<p>ბრაზილიის გრანპრიმ დაასრულა ავტოსპორტის მორიგი სეზონი. ამიტომაც შესაძლებელია 2012 წლის შეჯამება <br> ბრაზილიის გრანპრიმ დაასრულა ავტოსპორტის მორიგი სეზონი. ამიტომაც შესაძლებელია 2012 წლის შეჯამება. ამისთვის ზედგამოჭრილია Castrol-ის რეიტინგი, რომლის მონაცემებსაც მთელი სეზონის განმავლობაში გაწვდიდით.</p><p>სწორედ ეს კლასიფიკაცია გვაძლევს ყველაზე ობიექტურ სურათს, რადგან გამოთვლებისას ითვალისწინებენ ყველა პილოტის მიღწევას გასულ სეზონში - რა სერიაშიც არ უნდა ასპარეზობდეს ავტომრბოლელი და რამდენჯერაც არ უნდა იყოს გასული ტრასაზე.</p><p>ბოლო სარბოლო უქმეებზე განსაკუთრებულ წარმატებებს მიაღწიეს ფორმულა 1-ის წარმომადგენლებმა – "დიდი პრიზის" პილოტებმა პირველი შვიდი ადგილიდან ექვსი დაისაკუთრეს.</p><p>ჯერ კიდევ ორი კვირის წინ იყო ცნობილი იმის შესახებ, რომ წლის პილოტი სებასტიან ფეტელი გახდებოდა (თუმცა გერმანელის შარშანდელი 31 ათასი ქულიდან მხოლოდ მოგონება დარჩა). ამჟამად ინტრიგა იმაში მდგომარეობდა, შეძლებდა თუ არა ფორმულა 1-ის რომელიმე პილოტი მეორე ადგილიდან სებასტიან ლოების ჩამოგდებას.</p><p>ამ კითხვაზე პასუხი უარყოფითი აღმოჩნდა. ფორმულა 1-ის პილოტები ისე ხშირად ართმევდნენ წელს ქულებს ერთმანეთს, რომ ვერაფერი დაუპირისპირეს მსოფლიოს საუკეთესო მრბოლელს. რაღაცის შეცვლის შანსი ჰქონდა ლუის ჰემილტონს, მაგრამ ნიკო ჰოულკენბერგთან ავარიამ მხოლოდ მეოთხე ადგილი მოუტანა ბრიტანელს.</p><p>უფრო ქვემოთ კი სერიოზული ცვლილებები მოხდა. მორიგი შედეგიანი რბოლა ჩაატარა კიმი რაიკონენმა და საბოლოოდ, "ლოტუსის" პილოტმა, რომელიც ერთი წლის წინ მეოთხე ასეულში იმყოფებოდა, ჯენსონ ბატონსა და IndyCar-ის პილოტ უილ პაუერს გაასწრო და ერთბაშად ორი საფეხური მოიგო. ფინელი სან პაულუში ოდნავ უკეთ რომ გამოსულიყო, მარკ უებერის ჩამოტოვების შანსიც ექნებოდა.</p><p>ივლისის შემდეგ პირველად დაბრუნდა საუკეთესო ოცეულში ფელიპე მასა - საშინაო გრანპრიზე პოდიუმი სეზონის წარმატებულ დასასრულად უნდა ჩაითვალოს "ფერარის" პილოტისთვის. ნიკო როსბერგი კი, რომელიც ორი თვის წინ პირველ ათეულში შედიოდა, მორიგი უფერული გამოსვლის შემდეგ 21 პოზიციამდე დაეშვა.</p><p><strong>2012 წლის საბოლოო რეიტინგი ასე გამოიყურება:</p><p></strong>1. ს. ფეტელი (ფორმულა 1) 22 587</p><p>2. ს. ლოები (რალი) 20 327</p><p>3. ფ. ალონსო (ფორმულა 1) 19 105</p><p>4. ლ. ჰემილტონი (ფორმულა 1) 18 702</p><p>5. მ. უებერი (ფორმულა 1) 16 977</p><p>6. კ. რაიკონენი (ფორმულა 1) 16 594</p><p>7. ჯ. ბატონი (ფორმულა 1) 16 515</p><p>8. უ. პაუერი (IndyCar) 16 305</p><p>9. ჯ. ჯონსონი (NASCAR) 15 921</p><p>10. მ. ჰირვონენი (რალი) 15 131</p><p><strong>ყოველდღიური სპორტული გაზეთი "ლელო"</strong></p>
ავტოსპორტი: ფერნანდო ალონსოს 305 ათასი გამოვარდნისთვის
ფერნანდო ალონსომ ინდი 500 ვერ დაასრულა
მოტოგრანპრი: როსიმ დებიუტანტთან წააგო
ტერ შტეგენი შეიძლება თურქულ კლუბში გადავიდეს
ევროპის საკლუბო ჩემპიონატზე "გოლდენ გორის" შემადგენლობა ცნობილია
ბერნარდო სილვამ შესაძლოა, "მანჩესტერ სიტი" დატოვოს
[VIDEO] აგვისტოს შემდეგ პირველად - ნეიმარმა ბრაზილიის ჩემპიონატში გაიტანა
[VIDEO] "ტორონტოს" ზედიზედ მეხუთე მოგება - მამუკელაშვილმა "ფილადელფიასთან" 15 წუთი ითამაშა
ჰაკიმი აფრიკის საუკეთესო ფეხბურთელად დაასახელეს
საქართველოს ნაკრებმა ფიფას რეიტინგში რეგრესი განიცადა
რუსი მეკარე ნორვეგიის ნაკრებში თამაშს აპირებს
გოგლიჩიძე "ბოლონიასთან", ალბათ, ვერ ითამაშებს
"კოშმარი საქართველოსთან დასრულდა - ეს ტრიუმფია" - ბულგარული მედია
As: საზონოვის იანვარში დამატება მადრიდული გუნდისთვის აუცილებელია
"ერთ-ერთი ვარჯიშის შემდეგ გონება დავკარგე" - ფაბრეგასმა კონტესთან მუშაობა გაიხსენა
"დომინოს ეფექტი" სანიოლისთვის - სად გაქრა გამარჯვებულის მენტალიტეტი?!
"საქართველოს არ ჰყავს ფეხბურთელი, რომელიც კვარაცხელიას დონეს მიუახლოვდება" - Goal ხვიჩასა და სხვა ვარსკვლავებზე, რომლებიც მუნდიალზე ვერ ითამაშებენ
რონალდო "თეთრ სახლში" დონალდ ტრამპს შეხვდა და ილონ მასკთან სელფი გადაიღო
კვარაცხელია ძალიან პრესტიჟული Globe Soccer Awards-ის საუკეთესოთა სიაშია - როგორ მივცეთ ხმა ქართველ ფეხბურთელს
"60 ფეხბურთელს პირადად დავურეკე და ეს ავუხსენი" - ტუხელი ინგლისის ნაკრების მსოფლიო ჩემპიონატის შემადგენლობაზე
"საქართველოსთან შევხედრაში ჩვენი ამოცანა სწორედ ეს იყო" - ბულგარელთა მწვრთნელი მატჩის შემდეგ
"მინიმუმ იმ წარმატებით დავბრუნდებით, რაც საქართველოს აქამდე მოვუტანეთ" - დავითაშვილი ბულგარეთთან მარცხის შემდეგ
"ამ თამაშების შემდეგ ეს ყველაზე კარგად იგრძნობა" - მამარდაშვილი ბულგარეთთან მარცხის შემდეგ