<p>"კანტუ"-"რეალის" მატჩს დიდი გამოხმაურება მოჰყვა როგორც იტალიაში, ასევე ესპანეთში, ქართულ გვარს კი სტატების საპატიო ადგილებში ვხვდებით <br> "კანტუ"-"რეალის" მატჩი ხუთშაბათს ჩატარდა, ევროლიგის მე-9 ტურის შეხვედრათა ნახევარი კი პარასკევს გაიმართა. ამიტომ, ვიდრე გაზეთი დასაბეჭდად გავიდოდა, არ იყო ცნობილი მეცხრე ტურის საუკეთესო კალათბურთელის ვინაობა.</p><p>თუმცა იმედს ვიტოვებთ, რომ ეს <strong>მანუჩარ მარკოიშვილი</strong> იქნება, რომელმაც მადრიდელთა ძლევაში (76:70) 23-ქულიანი წვლილი შეიტანა.</p><p>ამ შეხვედრას დიდი გამოხმაურება მოჰყვა როგორც იტალიაში, ასევე ესპანეთში. ქართულ გვარს სტატიების საპატიო ადგილებში ვხვდებით. "გაზეტა დელო სპორტში" მატჩის მიმოხილვაში ერთი ქვეთავია სახელწოდებით "ვარსკვლავური მოთამაშე": "კანტუელების მთავარი მამოძრავებელი იყო მანუჩარ მარკოიშვილი, 23 ქულა ჩააგდო და კიდევ არაერთ კომპონენტში იყო კანტუელთაგან საუკეთესო".</p><p>ესპანურ "სოლობასკეტში" ერთი სტატიის სათაური ასე ჟღერს: "მარკოიშვილმა "რეალი" დაამარცხა". ქვემოთ ვკითხულობთ: "მთავარი მექულეების არადორისა და ფერნანდესის არყოფნაში სროლაში ერთმანეთს მარკოიშვილი და ქეროლი გაეჯიბრნენ. გამარჯვება თავის გუნდს ქართველმა უკანახაზელმა მოუტანა".</p><p>იტალიურ გაზეთ "დეილი ბასკეტში" მატჩის მონაწილე თითოეული კალათბურთელი იყო შეფასებული. ყველაზე მაღალი ქულები მანუსა და ტაბუს ერგოთ.</p><p>"კანტუს" მწვრთნელმა <strong>ანდრეა ტრინკიერიმ</strong> "რეალთან" მატჩზე მსჯელობისას მარკოიშვილსაც ვერ აუარა გვერდი:</p><p><em>"მთელმა გუნდმა კარგად ითამაშა. უკანა ხაზში ჩვენი საკვანძო ფიგურა მანუჩარ მარკოიშვილი იყო, ხოლო წინა ხაზში - ჯეფ ბრუკსი.</p><p>მართალია მომდევნო ეტაპზე გასვლის მაინც მცირე შანსი გვქონდა, მაგრამ ვეცადეთ ის ბოლომდე გამოგვეყენებინა. ახლა უნდა დაველოდოთ "ფენერბაჰჩეს" თამაშს ათენში და "ფენერთან" უშუალო დაპირისპირებას".</p><p></em></p><p>დროა, მანუჩარ მარკოიშვილის ინტერვიუს გავეცნოთ:</p><p>- ძალიან გახარებული ვარ. ამ გამარჯვებით ტოპ-16-ში მოხვედრის შანსი შევინარჩუნეთ. დაცვაში დიდებულად გავისარჯეთ, რაც წარმატების გასაღები აღმოჩნდა.</p><p>მართალია, შეხვედრის მსვლელობისას არაერთი ჩასაგდები ტყორცნა ვერ გამოვიყენეთ, მაგრამ დაცვამ და გუნდურმა თამაშმა ყველა ნაკლოვანება გადაფარა.</p><p><strong>- რას ნიშნავდა "რეალთან" გამარჯვება თქვენთვის?</strong></p><p>- ევროლიგაზე ზედიზედ ორი შეხვედრა გვქონდა წაგებული და სწორედ ასეთ ძლიერ მეტოქესთან უნდა გამოჩენილიყო, რომ ჩვენც არ გვყავს ნაკლები გუნდი. ეს ჩვენთვის ფინალი იყო.</p><p>მატჩისთვის ყოველმხრივ კარგად მოვემზადეთ და სასიხარულოა რომ შრომა დაგვიფასდა. როგორც აღვნიშნე, წაგების შემთხვევაში მომდევნო ეტაპზე გასვლის ყოველგვარ იმედს ვკარგავდით.</p><p>მომდევნო კვირას სტამბულში ასეთივე შემართებით ვიბრძოლებთ, თუმცა მეტოქე მაშინაც სერიოზული გვეყოლება - "ფენერბაჰჩე".</p><p><strong>- გამარჯვებაში დიდი წვლილი შეიტანეთ, 23 ქულა ჩააგდეთ...</strong></p><p>- შეტევაში რიგ ეპიზოდებში ყველაფერი კარგად გამოგვდიოდა, ზოგჯერ - პირიქით. ბევრი ტყორცნა მეც ვერ გამოვიყენე. მადლობა ჩემს თანაგუნდელებს, რომლებიც ყველანაირად მეხმარებოდნენ.</p><p>რომ არა გუნდური გარჯა, "რეალის" დონის გუნდს ვერ ვაჯობებდით.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong></p><p>ასევე იხილეთ:</strong></span></p><p><a href="/kalatburti/qarthuli-kalathburthi/legionerebi/42705-manuchar-markoishvilis-23-qula-da-tsaqceuli-madridis-qrealiq-video.html" target="_blank">მანუჩარ მარკოიშვილის 23 ქულა და წაქცეული მადრიდის "რეალი" [VIDEO]</a></p>
Jo
მალადეც მარკო! მიაწექი, ეგებ გაგვიძლიერდეს მაგრად კალათბურთის სკოლა!!!
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
[VIDEO] ბოლდუინის პირველი სასტარტო "ბაიერნში" - გერმანულმა გუნდმა "მილანი" დაამარცხა
შენგელია საუკეთესო იყო - "ბარსელონა" სახლში დამარცხდა
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს