც კვარცხლბეკზე ასასვლელად ძალ-ღონე არ დაიშურეს.</p><p><strong>_ ვაჟთა 30-ე ადგილზე რას იტყვით?</p><p></strong>_ აბა, ვინ წარმოიდგენდა ასეთ შედეგს. 5 ტურის შემდეგ ხომ ჩვენი გუნდი უდანაკარგოდ ლიდერთა შორის იყო. მე-6 ტურში ტრადიციულად უხერხული მეტოქის _ სომხეთის ნაკრების ძლევაც შეიძლებოდა. საბოლოოდ ფრეს დავჯერდით. ოლიმპიადის ორგზის გამარჯვებულებთან და მსოფლიოს ჩემპიონებთან არც ეს შედეგია ურიგო. გადამწყვეტი მაინც უკრაინასთან მატჩი იყო. პირველ დაფაზე ბაადურ ჯობავამ შავებით საინტერესო სიახლე გამოიყენა _ ფიგურა შესწირა და იმდენად დააბნია ტიტულოვანი ვასილი ივანჩუკი, რომ უკრაინელმა ჩვენებურს მე-8 სვლაზე თეთრებით ყაიმი შესთავაზა. ბაადურმა ეს წინადადება არ მიიღო. მერე კომპიუტერულმა ანალიზმაც დაადასტურა, რომ ჯობავა მართალი იყო. სხვა საქმეა, რომ ორთაბრძოლისას ქართველმა დიდოსტატმა რამდენიმე უზუსტობა დაუშვა და დამარცხდა, საბოლოო ანგარიშში გუნდმაც წააგო. ბოლო სამ ტურში ფრანგებმა, ესპანელებმა და ინდოელებმაც გვაჯობეს, არადა, არც ერთი მატჩი დასათმობი არ იყო. თუმცა, ფაქტია, რომ ჩვენს ვაჟებს ძლიერ მეტოქეებთან თანაბარ დონეზე ბრძოლა უჭირთ. მეტი მუშაობაა საჭირო. ახალგაზრდა ტალანტები უნდა აღმოვაჩინოთ და ნაკრებში მოსახვედრად კონკურენცია გავზარდოთ. ლიდერი გვყავს _ ბაადურ ჯობავა, მაგნუს კარლსენთან მის გამარჯვებას ოლიმპიადის სენსაცია უწოდეს. ასეთ დიდოსტატს გვერდით სათანადო ძალის პარტნიორები უნდა ჰყავდეს.</p><p><strong>_ ხანტი-მანსიისკში საქართველოს დელეგაციისადმი როგორი დამოკიდებულება იყო?</p><p></strong>_ გულახდილად უნდა ვთქვა, რომ საჭადრაკო ოლიმპიადა შესანიშნავად იყო ორგანიზებული. ყველა ქვეყნის მოჭადრაკებს ნორმალური სათამაშო და დასასვენებელი პირობები ჰქონდათ. ამ მხრივ ჩვენთვის გამონაკლისი არაფერი ყოფილა.</p><p><strong>_ საჭადრაკო ოლიმპიდაზე მეორე დიდი ომი ფიდეს საპრეზიდენტო არჩევნებისას გაიმართა. თქვენ ვის დაუჭირეთ მხარი?</p><p></strong>_ კონგრესზე დამკვირვებლის სტატუსით ვიყავი, რადგან დელეგატად ზურაბ აზმაიფარაშვილი გვყავდა არჩეული, რომელიც უშუალოდ მონაწილეობდა ბატალიებში. ამდენად, ჩემი გულისყური უფრო იმ საჭადრაკო დაფებისკენ იყო, რომლებზეც ქართველ დიდოსტატებს უშეღავათო ბრძოლა ჰქონდათ. მართალია, კირსან ილუმჟინოვმა გაიმარჯვა, მაგრამ არჩევნებში რაღაც პუნქტები დაირღვა. ისე, უმჯობესია, ამ საკითხებთან დაკავშირებით ბატონ ზურაბ აზმაიფარაშვილს გაესაუბროთ. ის უფრო დეტალურად მოგიყვებათ ყველაფერს.</p><p><strong>_ ყალმუხეთის ყოფილ პრეზიდენტს ფიდეში ტახტის შენარჩუნება თუ მიულოცეთ?</p><p></strong>_ ჩვენ ყოველთვის ნორმალური ურთიერთობა გვქონდა და მილოცვასაც წინ არაფერი ედგა. ისე, ილუმჟინოვს კონგრესის დაწყებამდეც შევხვდი და ჩვენი დელეგაციის პოზიციაც გავაცანი _ ვიცე-პრეზიდენტის პოსტზე აზმაიფარაშვილის დარჩენას ვგულისხმობ. იგი დამპირდა, რომ ჩვენს კანდიდატურას მისგან მხარდაჭერა ექნებოდა. სამწუხაროდ, დაპირება არ შეასრულა.</p><p><strong>_ ბატონ ზურაბს სურს, რომ ილუმჟინოვს სასამართლოში უჩივლოს. ეს გამწვავებული ვითარება საქართველოს ჭადრაკის ფედერაციისადმი ფიდეს დამოკიდებულებას ხომ არ შეცვლის?</p><p></strong>_ არა მგონია, პიროვნებებს შორის დაპირისპირებამ ორგანიზაციების ურთიერთობაზე იმოქმედოს. ისე, ჩვენი ქვეყნისთვის ილუმჟინოვი დიდად არც აქამდე იკლავდა თავს. ყველა უფლების მოსაპოვებლად დიდი ბრძოლა გვიხდებოდა და მომავალშიც ასე იქნება.</p><p><strong>_ სეზონის ბოლომდე რამდენიმე საინტერესო შეჯიბრება მოგველის...</p><p></strong>_ დიახ, დაძაბულ რეჟიმში განვაგრძობთ მუშაობას. ერთ კვირაში ევროპის საკლუბო ჩემპიონატი დაიწყება. სეოკ-ის დაფინანსებით საჭადრაკო კლუბი "სამაია" ბულგარულ პლოვდივში გაემგზავრება. შარშან მე-3 ადგილი დავიკავეთ, წლეულს შედეგი უნდა გავაუმჯობესოთ. ქალები მსოფლიოს თასზეც მოსინჯავენ ძალებს. საბერძნეთში 8-18 წლის მოჭადრაკეთა მსოფლიოს პირველობა გაიმართება. ჩვენმა ახალგაზრდებმა ბათუმში ევროპაზე ისახელეს თავი და გვჯერა, რომ ელადიდანაც ხელდამშვენებულნი დაგვიბრუნდებიან.</p><p><strong>ყოველდღიური სპორტული გაზეთი</p><p>"ლელო"</strong></p>
ალონსოს პენალტით "ვიგომ" "სევილია" მატჩის მიწურულს დაამარცხა
შეთავაზებებს განიხილავს - ალონსო შესაძლოა, სამწვრთნელო საქმიანობას მალევე დაუბრუნდეს
"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს
ბაირამიანი: სომხეთის ნაკრებიც გაისვრის საქართველოს და უზბეკეთის მსგავსად
18 წ. | მესამედ ექვსი ერის ფესტივალზე
კვერნაძემ შეიძლება მნიშვნელოვანი მატჩი გამოტოვოს
ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს
საზონოვი ტრანსფერზეა - "ტორინო" ზამთარში ქართველის გაყიდვას შეეცდება
[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა
[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა
"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს
ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება
მიხეილ ნარიაშვილი - "ბორჯღალოსნების" შერკინების მწვრთნელი
"გალათასარაი"? - ფაბიან რუისს პსჟ არ ეთმობა
ფრანგული კლუბის ექს-პრეზიდენტი დედის დაკრძალვაზე მოკლეს
საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა
ევროპის ჩემპიონატი. საქართველოს ნაკრები ხორვატიასთან დამარცხდა
"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ
[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!
"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა
"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა
ვერნერი კარიერას ქართველებისთვის კარგად ნაცნობ გუნდში გააგრძელებს
"არსენალს" რეკორდსმენი აუტების მწვრთნელი ეყოლება