- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გაუპარსავი რუხი მგელი - ინტერვიუ რუდი ფიოლერთან
<p>"იმედია, ესპანელები საბოლოოდ დანაყრდნენ და ბრაზილიაში მსოფლიოს ჩემპიონები ჩვენ გავხდებით!" <br> წლის ბოლოს <strong>რუდი ფიოლერმა</strong> წვერი მოუშვა და ჩვენს გერმანელ კოლეგებსაც მეტი რა უნდოდათ - დაიწყეს დაუმთავრებელი დისკუსია, თუ რატომ არ იპარსავდა 1990 წლის მსოფლიოს ჩემპიონი, გერმანული ფეხბურთის ყველა დროის ერთ-ერთი ლეგენდარული წარმომადგენელი, რომელიც დღეს ლევერკუზენის "ბაიერის" სპორტული დირექტორია.</p><p>როგორც ასეთ შემთხვევებში უმეტესად ხდება ხოლმე, ყველაფერი გაცილებით მარტივად ყოფილა, ვიდრე ექსპერტ-მიმომხილველებს წარმოედგინათ - 52 წლის რუდიმ თქვა, შვილებს დავენიძლავე, რომ ახალ წლამდე დიდ წვერს ავიტანდიო.</p><p>აი, ასე! მიზეზის გახმაურების შემდეგ გაუპარსავი ფიოლერის ფენომენის მიმართ დაინტერესებამ იკლო, ამ პერიოდში გადაღებული ფოტოები კი ისტორიას დარჩება.</p><p>ახლა კი საქმე: "ბილდის" კორესპონდენტი რუდის "ლევერკუზენის" ოფისში ესტუმრა და მასთან გაზეთის ტრადიციად ქცეული ინტერვიუ "ათი საკითხი, ათი პასუხი" ჩაწერა.</p><p>აი, ისიც.</p><p><strong>1. "ლევერკუზენი" მეორე წრეში "ბაიერნს" დაეწევა, გაასწრებს და გერმანიის ჩემპიონი გახდება!</p><p></strong>ფიოლერი: ყოველგვარი ხუმრობის ან სპეციალური ნეგატიური განწყობის გარეშე ვამბობ: ეს შეუძლებელია!</p><p>"ბაიერნი" გაცილებით მაღალ საფეხურზეა და თანაც, ამ სეზონში იდეალურად თამაშობს. რეკორდმაისტერს ამ სეზონში ჩემპიონობას ვერავინ წაართმევს.</p><p>რაც შეგვეხება ჩვენ: უბრალოდ გვინდა, რომ მეორე წრეშიც კარგად ვითამაშოთ და დავამტკიცოთ, რომ პირველი წრე მეორე ადგილზე შემთხვევით არ დავამთავრეთ.</p><p>"ლევერკუზენის" მიზანი ჩემპიონთა ლიგის საგზურის მოპოვებაა.</p><p><strong>2. შტეფან კისლინგი 2013 წელს გერმანიის ნაკრებში დაბრუნდება და ბუნდესლიგის საუკეთესო ბომბარდირი გახდება!</p><p></strong>ფიოლერი: თუკი შტეფანი ჯანმრთელად იქნება, ბუნდესლიგის საუკეთესო ბომბარდირობა მისთვის მართლაც რეალურია.</p><p>რაც შეეხება გერმანიის ნაკრებში მის დაბრუნებას: თუ ასე გააგრძელებს, ფაქტია, რომ იოახიმ ლიოვი კისლინგს გვერდს ვერ აუვლის და ბუნდესგუნდში დააბრუნებს.</p><p><strong>3. მადრიდის "რეალი" დანიელ კარვახალს ზაფხულში დაიბრუნებს და "ლევერკუზენს" მასში 6.5 მილიონ ევროს გადაუხდის...</p><p></strong>ფიოლერი: დანი, რა თქმა უნდა, ოცნებობს "რეალში" დაბრუნებაზე, მაგრამ არა მგონია, რომ ეს ამ ზაფხულს მოხდეს.</p><p>იმედია, კარვახალი კიდევ დიდხანს დარჩება ჩვენთან. პირველ წრეში მან დაამტკიცა, რომ ძალიან კარგი მარჯვენა მცველია, მე კი ბედნიერი ვარ, რომ "რეალის" მეორე გუნდიდან წამოვიყვანე.</p><p><strong>4. ანდრე შიურლეს სეზონის ბოლოს ლონდონის </strong>"<strong>ჩელსი</strong>"<strong> 30 მილიონად შეიძენს...</p><p></strong>ფიოლერი: შიურლე უკვე ჩამოყალიბებული, უმაღლესი კლასის ფეხბურთელია და ცხადია, იქნება ეს "ჩელსი", თუ სხვა რომელიმე სუპერგრანდი, ბევრი შეთავაზება ექნება.</p><p>ჩვენ მის საკითხს მშვიდად ვუდგებით. მიხარია, რომ ზაფხულში არც შიურლე დავთმეთ და არც ლარს ბენდერი - "ლევერკუზენში" ეს ფეხბურთელები ამინდს ქმნიან.</p><p><strong>5. </strong>"<strong>ბაიერი</strong>"<strong> ევროპალიგას მოიგებს, ჩემპიონთა ლიგის თასი კი </strong>"<strong>ბაიერნს</strong>"<strong> ან </strong>"<strong>დორტმუნდს</strong>"<strong> დარჩება!</p><p></strong>ფიოლერი: ევროპალიგის პლეი ოფში ლისაბონის "ბენფიკას" სახით ძალიან რთულ მეტოქეს გადავეყარეთ, მაგრამ ჩვენ დიდი ამბიციები გვაქვს და გვინდა, ამ ტურნირზე რაც შეიძლება შორს გავიდეთ.</p><p>რაც შეეხება ჩემპიონთა ლიგას: მეც ვფიქრობ, რომ "დორტმუნდს" ევროპაში გამეფების შანსი და პოტენციალი აქვს, მაგრამ ჩემპიონთა ლიგის მთავარ ფავორიტებად "ბარსელონა" და "ბაიერნი" მიმაჩნია.</p><p><strong>6. რუდი ფიოლერი პენსიაზე </strong>"<strong>ლევერკუზენიდან</strong>"<strong> გავა...</p><p></strong>ფიოლერი: ამ გუნდთან უკვე ძალიან ბევრი რამ მაკავშირებს - "ლევერკუზენში" ფეხბურთსაც ვთამაშობდი, მწვრთნელიც ვიყავი და ახლა სპორტული დორექტორი ვარ. შესაბამისად, "ბაიერს" ჩემს გულში განსაკუთრებული ადგილი უკავია.</p><p>კონტრაქტი 2017 წლამდე მაქვს გაფორმებული და მართლაც ვერ წარმომიდგენია, რომ პენსიამდე სამსახური კიდევ გამოვიცვალო.</p><p><strong>7. 60 წლის ასაკში რუდი საცხოვრებლად რომში გადავა!</p><p></strong>ფიოლერი: ამ კითხვაზე კონკრეტული პასუხის გაცემა ჯერჯერობით შეუძლებელია. რომზე ვგიჟდები და იქ ცხოვრება მინდა, მაგრამ ამას ალბათ უფრო 70 წლის ასაკში გავაკეთებ.</p><p><strong>8. რუდის შვილი მარკო პროფესიონალი კალათბურთელი გახდება...</p><p></strong>ფიოლერი: ეს ძალიან კარგი იქნებოდა, მაგრამ მარკოთი ახლაც ვამაყობ. სტუდენტია და კალათბურთს მეორე ლიგაში თამაშობს.</p><p>კალათბურთზე აქამდე არ ვგიჟდებოდი, მაგრამ მარკოს გამო სპორტის ამ სახეობის ფანიც გავხდი.</p><p><strong>9. გერმანია 2014 წელს მსოფლიოს ჩემპიონი გახდება!</p><p></strong>ფიოლერი: ფაქტია, რომ 2014 წელს მსოფლიოს ჩემპიონობის უფრო უკეთესი შანსი გვექნება, ვიდრე 2010-ში გვქონდა. იმიტომ, რომ გერმანიის ნაკრები მუდმივად პროგრესირებს, ესპანელები კი, იმედია, ძველებურად დამშეულები აღარ იქნებიან.</p><p><strong>10. 2014 წლის მუნდიალის შემდეგ იოახიმ ლიოვს ბუნდესმწვრთნელის პოსტზე რუდი ფიოლერი შეცვლის!</p><p></strong>ფიოლერი: რა სისულელეა! რა თქმა უნდა, არა.</p><p><strong>ყოველდღიური სპორტული გაზეთი "ლელო"</strong></p>
"ბაიერნის" პრეზიდენტმა ჰარი კეინის მომავალზე ისაუბრა
ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს
გირასი წასვლაზე თანახმაა - ფეხბურთელი ევროპის ტოპ კლუბებს სურთ
ლუის ენრიკე: კვარაცხელია განსხვავებულია, სანახაობრივია, უმაღლესი ინტელექტი აქვს
დავითაშვილმა შეუცვლელად ითამაშა - "სენტ-ეტიენი" "დიუნკერკთან“ დამარცხდა
როგორი შეფასებები მიიღეს პსჟ-ს ფეხბურთელებმა "რენთან" მატჩში?
[VIDEO] "კვარამ" "რენს" თქვენი მოწონებული გაუტანა
[VIDEO] ალისონს სამი გაუტანეს - "ლივერპული" "ლიდსთან" ფრეს დასჯერდა
"რენთან" მატჩში ლუის ენრიკემ პსჟ-ს შემადგენლობა დაასახელა
ბუდუს "ჰაიდენჰაიმმა" ზედიზედ მეორე მატჩი შემოატრიალა
[VIDEO] შოთა ნონიკაშვილმა უკრაინის პრემიერლიგაში გაიტანა!
"შავმა ლომმა" "მონპელიე" მხოლოდ პირველ ტაიმში დაჯაბნა
[VIDEO. ეროვნული ლიგა. ბოლო ტური] ტიტული დაცულია! თბილისის "იბერია 1999" ზედიზედ მეორედ გახდა საქართველოს ჩემპიონი!
[VIDEO] ჩაკვეტაძემ ისევ ტრავმა მიიღო და მოედანი ნაადრევად დატოვა
[VIDEO. ეროვნული ლიგა. ბოლო ტური] იონსენი ზედიზედ მეორედ ხდება საუკეთესო ბომბარდირი, პლეი-აუტის ორივე წყვილი ცნობილია...
[VIDEO] მესი, ჩემზე დაქორწინდები? - არგენტინელის პასუხმა ასაკოვანი გულშემატკივარი გაახარა
[VIDEO] მასპინძელი იაპონელი იპონით დაამარცხა! - ილია სულამანიძე ტოკიოს გრანდ სლემის გამარჯვებულია
[VIDEOS] ეთერ ლიპარტელიანმა და გიორგი ჯაბნიაშვილმა ტოკიოს გრანდ სლემზე ბრინჯაოს მედლები მოიპოვეს
კურტუამ მადრიდის "რეალს" შემადგენლობის გაძლიერება მოსთხოვა
"მართალია ერთმანეთი არ მოგვწონს, მაგრამ..." - პიმბლეტმა გეიჯისთან ბრძოლის წინ თოფურიაზე ისაუბრა
"ჭორები "ინტერზე"? "კომოს" გამო ყველას და ყველაფერს შევჭამ" - სესკ ფაბრეგასი
[VIDEO] ბითაძის 20 და მამუკელაშვილის 16 წუთი - ქართველების ტური NBA-ში
რომელ სამეულს აარჩევს ენრიკე პარიზელთა შეტევაში - დღის საინტერესო მატჩები