- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ოთარ ხიზანეიშვილი - აღმართ-დაღმართი "დინამოდან" "დინამომდე"
<p>31 წლის ფეხბურთელთან საუბარში მის მიერ განვლილი გზა გავიხსენეთ და დღევანდელობასაც შევეხეთ <br> თბილისის "დინამო", მოსკოვის "სპარტაკი", მოსკოვის "დინამო", გერმანული "ფრაიბურგი" - ოთარ ხიზანეიშვილს ამ კლუბების ღირსება დაუცავს და ძალები სხვა უცხოურ გუნდებშიც მოუსინჯავს; იყო საქართველოს ეროვნული ნაკრების წევრი, დღეს კი იგი კვლავ თბილისის "დინამოს" ფეხბურთელია და მის დაცვის ხაზში საიმედოდაც გამოიყურება.</p><p>ოთარს საკმაოდ საინტერესო, დადებითი და უარყოფითი ასპექტებით გაჯერებული კარიერა აქვს. 31 წლის ხიზანეიშვილთან საუბარში მის მიერ განვლილი გზა გავიხსენეთ და დღევანდელობასაც შევეხეთ.</p><p><span style="color: #ff0000;"><strong>სანაკრებო დებიუტი და სპარტაკული სირთულეები </strong></span></p><p>ფეხბურთელად ჩამოყალიბებას, უპირველესად, 35-ე საფეხბურთო სკოლასა და ბავშვობის მწვრთნელ გოჩა ავსაჯანიშვილს უმადლის. საქართველოს ნაკრებში დებიუტი 17 წლის ასაკში, ჰოლანდიელი იოჰან ბოსკამპის ხელმძღვანელობით ჰქონდა და თბილისის "დინამოს" მცველს დიდწილად ამან შეუწყო ხელი, რომ უცხოური კლუბების ინტერესი დაემსახურებინა.</p><p>ხიზანეიშვილი მოსკოვის "სპარტაკში" აღმოჩნდა და მასთან ერთად რუსეთის ჩემპიონიც გახდა, თუმცა არ მიიჩნევს, რომ იქ გატარებული პერიოდი მის კარიერაში ერთ-ერთი საუკეთესოა:</p><p><em>"მოსკოვში 18 წლის ასაკში წავედი და ამისთვის ბოლომდე მზად არ ვიყავი. უპირველესად, ხელს ენობრივი ბარიერი მიშლიდა და "სპარტაკშიც" საკმაოდ ცივად მიმიღეს.</p><p>ვერ ვიტყვი, რომ ვინმე მიზანმიმართულად მებრძოდა, მაგრამ ამ ფაქტორებმა შესაძლებლობების გამოვლენაში ხელი შემიშალა.</p><p>ძირითად შემადგენლობაში რამდენიმე მატჩი ჩავატარე და რუსეთის ჩემპიონიც გავხდი, მაგრამ ამის მიუხედავად, იქ თავს არაკომფორტულად ვგრძნობდი".</em></p><p><span style="color: #ff0000;"><strong>დინამო, ფრაიბურგი და დიდი უიღბლობა</strong></span></p><p>"სპარტაკის" შემდეგ მცირე ხნით "როსტოვში" ითამაშა, შემდეგ თბილისის "დინამოს" დაუბრუნდა, რასაც მოსკოვის "დინამოში" გადასვლა მოჰყვა. შეგვიძლია ვთქვათ, რომ მისი კარიერის მეორე აღმავალი ტალღა სწორედ ეს იყო.</p><p><em>"მოსკოვის "დინამო" საჩემო გუნდი აღმოჩნდა. იმ დროისთვის რუსულსაც კარგად ვფლობდი და საფეხბურთო გამოცდილებაც სამყოფი მქონდა.</p><p>ძირითადშიც სისტემატურად ვთამაშობდი, მოსკოვში ცხოვრებასაც შევეგუე და თანაგუნდელებთანაც გამოვნახე საერთო ენა. თუმცა მაინც მსურდა დასავლეთ ევროპაში თამაში და როცა "ფრაიბურგის" წინადადება მივიღე, დიდხანს არ მიყოყმანია".</p><p></em></p><p>"ფრაიბურგშიც" ეფექტურად დაიწყო და გერმანიაში კარგი პრესაც ჰქონდა, თუმცა საქართველო-თურქეთის მატჩში მუხლის მძიმე ტრავმა მიიღო, რამაც წელიწადზე მეტი გააცდენინა.</p><p><em>"საუბედუროდ, მაშინ დავშავდი, როცა კარიერის საუკეთესო პერიოდი მქონდა. პირველ ბუნდესლიგაში სტაბილურად ვთამაშობდი და ზუსტად ვიცოდი, რომ მალე "ფრაიბურგზე" უფრო ძლიერ გერმანულ კლუბში გადასვლის შესაძლებლობა მომეცემოდა. ამ ტრავმამ კი ძალიან დამხია უკან".</p><p></em></p><p>ამის მიუხედავად, "ფრაიბურგთან" მაინც კარგი მოგონებები აკავშირებს, განსაკუთრებით თბილად კი გუნდის მაშინდელ მწვრთნელ ფოლკერ ფინკეს იხსენებს:</p><p><em>"თბილი და სამართლიანი ადამიანი იყო და ბევრი კოლეგისგან განსხვავებით, ფეხბურთელებს ეროვნების მიხედვით არ ანსხვავებდა.</p><p>კარგად ვიცით, რომ მას ქართველი ფეხბურთელების მიმართ ძალიან კარგი დამოკიდებულება ჰქონდა, მაგრამ იგივეს იტყვიან ნებისმიერი ეროვნების მოთამაშეები, ვისაც მათთან უთამაშიათ".</p><p></em></p><p>ქართველი მწვრთნელებიდან კი ხიზანეიშვილი გია გეგუჩაძეს გამოარჩევს.</p><p><span style="color: #ff0000;"><strong>გადალახული დაბრკოლებები</strong></span></p><p>ტრავმების გარდა, ხიზანეიშვილის ცხოვრებაში სხვა უსიამოვნებებიც იყო, რამაც მის კარიერას დაღი ტრავმებზე არანაკლებად დაასვა. დღეს მოხარულია, რომ ყოველივე ეს უკვე წარსულს ჩაბარდა და აქვს იმის საშუალება, რომ მთელი ძალებით საყვარელ საქმეზე იყოს კონცენტრირებული.</p><p><em>"ბედნიერი ვარ, რომ ჩემი კარიერა გრძელდება და კვლავ მაქვს იმის საშუალება, ფეხბურთი სასურველ გარემოში ვითამაშო.</p><p>დიდი მადლობა თბილისის "დინამოს", რომელმაც დიდი ნდობა გამომიცხადა და მაქსიმალურად ვცდილობ, ხელმძღვანელობის, სამწვრთნელო შტაბის, თანაგუნდელებისა და გულშემატკივრების ნდობა გავამართლო.</p><p>საქართველოში "დინამოს" გარდა, სხვა კლუბის ღირსება არ დამიცავს და ამითაც ძალიან ბედნიერი ვარ. "დინამო" ერთი დიდი მეგობრული ოჯახია და მისი წევრობა ჩემთვის დიდი ბედნიერებაა".</p><p></em><span style="color: #ff0000;"><strong>კარიერის განსაკუთრებული დღე</strong></span></p><p>საფეხბურთო წარსულიდან სასიხარულოც ბევრი აქვს გასახსენებელი და გულსატკენიც, ერთი დღე კი არასდროს დაავიწყდება - ეს არის 2003 წლის 30 აპრილი, როცა საქართველოს ნაკრებმა თბილისში რუსეთს სძლია.</p><p><em>"შეიძლება ვინმეს ეთქვა, რომ ეს რიგითი საფეხბურთო მატჩი იყო, მაგრამ თითოეული ჩვენგანი კარგად აცნობიერებდა, რომ საქართველო-რუსეთი არ იყო ერთი ჩვეულებრივი თამაში. შესანიშნავად გვესმოდა, რაოდენ მნიშვნელოვანი იყო ეს მატჩი ჩვენი ერისთვის და მოედანზე სული და გული დავდეთ.</p><p>მართლაც კარგად ვითამაშეთ, იღბალიც ჩვენს მხარეს იყო და ღვთის წყალობით, მთელ საქართველოს უდიდესი ზეიმი ვაჩუქეთ. ეს დაუვიწყარი ემოცია იყო.</p><p>აუცილებლად უნდა გავიხსენო ივო შუშაკი, რომელმაც ჩვენზე არანაკლებ შეისისხლხორცა ამ გამარჯვების მნიშვნელობა და რუსეთის ნაკრების დამარცხებაში მნიშვნელოვანი როლი ითამაშა".</p><p></em></p><p>ნაკრებთან კი, უპირველესად, მაინც იმედგაცრუება აკავშირებს:</p><p><em>"ისევე, როგორც ნაკრების ყველა ამჟამინდელ თუ ყოფილ ფეხბურთელს, გული მტკივა, რომ ქართველ გულშემატკივრებს დიდი ნატვრა ვერ ავუსრულეთ და ევროპის ან მსოფლიოს ჩემპიონატის ფინალურ ეტაპზე ერთხელაც ვერ გავედით. ცდა არ დაგვიკლია, მაგრამ მხოლოდ ეს საკმარისი არ აღმოჩნდა.</p><p>გულს მხოლოდ იმით ვიმშვიდებ, რომ საკუთარ სინდისთან აბსოლუტურად პირნათელი ვარ: ნაკრებში ყოველთვის ვცხადდებოდი, ტრავმა არასდროს მომიგონებია და სწორედ ნაკრებში თამაშისას მივიღე ორი მძიმე ტრავმა".</em></p><p><span style="color: #ff0000;"><strong>მნიშვნელოვანი როლი დინამოში</strong></span></p><p>გრძნობს, რომ როგორც გამოცდილს, თბილისის "დინამოში" დიდი პასუხისმგებლობა ეკისრება:</p><p><em>"მაქსიმალურად ვცდილობ, ახალგაზრდა თანაგუნდელებს ჩემი გამოცდილება გავუზიარო. გუნდში ძალიან მეგობრული გარემოა და ჩემთვის დიდი სიამოვნებაა ბიჭებთან აზრების გაცვლა-გამოცვლა.</p><p>ჩემს გამოცდილებას ჩვენი მთავარი მწვრთნელი დუშან უჰრინიც აფასებს და ხშირად მთხოვს, რომ პარტნიორებს მისი ტაქტიკური ჩანაფიქრი ავუხსნა"</em>.</p><p>ახალგაზრდა ფეხბურთელებს კი სიდინჯეს და გადაწყვეტილების ცივი გონებით მიღებას ურჩევს:</p><p><em>"რუსეთი და უკრაინა ფინანსური კუთხით შესანიშნავია, მაგრამ თუ ახალგაზრდა ფეხბურთელს არჩევანი აქვს, უმჯობესია, დასავლეთევროპულ კლუბს მიანიჭოს უპირატესობა. იქ მისი კარიერა უფრო სწორ კალაპოტში გადავა და თუ მოინდომებს, ახლო მომავალში ფინანსურადაც კარგად იქნება უზრუნველყოფილი".</p><p></em></p><p>კარიერის დასრულების შემდეგ მწვრთნელობას არ აპირებს, საერთოდ კი, ბუცების ლურსმანზე ჩამოკიდებას კიდევ რამდენიმე წელიწადი არ გეგმავს:</p><p><em>"ახლა ჩემი კარიერის ერთ-ერთი საუკეთესო ფაზაა. ხანგრძლივი დროის შემდეგ დადგა პერიოდი, როცა ფეხბურთის თამაში უდიდეს სიამოვნებას მანიჭებს და არ მაქვს მიზეზი, ამ სიამოვნებაზე უარი ვთქვა.</p><p>31 წლის ვარ, ეს კი მცველისთვის იდეალური ასაკია. ჩემს აწმყოსაც და ახლო მომავალსაც თბილისის "დინამოს" ვუკავშირებ".</em></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/fexburti/qarthuli-fekhburthi/chempionati/39414-othar-khizaneishvili-solidarobas-vuckhadebth-yvela-im-adamians-vinc-tsamebisa-da-damcirebis-obieqti-gakhda.html" target="_blank">ოთარ ხიზანეიშვილი: სოლიდარობას ვუცხადებთ ყველა იმ ადამიანს, ვინც წამებისა და დამცირების ობიექტი გახდა</a></p><p><a href="/fexburti/qarthuli-fekhburthi/chempionati/37458-othar-khizaneishvili-thamashis-khariskhis-mkhriv-qdinamosq-meti-moethkhoveba.html" target="_blank">ოთარ ხიზანეიშვილი: თამაშის ხარისხის მხრივ, "დინამოს" მეტი მოეთხოვება</a></p><p><a href="/fexburti/qarthuli-fekhburthi/skhvadaskhva/35746-othar-khizaneishvili-isev-dinamoelia.html" target="_blank">ოთარ ხიზანეიშვილი ისევ დინამოელია</a></p><p><a href="/fexburti/qarthuli-fekhburthi/skhvadaskhva/35180-othar-khizaneishvili-thbilisis-qdinamosganq-amas-ar-velodi.html" target="_blank">ოთარ ხიზანეიშვილი: თბილისის "დინამოსგან" ამას არ ველოდი...</a></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
[VIDEO] ყაზაიშვილი ბწყინვალე ფორმაშია - ამჯერად სლუცკის გუნდთან ჰეთ-თრიკი შეასრულა
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
"კვარას" გაყიდვის შემდეგ, კონტეს "ნაპოლიდან" წასვლა სურდა, მაგრამ ამიტომ გადაიფიქრა" - ადანიმ იტალიელ სპეციალისტზე ისაუბრა
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა