<p>ავტოსპორტი. დაკარი 2013 <br> დრამატულად განვითარდა მოვლენები რალი-რეიდ დაკარის მეოთხე ეტაპზე. ავტომარათონის მონაწილეებს პერუს ტერიტორიაზე 429 კილომეტრი უნდა დაეფარათ და ეს დისტანცია ბევრი გამოცდილი პილოტისთვის საკმაოდ რთული აღმოჩნდა.</p><p>ყველაზე მეტად ხელი მოეცარათ ესპანელ <strong>კარლოს საინსსა</strong> და ამერიკელ <strong>რობი გორდონს</strong>. საინსი დისტანციის მსვლელობისას რამდენჯერმა გაჩერდა და ეს მას ეტაპის გამარჯვებულთან სამსაათიან ჩამორჩენად დაუჯდა.</p><p>რაც შეეხება გორდონს, ის ზედმეტად აქტიურობდა და მაქსიმალურად ცდილობდა წინა ეტაპებზე დაგროვილი ჩამორჩენის გაბათილებას, მაგრამ საკუთარი შესაძლებლობები ვერ გათვალა და მისი "ჰამერი" ამოტრიალდა, რამაც გორდონს ბრძოლის გაგრძელების შანსი არ დაუტოვა.</p><p>ბოლო ეტაპებზე შესანიშნავად გამოიყურება ყატარელი <strong>ნასერ ალ-ატიია</strong>, რომელმაც ზედიზედ მეორე რბოლა მოიგო და ოდნავ შეამცირა ჩამორჩენა საერთო ჩათვლის ლიდერთან, ფრანგ <strong>სტეფან პეტერანსელთან</strong>. ამ უკანასკნელმა მესამე ადგილი დაიკავა. ახლა სხვაობა პეტერანსელსა და ალ-ატიიას შორის 5 წუთსა და 16 წამს შეადგენს.</p><p>გენერალურ კლასიფიკაციაში მესამე ადგილზე გადაინაცვლა სამხრეთაფრიკელმა <strong>ჟინიელ დე ვილიერსმა</strong>, რომელმაც მეოთხე პოზიციაზე დაასრულა ეტაპი. დე ვილიერსი პეტერანსელთან საკმაოდ ბევრს - 33 წუთს აგებს.</p><p><strong>საერთო ჩათვლა</p><p></strong>1. სტეფან პეტერანსელი (Mini) - 9:04.29; 2. ნასელ ალ-ატიია (Buggy) - +5.16; 3. ჟინიელ დე ვილიერსი (Toyota) - +33.22; 4. ლეონიდ ნოვიცკი (Mini) - +33.48; 5. ხოან რომა (Mini) - +39.06; 6. გერლენ შიშერი (SMG) - +42.32...</p><p>* * *</p><p>მოულოდნელად განვითარდა მოვლენები მოტოციკლების კლასში. მას შემდეგ, რაც მეორე ეტაპიდან მოყოლებული, საერთო ჩათვლაში მოქმედი ჩემპიონი, ფრანგი <strong>სირილ დეპრე</strong> დაწინაურდა, ყველას ეგონა, რომ გამოცდილი მრბოლელი აღარავის დაუთმობდა პირველობას, მაგრამ მეოთხე ეტაპზე დეპრეს ძალიან ცუდი გამოსვლა ჰქონდა.</p><p>ფრანგმა მხოლოდ მე-15 დრო აჩვენა, რის გამოც KTM-ის ლიდერს გენერალურ კლასიფიკაციაში "იამაჰას" ორმა პილოტმა - <strong>ოლივიე პენმა</strong> და <strong>დავიდ კასტომ </strong>გაუსწრეს.</p><p>პენმა მეორე ადგილი დაიკავა ეტაპზე და სათავეში ჩაუდგა საერთო ჩათვლას. ის ორწუთნახევარს უგებს კასტოს და სამ წუთზე ოდნავ მეტს - დეპრეს. საერთოდ, მოტოციკლებს შორის გენერალურ კლასიფიკაციაში დიდი სიმჭიდროვეა. ლიდერ პენსა და მეექვსე ადგილზე მყოფ <strong>რუბენ ფარიას</strong> შორის სხვაობა დაახლოებით ცხრა წუთს შეადგენს.</p><p>რაც შეეხება მეოთხე ეტაპის გამარჯვებულს, ეს გახლავთ <strong>ხოან ბარედა ბორტი</strong>, რომელიც ამ წარმატების წყალობით პირველ ექვსეულში დაბრუნდა და მეოთხე ადგილზე იმყოფება.</p><p><strong>საერთო ჩათვლა</p><p></strong>1. ოლივიე პენი (Yamaha) - 10:10.38; 2. დავიდ კასტო (Yamaha) - +2.24; 3. სირილ დეპრე (KTM) - +3.09; 4. ხოან ბარედა ბორტი (Husqvarna) - +5.38; 5. ხორდი ვილადომსი (Husqvarna) - +7.22; 6. რუბენ ფარია (KTM) - +8.39...</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/avtosporti/skhvadaskhva/43958-favoritebi-galiderdnen.html">დაკარზე ფავორიტები გალიდერდნენ</a></p>
ავტოსპორტი: ფერნანდო ალონსოს 305 ათასი გამოვარდნისთვის
ფერნანდო ალონსომ ინდი 500 ვერ დაასრულა
მოტოგრანპრი: როსიმ დებიუტანტთან წააგო
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა