- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართული დერბის მოლოდინი: კახა ცხადაძე გიორგი ჩიხრაძის წინააღმდეგ
<p>აზერბაიჯანის ჩემპიონატის მომდევნო ტურში სეზონის ერთ-ერთმა მთავარმა აღმოჩენამ "სიმურგმა" ფავორიტ "ინტერს" უნდა უმასპინძლოს <br> აზერბაიჯანის ჩემპიონატის მიმდინარეობას "ლელო" შეძლებისდაგვარად აშუქებს და კიდევ ერთხელ შეგახსენებთ, რომ ამ ქვეყნის ჩემპიონატს დღესდღეობით ბაქოს "ინტერი" ლიდერობს, ხოლო ზაქათალის "სიმურგი" კი მესამე ადგილზეა.</p><p>ამ ორი გუნდის მიმართ ქართველი გულშემატკივრის ინტერესი გასაგებია: ორივე გუნდის მთავარი მწვრთნელები ხომ ქართველი სპეციალისტები, <strong>კახა ცხადაძე</strong> ("ინტერი") და <strong>გიორგი ჩიხრაძე</strong> ("სიმურგი") არიან!</p><p>და აი, აზერბაიჯანის ჩემპიონატის მომდევნო ტურში ერთმანეთს სწორედ ქართველი სპეციალისტების დამოძღვრილი გუნდები დაუპირისპირდებიან: სეზონის ერთ-ერთმა მთავარმა აღმოჩენამ "სიმურგმა" პირველობის ფავორიტ "ინტერს" უნდა უმასპინძლოს.</p><p>აქვე ისიც უნდა აღვნიშნოთ, რომ "სიმურგის" მესამე ადგილზე ყოფნის მსგავსად, "ინტერის" ლიდერობასაც ბევრი არ ელოდა: ქართველი მწვრთნელების დამოძღვრილი გუნდების ფინანსური შესაძლებლობები ხომ ახლოსაც ვერ მივა არა მხოლოდ აზერბაიჯანის კვალობაზე მდიდარ გუნდებთან ("აზალთან", "ყარაბაღთან", "ბაქისთან", "გაბალასთან"); აღარაფერს ვამბობთ "ხაზარსა" და "ნეფთჩიზე", ორ სოლიდურბიუჯეტიან აზერბაიჯანულ კლუბზე, ძვირადღირებული ლეგიონერები რომ ჰყავთ შემადგენლობაში.</p><p>თუმცა ყველაფერს ფული რომ არ წყვეტს, ამ სეზონში "ინტერისა" და "სიმურგის" წარმატებული ასპარეზობაც მოწმობს.</p><p>აზერბაიჯანის ჩემპიონატიც საქართველოს მსგავსი სისტემით ტარდება: 12 გუნდი ორ წრედ ასპარეზობს და მეორე ეტაპიდან საუკეთესო ექვსეული მედლებისათვის იბრძოლებს, ქვედა ექვსეული კი - უმაღლეს ლიგაში ადგილის შენარჩუნებისათვის.</p><p>ისე, ამ სეზონში რომ ინტრიგაა, მსგავსი ჩვენს მეზობლებს, ალბათ, არც ახსოვთ: 13 ტურის შემდეგ მხოლოდ "ქიაფაზია", საუკეთესო ექვსეულში მოხვედრის მინიმალური შანსი რომ გააჩნია, ანუ ექვსი საგზურისათვის 11 გუნდი იბრძვის! ჰოდა, ასეთ დაძაბულ ჩემპიონატში ჩვენებურთა მიერ გაწვრთნილი გუნდების წარმატებული ასპარეზობა მართლაც აღნიშვნის ღირსია; თანაც, არ დაგვავიწყდეს, რომ იგივე "სიმურგი" წინა სეზონში უმაღლეს ლიგაში ადგილის შენარჩუნებისათვის იბრძოდა; ახლა კი, როგორც ამჩნევთ, მედლების მოპოვების ერთ-ერთი კანდიდატია.</p><p>რაც შეეხება "ინტერს", ბოლო წლების ერთ-ერთი წარმატებული აზერბაიჯანული კლუბი ყოველი სეზონის დაწყების წინ ერთ-ერთ ფავორიტად მოიაზრება; მაგრამ ზემოთაც აღვნიშნეთ, რომ ამ სეზონის დაწყების წინ მაინც არავინ ელოდა მოკრძალებული ბიუჯეტის მქონე "ინტერის" ასეთ წარმატებულ ასპარეზობას.</p><p>სხვათა შორის, ამ სეზონში "ინტერმა" პირველად და უკანასკნელად... 10 აგვისტოს წააგო ("გაბალასთან" სტუმრად - 0:1) და იმის მერე დაუმარცხებელია...</p><p><span style="color: #ff0000;"><strong>* * *</strong></span></p><p>"სიმურგი" და "ინტერი" ამ სეზონში მეორედ დაუპირისპირდებიან: პირველი წრის შეხვედრაში <strong>ბაჩანა ცხადაძის</strong> ერთადერთი გოლის წყალობით "ინტერმა" მოიგო.</p><p>არადა, ამა წლის მარტამდე ჩიხრაძე და ცხადაძე ერთად მუშაობდნენ ბაქოს "ინტერში": კახა ცხადაძე მთავარი მწვრთნელი გახლდათ, გიორგი<strong> </strong>ჩიხრაძე კი - მისი თანაშემწე. ასე გრძელდებოდა 2009 წლის ზაფხულიდან, როცა ქართველ მწვრთნელთა "დუეტმა" ბაქოს "ინტერი" ჩაიბარა და იმის შემდეგ გუნდი აზერბაიჯანის ჩემპიონიც გახდა (2010 წელს) და დსთ-ს თასის გამარჯვებულიც (2011 წელს).</p><p>არ დაგვავიწყდეს, რომ ცხადაძე-ჩიხრაძის "დუეტს" საქართველოშიც არ აკლდა სამწვრთნელო ტიტულები: კახა ცხადაძემ თბილისის "დინამოს" ჩემპიონობა და სუპერთასი მოაპოვებინა, ბოლნისის "სიონს" კი ამ კლუბის ისტორიაში პირველად მოაგებინა ქვეყნის ჩემპიონატი.</p><p>რაც შეეხება გიორგი ჩიხრაძეს, მასაც შთამბეჭდავი სამწვრთნელო შედეგები აქვს: თბილისის "ამერის" მთავარი მწვრთნელის რანგში ორჯერ საქართველოს თასი მოიპოვა და ორჯერაც - სუპერთასი!</p><p>..."სიმურგში" გიორგი ჩიხრაძეს არც სამწვრთნელო შტაბში და არც გუნდში თანამემამულეები არა ჰყავს, მაშინ, როცა "ინტერი" აზერბაიჯანის ყველაზე "ქართული გუნდია"!</p><p>შეგახსენებთ, რომ ამა წლის ზაფხულიდან "ინტერის" მენეჯერად საქართველოს ნაკრების ყოფილი ფეხბურთელი <strong>ალექსანდრე რეხვიაშვილი </strong>დაინიშნა, ხოლო გუნდის მეორე მწვრთნელად წარსულში ცნობილი ფეხბურთელი, 1981 წლის თასების მფლობელთა თასის ერთ-ერთი ტრიუმფატორი <strong>ზაურ სვანაძე</strong>, რომელიც აქტიური კარიერის დასრულების შემდეგ წლების განმავლობაში საქართველოს ახალგაზრდული ნაკრების სამწვრთნელო შტაბში იყო.</p><p>აღარაფერს ვამბობთ "ინტერის" ქართველ ფეხბურთელებზე: მეკარეების - 33 წლის <strong>გიორგი ლომაიას</strong> (10 მატჩი ამ სეზონში) და 24 წლის <strong>რევაზ თევდორაძის</strong> (2 მატჩი) საიმედო თამაშიც განაპირობებს იმ ფაქტს, რომ გუნდმა ჩემპიონატში მხოლოდ 5 ბურთი გაუშვა. იგივეს თქმა შეიძლება გამოცდილ მცველებზე, 32 წლის <strong>ვალერი აბრამიძესა</strong> (4 მატჩი) და 30 წლის <strong>ილია კანდელაკზე</strong> (9 მატჩი), ხოლო 25 წლის ცენტრფორვარდი <strong>ბაჩანა ცხადაძე</strong> (10 მატჩი, 4 გოლი) გუნდის საუკეთესო ბომბარდირია.</p><p>სამწუხაროდ, ტრავმის გამო ბევრი გაუცდა "ინტერის" ყველაზე ცნობად ახალწვეულს, 31 წლის <strong>გიორგი ადამიას</strong> - აზერბაიჯანის ჩემპიონატის ბოლო წლების ერთ-ერთმა საუკეთესო თავდამსხმელმა თავის ახალ კლუბში მხოლოდ 4 მატჩი ჩაატარა (1 გოლი).</p><p>დაბოლოს, კახა ცხადაძის მორიგ აზერბაიჯანულ რეკორდზეც: როგორც აზერბაიჯანული ინტერნეტ-გამოცემა "ექსტრატაიმი" იუწყება, წინა ტურში მოპოვებული გამარჯვება ("თურანთან") 70-ე ყოფილა "ინტერის" მთავარი მწვრთნელის რანგში. ეს შედეგი კლუბის ისტორიაში საუკეთესოა და ცხადაძემ თავისი წინამორბედის, უკრაინელი სპეციალისტის <strong>ვალენტინ ხოდუკინის</strong> რეკორდი გააუმჯობესა, რომელმაც "ინტერს" 69 მატჩი მოაგებინა.</p><p>აქვე შეგახსენებთ, რომ ცხადაძეს უკვე რამდენიმე აზერბაიჯანული რეკორდი აქვს დამყარებული: უცხოელ მწვრთნელებს შორის ყველაზე მეტი მატჩი ჩაატარა აზერბაიჯანის ჩემპიონატშიც, თასზეც და ევროტურნირებზეც; პირველი უცხოელი სპეციალისტია, აზერბაიჯანის ჩემპიონატში 50-ზე მეტი გამარჯვება ვინც მოიპოვა; ერთადერთი მწვრთნელია საერთოდ დამოუკიდებელი აზერბაიჯანული ფეხბურთის ისტორიაში, რომლის გაწვრთნილი გუნდები ზედიზედ ოთხჯერ გადიოდნენ ქვეყნის თასის მეოთხედფინალში!</p><p><strong>ყოველდღიური სპორტული გაზეთი "ლელო"</p><p><span style="color: #ff0000;"></p><p>ასევე იხილეთ:</span></p><p></strong><a href="/fexburti/qarthuli-fekhburthi/legionerebi/39579-giorgi-chikhradze-maqsimalisti-var-sensaciebis-ar-mjera.html" target="_blank">გიორგი ჩიხრაძე: მაქსიმალისტი ვარ, სენსაციების არ მჯერა</a></p><p><a href="/fexburti/qarthuli-fekhburthi/legionerebi/33919-ratom-ver-itsvevs-giorgi-chikhradze-zaqathalas-qsimurgshiq-qarthvelebs.html" target="_blank">რატომ ვერ იწვევს გიორგი ჩიხრაძე ზაქათალას "სიმურგში" ქართველებს</a></p><p><a href="/fexburti/qarthuli-fekhburthi/skhvadaskhva/38706-aleko-rekhviashvili-azerbaijans-finansurad-dzalian-chamovrchith.html" target="_blank">ალეკო რეხვიაშვილი: აზერბაიჯანს ფინანსურად ძალიან ჩამოვრჩით</a><strong></p><p></strong><a href="/fexburti/qarthuli-fekhburthi/legionerebi/38594-giorgi-adamia-qinteriq-marthla-mometsona.html" target="_blank">გიორგი ადამია: "ინტერი" მართლა მომეწონა</a></p><p><a href="/fexburti/qarthuli-fekhburthi/legionerebi/36860-qarthveli-legionerebi-azerbaijanshi-dabrundith-sakhlebshi.html" target="_blank">ქართველი ლეგიონერები აზერბაიჯანში - დაბრუნდით სახლებში!</a></p><p><a href="/administrator/index.php?option=com_content§ionid=2&task=edit&cid[]=42069" target="_blank">"აზერბაიჯანულ ფეხბურთს კახა ცხადაძისნაირი ადამიანები სჭირდება!"</a><strong></strong></p>
ლორთქიფანიძის დებიუტის მოლოდინში - "კრემონეზემ" სტუმრად "მილანს" სძლია
[VIDEO] სამი გიორგი ლიგა 1-ის მატჩში - "ლიონმა" "მეცს" მოუგო
[VIDEO] დავითაშვილმა გამარჯვების გოლი გაიტანა - "სენტ-ეტიენი" გალიდერდა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა