- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მექსიკური ვენდეტა - მენი პაკიაო ორი წუთი უგონოდ იყო [VIDEO]
![მექსიკური ვენდეტა - მენი პაკიაო ორი წუთი უგონოდ იყო [VIDEO]](images/new_photo/UCXOURI/2012/SPORT/DEC1-15/box.jpg)
<p>მექსიკელმა მარჯვნიდან დარტყმა შეაგება მენის, რომელიც მოცელილივით დაეცა რინგზე <br> 9 დეკემბერს ლას ვეგასში გაიმართა დიდი საკრივო საღამო, რომლის მთავარ ბრძოლაში ერთმანეთს შეხვდნენ ფილიპინელი მენი პაკიაო (54-4-2, 38KO) და მექსიკელი ხუან მანუელ მარკესი (54-6-1, 39KO).</p><p>ეს იყო ბოლო რვა წლის განმავლობაში ამ მოკრივეთა რიგით მეოთხე შეხვედრა და მასში თამაშდებოდა 66.7-კილოგრამამდე წონით კატეგორიაში WBO-ს სპეციალური ქამარი - "ათწლეულის საუკეთესო მოკრივე".</p><p>ამით აღნიშნულ საკრივო ორგანიზაციას პაკიაოს წახალისება სურდა, რომელსაც მსაჯებმა, ფაქტობრივად, წაართვეს გამარჯვება ივნისში ტიმოტი ბრედლისთან შეხვედრაში.</p><p>გარანტირებულმა საპრიზო ფონდმა 11.6 მილიონი დოლარი შეადგინა, საიდანაც ფილიპინელს 8.595 მილიონი ეკუთვნოდა.</p><p>მენი პაკიაო, ბევრი ექსპერტის მიერ ყველა წონის გათვალისწინებით, თანამედროვეობის საუკეთესო მოკრივედ არის მიჩნეული, მაგრამ დღემდე ვერ მოხერხდა მისი ბრძოლის ორგანიზება ნახევრად საშუალო წონაში WBC-ის ვერსიით მსოფლიოს ჩემპიონთან, დაუმარცხებელ ამერიკელ ფლოიდ მეივეზერთან.</p><p>როგორც უკვე ვთქვით, მეტოქეები მეოთხედ ხვდებოდნენ ერთმანეთს. პაკიაოსა და მარკესის პირველი ბრძოლა 2004 წელს გაიმართა და მაშინ თამაშდებოდა WBA-ს (მას ფლობდა მარკესი) და IBF-ის (პაკიაო) ტიტულები 57.1-კილოგრამამდე წონით კატეგორიაში.</p><p>პირველ რაუნდში მარკესი ორჯერ მოხვდა ნოკდაუნში, მაგრამ შეძლო სიტუაციის გათანაბრება და ბრძოლის ბოლომდე მიყვანა. მსაჯებმა ფრე დააფიქსირეს, მაგრამ მაშინ ბევრი ამბობდა, რომ მარკესმა მხოლოდ იმიტომ არ წააგო, რომ პაკიაოზე მეტი ავტორიტეტი ჰქონდა.</p><p>მეორე ბრძოლა 2008 წელს გაიმართა და მენიმ მსაჯების გაყოფილი გადაწყვეტილებით გაიმარჯვა.</p><p>ბრძოლა 59-კილოგრამამდე წონით კატეგორიაში გაიმართა და თამაშდებოდა მარკესის კუთვნილი WBC-ის ტიტული. მექსიკელი ისევ აღმოჩნდა ნოკდაუნში, მაგრამ ფილიპინელს მაინც ბევრი უსიამოვნება მოუტანა. ამიტომაც ვერავინ უწოდა პაკმენის გამარჯვებას ღირსეული.</p><p>დაბოლოს, 2011 წლის ნოემბერში ძველი მეტოქეები ისევ ლას ვეგასის რინგზე შეხვდნენ ერთმანეთს და გაითამაშეს 66.7-კილოგრამამდე წონით კატეგორიაში WBO-ს ტიტული, რომელსაც პაკიაო ფლობდა.</p><p>გამარჯვება ისევ პაკიაომ მოიპოვა, თუმცა სამიდან ერთმა მსაჯმა ფრე დააფიქსირა. ბრძოლას "წლის ქურდობა" უწოდეს, რადგან ქულებით მოგება მარკესს ეკუთვნოდა.</p><p>ამ ბრძოლის შემდეგ პაკიაოს რეპუტაცია სერიოზულად შეირყა, მით უმეტეს, რომ ფილიპინელმა შემდეგი ბრძოლაც წააგო, თუმცა აქ უკვე მენის წაართვეს მსაჯებმა დამსახურებული გამარჯვება.</p><p><span style="color: #ff0000;"><strong>ბრძოლა</p><p></strong></span>რიგით მეოთხე ბრძოლა საშუალო ტემპში დაიწყო. მოკრივეებმა უარი თქვეს სიტუაციის ფორსირებაზე.</p><p>მოკრივეები ერთმანეთს კარგად იცნობენ და უბრალოდ, ზედმეტ რისკს ერიდებოდნენ. მაგრამ მესამე რაუნდმა სურათი შეცვალა.</p><p>მარკესმა გონგამდე წუთით ადრე ტემპი გაზარდა და ყბაში ძლიერი დარტყმით ნოკდაუნში გაგზავნა ფილიპინელი. მენი მძიმედ წამოდგა, მაგრამ სახეზე ჩვეული ღიმილი მაინც დასთამაშებდა.</p><p>ამ ნოკდაუნმა ნამდვილ "ჩეხვას" დაუდო სათავე. გონგის წინ მენიმ პასუხის გაცემა სცადა, მაგრამ მექსიკელმა გაუძლო მეტოქის შემოტევებს, შემდეგ რაუნდში კი არაფრის საშუალება არ მისცა აზიელს. ისე ჩანდა, რომ ხუან მანუელმა წინასწარ იცოდა მოწინააღმდეგის ყველა სვლა.</p><p>მაგრამ მეხუთე რაუნდში პაკიაომ მაინც მოარტყა მარკესს - მარჯვნიდან დარტყმით ნოკდაუნში ჩააგდო მეტოქე. გონგამდე მოწინააღმდეგეებმა ძლიერი დარტყმები გაცვალეს.</p><p>ამის შემდეგ პაკიაომ ინიციატივა მოიპოვა. თუმცა შეტევებით ზედმეტად გართობა დაუშვებელი იყო, რადგან ბაგირებთან მიმწყვდეული მარკესი მაინც ახერხებდა პასუხის გაცემას.</p><p>ერთ-ერთი ასეთი კონტრშეტევის დროს მექსიკელმა მარჯვნიდან დარტყმა შეაგება მენის, რომელიც მოცელილივით დაეცა რინგზე (<a href="http://www.palitratv.ge/akhali-ambebi/sporti/24485-qathtsleulis-mokriveq-khuan-manuel-markesma-meni-pakiao-daanokauta.html" target="_blank"><span style="color: #ff0000;"><strong>იხილეთ ვიდეო</strong></span></a>).</p><p>თავდაპირველად მექსიკელმა ვერ აღიქვა მომხდარი. მხოლოდ რამდენიმე წამის შემდეგ გამარჯვების ნიშნად ხელები აღმართა. ამ დროს პაკიაო გონს მოსვლას ვერ ახერხებდა.</p><p>ის უგრძნობლად იწვა რინგზე და გარს მისი გუნდის წევრები შემოეხვივნენ. ისტერიკაში ჩავარდნილ მოკრივის მეუღლეს პაკიაოს მწვრთნელი ფრედი როუჩი აწყნარებდა. მენიმ მხოლოდ ორი წუთის შემდეგ გაახილა თვალები და მისმა გუნდმაც შვებით ამოისუნთქა.</p><p>ცოტა ხანში კი პაკიაომ თავის მეტოქეს გამარჯვება მიულოცა. როგორც ჩანს, მენის კარიერა დასასრულს უახლოვდება. მენიმ ზედიზედ მეორე ბრძოლა წააგო, თუმცა გამორიცხული არ არის, რომ პაკმენი ისევ შეგვახსენებს თავს.</p><p><span style="color: #ff0000;"><strong>ბრძოლის შემდეგ</p><p></strong></span>"მე ლოდინის ტაქტიკა ავირჩიე. ვიცოდი, რომ თუ პირველი ნოკდაუნის შემდეგ შეტევაში წავიდოდი, შესაძლოა, მენის ერთი დარტყმით ნოკაუტში ჩავვარდნილიყავი, - განაცხადა ბრძოლის შემდეგ მარკესმა. - მან კარგად მომარტყა, როცა ნოკდაუნში აღმოვჩნდი. მიუხედავად ამისა, ვიცოდი, რომ მაინც მქონდა მოგების კარგი შანსი".</p><p>"ძალიან მაგრად მომარტყა, შესანიშნავი დარტყმა გამოუვიდა, - განაცხადა პაკიაომ. - საშიში არაფერია. ეს არის კრივი, აქ ყველაფერი შეიძლება მოხდეს".</p><p>"პაკიაომ სიფრთხილე დაკარგა და ამის გამო დაისაჯა. ის ძალიან სწორხაზოვნად მოქმედებდა, - ეს პაკიაოს მწვრთნელის, ფრედი როუჩის სიტყვებია. - შესაძლოა, მან დაასრულოს კარიერა, შესაძლოა, რევანში შედგეს. ჯერ არ ვიცი, რა გზას აირჩევს ჩემი შეგირდი.</p><p>ყველაფერი მის მდგომარეობასა და სურვილზე იქნება დამოკიდებული. დავბრუნდებით სატრენაჟორო დარბაზში და თუ მისი საერთო მდგომარეობა არ მომეწონება, კარიერის დასრულებას ვურჩევ".</p><p>რევანშის თემას პაკიაოს პრომოუტერი ბობ არუმი შეეხო: "ხალხს მოეწონა ეს შოუ. მათ უყვართ ასეთი ბრძოლები. თუ კიდევ ერთ შანსს მოგვცემენ, მზად ვარ, ორგანიზება გავუწიო მარკესსა და პაკიაოს შორის მეხუთე ბრძოლას".</p><p>"რატომაც არა. თუ იქნება ასეთი შანსი, მე მზად ვარ, მას კიდევ ერთხელ შევხვდე", - განაცხადა პაკმენმა.</p><p><strong>ყოველდღიური სპორტული გაზეთი "ლელო"</strong></p>
საქართველოს 23-წლამდე მოკრივეთა ნაკრებმა ევროპის ჩემპიონატზე სამი მედალი მოიპოვა
15-წლამდელ მოკრივეთა 9 მედალი ევროპის ჩემპიონატზე
[VIDEO] აზერბაიჯანელი მწვრთნელი მსაჯს რინგზე ფიზიკურად გაუსწორდა - კადეტთა ევროპის ჩემპიონატის სკანდალური მომენტი
კურტუამ მადრიდის "რეალს" შემადგენლობის გაძლიერება მოსთხოვა
დასრულდება 6-წლიანი მშრალი სერია? - სულამანიძე ტოკიოს გრანდ სლემის ფინალშია! ლიპარტელიანი და ჯაბნიაშვილი ბრინჯაოს მედლებისთვის იბრძოლებენ
ქოჩორაშვილის გარეშე - "სპორტინგი" "ბენფიკას" ფრედ ეთამაშა
"სპერციანი ვიტინიასთან და ნევეშთან კონკურენციაში?" - საფონოვმა კომენტარი გააკეთა
[VIDEO. ეროვნული ლიგა. ბოლო ტური] უმოტივაციოთა უხვგოლიანი მატჩი ბათუმში! "კოლხეთს" დრო აღარ დარჩა...
ბექაური და თუშიშვილი ტოკიოს გრანდ სლემს ჩაეხსნენ
"სხვა ფეხბურთელის მეგობარ გოგონას ვწერ" - "ნოტინგემ ფორესტის" მცველის აღიარება საბავშვო შოუში
რასპადორი სერია A-ში ბრუნდება - ჯაკომომ ტრანსფერზე თანხმობა განაცხადა
არაბული კლუბი სალაჰისგან პასუხს ელოდება - რას გადაწყვეტს ეგვიპტელი?
"სტატისტიკას ყურადღებას არ ვაქცევ, ფეხბურთით ვცხოვრობ და ვტკბები" - ლიონელ მესი
"ჩემი სახლი ვეგასი კი არა, საქართველოა!" - დვალიშვილის პრესკონფერენცია
[VIDEO] მამუკელაშვილის 37 წუთი, ჰაჩიმურას გმირობა და ლებრონის 18-წლიანი სერიის დასასრული - "ლეიკერსმა" "ტორონტო" ბოლო წამებზე დაამარცხა
მარსელო: კვარაცხელიას დრიბლინგი მომწონს
ანდრონიკაშვილი ისლანდიურ გუნდში გადავიდა
ლაპორტა: პუტინის და მადუროს მსგავსი არ ვიქნები
რაგბის ფედერაცია ქოქრილის შეცვლას გეგმავს - კანდიდატი ცნობილია
"არსენალმა" ეკვადორელი ტყუპები შეიძინა
[წინათქმა. ეროვნული ლიგა] შესაძლოა, "იბერიამ" ტიტული ცარიელი ტრიბუნების წინ იზეიმოს, "დილას" კი გამარჯვებაც არ ეყოს...
გრან პრიზე ბერულავა და მეტელკინა პირველი ადგილისთვის ბრძოლას აგრძელებენ
რიჩარდ ქოქრილი: ჩვენგან იტალიაზე ზეწოლა იქნება - ჯგუფიდან გასვლა რეალისტურია