- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რონალდო: აღიარებაზე ყველა ფეხბურთელი ოცნებობს
<p>ფიფას ოფიციალური საიტი ბრაზილიელს 2012 წლის "ოქროს ბურთის" ნომინანტებზე და ფეხბურთელისთვის ამ პრიზის მოგების მნიშვნელობაზე გაესაუბრა <br> ლუის ნაზარიო დე ლიმა, იგივე რონალდო, რომელიც ახლა მსოფლიოს 2014 წლის ჩემპიონატის საორგანიზაციო კომიტეტში მუშაობს, ფიფას წლის საუკეთესო ფეხბურთელი სამჯერ გახდა (1996, 1997, 2002 წლებში).</p><p>ფიფას ოფიციალური საიტი 36 წლის ყოფილ ფეხბურთელს სწორედ 2012 წლის "ოქროს ბურთის" ნომინანტებზე და ფეხბურთელისთვის ამ პრიზის მოგების მნიშვნელობაზე გაესაუბრა.</p><p>გარდა ამისა, "ფენომენმა" გაიხსენა ის ფეხბურთელები, რომლებიც ამ პრიზს იმსახურებდნენ, მაგრამ არასდროს მოუგიათ.</p><p>წლევანდელი ფიფას "ოქროს ბურთის" მფლობელის ვინაობას 2013 წლის 7 იანვარს, ციურიხში გასამართ დაჯილდოების ცერემონიაზე შევიტყობთ.</p><p><strong>- როდესაც ფეხბურთელი იყავით, "ოქროს ბურთის" მფლობელის ვინაობა წლის ამ პერიოდში ირკვეოდა. ანიჭებდით თუ არა ამ პრიზს დიდ მნიშვნელობას?</p><p></strong>- ყველა ფეხბურთელს სურს, რომ მსოფლიოს საუკეთესო მოთამაშე გახდეს. მართალია, ყოველ წელს მხოლოდ ერთი გამარჯვებული შეიძლება იყოს, თუმცა, მიუხედავად ამისა, ასეთ აღიარებაზე ყველა ოცნებობს. ეს პრიზი მთელი წლის განმავლობაში გაწეული შრომის შეჯამებაა.</p><p>თუ შენ კარგად თამაშობდი, გოლებს იტანდი, ტიტულებს იგებდი და გუნდისთვის მნიშვნელოვანი ფეხბურთელი იყავი, წლის ბოლოს "ოქროს ბურთის" მოგების იმედიც გაქვს. ძალიან ბევრი კრიტერიუმი არსებობს, რომელთა შეჯამებითაც, წლის საუკეთესო ფეხბურთელის ვინაობა ირკვევა.</p><p><strong></p><p>- 1996 წელს მოგებულმა წლის საუკეთესო ფეხბურთელის ტიტულმა თქვენს</strong><strong> კარიერაზე დიდი გავლენა მოახდინა?</p><p></strong>- პირველი ტუტული მართლაც განსაკუთრებული იყო. ასეთი პრიზის მოგების შემდეგ ოპონენტებიც უფრო მეტად გაფასებენ და პასუხისმგებლობაც იზრდება, თუმცა პირადად ჩემზე გაზრდილი ზეწოლა ყოველთვის კარგად მოქმედებდა, რადგან ზედმეტი პასუხისმგებლობა მოტივაციას მმატებდა, უფრო მეტს ვშრომობდი და კიდევ უფრო კარგად ვთამაშობდი.</p><p><strong>- 1996 წლის დასაწყისში </strong>"<strong>პსვ ეინდჰოვენში</strong>"<strong> თამაშობდით, ზაფხულში ოლიმპიადაზე იასპარეზეთ, შემდეგ </strong>"<strong>ბარსელონაში</strong>"<strong> გადახვედით და ბოლოს წლის საუკეთესო ფეხბურთელიც გახდით. მიგაჩნიათ, რომ ყველაზე მეტად სწორედ ამ წელს შეიცვალა თქვენი ცხოვრება?</p><p></strong>- მართლაც საოცარი წელი იყო. მიუხედავად იმისა, რომ "პსვ ეინდჰოვენში" მუდმივად ვთამაშობდი და გოლებიც გამქონდა, ბრაზილიის ნაკრების მუდმივ წევრად მაინც არ ვითვლებოდი. ზაფხულში კი "ბარსელონაში" გადავედი და ყველაფერი შეიცვალა.</p><p>ამ წელს მართლაც ბევრი რამ შეიცვალა და მეც მნიშვნელოვანი გადაწყვეტილების მიღება მომიწია, რადგან კლუბის და ქვეყნის შეცვლა იოლი არ არის. საბედნიეროდ, "ბარსელონაში" ძალიან კარგად მიმიღეს და მხოლოდ ფეხბურთზე კონცენტრაციის საშუალება მომცეს.</p><p><strong></p><p>- 2002 წელს უმძიმესი ტრავმა მოირჩინეთ, მსოფლიოს ჩემპიონი გახდით და წლის ბოლოს საუკეთესო ფეხბურთელის ტიტული მესამედ მოიგეთ...</p><p></strong>- ტრავმის შემდეგ დაბრუნება და წლის ბოლოს საუკეთესო მოთამაშის პრიზის მოგება მართლაც ძალიან მნიშვნელოვანი იყო.</p><p>მძიმე ტრავმის შემდეგ, რომლის გამოც წელიწადნახევარი გამიცდა, მსოფლიოს ჩემპიონატზე გამგზავრების საშუალება მომეცა, სადაც კარგად ვითამაშე, საუკეთესო ბომბარდირიც გავხდი და წლის ბოლოს ინდივიდუალური აღიარებაც დავიმსახურე.</p><p>2002 წლის პრიზი უფრო მნიშვნელოვანი იყო, ვიდრე პირველი, რადგან ძალიან ბევრი სირთულის გადალახვა მომიწია.</p><p><strong></p><p>- განსაკუთრებული დაპირისპირება ხომ არ გქონდათ რომელიმე ფეხბურთელთან, მაგალითად ზინედინ</strong><strong> ზიდანთან, რომელმაც წლის საუკეთესო ფეხბურთელის ტიტული ასევე სამჯერ მოი</strong><strong>გო?</p><p></strong>- ჩემი აზრით, მაშინ კონკურენცია უფრო დიდი იყო. დღეს ტიტულისთვის მესი და კრიშტიანო რონალდო იბრძვიან, ჩემ დროს კი პრეტენზიას ზინედინ ზიდანი, რივალდო, ლუიშ ფიგუ, მე, მოგვიანებით კი რონალდინიო ვაცხადებდით...</p><p>თუ ვინმე ამ ტიტულს იგებდა, ის ამას იმსახურებდა. როდესაც ზიდანი ხდებოდა გამარჯვებული, წლის განმავლობაში საუკეთესო უდავოდ ის იყო.</p><p><strong></p><p>- თქვენ წლების განმავლობაში ძალიან ბევრი ისეთი ვარსკვლავის გვერდით გითამაშიათ, ვისაც ეს პრიზი მოგებული აქვს. შეგიძლიათ გამოარჩიოთ რომელიმე მოთამაშე, რომელიც წლის საუკეთესო ფეხბურთელის ტიტულს იმსახურებდა, მაგრამ ეს პრიზი არასდროს მოუგია?</p><p></strong>- ფეხბურთი სპორტის არა ინდივიდუალური, არამედ გუნდური სახეობაა და კოლექტივს უდიდესი მნიშვნელობა აქვს.</p><p>არიან ფეხბურთელები, რომლებიც წლების განმავლობაში სტაბილურად კარგად ასპარეზობენ, საკუთარი გუნდისთვის უდიდეს ძალას წარმოადგენენ, მაგრამ სხვადასხვა მიზეზის გამო ინდივიდუალურ პრიზებს ვერ იგებენ.</p><p>მაგალითად, პაოლო მალდინი, რომელიც საუკეთესო მცველი იყო იმათგან, ვინც კი ოდესმე მინახავს და ვის წინააღმდეგაც მითამაშია.</p><p>ის ამ ტიტულს რამოდენიმეჯერ იმსახურებდა, მაგრამ სამწუხაროდ, ინდივიდუალურ პრიზებს, უმეტესად, შემტევი ფეხბურთელები იგებენ, რადგან გულშემატკივრებს გოლების და ფინტების ნახვა სურთ.</p><p><strong></p><p>- ევროპის მიღმა მოთამაშე ფეხბურთელებისთვის ხმის მიღება რთულია?</p><p></strong>- ფეხბურთი, ზოგადად, კარგად არის დაბალანსებული, მაგრამ ისიც ფაქტია, რომ საუკეთესო ფეხბურთელები ევროპაში თამაშობენ და სწორედ ევროპული ფეხბურთი არის პირველ ადგილზე. შესაბამისად, ბუნებრივიც არის ის, რომ მსოფლიოს საუკეთესო მოთამაშე ევროპულ კლუბებში მოასპარეზე ფეხბურთელებიდან ირკვევა.</p><p><strong></p><p>- თქვენი აზრით, ნეიმარის მსოფლიოში საუკეთესო ფეხბურთელების გვერდით დაყენება შეიძლება?</p><p></strong>- ნეიმარი ძალიან ნიჭიერი ფეხბურთელია. მე ადრეც ვთქვი, რომ ის სათამაშოდ ევროპაში უნდა ჩამოვიდეს და საკუთარი შესაძლებლობები აქ დაამტკიცოს. ადრე თუ გვიან ეს აუცილებლად მოხდება - ის ევროპულ კლუბში მოეწყობა და "ოქროს ბურთის" მოგების რეალური კანდიდატიც იქნება.</p><p><strong></p><p>- ისიც თქვენსავით ახალგაზრდულ ასაკში მოხვდა ბრაზილიის ნაკრებში და მისგან უკვე საკმაოდ ბევრს ელიან. რას ურჩევდით მას?</p><p></strong>- განსაკუთრებულს ვერაფერს ვურჩევ, რადგან ის ყველაფერს სწორად აკეთებს. ნეიმარი ბევრს შრომობს, დისციპლინას იცავს და ბოლომდე ფეხბურთის თამაშზეა კონცენტრირებული.</p><p>დარწმუნებული ვარ, რომ ადრე თუ გვიან ის ევროპაში ითამაშებს და მთელ მსოფლიოს დაუმტკიცებს იმას, რომ ბრაზილიელებს ნიჭიერი ფეხბურთელების გაზრდა ჯერ კიდევ შეგვიძლია.</p><p><strong></p><p>- წლევანდელ "ოქროს ბურთს" ვის გადასცემდით და რატომ?</p><p></strong>- პრიზისთვის წელსაც მესი და რონალდო იბრძოლებენ. ტიტულს ინიესტა და ჩავიც იმსახურებენ, მაგრამ იმის გამო, რომ ისინი ნახევარმცველები არიან, მათი შანსი შედარებით მცირეა.</p><p>მე ჩემს ხმას მესის მივცემდი - გარდა იმისა, რომ მას ბევრი გოლი გააქვს და ტიტულებს იგებს, მესი მოედანზე სასწაულებს ჩადის, ის ნამდვილი ჯადოქარია.</p><p>რონალდო ძალიან ტექნიკური, ძლიერი და პრაგმატული მოთამაშეა, მაგრამ მესი უფრო მაღლა დგას და რაც უფრო მნიშვნელოვანია, ის წლიდან წლამდე ახერხებს ყველას გაოცებას.</p><p><strong></p><p>- წლის საუკეთესო მწვრთნელად ვის დაასახელებდით?</p><p></strong>- ჩემს ხმას მოურინიოს მივცემდი. ის საოცარი ტაქტიკოსია, შესანიშნავად გეგმავს გუნდის თამაშს და ძალიან კარგი სავარჯიშო მეთოდები აქვს. იოლი ნამდვილად არ არის, ყოველდღე ასე კარგად გაუმკლავდე 25 ვარსკვლავს და გუნდში ყოველი მათგანი ბედნიერი გყავდეს.</p><p><strong></p><p>- ქალთა ფეხბურთზე რას იტყოდით?</p><p></strong>- მინდა, რომ მარტამ მოიგოს (იცინის). რამდენი ტიტული აქვს, ხუთი, ხომ? ჰოდა, მსურს, რომ მეექვსედაც გაიმარჯვოს. ამიტომ ჩემს ხმას მარტას მივცემდი.</p><p><strong></p><p>- სიმბოლურ ნაკრებსაც მივადექით. რომელ 11 ფეხბურთელს შეარჩევდით?</p><p></strong>- კარში აუცილებლად კასილიასი იდგებოდა. დაცვაში დანიელ ალვეშს, სერხიო რამოსს და ჯონ ტერის დავაყენებდი.</p><p>მარცხენა მცველად კი... რობერტო კარლოსს (იცინის), მარცხენა მცველად მარსელოს ვათამაშებდი. ნახევარდაცვაში იქნებოდნენ ჩავი, ინიესტა და ლამპარდი. შეტევაში კი მესი, რონალდო და ნეიმარი.</p><p><strong></p><p>- თქვენი სათამაშო კარიერის დროს პუშკაშის პრიზი რომ ყოფილიყო, თქვენი რომელი გოლი მოიგებდა ამ ტიტულს?</p><p></strong>- ალბათ, გოლი, რომელიც "ბარსელონაში" თამაშის დროს "კომპოსტელას" გავუტანე. ჩემი აზრით, ის გოლი ამ პრიზს ნამდვილად მოიგებდა.</p><p><strong>- მსოფლიოს ჩემპიონატზე გატანილი გოლებიდან რომელია საუკეთესო?</p><p></strong>- ალბათ, 2002 წლის ჩემპიონატის ფინალში გერმანიის კარში გატანილი მეორე გოლი.</p><p><strong>ყოველდღიური სპორტული გაზეთი "ლელო"</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
"გთხოვთ... "ოქროს ბურთი" მან უნდა მოიგოს" - დუემ თანაგუნდელი გამოარჩია
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს