<p><p>"იუვენტუსის" მარცხი დამატებითი მოტივაცია იყო "ინტერისთვის", რომ "პარმა" დაემარცხებინა, მაგრამ ნიკოლა სანსონემ მილანელებს ცივი წყალი გადაასხა</p> <br> <p> </p> <p>ტურინის "იუვენტუსის" მარცხი დამატებითი მოტივაცია იყო "ინტერისთვის" და "ნაპოლისთვის" საიმისოდ, რომ მეტოქეები დაემარცხებინათ და ლიდერთან სხვაობა შეემცირებინათ.</p></p><p>ნეაპოლელებმა გაართვეს თავი ამოცანას; აი, მილანელებმა კი კიდევ ერთხელ წაიფორხილეს...</p><p><strong><span style="color: #ff0000;">მხოლოდ სკუდეტო</span></p><p></strong>სარდინიაზე გამარჯვება ყოველთვის რთულია, თუმცა ნეაპოლელებმა მისიას თავი გაართვეს და სახლში სამი ქულით ხელდამშვენებულნი დაბრუნდნენ. მით უმეტეს, ამ ქულებმა ვალტერ მაცარის გუნდს ლიდერთან მიახლოების საშუალება მისცა. სამხრეთელებს პატარა ჩავარდნა ჰქონდათ. ბევრმა ჩამოწერა ეს გუნდი სასკუდეტო მარათონიდან, თუმცა ასე მარტივად არ ყოფილა საქმე...</p><p>ვალტერ მაცარიმ 3-5-1-1 ტაქტიკა აირჩია. შეტევის წინა ხაზზე ლორენცო ინსინიე გაამწესა, მის უკან კი მარეკ ჰამშიკი მოქმედებდა. შეხვედრა სტუმართა სათამაშო უპირატესობით წარიმართა, თუმცა გოლი მაცარის შეგირდებმა მხოლოდ მატჩის დასრულებამდე 15 წუთით ადრე გაიტანეს.</p><p>შედეგიანი დარტყმა ჰამშიკის ანგარიშზეა, რომელმაც ერთ-ერთი საუკეთესო შეხვედრა ჩაატარა მიმდინარე სეზონში. გატანა შეეძლო ინსინიესაც, რომელიც ბევრს მოძრაობდა და სარდინიელ მცველებს სისხლი გაუშრო.</p><p>ნამატჩევს <strong>ვალტერ მაცარი</strong> ძალიან კმაყოფილი იყო:</p><p><em>"ეს იყო სეზონის ერთ-ერთი უმნიშვნელოვანესი შეხვედრა, რომელიც გამარჯვებით დავასრულეთ. თუ გვსურს, რომ სკუდეტოსთვის ვიბრძოლოთ, სწორედ "კალიარის" მსგავსი გუნდები უნდა დავამარცხოთ როგორც სახლში, ისე გასვლაზე. ურთულესი მატჩი იყო, რომელშიც სამი ქულა მოვიპოვოთ. შეგირდებს ამაზე მეტს, უბრალოდ, ვერ მოვთხოვთ. მათი მისამართით მადლობის მეტი არაფერი მეთქმის".</p><p></em></p><p>კომენტარი გააკეთა ერთადერთი გოლის ავტორმა <strong>მარეკ ჰამშიკმა</strong>:</p><p><em>"სარდინიაზე თამაში ყოველთვის რთულია და ასე იყო ამჯერადაც. "კალიარისთან" მოგება საკუთარი თავის რწმენას შეგვმატებს, რადგან ლიდერთან სხვაობა ორ ქულამდე შევამცირეთ. ჩვენ სკუდეტოს ვუმიზნებთ და სხვა მიზანი, უბრალოდ, არ გვაქვს".</p><p></em></p><p><strong><span style="color: #ff0000;">არასტაბილური ინტერი</span></p><p></strong>როდესაც "ინტერს" შთამბეჭდავი წაუგებელი სერია ჰქონდა, მაშინაც ხშირად ვწერდით, რომ ანდრეა სტრამაჩონის გუნდის თამაშში ბევრი ხარვეზი შეინიშნება. შეუძლებელია, გუნდმა სტაბილურად ჩაატაროს მთელი სეზონი, როდესაც თავდასხმაში ანტონიო კასანოს, დიეგო მილიტოს და როდრიგოს პალასიოს იმედზეა...</p><p>არც ერთის საწინააღმდეგო არ გვაქვს არაფერი, მაგრამ ფაქტია, რომ კასანოს ჯანმრთელობა არ უწყობს ხელს, თუნდაც 90 წუთი დაჰყოს მინდორზე; მილიტო ვეტერანის ასაკშია და საუკეთესო დროება უკან აქვს მოტოვებული; პალასიო კი ექსტრა-კლასის ფორვარდი არც არასდროს ყოფილა.</p><p>დაუმატეთ ამათ უამრავი ექსპერიმენტი ნახევარდაცვაში და ისეთი ყაიდის ფეხბურთელები, როგორებიც ნაგატომო, პერეირა, ალვარესი, გუარინი და სხვები არიან... არც ერთს არ ვერჩით, მაგალითად, ფრედი გუარინს ბრწყინვალე დარტყმა აქვს, მაგრამ ყველა ფრონტზე წარმატების მისაღწევად აშკარად უფრო სოლიდური შემადგენლობაა საჭირო.</p><p>მოკლედ, ბოლო მატჩების ჩაგდებამ ნათლად დაგვანახვა, რომ "ნერაძურიში" საკადრო პრობლემებია და რადგან მასიმო მორატი სატრანსფერო ფანჯრის იგნორირებას აპირებს, მილანური გრანდის სასკუდეტო ამბიციები ბუნდოვანი ხდება.</p><p>ერთადერთი და გამარჯვების გოლი ნიკოლა სანსონემ გაიტანა, რომელმაც ცენტრიდან წაიღო ბურთი, გზად რამდენიმე მილანელს ჩაუქროლა და უძლიერესი დარტყმით ბურთი მეკარისაგან დაბალ კუთხეში მოათავსა. რობერტო დონადონის გუნდი საკუთარ არენაზე ძალიან კარგად ასპარეზობს, რაც "ინტერთან" პაექრობაშიც დადასტურდა.</p><p>აქვე რამდენიმე კომენტარი...</p><p><strong>ანდრეა სტრამაჩონი (ინტერი): </strong></p><p><em>"პირველ ტაიმში ურიგოდ არ გვითამაშია, თუმცა გოლის გატანა ვერ შევძელით. აი, მეორეში მეტოქემ აშკარად გვაჯობა და ეს უნდა ვაღიაროთ. ტრავმებმა სერიოზული პრობლემა შეგვიქმნა და უკვე მერამდენე თამაშია, ანტრაქტის შემდეგ მკვეთრად ვუკლებთ. ამ პრობლემის აღმოსაფხვრელად გრძელი სათადარ</em><em>იგო სკამია საჭირო და იმედია, დაშავებული ფეხბურთელები მალე დაგვიბრუნდებიან".</p><p></em></p><p><strong>ხავიერ ძანეტი (ინტერი):</strong></p><p><em>"მეორე ნახევარში აშკარად მო</em><em>ვუკელით და ამისთვის დავისაჯეთ კიდეც. მეტოქემ სისწრაფეში გვაჯობა, ორთაბრძოლების უმეტესობა მოიგო და დამსახურებულად გაიმარჯვა. თუ სკუდეტოსთვის ბრძოლა გვსურს, ასე აღარ უნდა ვითამაშოთ. ფაქტია, რომ ეს იმ გუნდის აჩრდილი იყო, რომელმაც ტურინში "იუვენტუსი" დაამარცხა".</p><p></em></p><p><strong>რობერტო დონადონი (პარმა):</strong></p><p><em>"პირველ რიგში, მადლობა გულშემატკივრებს, რომლებიც მთელი შეხვედრის განმავლობაში მხურვალედ გვქომაგობდნენ. სულ რომ ასეთი ატმოსფერო იყოს "ენიო ტარდინიზე", კიდევ უფრო შედეგიანად ვითამაშებდით. საკუთარ საჯარიმოში არ ჩავიკეტეთ, შევუტიეთ მეტოქეს და უმნიშვნელოვანესი გოლიც გავიტანეთ. ამას დაცვის შესანიშნავი გარჯა დაემატა და შედეგად, სამი ქულა ჩავიწერეთ აქტივში. შეგირდების მიმართ მადლობის მეტი არაფერი მეთქმის". </em></p><p><span style="color: #ff0000;"><strong>იტალია. სერია A. XIV ტური</strong></span></p><p><span style="text-decoration: underline;">27 ნოემბერი</span></p><p><em><strong>ლაციო-უდინეზე 3:0</strong></em></p><p>გოლები: 1:0 გონსალესი (17), 2:0 კლოზე (31), 3:0 ერნანესი (59).</p><p>ლაციო (4-5-1): მარკეტი - კავანდა, ბიავა, სიანი, რადუ - კანდრევა (81. ლულიჩი), გონსალესი, ლედესმა (65. ცანა), ედერსონი (46. ერნანესი), მაური - კლოზე.</p><p>უდინეზე (3-5-1-1): ბრკიჩი - კოდა (87. ერუ), დანილო, დომიცი (24. ანჯელა) - პერეირა, ვილიანსი (46. რანიჯი), ალანი, ბადუ, არმერო - მაიკოსუელი - დი ნატალე.</p><p>გაფრთხილება: ლედესმა, ცანა - კოდა, მაიკოსუელი.</p><p>კუთხური: 4-3; ჯარიმა: 15-20; თამაშგარე: 0-0; კარში დარტყმა: 8-7(6-2); ბურთის ფლობა: 54%-46%.</p><p>მაყურებელი: 40 000</p><p><span style="text-decoration: underline;">26 ნოემბერი</span></p><p><em><strong>კალიარი-ნაპოლი 0:1</strong></em></p><p>გოლი: 0:1 ჰამშიკი (73).</p><p><em><strong>პარმა-ინტერი 1:0</strong></em></p><p>გოლი: 1:0 სანსონე (75).</p><p><span style="color: #ff0000;"><strong>სატურნირო ცხრილი</strong></span></p><p><table style="height: 368px; width: 380px;" border="0"> <tbody> <tr style="background-color: #1a6a29;" align="center"> <td><span style="color: #ffffff;"><em><strong>ა</strong></em></span></td> <td><span style="color: #ffffff;"><em><strong>გუნდი</strong></em></span></td> <td><span style="color: #ffffff;"><em><strong>თ</strong></em></span></td> <td><span style="color: #ffffff;"><em><strong>მ</strong></em></span></td> <td><span style="color: #ffffff;"><em><strong>ფ</strong></em></span></td> <td><span style="color: #ffffff;"><em><strong>წ</strong></em></span></td> <td><span style="color: #ffffff;"><em><strong>ბ</strong></em></span></td> <td><span style="color: #ffffff;"><em><strong>ქ</strong></em></span></td> </tr> <tr align="center"> <td>1</td> <td><strong>იუვენტუსი</strong><strong></strong></td> <td>14<strong></strong></td> <td>10<strong></strong></td> <td>2<strong></strong></td> <td>2<strong></strong></td> <td>29-10<strong></strong></td> <td><strong>32</strong></td> </tr> <tr style="background-color: #cacacb;" align="center"> <td>2</td> <td><strong>ნაპოლი</strong><strong></strong></td> <td>14<strong></strong></td> <td>9<strong></strong></td> <td>3<strong></strong></td> <td>2<strong></strong></td> <td>23-11<strong></strong></td> <td><strong>30</strong></td> </tr> <tr align="center"> <td>3</td> <td><strong>ფიორენტინა</strong><strong></strong></td> <td>14<strong></strong></td> <td>8<strong></strong></td> <td>4<strong></strong></td> <td>2<strong></strong></td> <td>25-12<strong></strong></td> <td><strong>28</strong></td> </tr> <tr style="background-color: #cacacb;" align="center"> <td>4</td> <td><strong>ინტერი</strong><strong></strong></td> <td>14<strong></strong></td> <td>9<strong></strong></td> <td>1<strong></strong></td> <td>4<strong></strong></td> <td>26-16<strong></strong></td> <td><strong>28</strong></td> </tr> <tr align="center"> <td>5</td> <td><strong>ლაციო</strong><strong></strong></td> <td>14<strong></strong></td> <td>8<strong></strong></td> <td>2<strong></strong></td> <td>4<strong></strong></td> <td>22-17<strong></strong></td> <td><strong>26</strong></td> </tr> <tr style="background-color: #cacacb;" align="center"> <td>6</td> <td><strong>რომა</strong><strong></strong></td> <td>14<strong></strong></td> <td>7<strong></strong></td> <td>2<strong></strong></td> <td>5<strong></strong></td> <td>31-23<strong></strong></td> <td><strong>23</strong></td> </tr> <tr align="center"> <td>7</td> <td><strong>პარმა</strong><strong></strong></td> <td><strong></strong> 14<strong></strong></td> <td>5<strong></strong></td> <td>5<strong></strong></td> <td>4<strong></strong></td> <td>17-18<strong></strong></td> <td><strong>20</strong></td> </tr> <tr style="background-color: #cacacb;" align="center"> <td>8</td> <td><strong>კატანია</strong><strong></strong></td> <td><strong></strong> 14<strong></strong></td> <td>5<strong></strong></td> <td>4<strong></strong></td> <td>5<strong></strong></td> <td>18-20<strong></strong></td> <td><strong>19</strong></td> </tr> <tr align="center"> <td>9</td> <td><strong>მილანი</strong><strong></strong></td> <td>14<strong></strong></td> <td>5<strong></strong></td> <td>3<strong></strong></td> <td>6<strong></strong></td> <td>21-18<strong></strong></td> <td><strong>18</strong></td> </tr> <tr style="background-color: #cacacb;" align="center"> <td>10</td> <td><strong>ატალანტა</strong><strong></strong></td> <td>14<strong></strong></td> <td>6<strong></strong></td> <td>2<strong></strong></td> <td>6<strong></strong></td> <td>14-20<strong></strong></td> <td><strong>18</strong></td> </tr> <tr align="center"> <td>11</td> <td><strong>სამპდორია</strong><strong></strong></td> <td><strong></strong> 14<strong></strong></td> <td>5<strong></strong></td> <td>2<strong></strong></td> <td>7<strong></strong></td> <td>17-19<strong></strong></td> <td><strong>16</strong></td> </tr> <tr style="background-color: #cacacb;" align="center"> <td>12</td> <td><strong>უდინეზე</strong><strong></strong></td> <td>14<strong></strong></td> <td>3<strong></strong></td> <td>7<strong></strong></td> <td>4<strong></strong></td> <td>18-23<strong></strong></td> <td><strong>16</strong></td> </tr> <tr align="center"> <td>13</td> <td><strong>კალიარი</strong><strong></strong></td> <td><strong></strong> 14<strong></strong></td> <td>4<strong></strong></td> <td>4<strong></strong></td> <td>6<strong></strong></td> <td>13-20<strong></strong></td> <td><strong>16</strong></td> </tr> <tr style="background-color: #cacacb;" align="center"> <td>14</td> <td><strong>ტორინო</strong><strong></strong></td> <td>14<strong></strong></td> <td>3<strong></strong></td> <td>7<strong></strong></td> <td>4<strong></strong></td> <td>15-14<strong></strong></td> <td><strong>15</strong></td> </tr> <tr align="center"> <td>15</td> <td><strong>პალერმო</strong><strong></strong></td> <td>14<strong></strong></td> <td>3<strong></strong></td> <td>5<strong></strong></td> <td>6<strong></strong></td> <td>14-21<strong></strong></td> <td><strong>14</strong></td> </tr> <tr style="background-color: #cacacb;" align="center"> <td>16</td> <td><strong>ჯენოა</strong><strong></strong></td> <td>14<strong></strong></td> <td>3<strong></strong></td> <td>3<strong></strong></td> <td>8<strong></strong></td> <td>14-21<strong></strong></td> <td><strong>12</strong></td> </tr> <tr align="center"> <td>17</td> <td><strong>კიევო</strong><strong></strong></td> <td>14<strong></strong></td> <td>3<strong></strong></td> <td>3<strong></strong></td> <td>8<strong></strong></td> <td>13-25<strong></strong></td> <td><strong>12</strong></td> </tr> <tr style="background-color: #cacacb;" align="center"> <td>18</td> <td><strong>სიენა</strong><strong></strong></td> <td>14<strong></strong></td> <td>4<strong></strong></td> <td>5<strong></strong></td> <td>5<strong></strong></td> <td>13-14<strong></strong></td> <td><strong>11</strong></td> </tr> <tr align="center"> <td>19</td> <td><strong>ბოლონია</strong><strong></strong></td> <td>14<strong></strong></td> <td>3<strong></strong></td> <td>2<strong></strong></td> <td>9<strong></strong></td> <td>15-19<strong></strong></td> <td><strong>11</strong></td> </tr> <tr style="background-color: #cacacb;" align="center"> <td>20</td> <td><strong>პესკარა</strong><strong></strong></td> <td><strong></strong> 14<strong></strong></td> <td>3<strong></strong></td> <td>2<strong></strong></td> <td>9<strong></strong></td> <td>9-25<strong></strong></td> <td><strong>11</strong></td> </tr> </tbody> </table> <strong></strong><em>შენიშვნა: სიენა -6 ქულა, ატალანტა -2, სამპდორია -1, ტორინო -1.</em></p><p><strong>ბომბარდირები:</strong></p><p>10 - ელ შაარავი (მილანი); 8 - კავანი (ნაპოლი), ლამელა (რომა), დი ნატალე (უდინეზე), კლოზე (ლაციო); 7 - მილიტო (ინტერი), ოსვალდო (რომა).</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/italia/42220-italia-seria-a-xiv-turi-qbeberi-qalbatonisq-logikuri-marckhi.html" target="_blank">იტალია. სერია A. XIV ტური: "ბებერი ქალბატონის" ლოგიკური მარცხი</a></p>
ყველა დროის ანტი-რეკორდი - იტალიაში 20-მა გუნდმა მხოლოდ 11 გოლი გაიტანა
ლუჩიანო სპალეტი შესაძლოა, სერია A-ში სამწვრთნელო საქმიანობას დაუბრუნდეს
პირველი შეხვედრა უკვე შედგა - "იუვენტუსმა" შესაძლოა, მთავარი მწვრთნელი შეიცვალოს
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო