- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თემურ ქეცბაია: მალტა დავსაჯეთ, ლატვიამ დაგვსაჯა
<p>ჩვენი ნაკრები ლატვიასთან დადებითი ბალანსით ნამდვილად ვერ დაიკვეხნის და ამიტომ, რიგაში მოგებისა ბევრს არც სჯეროდა, თუმცა კიდევ ერთხელ გამოჩნდა, რომ თემურ ქეცბაიას ფორმაციის ნაკრები მებრძოლი გუნდია. ნაკრების თავკაც თემურ ქეცბაიასთან საუბარი სწორედ ლატვიური მატჩით დავიწყეთ... <br> ჩვენი ნაკრები ლატვიასთან დადებითი ბალანსით ნამდვილად ვერ დაიკვეხნის და ამიტომ, რიგაში მოგებისა ბევრს არც სჯეროდა, თუმცა კიდევ ერთხელ გამოჩნდა, რომ თემურ ქეცბაიას ფორმაციის ნაკრები მებრძოლი გუნდია. ნაკრების თავკაც თემურ ქეცბაიასთან საუბარი სწორედ ლატვიური მატჩით დავიწყეთ....</p><p><strong>- საუბარი ლატვიაში ჩატარებული მატჩით დავიწყოთ. როგორ აფასებთ ამ შეხვედრას?</strong></p><p>- მიუხედავად იმისა, რომ შეხვედრის მსვლელობისას წვიმდა და ქარი ქროდა, რამაც გუნდების თამაშზე გარკვეული გავლენა იქონია, საინტერესო, დაძაბული მატჩი იყო. ჩვენი ფეხბურთელების თამაშით კმაყოფილი ვარ. მათ ამჯერადაც მაქსიმუმი გაიღეს მოგებისთვის, მაგრამ... საგოლე მომენტები შევქმენით, მეორე ტაიმში ბურთიც გავიტანეთ და თამაშს ვიგებდით, მაგრამ ეს უპირატესობა მატჩის ბოლომდე ვერ შევინარჩუნეთ. რათა თქმა უნდა, 91-ე წუთზე გოლის გაშვება გულდასაწყვეტია. სამწუხაროდ ასე მოხდა: როგორც ჩვენ დავსაჯეთ მალტა 91-ე წუთზე გატანილი გოლით, ასევე დავისაჯეთ ლატვიაში. დასანანია, ჩვენმა გუნდმა კონცენტრაცია დაკარგა და გოლიც ამიტომ მივიღეთ. თუმცა ეს უკვე წარსულია და ვერაფერს შევცვლით. ახლა მთავარია მომდევნო მატჩებზე ვიფიქროთ.</p><p><strong>- გუნდმა რიგაში უკეთ ითამაშა, ვიდრე თბილისში მალტასთან. როგორ შეძელით გუნდის გამოცოცხლება?</strong></p><p>- ორივე მატჩი წვიმაში ჩატარდა, რამაც ფეხბურთელებისგან დიდი ენერგია მოითხოვა. რიგაშიც წვიმდა, მაგრამ მოედანი კარგ მდგომარეობაში იყო. ისეთი გუნდის წინააღმდეგ, როგორიც ლატვიაა სწორედ კარგი მოედანი გვინდოდა. ჩვენ გვყავს ისეთი ფეხბურთელები, რომლებმაც ბურთის გაგორება და ტექნიკურად თამაში იციან.</p><p><strong>- მალტელების წინააღმდეგ გოგიტა გოგუა ერთ-ერთი გამორჩეულთაგანი იყო. საერთოდაც, ნალჩიკის "სპარტაკის" ეს ნახევარმცველი ნაკრებში კარგად თამაშობს. შესაბამისად, ბევრს გაუკვირდა, როცა ლატვიასთან მატჩში, ძირითად შემადგენლობაში ვერ ვიხილეთ. ზოგმა ისიც კი თქვა, გოგუამ ერთი გაფრთხილებაც რომ მიიღოს მომდევნო მატჩის გამოტოვება მოუწევს. ნაკრების თავკაცი ამას მოერიდა და ამიტომაც შეცვლაზე შეიყვანაო..</strong>.</p><p>- წინა შეხვედრისგან განსხვავებით, რიგის მატჩის სასტარტოში სხვა ფეხბურთელებიც არ იყვნენ. ასე რომ, გოგუას შეცვლაზე შეყვანა ჩვენი, მწვრთნელების გადაწყვეტილება იყო და სხვა არაფერი.</p><p><strong>- რიგაში შესარჩევის წლევანდელი მატჩები დავასრულეთ. 4 თამაშში 6 ქულა გვაქვს. საინტერესოა, ნაკრების თავკაცი რამდენად კმაყოფილია გუნდის მონაგარით...</strong></p><p>- ალბათ, ყველას კარგად ახსოვს რა შედეგები ჰქონდა ჩვენს ნაკრებს წინა შესარჩევ ციკლებში. ამის გათვლისწინებით, მიმდინარე საკვალიფიკაციო ეტაპის დაწყებამდე, ვინმეს ჩემთვის რომ ეთქვა საწყის 4 მატჩში 6 ქულას აიღებო, კმაყოფილი ვიქნებოდი. თუმცა, ჩატარებულმა ოთხმა ტურმა დაგვანახა, რომ მეტი ქულის დაგროვებაც შეგვეძლო. თუნდაც ისრაელთან და ლატვიასთან… ორივე თამაშის მოგება შეიძლებოდა. ასე რომ, უფრო მეტ ქულას ვიმსახურებდით, მაგრამ ფაქტია 6 ქულა გვაქვს და რეალობას თვალი უნდა გავუსწოროთ.</p><p><strong>- ესტონეთთან თქვენი ნაკრების პირველი მატჩი და ლატვიაში სამშაბათის თამაში შევადაროთ. რა დახვეწა გუნდმა და კიდევ რაზე გვაქვს სამუშაო?</strong></p><p>- მიხარია, რომ ჩვენი მუშაობის ნაყოფი ჩანს. თუმცა, ამით არ უნდა დავკმაყოფილდეთ. არც იმით უნდა დავიმშვიდოთ გული, რომ 7-მატჩიანი წაუგებელი სერია გვაქვს. სასწავლი კიდევ ბევრია. ფაქტია, ამ გუნდს უკეთ შეუძლია თამაში და მომდევნო მატჩებში სწორედ უკეთესი თამაში უნდა ვაჩვენოთ. ფეხბურთელები ყველა მატჩში მონდომებულები არიან და ბოლომდე იბრძვიან სასურველი შედეგის მისაღწევად. თითოეული ფეხბურთელი ყველანაირად ცდილობს საკუთარი წვლილი შეიტანოს გუნდის წარმატებაში. კარგ შედეგებს სწორედ ეს მონდომება, განაპირობებს. იღბალიც აუცილებელია, მაგრამ ისიც უნდა ვიცოდეთ, რომ ყოველთვის არ გაგიმართლებს. ამიტომ, ყველა თამაშში ბოლომდე კონცენტრირებული უნდა ვიყოთ.</p><p><strong>- ზოგი ამბობს, ქეცბაიას ნაკრებს "მეორე გუნდის" როლში თამაში უფრო კარგად გამოსდისო. იმედოვნებენ, რომ ჩვენი ეროვნული "პირველ გუნდის" როლსაც მალე მოირგებს...</strong></p><p>- ნამდვილად ვერ ვიტყვი, რომ ლატვიაში "მეორე გუნდის" როლში ვიყავით. პირიქით, თამაში ჩვენ მიგვყავდა, მეტოქე დავჯაბნეთ, მასზე მეტი და მწვავე მომენტი შევქმენით. უბრალოდ, მატჩის მიწურულს კონცენტრაცია ვერ შევინარუნეთ, რაც ძვირად დაგვიჯდა და ორი ქულა სწორედ ამის გამო დავკარგეთ.</p><p><strong>- 17 ნოემბერს სლოვენიასთან სტუმრად გვექნება ამხანაგური მატჩი... </strong></p><p>- სლოვენიაში საგრძნობლად შეცვლილი შემადგენლობით ვითამაშებთ. ვინც ბოლო მატჩებში ითამაშა, მათგან ბევრი არ გვეყოლება. მინდა ის ფეხბურთელები ვნახო საქმეში, ჩვენი ნაკრების გაფართოებულ სიაში რომ არიან. ლეგიონერებიც და საქართელოს ჩემპიონატში მოასპარეზე ფეხბურთელებიც. მათ შორის ბევრი ახალგარდაა. მინდა ამ მოთამაშეებზე მეტო წარმოდგენა მქონდეს. ახლა მათ მიეცემათ საკუთარი შესაძლებლობების წარმოჩენის შანსი.</p><p><strong>- ანუ იმ ფეხბურთელებსაც გულისხმობთ, რომლებსაც ადრე უთამაშიათ ნაკრებში - რატი ალექსიძე, დიმიტრი ტატანაშვილი, ლევან მჭედლიძე, გურამ კაშია, ოთარ მარცვალაძე...</strong></p><p>- გვარების დაკონკრეტება არ მინდა. სლოვენიასთან მატჩამდე სანაკრებო შემადგენლობას გამოქვეყნდება და ყველა გაიგებს... მანამდე კი ნაკრების გაფართოებულ სიაში მყოფ ფეხბურთელებზე კლუბებში დაკვირვებას გავაგრძელებთ და შემადგენლობას ამის მიხედვით შევაჩევთ.</p><p><strong>- ვიცით, რომ ფეხბურთის ფედერაციის პრეზიდენტ ზვიად სიჭინავასთან გქონდათ საუბარი. ადრე განაცხადეთ, რომ ეროვნული სტადიონის ნიადაგი ცუდია და შესაცვლელია. რამე სიახლე ხომ არ არის?</strong></p><p>- ადრეც ვთქვი და კიდევ ერთხელ გავიმეორებ. ნაკრების მწვრთნელი ვარ, ჩემი საქმე მაქვს და ყველანაირად ვცდილობ გუნდი უკეთ ვათამაშო, კარგი შედეგები გვქონდეს. მოედანი მისახედია, მაგრამ ეს ჩემი სფერო არ არის. იმედი მაქვს, მოედნის საკითხი მომავალში პრობლემური აღარ იქნება.</p><p><strong>- დაბოლოს, არის შანსი ზამთარში კვიპროსის ტურნირზე იასპარეზოს?</p><p></strong>- კი, საამისო შანსი არის. ჩავალ კვიპროსზე და 7-10 დღეში ეს საკითხი გადაწყდება.</p>
-
sasha
japaneze 101 % სულელი უნდა იყო ადამიანი შენი ნათქვამი რომ არ გაიგო! ქეცო მიაწვება როგორც წამს რამოდენიმეა ვინც არ გათახსირდა მაგენში,,
-
japaneze
მომავლის ნაკრები... არ მოგბეზრდათ ეს ძველი ქართული ზღაპარი, რომლის მიზანიც ნაკრებში სატრანსფერო ფეხბურთელების შეყრაა? რას ნიშნავს მომავლის ნაკრები? შვეიცარიელებმა 31 წლსი ასაკში პირველად მიიწვიეს მეკარე ცუბელბიულერი... გერმანელებმა მარიო ბასლერი 26 წლსი აიყვანეს, ევროპის საუკეთესო ფეხბურთელმა ჯან-პიერ პაპენმა საფრანგეთის ფორმა პპირველად 25 წლისამ მოირგო. გავაგრძელო? ნაკრები არის იმ დროისთვის საუკეთესოთა კრებული, შედეგი იმ დროისთვის გინდა, თორემ მუდმივად მომავალზე ზრუნვით აწმყო უპატრონო გრჩება და შედეგი მომავალშიც არ იქნება. ამ მომავლის ნაკრებემა დაღუპა საქართველო და ვერ ამჩნევთ, ქეცბაიამ ასეთ სისულელეზე უარი თქვა - ვენაცვალე ჯიგარში. "მომავალზე" გათვლა, სინამდვილეში საკუთარ ჯიბეზე გათვლაა და მეტი არაფერი, არავინ მოგატყუოთ.
-
Go Georgia
ამ კაცმა იცის თავისი საქმე, იმედია უფრო კარგ შედეგებსაც ვაჩვენებთ.
-
gio.kutaisi
სტატიის ავტორმა ”რატი ალქსიძე” საიდან მოთხარა? კარგი ფეხბურთელია, მაგრამ მომავლის ნაკრებს თუ ვაშენებთ ახალგაზრდებზე უნდა გავაკეთოთ აქცენტი, და არა ვეტერანებზე.
-
ilia
ქეცბა ჯიგარი ხარ, ვინც შენ გაკრიტიკებს დღეს,ქართული ფეხბურთის მტერია
-
fanebi
მოვიტმინოტ და ვაცალოტ ამ კაცს მუსაობა და სჰედეგიც ნელა ნელა მოვა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"იუნაიტედი" "ბრენტფორდთან" დამარცხდა - გაუშვებენ ამორიმს?
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
ისრაელის გამო "საფეხბურთო ცივი ომი" დაიწყო - საქმეში აშშ-ის სახელმწიფო დეპარტამენტი ჩაერია
"ამ ქალაქებს რადიკალური უგუნური მემარცხენეები მართავენ" - ტრამპი მუნდიალის მატჩების სხვა ქალაქებში გადატანაზე
"იამალს გოგონების კალენდარი აქვს, თუ რომელ დღეს რომელ გოგოსთან გაატარებს" - ლამინის ყოფილი ქალბატონი ალაპარაკდა
პსჟ-ს ტრავმის გამო კიდევ ერთი ფეხბურთელი გამოაკლდა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
"ლივერპულმა" შესაძლოა, "ბაიერნის" მცველი უფასოდ დაიმატოს