- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გენო პეტრიაშვილი - ახალი საქართველოს ახალი ვარსკვლავი
<p>27 ნოემბერს დაწყებული საქართველოს ჩემპიონატის პირველი დღე მძიმეწონოსანთა ფინალით დაგვირგვინდა</p><p><br> დიღომში, ძიუდოს აკადემიაში თავისუფალ ჭიდაობაში 27 ნოემბერს დაწყებული საქართველოს ჩემპიონატის პირველი დღე მძიმეწონოსანთა ფინალით დაგვირგვინდა, ამ სიტყვის პირდაპირი მნიშვნელობით.</p><p>ასეთ გამორჩეულად ლამაზ ჭიდაობას არათუ საქართველოში, მსოფლიოსა და ევროპის პირველობებზეც კი ვერ ნახავთ ხშირად. მოვლენათა ეპიცენტრში 18 წლის გორელი <strong>გენო პეტრიაშვილი</strong> აღმოჩნდა, რომელმაც ჯერ ნახევარფინალში დაიქუხა - მსოფლიოს ბრინჯაოსმედალოსანსა და ოლიმპიადის ვიცე-ჩემპიონ <strong>დავით მოძმანაშვილს</strong> მოუგო, ფინალში კი ახალგაზრდებში ევროპის ჩემპიონსა და მსოფლიოს მედალოსან <strong>გიორგი საკანდელიძეს</strong> კიდევ უფრო დამაჯერებლად სძლია.</p><p>პეტრიაშვილი ჭაბუკებში ევროპის ჩემპიონი და მსოფლიოს ვერცხლისმედალოსანი, ახალგაზრდებში კი ევროპისა და მსოფლიოს მესამე პრიზიორია. მასზე პირადი მწვრთნელი <strong>ვლადიმერ სხირელი</strong> შარშან ამბობდა, ის ჩემი ბოლო ტალანტი იქნება, რომელსაც ოლიმპიურ ჩემპიონობამდე მივიყვან და მწვრთნელობასაც დავანებებ თავსო.</p><p>პეტრიაშვილის ტალანტი იქნებ საეჭვო არც აქამდე ყოფილა, მაგრამ მაინც ჰქონდა ჩავარდნები (თუნდაც შარშან წაგებული ჭაბუკთა მსოფლიოს ფინალი გავიხსენოთ ამერიკელ ადამ კოენთან), 27 ნოემბერს კი სხირელის ოპტიმიზმი თვალნათლივ დაამტკიცა.</p><p><img src="/media/images/new_photo/QARTULI/WRESTLING/tavisupali/tavisupali-saq-pirveloba-345346.jpg" border="0" alt="Sportall.Ge" title="გენო პეტრიაშვილი - ახალი საქართველოს ახალი ვარსკვლავი" width="297" style="float: left; margin: 5px;" />აშკარაა, მას მართლაც ყველა მონაცემი გააჩნია ოლიმპიურ მწვერვალზე ასასვლელად. გააჩნია, რამდენად მუყაითად იმუშავებს მომდევნო წლებში და რამდენად სწორად განვითარდება.</p><p>საქართველოს ჩემპიონატმა კი, მოლოდინისამებრ, დიდი ინტერესი გამოიწვია და ტურნირში ქვეყნის მართლაც ყველა უძლიერესი ფალავანი გამოდის.</p><p>იქნებ საერთო დონე არც ისე მაღალია - რაც უნდა იყოს, სეზონი მაინც ახლა იწყება და სპორტსმენები პიკში ჯერ ვერანაირად ვერ იქნებიან, თუმცა ურიგოც ნამდვილად არ ეთქმის.</p><p>ერთი ეგაა, რომ 27 ნოემბერს ჯერჯერობით ახალი სახეები არ გვინახავს. მისასალმებელია, რომ მთელ რიგ შემთხვევებში ახალგაზრდული ნაკრების წევრებმაც კარგად წარმოაჩინეს თავი, მაგრამ მათ მაინც ვერ მივიჩნევთ ახლებად...</p><p><strong><span style="color: #ff0000;">55 კგ.</span></p><p>1. გიორგი ედიშერაშვილი (თბილისი); 2. გივი დავიდოვი (საჩხერე); 3. ლაშა ტალახაძე (ხაშური), ოთარ გოგავა (ქუთაისი).</strong></p><p>ამ წონიდან <strong>ვლადიმერ ხინჩეგაშვილის</strong> წასვლამ ლიდერის ტახტი დააცარიელა, მოვლენები კი ლოგიკურად ვითარდება - ფავორიტის არყოფნაში ჩემპიონობა აქამდე წონის მეორე ნომერმა <strong>გიორგი ედიშერაშვილმა</strong> მოიპოვა.</p><p>ფინალში მან დაამარცხა რამდენიმე წლით უმცროსი დავიდოვი, რომელსაც წინა ორთაბრძოლები იქნებ ცუდად არ ჩაუტარებია, მაგრამ აქ ვერაფერს გახდა.</p><p><img src="/media/images/new_photo/QARTULI/WRESTLING/tavisupali/tavisufali-saq-pirveloba-457847.jpg" border="0" alt="Sportall.Ge" title="გენო პეტრიაშვილი - ახალი საქართველოს ახალი ვარსკვლავი" width="297" style="float: left; margin: 5px;" />ედიშერაშვილმა საჩემპიონო შეხვედრა ნახევარფინალში მოიგო, როცა ახალგაზრდებში მსოფლიოს წლევანდელ ვიცე-ჩემპიონ <strong>ლაშა ტალახაძეს</strong> შეხვდა.</p><p>ხაშურელი ფალავნისგან იქნებ ცოტა მეტსაც ველოდით, რადგან ის ბოლო წლებში ახალგაზრდულ ნაკრებში წარმატებით ჭიდაობს, თუმცა ისიც სათქმელია, რომ წონაც შეიცვალა და თუმცა წარმატებას აქაც მიაღწია, ჯერ მაინც საადაპტაციო პერიოდი აქვს.</p><p>ედიშერაშვილს მასთანაც და დავიდოვთანაც ყველაფერი გამოსდიოდა. ჩემპიონს მეოთხედფინალშიც საინტერესო მეტოქე ჰყავდა - ჭაბუკებში ევროპისა და მსოფლიოს ჩემპიონი <strong>რამაზ ზოიძე</strong> აჭარიდან.</p><p>თავის ასაკში ტიტულოვანი ეს ბიჭი საინტერესო იმითაა, რომ ერთდროულად გამოდის ჭიდაობის ორივე სტილში და ზემოჩამოთვლილი წოდებები სულაც ბერძნულ-რომაულში მოიპოვა, იმის მიუხედავად, რომ ვარჯიში თავიდან "თავისუფალში" დაიწყო.</p><p><span style="color: #ff0000;"><strong>66 კგ.</p><p></strong></span><strong>1. კონსტანტინე ხაბალაშვილი (გორი); 2. ზურაბ იაკობაშვილი (ყვარელი); 3. მალხაზ ზარქუა, კობა კაკალაძე (ორივე - აჭარა).</strong></p><p>ამ წონაში კვლავაც გრძელდება <strong>კონსტანტინე ხაბალაშვილისა</strong> და <strong>ზურაბ იაკობაშვილის</strong> პაექრობა - ისინი შარშან ქვეყნის ახალგაზრდული პირველობის ფინალში შეხვდნენ ერთმანეთს, ამჯერად უფროსებშიც იმავე ეტაპზე იომეს და ორივეჯერ გამარჯვება ხაბალაშვილს დარჩა.</p><p>არადა, ამ წონაში კვლავაც გამოდის ევროპის ვეცი-ჩემპიონი <strong>კობა კაკალაძე</strong>, ხოლო ამჯერად აქ იჭიდავა კონტინენტის კიდევ ერთმა ვერცხლისმედალოსანმა, ლონდონის ოლიმპიადის მონაწილე <strong>მალხაზ ზარქუამ</strong>.</p><p>მათ ურიგოდ არ უასპარეზიათ, მაგრამ ახალ თაობასთან ვერაფერს გახდნენ. ხაბალაშვილისა და იაკობაშვილის ახლანდელი დაპირისპირებაც ძველი სცენარით წარიმართა - მაღალ ტემპში, მცირე დაზვერვითა და დიდი შეტევითი პოტენციალით.</p><p>თავიდან გორელი ფალავანი აქტიურობდა, რომელმაც უკვე მეათე წამზე სცადა ფეხში შესვლა და თითქოს აიყვანა კიდეც, მაგრამ იაკობაშვილი გაექცა.</p><p>ამის შემდეგ ორივე ბევრს ეცადა ქულის აღებას, თუმცა თავსაც კარგად იცავდნენ და საქმე ბურთულამდე მივიდა.</p><p><img src="/media/images/new_photo/QARTULI/WRESTLING/tavisupali/davit-marsagishvili-476.jpg" border="0" alt="Sportall.Ge" title="გენო პეტრიაშვილი - ახალი საქართველოს ახალი ვარსკვლავი" width="297" style="float: left; margin: 5px;" />ის ხაბალაშვილმა ამოიღო და მისი ფერი ამოვიდა, რაც კარგად გამოიყენა. მეორე პერიოდი საწინააღმდეგო სცენარით წარიმართა - იაკობაშვილი უფრო გააქტიურდა და ფეხიდან გადაყვანით ერთი ქულა მოიპოვა, რასაც მალე ისეთი კომბინაცია მოჰყვა, რომ მსაჯებმა ორივეს მოქმედება თითო ქულით შეაფასეს - 2:1 იაკობაშვილის სასარგებლოდ და დამატებითი პერიოდი.</p><p>ისიც დაძაბულ ჭიდილში, თუმცა უქულოდ გასრულდა და საქმე კვლავ ბურთულამდე მივიდა. ის ამჯერად იაკობაშვილმა ამოიღო, თუმცა ისევ წითელი ფერი და ფეხში კვლავ ხაბალაშვილი შევიდა.</p><p>ის არაა იმ დონის ფალავანი, ასეთი შანსი ხელიდან გაუშვას და მის გარჯას სულაც არ ვაკნინებთ, თუმცა იმის თქმაც თამამად შეიძლება, რომ წითელი ბურთულის ამოღებით მეტოქემ გამარჯვება საკუთარი ხელით მიართვა, რაც უკვე ალოგიკური წესების დამსახურებაა.</p><p><span style="color: #ff0000;"><strong>84 კგ.</strong></span></p><p><strong>1. დავით მარსაგიშვილი (ყაზბეგი); 2. ნოდარ ეგაძე (გორი); ოთარ უროტაძე (ქუთაისი), ლევან გოგრიჭიანი (თბილისი).</strong></p><p>ევროპის ჩემპიონი, მსოფლიოსა და ოლიმპიადის ბრინჯაოსმედალოსანი <strong>დავით მარსაგიშვილი</strong> კვლავაც ფორმაშია - არც ფინალამდე მისვლა გასჭირვებია. იქ კი <strong>ნოდარ ეგაძე</strong> ჯერ კარგად ამოატრიალა სამქულიანზე, მერე კი ბეჭებზეც დადო და სულ რამდენიმე წამში მოიპოვა ჩემპიონობა.</p><p><span style="color: #ff0000;"><strong>120 კგ.</p><p></strong></span><strong>1. გენო პეტრიაშვილი (გორი); 2. გიორგი საკანდელიძე (თბილისი); 3. თორნიკე ხიდეშელი (გარდაბანი), არჩილ დავითაძე (აჭარა).</strong></p><p>როგორც გითხარით, ამ წონის ფინალი გუშინდელი დღის გვირგვინი გამოდგა, შეხვედრის გმირად კი პეტრიაშვილი იქცა.</p><p>ჟინი და აზარტი ორივე მხრიდან, დაუოკებელი სწრაფვა გამარჯვებისკენ, მშვენიერი თავდაცვა, სხარტი შესვლები ფეხში, ჰაერში ატრიალებული ამხელა კონკურენტი და უჩვეულო სილამაზის სამქულიანები - ეს ყველაფერი ამ ფინალში ვიხილეთ.</p><p>ბოლო თვეებში ყოფილ პოსტსაბჭოთა სივრცეში ზედიზედ ოთხი ტურნირის მომგები საკანდელიძე უდავოდ ძლიერი ფალავანია, მაგრამ 27 ნოემბერს პეტრიაშვილი საოცარი იყო და ყოველმხრივ დაჩაგრა ძლიერი მეტოქე.</p><p>საკმარისია ითქვას, რომ სამჯერ სამქულიანზე გადააგდო ამ დონის ფალავანი, როცა ჯარასავით დაატრიალა ჰაერში.</p><p>საკანდელიძემ რამდენჯერმე ჯვარზე შეკვრაც სცადა, მაგრამ პეტრიაშვილი მთელი შეხვედრის განმავლობაში ჩინებულად იცავდა თავს და მაშინაც არათუ შეკვრის უფლება მისცა, იქით გაუკეთა გდება.</p><p>ერთ რამედ ღირდა იმის ყურება, როგორ იცავდა თავს, როგორ უჭერდა ფეხს და თავად გადადიოდა შეტევაზე... სავსებით გასაგებია საკანდელიძის გაწბილება - წაგებასაც გააჩნია, თუმცა ვიმედოვნებთ, ევროპამდე ისიც ეცდება კონკურენციის სათავისოდ შემოტრიალებას.</p><p>როგორც გითხარით, პეტრიაშვილმა ნახევარფინალში მოძმანაშვილს მოუგო და გუშინდელი დღის სენსაციაც შემოგვთავაზა.</p><p>ეს შეხვედრა დამატებით დროში გაგრძელდა, თუმცა სამივე პერიოდი 0:0 დასრულდა და სამივეში ყველაფერი ბურთულამ გადაწყვიტა. აქედან ორჯერ ბედმა პეტრიაშვილს გაუღიმა, თუმცა ფინალში მის ისეთ ჭიდაობას მაინც ვერ ვიფიქრებდით.</p><p>აი, მოძმანაშვილს კი მაინც ეტყობა გადატანილი ტრავმის და გაცდენილი პერიოდის კვალი.</p><p>28 ნოემბერს დიღომში დარჩენილი სამი წონის - 60, 74 და 96-ის ფალავნებიც იჭიდავებენ და ჩემპიონატიც დასრულდება.</p><p>ტურნირი კვლავაც 12 საათზე დაიწყება და შესვენების გარეშე გაგრძელდება ფინალებამდე.</p><p><strong>ყოველდღიური სპორტული გაზეთი "ლელო"</strong></p>
-
????
როგორ დაიბოგმა ზოგზოგიერთი:))))შენი გამარჯვებით ვაჯკაცო!!!!! უფალი შენთან!!!
-
nonon
გენო მაგარი ადამიანია დზალიან ვენაცვალე
-
jorj
პეტრიაშვილი ნამდვილად გორში ცხოვრობს.
-
111
მე მგონი, პეტრიაშვილი ქარელიდანაა და არა გორიდან.
-
jorj
თუ სატელევიზიო ეთერი იკნება მადლობელი დავრჩებოდი
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ