<p>ეროვნული გუნდის თავკაცმა საქართველოში მოთამაშე ნაკრების კანდიდატები, სულ 16 მორაგბე შეკრიბა და "შევარდენის სანაკრებო ბაზაზე" კვირაში ორჯერ ავარჯიშებს <br> საქართველოს ნაკრები 2 თებერვლიდან "ერთა თასის" გათამაშებაში ჩაებმება, რომელიც იმავდროულად, 2015 წელს ინგლისში გასამართავი მსოფლიოს თასის გათამაშების შესარჩევი ტურნირიცაა. პირველ შეხვედრას "ბორჯღალოსნები" სტუმრად, ბრიუსელში ტურნირის დებიუტანტ ბელგიის ნაკრებთან გამართავენ.</p><p>ამ მატჩისთვის მზადებას ქართველი მორაგბეები უკვე შეუდგნენ. ჩვენი ეროვნული გუნდის თავკაცმა <strong>მილტონ ჰეიგმა</strong> საქართველოში მოთამაშე ნაკრების კანდიდატები, სულ 16 მორაგბე შეკრიბა და "შევარდენის სანაკრებო ბაზაზე" კვირაში ორჯერ ავარჯიშებს.</p><p>გამოძახებულთა შორის, ძირითადად, უკანახაზელები არიან. მორკინალთაგან ჰეიგმა შერკინების კვაჭები <strong>შალვა მამუკაშვილი</strong> (არმია) და <strong>რეზო ბელქანია</strong> (ლელო), ასევე, მესამეხაზელები <strong>ბექა ბიწაძე</strong> და <strong>გიორგი თხილაიშვილი</strong> (ორივე - არმია) გამოიძახა.</p><p>სანაკრებო კანდიდატთა სიაში პირველად მოხვდა "არმიას" ცხრა ნომერი, 20 წლის <strong>რამაზ ჯინაშვილი</strong>. მასზე ერთი წლით უმცროსია ასევე ცხრა ნომრის პოზიციაზე მოთამაშე <strong>ვაჟა ხუციშვილი</strong> (ხარები). საინტერესო მოთამაშეა ასევე 20 წლის ქუთაისელი გარემარბი <strong>გიორგი ფრუიძე</strong>.</p><p>აღსანიშნავია, რომ გამოძახებულთა შორის ოთხი ფულბეკია. ეს ის პოზიციაა, რომელზეც ეროვნულ გუნდში ყველაზე სერიოზული კრიზისი გვაქვს.</p><p>მის აღმოფხვრას <strong>ირაკლი ყიასაშვილი</strong> (ლელო), <strong>ბექა წიკლაური</strong> (ლოკომოტივი), <strong>საბა ნიკოლავა</strong> და <strong>ბახვა კობახიძე</strong> (ორივე - არმია) შეეცდებიან. ძნელი სათქმელია, ჰეიგი რომელს ენდობა. ბოლო შეხვედრებში ფულბეკად რეგულარულად ყიასაშვილი თამაშობდა.</p><p>გამოცდილთაგან "ერთა თასისთვის" ემზადებიან <strong>გიორგი ბეგაძე</strong> (ბათუმი), <strong>გიორ</strong><strong>გი თხილაიშვილი</strong> (არმია), <strong>ლაშა ხმალაძე</strong>, <strong>ლექსო გუგავა</strong> (ორივე - ლელო), <strong>ირაკლი მაჩხანელი</strong> (არმაზი) და <strong>მერაბ შარიქაძე</strong> (ჰართპური).</p><p>შეგახსენებთ, რომ მსოფლიოს რაგბის უდიდეს ფორუმზე, 2013-2014 წლების "ერთა თასის" გათამაშებების ჯამური შედეგით, პირველ და მეორე ადგილებზე გასულები ავტომატურად მოხვდებიან. მესამეადგილოსანს კი რეპეშაჟის გრძელი გზის გავლა მოუწევს.</p><p>საქართველოს ნაკრების გაფართოებული შემადგენლობა მომავალი კვირის დასაწყისში გახდება ცნობილი.</p><p><strong>საქართველოს ნაკრები</p><p></strong>გიორგი ბეგაძე (ბათუმი), ვაჟა ხუციშვილი (ხარები), რამაზ ჯინაშვილი, საბა ნიკოლავა, ბახვა კობახიძე, შალვა მამუკაშვილი, ბექა ბიწაძე, გიორგი თხილაიშვილი (ექვსივე - არმია), ლაშა ხმალაძე, ირაკლი ყიასაშვილი, რეზო ბელქანია, ლექსო გუგავა (ოთხივე - ლელო), მერაბ შარიქაძე (ჰართპური), ბექა წიკლაური (ლოკომოტივი), ირაკლი მაჩხანელი (არმაზი), გიორგი ფრუიძე (აია).</p><p><span style="color: #ff0000;"><strong>ერთა თასი 2013</p><p></strong></span><span style="text-decoration: underline;">2 თებერვალი</p><p></span>ბელგია-საქართველო</p><p><span style="text-decoration: underline;">9 თებერვალი</p><p></span>საქართველო-პორტუგალია</p><p><span style="text-decoration: underline;">23 თებერვალი</p><p></span>რუსეთი-საქართველო</p><p><span style="text-decoration: underline;">9 მარტი</p><p></span>საქართველო-ესპანეთი</p><p><span style="text-decoration: underline;">16 მარტი</p><p></span>რუმინეთი-საქართველო</p><p><strong>ყოველდღიური სპორტული გაზეთი "ლელო"</strong></p>
ნუგო
ბექა წიკლაურს მიეცით შანსი.
ნუგო
ბექა წიკლაურსაც მიეცით თავის გამოჩენის საშუალება.
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
"ბორჯღალოსნები" | აშშ-ს შემდეგ კანადაც ბათუმში
22 ნოემბერს საქართველოს რაგბის ეროვნული ნაკრები თბილისში იაპონიას დაუპირისპირდება!
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა