<p>სიაში არიან: ოგბონა, შაჰინი, დესტრო <br> "კორიერე დელო სპორტში" მეტად საინტერესო სტატია გამოქვეყნდა - ავტორიტეტული გამოცემა ირწმუნება, რომ სანდო წყაროზე დაყრდნობით, "მილანის" ზამთრის სატრანსფერო გეგმებს მიაკვლია.</p><p>რაც უნდა ბევრს ლაპარაკობდეს <strong>სილვიო ბერლუსკონი</strong> ფინანსურ "ფეარ პლეიზე", ფაქტია, რომ გუნდი გაძლიერებას საჭიროებს და წინააღმდეგ შემთხვევაში, მიმდინარე სეზონში ფიასკო გარდაუვალი იქნება.</p><p>შესაძლოა, ლომბარდიელებმა სუპერტრანსფერები ვერ განახორციელონ, მაგრამ რამდენიმე მაღალი კლასის ფეხბურთელის დამატება რომ მართებთ, ცხადზე უცხადესია. თუ "კორიერეს" ვენდობით, ასეთი გეგმა უკვე არსებობს და მივყვეთ თანმიმდევრობით, დაცვიდან შეტევისკენ...</p><p><strong><span style="color: #ff0000;">დაცვა</p><p></span></strong>დაცვის ხაზში "მილანს" სერიოზული პრობლემები აქვს და <strong>მასიმილიანო </strong>ალეგრის არა თუ ერთი, ოთხი მაღალი კლასის უკანახაზელიც არ აწყენდა.</p><p>"კორიერეს" მტკიცებით, ლომბარდიელთათვის პრიორიტეტი <strong>ანჯელო ოგბონას</strong> გადაბირებაა, რომელიც "ტორინოს" ღირსებას იცავს.</p><p>ანჯელო 24 წლისაა და პერიოდულად იტალიის ეროვნულ ნაკრებშიც იწვევენ. ოგბონა უნივერსალური თვისებებით გამოირჩევა და თანაბარი წარმატებით შეუძლია თამაში როგორც ცენტრში, ისე მარცხენა ფრთაზე.</p><p>ოგბონას გადაბირებით მილანელები ცენტრსაც გააძლიერებენ და მარცხენა ფრთასაც - აი მარჯვენა ფრთა კი <strong>კრისტიან ძაკარდომ</strong> უნდა გააძლიეროს, რის შესახებაც 9 იანვრის ნომერში ვწერდით.</p><p>ოგბონას მსგავსად, ცენტრში თამაში კრისტიანსაც შეუძლია, თუმცა უფრო მარჯვენა მცველია. მოკლედ, თუ მილანელებმა საწადელს მიაღწიეს, დაცვის ხაზი ვეტერან კოლუმბიელთა იმედად აღარ იქნება დარჩენილი.</p><p><strong><span style="color: #ff0000;">ნახევარდაცვა</p><p></span></strong>მას შემდეგ, რაც <strong>ნაიჯელ დე იონგმა</strong> უმძიმესი ტრავმა მიიღო, <strong>ადრიანო გალიანი</strong> ხშირად ლაპარაკობს მისი შემცვლელის მოძიებაზე.</p><p>"კორიერეს" მტკიცებით, ნომერ პირველი კანდიდატი 24 წლის <strong>ნური შაჰინია</strong>, რომელიც მადრიდის "რეალის" საკუთრებაა და იჯარის წესით, "ლივერპულში" ასპარეზობს. თუმცა, გერმანელმა ინგლისში ვერაფრით იპოვა საკუთარი თამაში და ცნობილია, რომ ლივერპულელები მის ესპანეთში დაბრუნებას ეშურებიან.</p><p>მილანელებს ფულის დახარჯვა არ უნდათ და იჯარა მათთვისაც იდეალური ვარიანტი იქნებოდა... ჩემპიონთა ლიგის მერვედფინალური ეტაპის წილისყრის შედეგებიდან გამომდინარე, "მილანის" გაძლიერების წინააღმდეგნი, წესით, არც მადრიდელები უნდა იყვნენ.</p><p>სავარაუდოდ, ესპანელები ოფიციალურ წინადადებას რამდენიმე დღეში მიიღებენ და პასუხი უკვე მათზე იქნება.</p><p>თუ მადრიდელებმა ნური შაჰინის იტალიაში გაშვება არ ისურვეს, მილანელებს სათადარიგო ვარიანტებიც ჰყავთ... ერთი <strong>ლუკას მუნი</strong> გახლავთ არგენტინული "ატლეტიკო კოლონიდან", ხოლო მეორე <strong>კევინ სტროტმანი</strong> ჰოლანდიური პსვ-დან.</p><p><strong><span style="color: #ff0000;">თავდასხმა</p><p></span></strong><strong>ალეშანდრე პატოს </strong>გასხვისების შემდეგ "მილანის" თავდასხმა ოთხი ფეხბურთელის ამარაა დარჩენილი - იქიდან ერთი თინეიჯერია, კერძოდ<strong>, სტეფან ელ შაარავი</strong>; ორი არასტაბილურია, ვგულისხმობთ <strong>ჯამპაოლო პაცინის</strong> და <strong>ბოიან კრკიჩს</strong>; ხოლო მეოთხემ საუკეთესო დროება, თუკი ასეთი ოდესმე ჰქონდა, უკან მოიტოვა - <strong>რობინიოზეა</strong> ლაპარაკი. მოკლედ, "მილანს" შეტევაშიც უჭირს და მინიმუმ ერთი მოთამაშე აქაც სჭირდება.</p><p>"კორიერე" ირწმუნება, რომ ლომბარდიელთა სამიზნეში <strong>მატია დესტროა</strong>, რომელიც ამჟამად "რომაში" ირიცხება, თუმცა ძირითად შემადგენლობაში აქა-იქ ხვდება.</p><p>21 წლის ფორვარდი <strong>ზდენეკ ზემანის</strong> როტაციაშია მოყოლილი, მაგრამ უფრო თადარიგშია, ვიდრე სასტარტოში. <strong>ფრანჩესკო ტოტისთან, ერიკ ლამელასთან </strong>და <strong>პაბლო ოსვალოსთან</strong> კონკურენცია უფრო რთული ჩანს, ვიდრე თუნდაც ჯამპაოლო პაცინისთან და წესით, თავად დესტრო წინადადებაზე სერიოზულად უნდა დაფიქრდეს. სხვა საქმეა, რა პოზიციას დაიჭერენ რომაელები. ვნახოთ...</p><p><span style="font-weight: bold;"><strong style="font-weight: bold;"><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></p><p></strong></strong><a href="/fexburti/uckhouri-fekhburthi/germania/43964-qdortmundiq-nuri-shahinze-fiqrobs.html" target="_blank">"დორტმუნდი" ნური შაჰინზე ფიქრობს!</a></span></p>
კონტე: "მილანთან" დავმარცხდით და არა რომელიმე აუტსაიდერთან
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პოლიტანომ "ნაპოლისთან" კონტრაქტი გაახანგრძლივა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ