<p>ავსტრალიის ღია პირველობის წინ, გთავაზობთ სეზონში "დიდი სლემის" პირველი ტურნირის შესახებ საინტერესო ფაქტების ჩამონათვალს საჩემპიონო ტიტულებზე</p><p><br> ავსტრალიის ღია პირველობის წინ, გთავაზობთ სეზონში "დიდი სლემის" პირველი ტურნირის შესახებ საინტერესო ფაქტების ჩამონათვალს საჩემპიონო ტიტულებზე, ხანგრძლივ მატჩებზე, რეკორდებზე და ა. შ.</p><p><strong><span style="color: #ff0000;">კაცები</p><p></span></strong>პირველი ჩემპიონი - <strong>როდნი ჰიტი</strong> (ავსტრალია, 1905 წელი)</p><p>ყველაზე მეტი ტიტული ერთეულებში (ისტორიაში) – 6, <strong>როი ემერსონი</strong> (ავსტრალია, 1961, 1963-67)</p><p>ყველაზე მეტი ტიტული ერთეულებში (ღია ერა) – 4, <strong>ანდრე აგასი</strong> (აშშ, 1995, 2000, 2001, 2003) და <strong>როჯერ ფედერერი</strong> (შვეიცარია, 2004, 2006, 2007, 2010)</p><p>ყველაზე გრძელი სერია – 5, <strong>როი ემერსონი</strong> (ავსტრალია, 1963-67)</p><p>ყველაზე გრძელი მატჩი – 5 საათი, 53 წუთი, <strong>ნოვაკ ჯოკოვიჩი</strong> (სერბეთი)-<strong>რაფაელ ნადალი</strong> (ესპანეთი), 2012 წელი, ფინალი</p><p>ყველაზე ახალგაზრდა ჩემპიონი – 19 წლის და 3 თვის, <strong>მატს ვილანდერი</strong> (შვედეთი, 1983)</p><p>ყველაზე ასაკოვანი ჩემპიონი – 37 წლის და 2 თვის, <strong>კენ როზუოლი</strong> (ავსტრალია, 1972)</p><p>1976 წელს, ავსტრალიელი <strong>მარკ ედმონდსონი</strong> გახდა ჩემპიონი იმ დროს, როცა ATP-ის რეიტინგში 212-ე ადგილზე იმყოფებოდა. ეს აბსოლუტური რეკორდია "დიდი სლემის" ტურნირებისთვის.</p><p>სხვათა შორის, ედმონდსონი ბოლო ავსტრალიელი მამაკაცია, რომელსაც ავსტრალიის ღიაზე გაუმარჯვია.</p><p>* * *</p><p>"დიდი სლემის" ტურნირების ისტორიაში იყო რვა ტურნირი, როცა ფინალში ორი ცაცია ჩოგბურთელი თამაშობდა. ორჯერ ასეთი ფინალი ავსტრალიის ღიაზე ჩატარდა: 1977 წელს ამერიკელმა <strong>როსკო ტანერმა </strong>მოუგო არგენტინელ <strong>გილერმო ვილასს</strong>, 1998 წელს ჩეხმა <strong>პეტრ კორდამ</strong> ჩილელი <strong>მარსელო რიოსი</strong> დაამარცხა.</p><p>ამასთან, კორდამ 1998 წელს პირველი ტიტული მოიგო "დიდ სლემზე". ჩეხმა ეს 37-ე ცდაზე მოახერხა. ეს მეორე მაჩვენებელია "დიდი სლემის" ტურნირების ისტორიაში. უფრო მეტი ცდა დასჭირდა ხორვატ <strong>გორან ივანიშევიჩს</strong>, რომელმაც 2001 წელს მოიგო უიმბლდონი.</p><p>2004 წელს, რუსმა <strong>მარატ საფინმა წააგო </strong>ავსტრალიის ღიას ფინალი შვეიცარიელ <strong>როჯერ ფედერერთან</strong>. გადამწყვეტ მატჩამდე, საფინმა წააგო 129 გეიმი, რაც აბსოლუტური რეკორდია "დიდი სლემის" ისტორიაში.</p><p>ერთ მატჩში ეისების რაოდენობით ავსტრალიის ღიას რეკორდსმენია შვედი <strong>ტომას იოჰანსონი</strong>, რომელმაც 2005 წლის გათამაშებაში <strong>ანდრე აგასის</strong> წინააღმდეგ 51 ეისი ჩააწოდა. ის მატჩი იოჰანსონმა ოთხ სეტში მოიგო.</p><p>ავსტრალიის ღიას ფინალების ისტორიაში იყო სამი მატჩი, როცა მომავალ ჩემპიონს მოუწია თამაშის მსვლელობისას მატჩბოლების მოგერიება.</p><p><strong>როდ ლეივერმა</strong> 1960 წელს და <strong>დინი პეილზმა</strong> 1947 წელს თითო მატჩბოლი მოიგერიეს,<strong> ჯერალდ პატერსონმა</strong> 1927 წელს <strong>ჯონ ჰოუქსთან</strong> ფინალში ერთბაშად ხუთჯერ გადაარჩინა მატჩი.</p><p><strong><span style="color: #ff0000;">ქალები</p><p></span></strong>პირველი ჩემპიონი – <strong>მარგარეტ მოულსუორტი</strong> (ავსტრალია, 1922 წელი)</p><p>ყველაზე მეტი ტიტული ერთეულებში (ისტორიაში) – 11, <strong>მარგარეტ კორტი</strong> (ავსტრალია, 1960-66, 1969-71, 1973)</p><p>ყველაზე მეტი ტიტული ერთეულებში (ღია ერა) – 5, <strong>სერენა უილიამსი</strong> (აშშ, 2003, 2005, 2007, 2009, 2010)</p><p>ყველაზე გრძელი სერია – 7, მარგარეტ კორტი (ავსტრალია, 1960-66)</p><p>ყველაზე გრძელი მატჩი – 4 საათი, 44 წუთი, <strong>ფრანჩესკა სკიავონე</strong> (იტალია)-<strong>სვეტალანა კუზნეცოვა</strong> (რუსეთი), 2011 წელი, IV რაუნდი</p><p>ყველაზე ახალგაზრდა ჩემპიონი – 16 წლის და 3 თვის, <strong>მარტინა ჰინგისი</strong> (შვეიცარია, 1997)</p><p>ყველაზე ასაკოვანი ჩემპიონი – 35 წლის და 8 თვის, <strong>ტელმა კოინ ლონგი</strong> (ავსტრალია, 1954)</p><p>* * *</p><p>2003 წელს, ამერიკელმა სერენა უილიამსმა მოიგო ავსტრალიის ღიას პირველი ტიტული და გაიფორმა ე. წ. Serena Slam. იმ მომენტისთვის სერენა "დიდი სლემის" ოთხივე ტიტულის მფლობელი იყო.</p><p>ავსტრალიელი <strong>კრის ო’ნილი</strong>, რომელმაც 1978 წელს გაიმარჯვა, პირველი და ერთადერთი განუთესავი ქალი ჩემპიონი იყო. გარდა ამისა, ო’ნილი გახდა ბოლო ავსტრალიელი ქალი, რომელმაც საშინაო "მეიჯორზე" გაიმარჯვა.</p><p>1962 წელს, ავსტრალიელმა მარგარეტ კორტმა გაიმარჯვა ფინალში თავისი თანამემამულის <strong>იან ლეიენის </strong>წინააღმდეგ – 6:0, 6:2. 1994 წლამდე ეს იყო ყველაზე მოკლე ფინალი გეიმების მიხედვით.</p><p>1994 წელს, გერმანელმა <strong>შტეფი გრაფმა</strong> იგივე ანგარიშით დაამარცხა ესპანელი <strong>არანჩა სანჩეს-ვიკარიო</strong>.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/individualuri-sakheobebi/chogburthi/44083-isini-chogburths-daakldebian.html" target="_blank">ისინი ჩოგბურთს დააკლდებიან</a></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა