- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გიორგი ბაინდუროვი 2012 წლის საუკეთესო ქართველი სამბისტია
<p>საქართველოს სამბოს ეროვნულმა ფედერაციამ 2012 წლის საუკეთესო სამბისტად მსოფლიოს ჩემპიონი გიორგი ბაინდუროვი დაასახელა <br> საქართველოს სამბოს ეროვნულმა ფედერაციამ 2012 წლის საუკეთესო სამბისტად მსოფლიოს ჩემპიონი გიორგი ბაინდუროვი დაასახელა (90 კგ.).</p><p>სამეფო სოფელმა მუხრანმა (მცხეთა) სპორტშიც უნდა იამაყოს. მათ ახლახან სამბოში მსოფლიოს ჩემპიონი გაუხდათ - 29 წლის გიორგი ბაინდუროვი, რომელიც საქართველოს სპორტის აკადემიის კურსდამთავრებულია.</p><p>შარშან 11 ნოემბერს ქართველი სამბისტებიდან <strong>ავთანდილ ცინცაძე</strong> (57 კგ) გახდა მსოფლიოს ჩემპიონი წლეულს 9 ნოემბერს კი თავი ისახელა <strong>გიორგი ბაინდუროვმა</strong> (90 კგ).</p><p>გიორგი მეცხრამეტე ქართველი მსოფლიოს ჩემპიონია სამბოში. სულ კი 25 "ოქროს" მფლობელი 1973 წლიდან დღემდე.</p><p>ახალ მსოფლიოს ჩემპიონს ვაკეში სამბოს დარბაზში ვესაუბრეთ.</p><p><strong>- ჭიდაობის ქომაგები გიცნობდნენ, როგორც ბაინდურაშვილს მსოფლიოს ჩემპიონატის ოფიციალურ საიტზე კი ბაინდუროვის გვარი დაფიქსირდა?</p><p></strong>- ჩვენ წარმოშობით ფშაველები ვართ, ჩემი წინაპრები სამი საუკუნის წინათ ჩამოსახლებულან მუხრანში. ბაინდურაშვილებს მუხრანში დიდი მიწები ჰქონიათ.</p><p>მეფის რუსეთის დროს კი მათთვის მიწის დიდი გადასახადები დაუწესებიათ. ამიტომ იძულებული გამხდარან რუსული შესატყვისი გვარი ბაინდუროვი აერჩიათ. საქართველოს დამოუკიდებლობის მიღების შემდეგ ჩემმა ბიძაშვილებმა ისევ ბაინდუროვის გვარი დაიბრუნეს და მეც ასე მოვიქეცი.</p><p><strong>- ჭიდაობას, სად და როგორ ეზიარე?</p><p></strong>- მუხრანის პირველი სკოლიდან ჩემი მეგობრები და მეზობლები დადიოდნენ სექციაში და მეც მათ ავყევი. თუმცა ჩემი ახლობლებიდან მოჭიდავე არავინ ყოფილა.</p><p>ჭიდაობა მასწავლეს და დღემდე ჩემი მწვრთნელები არიან მუხრანელები მამა- შვილი ვასილ და დავით ლაზრიშვილები. მათი დამსახურებაა, რომ მსოფლიოს ჩემპიონი გავხდი.</p><p><strong>- ბედი დიდხანს არ გწყალობდა. მსოფლიოს ჩემპიონატზე კი წლეულს პირველად იჭიდავე და ჩემპიონიც გახდი...</p><p></strong>- სამჯერ 2005-2009-2012 წლებში ევროპის ჩემპიონატში ვმონაწილეობდი, მაგრამ საპრიზო ადგილს ვერც ერთხელ მივაღწიე. მხოლოდ ჭაბუკებში და ახალგაზრდებში მქონდა შედეგები. 2003 წელს ჭაბუკთა შორის ევროპის და მსოფლიოს ჩემპიონი გავხდი.</p><p>2003 წელს სტუდენტთა შორის მსოფლიოს ჩემპიონიც ვიყავი. შემდეგ კი ძიუდოში ვცდიდი ბედს. ჩეხეთსა და რუსეთში მოვიგე მსოფლიოს თასი. მანამდე 2004 წელს კი ახალგაზრდებში ევროპის ჩემპიონატის ვერცხლის მედალი მოვიპოვე.</p><p><strong>- სამბოში ევროპაზე დამარცხდი, მსოფლიოზე კი ტრიუმფით იასპარეზე. მაინც რა მოხდა მინსკში და მინსკამდე?</p><p></strong>- ევროპის ჩემპიონატზე სულ ძიუდოს ჩავლებებს ვაკეთებდი. ამიტომაც არაფერი გამომივიდა. სამბოში ცალმხრივი ჩავლებები, დაბლიდან და მაჯებიდანაა მეტი ჭიდაობა საჭირო. ყველაფერი ეს მსოფლიოს ჩემპიონატზე გავითვალისწინე და შედეგიც მოვიდა.</p><p>ზოგიერთს მიაჩნია, რომ სამბო ადვილი საქმეა. მაგრამ ეს ასე არ არის. სამბოს სტილზე უნდა მოერგო. მართალია, ძიუდო უფრო პოპულარულია, მაგრამ სამბოც უფრო და უფრო ვითარდება. მინსკში 60 ქვეყნის მოჭიდავეები გამოდიოდნენ...</p><p><strong>- ყველაზე ძლიერი მეტოქე ვინ იყო?</p><p></strong>- მსოფლიოსა და ევროპის ჩემპიონი სამბოში, ევროპის ჩემპიონი და მსოფლიოს ჩემპიონატის პრიზიორი ძიუდოში მინსკელი ანდრე კაზისიონოკი, მაგრამ მას რუსეთელმა ედუარდ კურგანიანმა აჯობა და ჩემსავით ისიც ფინალში გავიდა. ფინალში 10:3 გავიმარჯვე კურგანიანთან...</p><p><strong>- ჩემპიონი ახალ წონაში გახდი.</p><p></strong>- დიახ, ევროპის ჩემპიონატის შემდეგ წონა ცოტა მოვიმატე. აღარ დავიკელი და თავი უფრო კარგად ვიგრძენი. საწვრთნელ შეკრებებზეც ნორმალურად მოვემზადე. 90 კგ-ში ადაპტაცია უმტკივნეულოდ გავიარე ნაკრების მწვრთნელების ავთანდილ ცინცაძის, ემინ რაშის და ივანე არაბულის აზრიც დაემთხვა ჩემსას - რომ უმჯობესი იყო 82-დან 90-ში მეჭიდავა.</p><p><strong>- გუნდის სხვა წევრებზე რას იტყვი.</p><p></strong>- აშკარად დაჩაგრეს მსაჯებმა ნიკო კუცია (82 კგ), აგრეთვე ლევან ნახუცრიშვილი (68 კგ). ნუკრი ბერაია (52 კგ) და ბესარიონ ბერულავა (74 კგ) კი პირველად ჭიდაობდნენ მსოფლიოს ჩემპიონატზე და მათი ბრინჯაოს მედალი წარმატებად უნდა ჩაითვალოს.</p><p><strong>- საქართველოს ფალავნობის პრიზიორი ხარ ქართულ ჭიდაობაში და ბევრი რამ გექნება გასახსენებელი.</p><p></strong>- ქართული ჭიდაობა ყველა ჭიდაობას მირჩევნია. ნახერხმოყრილი საჭიდაო წრიდან დავიწყე, რომელ სოფელში არ მიჭიდავია ზურნისა და დოლის ხმაზე. მშობლიურ მუხრანში, ქსოვრისში, ძალისში, წილკანში, გალავანში, ხიზაბავრაში, ფხვენისში, სკრაში...</p><p>თუ კარგად იცი ქართული ჭიდაობა - მოგვერდი, სარმა, ბრუნი, გადავლება... შენი შემწეა სამბოშიც და ძიუდოშიც.</p><p>ეს ჩვენი კულტურაა. მეტი ყურადღება და დახმარება ჭირდება ქართულ ჭიდაობას, რადგან ამით გამოვირჩევით ჩვენ სხვებისგან. ზემოდან ჩვენებური გადავლება და მეტოქეთა პანიკაც იწყება...</p><p><em>სურათზე: მწვრთნელები მამა შვილი ვასილ (მარჯვნივ) და დავით ლაზრიშვილები შუაში გიორგი ბაინდუროვი</p><p></em><strong>გაბრიელ ბარჯაძე</strong></p>
ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს
ლერი აბულაძე მსოფლიოს ჩემპიონი გახდა [VIDEO]
"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს