<p>საქართველოს ჩემპიონატის პირველი საშემოდგომო ეტაპი ორი გამოტოვებული მატჩით დასრულდება <br> საქართველოს ჩემპიონატის პირველი საშემოდგომო ეტაპი ორი გამოტოვებული მატჩით დასრულდება.</p><p>12 დეკემბერს გათამაშების ერთ-ერთი ლიდერი თბილისის "ლელო" სტუმრად "ბათუმს" დაუპირისპირდება.</p><p>შაბათს კი რუსთავის "ხარები" თბილისის "არმაზს" უმასპინძლებს.</p><p>"ლელოსა" და "ბათუმის" დაპირისპირება გასულ უქმეებზე უნდა გამართულიყო, თუმცა ზღვისპირეთში შაბათს გადაუღებლად წვიმდა და მოედანი ისე დაიტბორა, თამაში შეუძლებელი გახდა. ამრიგად, ლელოელებს მეორედ მოუწევთ ბათუმში ჩასვლა და გამარჯვების შემთხვევაში, სატურნირო ცხრილში ისევ პირველ ადგილზე გადაბარგდებიან.</p><p>წესით, მეტოქეს არაფერი უნდა დაუთმოს ბათუმურმა გუნდმაც, რადგან მას თბილისის "აკადემია" წამოეწია და გამორიცხული არ არის, გაასწროს კიდეც. ასეთ შემთხვევაში, შავიზღვისპირელებს უმაღლეს ლიგაში ადგილის შესანარჩუნებლად მოუწევთ ბრძოლა. არადა, თუ გუნდის შემადგენლობას გადავხედავთ, წესით, "ბათუმი" პლეი ოფში მოხვედრის კანდიდატი უნდა იყოს.</p><p>დღესდღეობით სატურნირო ცხრილს სათავეში ქვეყნის ჩემპიონი და თასის მფლობელი "არმია" უდგას, რომელმაც გასულ უქმეებზე ქვეყნის მრავალგზის ჩემპიონი თბილისის "ლოკომოტივი" დაამარცხა. აღსანიშნავია, რომ არმიელებს თავისი სათამაშო სტილი ჩამოუყალიბდათ.</p><p>მორკინალების ძალისხმევას, მოპოვებულ უპირატესობას უკანახაზელები შესანიშნავად იყენებენ. აკი რკინიგზელებთან მატჩშიც სამი ლელოდან სამივე უკანახაზელებმა მიითვალეს.</p><p>"არმიას" რიგებში მეორე ტაიმში ახალგაზრდა ცხრა ნომერმა რამაზ ჯინაშვილმა ითამაშა. ის 2011 წელს თბილისში გამართულ "მსოფლიოს ახალგაზრდულ ალაფზე" ჩვენს 19-წლამდელთა ნაკრებში თავის პოზიციაზე სათადარიგო იყო. მას შემდეგ ზუსტად წელიწადნახევარი გავიდა და "ლოკომოტივთან", ანუ ძლიერ მეტოქესთან მატჩში გამოჩნდა, რომ ახალგაზრდა მორაგბეს ძალიან მომატებული აქვს ოსტატობა.</p><p>მის მიმართ მატჩის რეპორტაჟში ქება და ეპითეტები არ დავიშურეთ. იმედია, ჯინაშვილი ჩვენ მიერ გაცემულ ავანსს გაამართლებს, ბევრს იშრომებს და ეროვნულ ნაკრებს ღირსეული ცხრა ნომერი შეემატება.</p><p>"ლოკომოტივი" კი მისთვის უჩვეულო, ისევ მეხუთე ადგილზეა. "არმიასთან" რკინიგზელებმა ლიდერის, ზვიად მაისურაძის გარეშე ითამაშეს, რაც გუნდის მესამე ხაზს, შეტევით პოტენციალს აშკარად დაეტყო. საერთოდ, "ლოკომოტივმა" სეზონის წინ და მიმდინარეობისასაც სერიოზული დანაკლისი განიცადა. მოთამაშეთა დიდი ნაწილი ტრავმირებულია, რამდენიმეს დისკვალიფიკაცია აქვს. ეს კი გუნდის შედეგებზე მკვეთრად აისახა.</p><p>ქუთაისის "აიამ", რომელიც სატურნირო ცხრილში მესამე ადგილზეა, შინ დამაჯერებლად სძლია უმაღლესი ლიგის დებიუტანტ თბილისის "ილიაუნი ჯიქს".</p><p>ქუთათურებმა წინა ტურში საკუთარ მოედანზე "არმიასთან" მარცხის შემდეგ სათანადო დასკვნები გააკეთეს და მეტოქის ახალგაზრდულ გუნდთან ბევრად უფრო შემართებით და კონცენტრირებულებმა ითამაშეს.</p><p>თუმცა, პირველი ტაიმის მეორე ნახევარში "ჯიქებმა" მასპინძლების შევიწროება შეძლეს და მათთვის ფორტუნას რომ მოწყალე თვალით გადმოეხედა, არავინ იცის, მატჩი საბოლოოდ ვის სასარგებლოდ დასრულდებოდა.</p><p>უმნიშვნელოვანესი გამარჯვება მოიპოვა თბილისის "აკადემიამ" შინ რუსთავის "ხარებთან".</p><p>მიუხედავად იმისა, რომ აკადემიელები ჯერ ისევ ბოლოსწინა, მეცხრე ადგილზე იმყოფებიან, მეტოქეთაგან ჩამორჩენა მინიმუმამდე დაიყვანეს. ისინი "ბათუმს" ქულებით გაუთანაბრდნენ, რუსთაველებს კი ქულით ჩამორჩებიან, თუმცა ორივეს თითო თამაში თადარიგში აქვთ.</p><p>კონკურენტებს საგრძნობლად ჩამორჩა თბილისის "ყოჩები", რომელიც მე-12 ტურში მეოთხეადგილოსან "არმაზთან" დამარცხდა. უძველეს ქართულ გუნდს მხოლოდ შვიდი ქულა აქვს და ბოლო ადგილზეა.</p><p><strong>გამოტოვებული</p><p></strong>ბათუმი-ლელო</p><p><span style="text-decoration: underline;">15 დეკემბერი</p><p></span>ხარები-არმაზი</p><p><strong>სატურნირო მდგომარეობა</p><p></strong><em>ა გ თ მ ფ წ ბ ქ</p><p></em>1. არმია 12 11 0 1 +136 50</p><p>2. ლელო 11 10 0 1 +177 47</p><p>3. აია 12 8 1 3 +158 40</p><p>4. არმაზი 11 8 0 3 +41 34</p><p>5. ლოკომოტივი 12 5 1 6 +22 27</p><p>6. ჯიქები 12 5 0 7 -12 26</p><p>7. ხარები 11 3 0 8 -102 15</p><p>8. ბათუმი 11 3 0 8 -76 14</p><p>9. აკადემია 12 3 0 9 -209 14</p><p>10. ყოჩები 12 1 0 11 -135 7</p><p><strong>XIII ტური</p><p></strong><span style="text-decoration: underline;">16 თ</span>ე<span style="text-decoration: underline;">ბერვალი</p><p></span>ილიაუნი ჯიქი-აკადემია, არმაზი-ბათუმი, ხარები-ყოჩები, ლელო-არმია, ლოკომოტივი-აია</p><p><strong>ყოველდღიური სპორტული გაზეთი "ლელო"</strong></p>
crocobet დიდი 10 სენსაციით გაიხსნა, სინი პატარძეულში წავიდა
crocobet დიდი 10 | "ბათუმი" საქართველოს ჩემპიონია!
crocobet დიდი 10 | ნიკა ამაშუკელი ფინალურ მატჩს მეხუთედ იმსაჯებს
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა