<p>"პარი სენ ჟერმენმა" 9-კაციან "რენს" ვერაფერი მოუხერხა და საკუთარ მოედანზე ზედიზედ მეორედ დამარცხდა <br> მეცამეტე ტურის მთავარი მოულოდნელობა პარიზში მოხდა. "პარი სენ ჟერმენმა" 9-კაციან "რენს" ვერაფერი მოუხერხა და საკუთარ მოედანზე ზედიზედ მეორედ დამარცხდა.</p><p>სტუმრებს 26-ე წუთზე მეკარე <strong>ბენუა კოსტილი</strong>, ხოლო 52-ე წუთზე <strong>ჟან მაკუნი</strong> გაუძევეს, მაგრამ მიუხედავად ამისა, <strong>ფრედერიკ ანტონეტის </strong>შეგირდებმა ერთბურთიანი უპირატესობა შეინარჩუნეს და ჩემპიონატში ზედიზედ მესამე მატჩი მოიგეს.</p><p>ანგარიში სტუმრებმა მე-14 წუთზე გახსნეს - თავი ახალგაზრდა <strong> რომენ ალესანდრინმა</strong> გამოიჩინა, თუმცა "ზოროს" ნიღაბით მოასპარეზე <strong>ნენემ</strong>, რომელიც ლამის ერთთვიანი პაუზის მერე დაუბრუნდა მინდორს, ანგარიში გაათანაბრა.</p><p>ამის შემდეგ იყო შემთხვევა, რომელსაც თითქოს შეხვედრის ბედი პარიზელთა სასარგებლოდ უნდა გადაეწყვიტა - შეხვედრის არბიტრმა "რენის" მეკარე <strong>ბენუა კოსტილი</strong> გააძევა, სტუმართა კარში კი <strong>შეიკ ნდიაიე </strong>ჩადგა, რომელსაც ლიგა 1-ში აქამდე სულ 1 თამაში, ისიც 2008 წელს ჰქონდა ჩატარებული.</p><p>ამის შემდეგ პსჟ-ს უდიდესი უპირატესობა ჰქონდა, მაგრამ მასპინძლებმა გოლი ვერაფრით გაიტანეს, 35-ე წუთზე კი აქეთ გაუშვეს.</p><p>მეორე ტაიმში <strong>კარლო ანჩელოტიმ</strong> თამაშში <strong>გიომ ოარო</strong> და<strong> კევინ გამეირო</strong> ჩართო, მაგრამ მასპინძლებს ვერც მათ უშველეს. ცხრა ფეხბურთელის ამარა დარჩენილმა "რენმა" სენსაციური გამარჯვება მოიპოვა, რაც მათთვის ბოლო 7 შეხვედრაში მე-6 მოგება იყო.</p><p>ამ საოცარი თამაშის წყალობით <strong>ანტონეტის</strong> გუნდი უკვე მე-6 ადგილზეა, <strong>კარლო ანჩელოტიმ</strong> კი მატჩის შემდეგ კრიზისი ახსენა:</p><p><em></p><p>"დაუჯერებელია. ზედიზედ ორი საშინაო მატჩი წავაგეთ, რაც იმ გუნდისთვის, რომელსაც ჩემპიონობისთვის ბრძოლა სურს, უბრალოდ, მიუღებელია.</p><p>ახლა ცუდი პერიოდი გვაქვს და მე ცვლილებების გაკეთება მომიწევს. არ შემეშინდება და ვიტყვი, რომ კრიზისში ვართ და ამ სიტუაციიდან გამოსვლა სწრაფად უნდა მოვახერხოთ".</em></p><p>მორიგი მატჩი მოიგო "ლიონმა" და პსჟ-ს სატურნირო ცხრილში გადაასწრო. გოლებით თავი <strong>ბაფეტემბი გომისმა </strong>და <strong>ლისანდრო ლოპესმა </strong>გამოიჩინეს.</p><p>"ოლიმპიკის" მწვრთნელი <strong>რემი გარდი </strong>საკუთარი გუნდის თამაშით კმაყოფილი იყო:</p><p><em></p><p>"დღეს ძალიან კარგად ვითამაშეთ. ბევრი საგოლე მომენტი არ გვქონია, მაგრამ რაც შევქმენით, იმით მაქსიმალურად ვისარგებლეთ.</p><p>მიუხედავად იმისა, რომ შემტევი ფეხბურთის თამაშს ვცდილობდით, დაცვაშიც საკმაოდ სოლიდურად გამოვიყურებოდით. ამის გამო კი უზომოდ კმაყოფილი ვარ".</em><span style="color: #ff0000;"><strong></p><p>საფრანგეთი. ლიგა 1. XIII ტური</strong></span></p><p><em><strong>ლორიანი-ლილი 2:0</p><p></strong></em>გოლები: 1:0 ბურიონი (24), 2:0 კორნე (69)</p><p><em><strong>პსჟ-რენი 1:2</p><p></strong></em>გოლები: 0:1 ალესანდრინი (14), 1:1 ნენე (21), 1:2 ფერე (35)</p><p><em><strong>აიაჩო-სოშო 0:1</p><p></strong></em>გოლი: 0:1 ბუჰური (10-ს.კ.)</p><p><em><strong>ტრუა-ნანსი 3:3</p><p></strong></em>გოლები: 1:0 ნგოი (20), 1:1 პუიგრენიე (32), 1:2 მოლო (34), 1:3 ანდრე ლუისი (45), 2:3 ნივე (82), 3:3 ნივე (87-პენ) .</p><p><em><strong>ევიანი-სტ. ეტიენი 2:2</p><p></strong></em>გოლები: 0:1 გრადელი (10), 0:2 გრადელი (28), 1:2 რაბიუ (48), 2:2 ანგულა (80)</p><p><em><strong>ბრესტი-ბასტია 3:0</p><p></strong></em>გოლები: 1:0 ლ. ტურე (44), 2:0 ბენ ბასატი (61-პენ), 3:0 ლ. ტურე (67)</p><p><em><strong>ვალანსიენი-მონპელიე 1:1</p><p></strong></em>გოლები: 0:1 შარბონიე (16), 1:1 პუჟოლი (39)</p><p><em><strong>ლიონი-რეიმსი 3:0</p><p></strong></em>გოლები: 1:0 ვებერი (45-საკ. კარში), 2:0 გომისი (73), 3:0 ლ. ლოპესი (90)</p><p><em><strong>ნიცა-ტულუზი 1:0</p><p></strong></em>გოლი: 1:0 ცვიტანიჩი (60).</p><p><em><strong>ბორდო-მარსელი 1:0</p><p></strong></em>გოლი: 1:0 გუფრანი (52)</p><p>გაძევება: მენდესი (93. მარსელი)</p><p><strong></p><p>სატურნირო ცხრილი</strong></p><p><em>ა გ თ მ ფ წ ბ ქ</p><p></em>1. ლიონი 12 7 4 1 23-11 25</p><p>2. ბორდო 13 6 6 1 18-10 24</p><p>3. პსჟ 13 6 5 2 19-10 23</p><p>4. მარსელი 12 7 2 3 16-11 23</p><p>5. სენტ ეტიენი 13 6 4 3 23-10 22</p><p>6. ვალანსიენი 13 6 4 3 27-15 22</p><p>7. რენი 13 7 1 5 18-16 22</p><p>8. ლილი 13 5 5 3 16-14 20</p><p>9. ტულუზი 13 5 4 4 20-16 19</p><p>10. ლორიანი 13 4 6 3 21-25 18</p><p>11. ნიცა 13 3 7 3 18-19 16</p><p>12. ბრესტი 13 5 1 7 14-18 16</p><p>13. რეიმსი 13 4 3 6 13-14 15</p><p>14. მონპელიე 13 3 5 5 18-18 14</p><p>15. აიაჩო 13 4 4 5 14-18 14</p><p>16. სოშო 13 4 2 7 13-19 14</p><p>17. ბასტია 13 4 2 7 19:32 14</p><p>18. ევიანი 13 3 3 7 15-22 12</p><p>19. ტრუა 13 1 5 7 14-25 8</p><p>20. ნანსი 13 1 3 9 8-24 6</p><p>შენიშვნა: "აიაჩოს" -2 ქულა</p><p><strong>ბომბარდირები</p><p></strong>10 - იბრაჰიმოვიჩი (პსჟ); 8 - ობამეიანი (სენტ ეტიენი); 7 - ბენ იედერი (ტულუზი); 6 - ერდინჩი (რენი), გომისი (ლიონი).</p><p><strong>ყოველდღიური სპორტული გაზეთი "ლელო"</strong></p>
პსჟ-ს მეკარე: ძნელია მოტივაციის შენარჩუნება
პსჟ-ს ტრავმის გამო კიდევ ერთი ფეხბურთელი გამოაკლდა
"სიტი" პსჟ-ს კიდევ ერთი ვარსკვლავის გადაბირებას ცდილობს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ