<p>არიან ფეხბურთელები, რომელთა კარიერაც, ძირითადად, ერთ კონკრეტულ ტურნირთან ასოცირდება <br> არიან ფეხბურთელები, რომელთა კარიერაც, ძირითადად, ერთ კონკრეტულ ტურნირთან ასოცირდება... ასეთ მოთამაშეთა შორის გახლავთ ფაბიო გროსო, რომელმაც კარიერის დასრულების შესახებ განაცხადა და გულშემატკივრებს დაემშვიდობა.</p><p>35 წლის გროსოს "იუვენტუსთან" ხელშეკრულების ვადა გასულ ზაფხულს დაუსრულდა და ახალი კლუბის ძიებაში გახლდათ.</p><p>მას შემდეგ რამდენიმე თვეა გასული. ფაბიოს საინტერესო შეთავაზება არ მიუღია და ბუცების ლურსმანზე ჩამოკიდება გადაწყვიტა:</p><p>"ზაფხულიდან მოყოლებული, რამდენიმე წინადადება მივიღე, მაგრამ ჩემთვის ყველა უინტერესო გახლდათ. ნახევარი სეზონი უქმად გავიდა და ვფიქრობ, რომ დროა, კარიერა დავასრულო.</p><p>მინდა მადლობა გადავუხადო ყველას, ვინც წლების განმავლობაში გვერდში მედგა. ფეხბურთი ჩემთვის ყველაფერია და აუცილებლად სპორტის უპირველეს სახეობაში დავრჩები.</p><p>კერძოდ, სამწვრთნელო ლიცენზიის აღებას ვაპირებ, რადგან ეს საქმე ყოველთვის მომწონდა".</p><p>ფაბიო გროსო საკლუბო დონეზე ერთი ჩვეულებრივი ფეხბურთელი გახლდათ, მაგრამ აუცილებლად შემორჩება ისტორიას, რადგან მან ეროვნულ ნაკრებში, თვით მუნდიალზე გაიბრწყინა.</p><p>2006 წელს იტალიის უმთავრესმა გუნდმა მსოფლიოს ჩემპიონატი მოიგო, რაშიც გროსომ ძალიან დიდი წვლილი შეიტანა.</p><p>შეგვიძლია მერვედფინალური მატჩი გავიხსენოთ, როდესაც კაცნაკლული "სკუადრა აძურა" ავსტრალიასთან წვალობდა - მატჩის დასრულებამდე რამდენიმე წუთი იყო დარჩენილი, როდესაც ფაბიო მეტოქის საჯარიმოში შესანიშნავად შეიჭრა, მცველს გვერდი აუარა, რომელსაც ისღა დარჩენოდა, რომ მეტოქე თამაშის წესის დარღვევით შეეჩერებინა...</p><p>არბიტრმა თერთმეტმეტრიანი დანიშნა, რომელიც ფრანჩესკო ტოტიმ გოლად აქცია.</p><p>იტალიამ მეოთხედფინალში დიდწილად გროსოს გარღვევის წყალობით გააღწია, რომელსაც პენალტი და ერთადერთი გოლი მოჰყვა.</p><p>ყველას კარგად გვახსოვს მსოფლიოს ჩემპიონატის ნახევარფინალური მატჩი და გერმანია-იტალიის დრამატული დაპირისპირება.</p><p>შეხვედრა დამატებით დროში გადავიდა და თერთმეტმეტრიანების დანიშვნამდე სულ რამდენიმე წუთი იყო დარჩენილი - ალექს დელ პიერომ კუთხური ჩააწოდა, გერმანელებმა თავით გამოიტანეს ბურთი, რომელიც ანდრეა პირლოს მიუგორდა. ამ უკანასკნელმა გროსოს იდეალური პასი მისცა, მისი დარტყმული კი უზადო გამოდგა და იტალია ფინალში გავიდა.</p><p>მუნდიალის გადამწყვეტი შეხვედრა ფრედ დასრულდა და საქმე თერთმეტმეტრიანებამდე მივიდა - უკანასკნელი პენალტი ფაბიო გროსომ შეასრულა, ბურთი ცხრიანში გაჭედა და "აძურამ" მსოფლიოს ჩემპიონის ტიტული მეოთხედ მოიპოვა.</p><p>აქვე ვთქვათ, რომ ფაბიო გროსომ იტალიის ეროვნულ ნაკრებში სულ 48 მატჩი გამართა და 4 გოლი გაიტანა. რაც შეეხება მის საკლუბო კარიერას, საუკეთესო წლები "პალერმოსა" და "ლიონში" გაატარა. იქამდე "პერუჯაში" ასპარეზობდა, სულ ბოლოს კი "იუვენტუსის" ღირსებას იცავდა.</p><p>თუმცა, კიდევ ერთხელ აღვნიშნოთ, რომ გროსო სანაკრებო ფეხბურთელი გახლდათ, მისი გვარი კი ყოველთვის 2006 წლის მუნდიალთან იქნება ასოცირებული.</p><p><strong>ყოველდღიური სპორტული გაზეთი "ლელო"</strong></p>
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
დე ლაურენტისი კონტეს ნაკრებში გაშვებაზე თანახმაა - რას მოითხოვს სანაცვლოდ?
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა