<p>უკრაინის პრემიერლიგის ბოლო ტური სანდრო კობახიძისა და ლევან ყენიასთვის წარმატებული აღმოჩნდა <br> განვლილი შაბათ-კვირა წარმატებული აღმოჩნდა <strong>სანდრო კობახიძისა</strong> და <strong>ლევან ყენიასთვის</strong>. უკრაინის პრემიერლიგაში მათ ანგარიშზე გოლები ჩაიწერეს.</p><p>კობახიძის კიევის "არსენალმა" ჩემპიონატის ერთპიროვნული ლიდერის, დონეცკის "შახტარის" 15-მატჩიანი მოგებათა (!) სერია შეწყვიტა. ამ საქმეში თავისი წვლილი სანდრომ მსაჯის მიერ დამატებულ დროში (90+3) შეიტანა - მისი შორეული დარტყმა ძალიან ლამაზი გამოდგა (<a href="/mtavari/video.html?view=video&video=1601" target="_blank"><span style="color: #ff0000;"><strong>იხილეთ ვიდეო</strong></span></a>).</p><p>"არსენალის" ბელორუსმა მთავარმა მწვრთნელმა <strong>ლეონიდ კუჩუკმა</strong> მატჩის შემდეგ განაცხადა:</p><p><em>"ძირითადი შემადგენლობის ექვსი ფეხბურთელი ტრავმირებული გვყავდა, კობახიძე კი სანაკრებო შეხვედრიდან ახალი დაბრუნებული იყო და შეცვლაზე (76-ე წუთზე) ამიტომ შემოვიყვანე. ის მოედანზე გავიდა და თავისი საქმე გააკეთა".</p><p></em></p><p>მატჩის შემდეგ კობახიძეს ინტერვიუ უკრაინულმა "სპორტ-ექსპრესმა" ჩამოართვა.<em></p><p>"ჩვენ თავს კარგად ვიცავდით და ურიგოდ არ ვუტევდით. ყოჩაღ ბიჭებს, რომლებმაც კარის მშრალად შენახვა მოახერხეს. იმიტომ მოვიგეთ, რომ მომენტების გამოყენება შევძელით.</p><p>ყველაფერი რა კარგად გამოვიდა? ჩვენც კმაყოფილები დავრჩით და ეს წაგება "შახტარსაც" გამოაფხიზლებს. დონეცკელები მოედანს ხასიათწამხდრები ტოვებდნენ. მათ მალე ჩემპიონთა ლიგაში დანიურ კლუბთან მნიშვნელოვანი შეხვედრა ელით, სადაც წარმატებას ვუსურვებ და ვუგულშემატკივრებ.</p><p>სხვათა შორის, გაზრდილ პრემიას მივიღებთ თუ არა, ამაზე არაფერი ვიცი. ამ შემთხვევაში ფული მეორეხარისხოვანია. პირველად კი გამარჯვება საქართველოს ნაკრების კაპიტანმა, "დნიპროს" ნახევარმცველმა ჯაბა კანკავამ მომილოცა",</em> - ამბობს კობახიძე.</p><p>16 ტურის შემდეგ სანდრო კობახიძეს 2 გოლი და 2 საგოლე გადაცემა დაუგროვდა.</p><p><span style="color: #ff0000;"><strong>* * *</strong></span></p><p>კვლავ გაგვახარა <strong>ლევან ყენიამ</strong>: ლვოვის "კარპატის" შემტევმა ნახევარმცველმა ბოლო 4 მატჩში უკვე 3 გოლი გაიტანა. ლევანი ლუცკის "ვოლინთან" შეხვედრაში ერთ-ერთი საუკეთესო გახლდათ, რამდენჯერმე თანაგუნდელები მეკარესთან პირისპირ დატოვა, 65-ე წუთზე კი ახლო მანძილიდან დარტყმით საბოლოო ანგარიში დააფიქსირა - 2:0 (<a href="/mtavari/video.html?view=video&video=1611" target="_blank"><span style="color: #ff0000;"><strong>იხილეთ ვიდეო</strong></span></a>).</p><p>წინა ტურში ხარკოვის "მეტალისტთან" ლვოველთა ბოსნიელი ლეგიონერი <strong>სემირ შტილიჩი</strong> მთავარმა არბიტრმა შეურაცხყოფისთვის გააძევა და მან ლუცკელებთან შეხვედრა გამოტოვა. ის პლეიმეიკერის პოზიციაზე თამაშობდა. "კარპატის" მთავარი მწვრთნელი <strong>ნიკალაი კოსტოვი</strong> იძულებული გახდა, ყენია მარცხენა ფლანგიდან ცენტრში შეეწია და არც უნანია.</p><p><em>"ყველას აინტერესებდა, როგორ ითამაშებდა "კარპატი" სამი მატჩით დისკვალიფიცირებული შტილიჩის გარეშე - ის გუნდის მთავარი შემოქმედია და სწორედ ბოსნიელს უკავშირდებოდა ბოლო შეხვედრებში ლვოველთა თამაშის ხარისხის გაუმჯობესება.</p><p>როგორც აღმოჩნდა, შტილიჩს ღირსეული შემცვლელი გამოუჩნდა. მოედნის ცენტრში მისი ადგილი ლევან ყენიამ დაიკავა, რომელმაც როლს თავი მშვენივრად გაართვა.</p><p>ყენია მეორე ტაიმში გუნდს ნამდვილ ლიდერად მოევლინა. ის თანაგუნდელებს არა მხოლოდ ზუსტი გადაცემებით ამარაგებდა, არამედ მოედნის ცენტრში წამოიწყო კომბინაციური ფეხბურთი. როდესაც გუნდი ბურთს კარგავდა, აქტიურად ცდილობდა მოწინააღმდეგეთა პრესინგს.</p><p>ქართველმა ამ შეხვედრაში გასაოცარი შრომისუნარიანობა აჩვენა. ამიტომ ლოგიკურიც იყო, მეორე გოლი სწორედ ყენიამ რომ გაიტანა",</em> - წერს "უა-ფუტბოლი".</p><p><em></p><p>"ყენიამ გვაიძულა, თავისი აქტიურობითა და შემოქმედებითი თამაშით მთლიანად დაგვევიწყებინა შტილიჩის დანაკლისი. შეუძლებელია, არ დაეთანხმო კოსტოვს, რომ "კარპატი" მატჩიდან მატჩამდე უმატებს",</em> - ეს უკვე "ფოოტბალ.უას" შეფასებაა.</p><p>რაღა თქმა უნდა, ყენიას ასეთი პროგრესი მეტად პოზიტიური ფაქტია.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/legionerebi/41910-sandro-kobakhidze-ukrainashi-chvengan-amas-aravin-eloda.html" target="_blank">სანდრო კობახიძე: უკრაინაში ჩვენგან ამას არავინ ელოდა</a></p><p><a href="/fexburti/qarthuli-fekhburthi/legionerebi/41891-sandro-kobakhidzis-supergoli-da-legionis-arnakhuli-progresi-video.html" target="_blank">სანდრო კობახიძის სუპერგოლი და ლეგიონის არნახული პროგრესი [VIDEO]</a></p><p><a href="/fexburti/qarthuli-fekhburthi/legionerebi/41543-levan-yenia-formis-shenarchunebashi-playstation-ze-thamashi-mekhmareboda.html" target="_blank">ლევან ყენია: ფორმის შენარჩუნებაში Playstation-ზე თამაში მეხმარებოდა</a></p><p><a href="/fexburti/qarthuli-fekhburthi/erovnuli-nakrebi/41791-sandro-kobakhidze-egviptesthan-matchshi-yenia-ananidzis-aryofna-dagvetyo.html" target="_blank">სანდრო კობახიძე: ეგვიპტესთან მატჩში ყენია-ანანიძის არყოფნა დაგვეტყო</a></p>
"კვარა" ისევ როტაციაში და ორი მნიშვნელოვანი მატჩი პარალელურად
კონფერენს ლიგა: მექვაბიშვილმა სომხურ "ნოასთან" საგოლე გადაცემა გააკეთა
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა