<p>14 ნოემბერს, ღამით ევროთასის ჯგუფური ეტაპის მეორე ტურში "ბუმ" ლიტვურ "პრიენაის", ფაქტობრივად, მარტომ მოუთავა საქმე <br> საქართველოს ნაკრების გამთამაშებელმა გიორგი ცინცაძემ უკრაინულ "ბუდიველნიკში" ძველი დრო გაიხსენა.</p><p>იგი 2008 წელს ევროჩელენჯზე "ტარტუ როკს" ფინალური ოთხეულისკენ გაუძღვა - რუსულ "ურალ გრეიტთან" გადამწყვეტ შეხვედრაში მეოთხე პერიოდში 15 ქულა ჩააგდო...</p><p>ევროსარბიელზე დაბრუნებულმა "ბუმ" კიდევ ერთი ეფექტური მატჩი ჩაატარა: 14 ნოემბერს ღამით ევროთასის ჯგუფური ეტაპის მეორე ტურში ლიტვურ "პრიენაის" ფაქტობრივად მარტომ მოუთავა საქმე.</p><p>გადამეტებით რომ არაფერს ვამბობთ, მატჩის ქრონოლოგიაც "დაგვეთანხმება": მესამე პერიოდის შუაში "ბუდიველნიკი" ორი ქულის სხვაობით იგებდა (40:38), როცა ცინცაძემ ორქულიანი ჩააგდო, ამას კიდევ ოთხი ქულა მიაყოლა და მის მიერ მოწყობილი 6:0 გაქცევის შემდეგ კიეველები 46:38 დაწინაურდნენ.</p><p>ცინცაძე ამაზე არ შეჩერებულა, მესამე მეოთხედში კიდევ ერთი ორქულიანი, ორი საჯარიმო გამოიყენა, რომლის შემდეგაც "ბუდიველნიკის" უპირატესობა 13 ქულამდე გაიზარდა - 55:42. ეს უკვე გამარჯვებას ნიშნავდა.</p><p>მატჩის დასრულებიდან რამდენიმე წუთში უკრაინულ საიტ "ისპორტზე" გამოქვეყნდა შეხვედრის ვრცელი მიმოხილვა, რომელშიც ერთი აბზაცი ქართველ გამთამაშებელს დაეთმო:</p><p><em>"მატჩის გარდამტეხი ცინცაძე იყო, რომელიც მეტოქეებზე ჭკვიანი, სწრაფი და მოხერხებული ჩანდა. გიორგიმ თავადაც მნიშვნელოვანი ქულები მოუტანა გუნდს და მეგობრებიც აიყოლია."</p><p></em></p><p>ციფრებს მივხედოთ. "ბუდიველნიკმა" "პრიენაი" 84:57 დაამარცხა. გიორგი ცინცაძე თანაგუნდელ ლეო ლაიონსთან ერთად მატჩის სნაიპერი გახდა, ორივემ 16-16 ქულა მიითვალა. თუმცა, მარგი ქმედების კოეფიციენტის მიხედვით, "ბუს" ბადალი არ ჰყავდა: +24. გიორგიმ 27 წუთში 7-დან 6 ორქულიანი, 4-დან 4 საჯარიმო ჩააგდო, 4 ჩაჭრა, 4 მოხსნა და 3 შედეგიანი გადაცემა მიითვალა.</p><p><strong></p><p>* * *</strong></p><p>ამავე ჯგუფის ორმა ბინადარმა ერთმანეთთან ურთიერთობა იერუსალიმში გაარკვია. "ჰაპოელმა" ჩეხურ "ნიმბურკს" უმასპინძლა და მეოთხე პერიოდში დაშვებული შეცდომების გამო დიდი სხვაობით წააგო - 69:86.</p><p>ჰაპოელელების შემადგენლობაში მხოლოდ ორი კალათბურთელი გადასცდა 10-ქულიან ნიშნულს - კრეიგ სმიტი და ჯეიკობ პულენი. პირველმა 23 ქულა ჩააგდო, ხოლო საქართველოს ნაკრების უკანახაზელმა - 14. ჯეიკობის ანგარიშზე 8-დან 4 ორქულიანი, 7-დან 2 სამიანი, 3-3 მოხსნა-ჩაჭრა და 1 შედეგიანი გადაცემაა.</p><p>მომდევნო კვირაში, 21 ნოემბერს, პულენის "ჰაპოელი" ცინცაძის "ბუდიველნიკს" მიიღებს.</p><p><em> <table style="width: 270px; height: 91px;" border="0"> <tbody> <tr> <td>ა</td> <td>გუნდი</td> <td>თ</td> <td>მ</td> <td>წ</td> <td>ქ</td> </tr> <tr> <td>1</td> <td>ნიმბურკი (ჩეხ)</td> <td>2</td> <td>2</td> <td>0</td> <td><em>4</em></td> </tr> <tr> <td>2</td> <td>ბუდიველნიკი (უკრ)</td> <td>2</td> <td>1</td> <td>1</td> <td>3</td> </tr> <tr> <td>3</td> <td>პრიენაი (ლიტ)</td> <td>2</td> <td>1</td> <td>1</td> <td>3</td> </tr> <tr> <td>4</td> <td>ჰაპოელი (ისრ)</td> <td>0</td> <td>0</td> <td>2</td> <td>2</td> </tr> </tbody> </table> </em></p><p><strong>ყოველდღიური სპორტული გაზეთი "ლელო"</strong></p>
გუგა ნაცვლიშვილის წარმატებული მატჩი და გამარჯვება ამერიკის სტუდენტურ ლიგაში
"ბარსელონას" ამ ფეხბურთელთან ვმეგობრობ" - თორნიკე შენგელია
"ბარსელონამ" ნავსი კატალონიურ დერბიში, "ხირონას" დამარცხებით გატეხა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა