<p><p />განმეორებით პაექრობაში "რეალის" წინააღმდეგ სულ სხვა "მილანს" ვიხილავთ? <br> "კიევოსთან" მოპოვებული შესანიშნავი გამარჯვების შემდეგ, იტალიელი ჟურნალისტები "მილანისგან" მორიგ წარმატებას ელოდნენ. მართალია, "რეალთან" გასვლით მატჩზე გვაქვს საუბარი, სადაც წარმატების მიღწევა ურთულესი ამბავია, მაგრამ ლომბარდიული გრანდის სათამაშო კონდიცია სწორედ ასეთ იმედებს იძლეოდა. შესაძლოა, ვინმეს გაუკვირდეს, როდესაც "მილანის" მიერ "კიევოს" შესანიშნავ სტილში ძლევაზე გვაქვს საუბარი, მაგრამ სწორედაც რომ ასე იყო. "როსონერის" ფეხბურთელებმა ნამდვილი სპექტაკლი დადგეს ვერონელებთან და თითქოს, ამ სპექტაკლის განმეორებით ხილვის საშუალება "სანტიაგო ბერნაბეუზე" უნდა გვქონოდა. არ გამოვიდა, "რეალმა" აშკარად დაჩაგრა მილანური გრანდი და სრულიად დამსახურებულად გაიმარჯვა.</p><p>იტალიელი ჟურნალისტები ამ თამაშს მრავალმხრივად არჩევენ, თუმცა ერთზე ყველა თანხმდება - "მილანს" უკვე დაახლოებით ხუთი წელია ერთი და იგივე პრობლემა უდგას: დაბალი ტემპი, უმოძრაობა. გუნდი დგას და ისე ცდილობს მეტოქე გატეხოს, თავისი თამაში მოახვიოს თავს. ეს შეიძლება "კიევოსთან" ამართლებს, მაგრამ არა "რეალთან", სადაც უსწრაფესი ფეხბურთელები თამაშობენ და დაცვიდან შეტევაში გადასვლა წამებში შეუძლიათ. მადრიდელებმა სწორედ ტემპით და სირბილით დაჩაგრეს მეტოქე და ამად იყო, რომ "როსონერის" კართან აურაცხელი რაოდენობის სახიფათო მომენტი შეიქმნა. რომ არა მარკო ამელიას შესანიშნავი თამაში და მადრიდელთა უზუსტობა დამაგვირგვინებელ ფაზაში, ანგარიში გამანადგურებელი იქნებოდა. დარჩა შთაბეჭდილება, რომ სურვილის შემთხვევაში, მადრიდელები კიდევ არაერთხელ იხეირებდნენ. მოკლედ, "მილანის" თამაში არ ვარგოდა - ეს იყო მაღალი კლასის, მაგრამ უფრო ყოფილი ფეხბურთელების უშედეგო მცდელობა, დაპირისპირებოდნენ ძალიან მობილურ, ახალგაზრდულ, ენერგიულ მეტოქეს. "მილანს" ალბათ აქვს რესურსი და ჰყავს ის ფეხბურთელები, რომლებსაც უფრო მეტად შეუძლიათ სირბილი, მაგრამ "ბერნაბეუზე" ეს არ გამოვიდა.</p><p>როგორც ზემოთ აღვნიშნეთ, საუკეთესო სტუმართა შორის მარკო ამელია გახლდათ. არაერთი რთული ბურთი მოიგერია, პოზიციურად სწორად თამაშობდა, რის ხარჯზეც ბევრი შეტევა ჩაშალა და უკანასკნელი მცველის, ლიბეროს ფუნქციებიც იტვირთა. რაც მთავარია, არც ერთ გაშვებულ გოლში მისი ბრალეულობა არ იყო - პირველ შემთხვევაში, სწორად დაყენებული ცოცხალი კედელი დაირღვა, ბურთი კი კლარენს ზეედორფსა და ზლატან იბრაჰიმოვიჩს შორის გაძვრა, მეორე შემთხვევაში კი დანიელე ბონერას ავტოგოლი ვიხილეთ. ამელია გადახტა და ალბათ შეწვდებოდა კიდეც ბურთს, მაგრამ მცველმა უხეიროდ ითამაშა და "რეალის" უპირატესობა გაამყარა. გამოდის, რომ ამელია თანაგუნდელებმა დააღალატეს. მატჩის დასრულებისთანავე, "მილანის" კიპერმა საგულისხმო კომენტარი გააკეთა:</p><p>"ასეთი რთული თამაში ძნელად მახსენდება, ყველა მხრიდან გვიტევდნენ და ამოსუნთქვის საშუალება არ მქონდა. მომეჩვენა, რომ ძალიან იოლად გადიოდნენ დასარტყმელ პოზიციაზე, რაც არ ვიცი რას დავაბრალო. თუ დიდი მიზნების მიღწევა და "რეალის" დონის გუნდებთან კონკურენციის გაწევა გვინდა, მეტი მოძრაობაა საჭირო, ზონების გადაკეტვა და მაღალი ტემპის შენარჩუნება მთელი 90 წუთის განმავლობაში. მადრიდში ეს ვერ შევძელით და ამიტომაც დავმარცხდით, რაც სრულიად ლოგიკურია".</p><p>ფლორენტინო პერესის გვერდით იყო მოკალათებული ადრიანო გალიანი და მთელი შეხვედრის განმავლობაში ერთხელაც არ გაუღიმია. ასე წერს "გაძეტა დეელო სპორტი" და არ გვაქვს საფუძველი, რომ არ დავუჯეროთ. პერესი და გალიანი ფაქტობრივად არც ლაპარაკობდნენ, ორიოდე წინადადება გაცვალეს და ისიც ესპანელის ინიციატივით. ნამატჩევს, სინიორ ადრიანომ ორიოდე სიტყვა ჟურნალისტებსაც უთხრა:</p><p>"მეტოქემ გაცილებით მეტი სახიფათო მომენტი შექმნა და დამსახურებულად გაიმარჯვა. თუმცა, გოლები კურიოზულ ვითარებაში გავუშვით და ესეც უნდა აღვნიშნოთ. გაუგებარია რატომ დაიშალა ცოცხალი კედელი, ასეთი რამ არ უნდა ხდებოდეს. ნებისმიერ შემთხვევაში, სამუშაო ჯერ კიდევ ბევრია და არსებული ხარვეზები უნდა გამოვასწოროთ. იმედი მაქვს, განმეორებით პაექრობაში "რეალის" წინააღმდეგ სულ სხვა "მილანს" ვიხილავთ".</p><p><strong>ყოველდღიური სპორტული გაზეთი</p><p>"ლელო"</strong></p></p>
პოლიტანომ "ნაპოლისთან" კონტრაქტი გაახანგრძლივა
"ნაპოლიმ" ისევ მოიგო და ერთპიროვნული ლიდერია
64 წლის შემდეგ გადაწერილი ისტორია - მოდრიჩი 40 წლის ასაკშიც შესანიშნავ ფორმაშია
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე