- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ზუგდიდის "ზუგდიდი" - ავტორიტეტთა რისხვა
<p>საქართველოს ჩემპიონატი. უმაღლესი ლიგა. I ეტაპის შეჯამება: "ზუგდიდი" (ზუგდიდი), ადგილი VI <br> ამ სეზონის მთავარი მოულოდნელობა უკვე ვახსენეთ: ბოლო წლების ერთ-ერთი წარმატებული ქართული გუნდი "მეტალურგი" მეორე ეტაპზე ქვედა ექვსეულში იასპარეზებს; რუსთაველთა "ადგილი" კი ზედა ექვსეულში "ზუგდიდმა" დაიკავა და ეს ფაქტიც, ვფიქრობთ, ძალიან დიდი სენსაციაც არ უნდა ყოფილიყო.</p><p>ყოველ შემთხვევაში, შემადგენლობის მხრივ "ზუგდიდი" კონკურენტებს ნამდვილად არ ჩამოუვარდებოდა და, აქედან გამომდინარე, ლოგიკურიც იყო ამ გუნდის "ელიტურ" ექვსეულში მოხვედრა.</p><p>შეგახსენებთ, რომ ადრე ზუგდიდს უმაღლეს ლიგაში "ოდიში" წარმოადგენდა, მართლაც გამორჩეული და საკუთარი ხელწერის მქონე გუნდი, სადაც ჰქონდა კიდეც სამწვრთნელო დებიუტი <strong>ოთარ გაბელიას</strong>;</p><p>მერე, ისე მოხდა, რომ რვა წლის განმავლობაში ზუგდიდელებს უმაღლეს ლიგაში გუნდი არ ჰყავდათ, ვიდრე 2007-08 წლების სეზონში "მგლები" არ გამოჩნდა; ორი სეზონის შემდეგ გუნდი უკვე "ბაიას" სახელწოდებით ასპარეზობდა, ამ ჩემპიონატის წინ კი "ზუგდიდი" დაერქვა.</p><p>სეზონის დასაწყისშივე ცხადი იყო, რომ ერთი-მეორეზე გამოცდილი ფეხბურთელებით (პლუს პერსპექტიული ახალგაზრდებით) დაკომპლექტებულ "ზუგდიდს" თავისუფლად შეეძლო ჩემპიონატის ფავორიტებთან კონკურენციის გაწევა, თუმცა რეალობამ მოლოდინს გადააჭარბა: <strong>ელგუჯა ქომეთიანის</strong> ხელმძღვანელობით მოასპარეზე გუნდი "ავტორიტეტთა რისხვად" იქცა და პროგრამა-მაქსიმუმი (ზედა ექვსეულში მოხვედრა) პირველი ეტაპის დასრულებამდე 3 ტურით ადრე შეასრულა.</p><p>განსაკუთრებით წარმატებულად "ზუგდიდი" საშინაო მატჩებს ატარებდა და ამ მხრივ უმაღლეს ლიგაში III-IV მაჩვენებელი აქვს; ოღონდ, ისიც უნდა აღვნიშნოთ, რომ "ზუგდიდი" საშინაო მატჩებს განმუხურში ატარებდა და იქიდან ქულ(ებ)ის წამოღება ჩემპიონატის გამოკვეთილ ფავორიტებს, თბილისის "დინამოს" და "დილასაც" ერთობ გაუჭირდათ.</p><p>ერთადერთი გამონაკლისი პირველი ეტაპის ბოლოსწინა ტური იყო, როცა უმოტივაციო და ფინანსურპრობლემებმოძალებული "ზუგდიდი" განმუხურში უშანსოდ დამარცხდა "არანორმალურად" მოტივირებულ "ზესტაფონთან"...</p><p>მთავარი მწვრთნელი ელგუჯა ქომეთიანი წლებია, ამ გუნდში მუშაობს; ამ სეზონის დაწყების წინ კი "ზუგდიდის" კონსულტანტად ოთარ გაბელია დაინიშნა, რომლის მეცადინეობითაც გუნდში რამდენიმე გამოცდილი ფეხბურთელი ჩაირიცხა.</p><p>ჰოდა, სწორედ ამ ახალწვეულებსაც დიდი წვლილი მიუძღვით "ზუგდიდის" წარმატებულ ასპარეზობაში; თანაც, <strong>დავით გამეზარდაშვილი, სევასტი თოდუა, ალექსანდრე კოშკაძე</strong> და <strong>დავით ბოლქვაძე</strong> ჯერ კიდევ 2004-05 წლებში ერთად თამაშობდნენ ("ტორპედოში") და ბარემ იმასაც შეგახსენებთ, რომ იმ დროს ქუთაისელთა მთავარი მწვრთნელი ოთარ გაბელია გახლდათ (შედეგებიც არ დაგვავიწყდეს: თასის ფინალში გასვლა და ჩემპიონატის ვერცხლის მედლები)...</p><p>...რამდენადაც წარმატებულად ასპარეზობდა "ზუგდიდი" საშინაო მატჩებში, იმდენად საპირისპირო სურათი იყო გასვლით შეხვედრებში: გუნდმა სტუმრად მხოლოდ 9 ქულა მოაგროვა...</p><p><span style="color: #ff0000;"><strong>მეკარე</strong></span></p><p>სეზონის დაწყების წინ "ზუგდიდიდან" წავიდა ძირითადი მეკარე და გუნდის ერთ-ერთი ლიდერი <strong>გიორგი სომხიშვილი</strong>, მის ნაცვლად კი ერთდროულად სამი მეკარე მოიწვიეს.</p><p>ბევრისთვის მოულოდნელად, ძირითადი მეკარის სტატუსი 24 წლის <strong>ლაშა ძაგანიას</strong> ერგო, რომელმაც ერთის გარდა, ყველა მატჩი ჩაატარა.</p><p>ბოლო ტურში "ზუგდიდელთა" კარს 20 წლის <strong>არჩილ მაქაცარია</strong> იცავდა, აი, 32 წლის <strong>მირზა მერლანსა</strong> და 28 წლის <strong>ლადო ნადირაშვილს</strong> პირველ ეტაპზე არც ერთი შეხვედრა არ ჩაუტარებიათ.</p><p><span style="color: #ff0000;"><strong>დაცვა</strong></span></p><p>ამ რგოლში ერთი-მეორეზე გამოცდილი ფეხბურთელები ასპარეზობდნენ: 36 წლის <strong>სევასტი თოდუა</strong>, 20 წლის <strong>დავით გამეზარდაშვილი</strong>, 32 წლის <strong>ლევან აკობია</strong> და 28 წლის <strong>დაჩი ფოფხაძე</strong>; მერე, ამათ 37 წლის <strong>როინ ონიანიც</strong> დაემატათ...</p><p><span style="color: #ff0000;"><strong>ნახევარდაცვა</strong></span></p><p>"ზუგდიდის" წარმატებულ ასპარეზობაში მნიშვნელოვანი წვლილი შეიტანეს ასევე გამოცდილმა ახალწვეულებმა: 32 წლის <strong>დავით ბოლქვაძემ</strong> და 31 წლის <strong>ალექსანდრე კოშკაძემ</strong>.</p><p>აღსანიშნავია, რომ ეს ორი ნახევარმცველი 1999 წელს ერთად გამოჩნდა თბილისის "მერანი-91"-ის შემადგენლობაში, მერე "ტორპედოშიც" გვერდი-გვერდ ასპარეზობდნენ და აი, "ზუგდიდშიც" ერთად არიან. გამოცდილება არც 25 წლის <strong>ვაკო ტყემალაძესა</strong> და 28 წლის <strong>შოთა ლომიას</strong> დაეწუნება (ეს უკანასკნელი გუნდის ერთ-ერთი ყველაზე სტაჟიანი წევრია);</p><p>შედარებით ნაკლები სათამაშო დრო ჰქონდათ მცირე პაუზის მერე გუნდში დაბრუნებულ გარემარბებს - 23 წლის <strong>ლევან წურწუმიასა</strong> და 21 წლის <strong>ლუკა გოგუჩიას</strong>;</p><p>სეზონი კარგად დაიწყო ბოსნიიდან დაბრუნებულმა <strong>ლევან კუტალიამ</strong>, თუმცა 23 წლის შუახაზელი მეორე ეტაპიდან "ზესტაფონში" იასპარეზებს.</p><p>ცალკე უნდა აღვნიშნოთ 20 წლის <strong>ზვიად სიხარულია</strong>, ასაკის მიუხედავად გუნდის ერთ-ერთი ლიდერი რომ გახლავთ.</p><p><span style="color: #ff0000;"><strong>თავდასხმა</strong></span></p><p>"ზუგდიდის" შედეგიანობის მაჩვენებელი ბევრად უფრო მაღალი იქნებოდა, 20 წლის <strong>ირაკლი ქობალიას</strong> პირველი ეტაპი სრულად რომ ეთამაშა; თუმცა ამ, უდავოდ, ნიჭიერმა ფორვარდმა 7 გოლის გატანა მაინც მოახერხა.</p><p>რამდენიმე დასამახსოვრებელი მატჩი ჩაატარა 23 წლის <strong>გიორგი გაბედავამ</strong>.</p><p><span style="color: #ff0000;"><strong>საუკეთესო მატჩი</strong></span></p><p>პირველ ეტაპზე "ზუგდიდმა" შინ "დინამოსთან" და "დილასთან" ფრედ ითამაშა, "ტორპედოს" კი 2:1-ს მოუგო, - სწორედ ეს სამი მატჩი უნდა მივიჩნიოთ საუკეთესოდ.</p><p><span style="color: #ff0000;"><strong>ყველაზე ცუდი მატჩი</strong></span></p><p>ზემოთაც ვთქვით, რომ პირველი ეტაპის ბოლოსწინა ტურში "ზუგდიდი", ფაქტობრივად, უშანსოდ დამარცხდა ზემოტივირებულ "ზესტაფონთან", - ეს იყო ელგუჯა ქომეთიანის გუნდის ყველაზე სუსტი შეხვედრა.</p><p>"ზუგდიდი" ბოლო ტურშიც დიდი ანგარიშით (1:5) დამარცხდა (სტუმრად, "მეტალურგთან"), მაგრამ 23 დეკემბერს გუნდი ხომ, ფაქტობრივად, დუბლშემადგენლობით ასპარეზობდა - თვეობით აუღებელი ხელფას-პრემიების გამო ძირითადმა შემადგენლობამ თამაშზე უარი თქვა.</p><p><span style="color: #ff0000;"><strong>ლიდერი</strong></span></p><p>"ზუგდიდს" ყველა რგოლში ჰყავს ლიდერი: დაცვაში - დავით გამეზარდაშვილი, ნახევარდაცვაში - ზვიად სიხარულია და ალექსანდრე კოშკაძე, თავდასხმაში - ირაკლი ქობალია.</p><p><span style="color: #ff0000;"><strong>მიზანი</strong></span></p><p>გუნდმა მთავარი ამოცანა შეასრულა და ზედა ექვსეულში მოხვდა; ანუ, რეალურად ვიმსჯელოთ და ისიც ვთქვათ, რომ "ზუგდიდისგან" მედლებისათვის ბრძოლას არც არავინ ელოდება. თუმცა, იმაშიც ღრმად ვართ დარწმუნებულნი, რომ ეს გუნდი მეორე ეტაპზეც არაერთ ფავორიტს გაამწარებს.</p><p>დაბოლოს, ვისურვებდით, რომ გუნდი რაც შეიძლება მალე დაბრუნებულიყოს მშობლიურ ქალაქში - ზუგდიდი უფეხბურთოდ ხომ მართლაც წარმოუდგენელია!</p><p><span style="color: #ff0000;"><strong>ზუგდიდი 2012/2013</strong></span></p><p><span style="text-decoration: underline;">მეკარეები:</span> ლაშა ძაგანია-21, არჩილ მაქაცარია-1;</p><p><span style="text-decoration: underline;">მცველები:</span> სევასტი თოდუა-21, დავით გამეზარდაშვილი-20 (3), ლევან აკობია-14, დაჩი ფოფხაძე-14 (1), როინ ონიანი-13 (1), ნიკა აფაქიძე-10, რომეო კანკია-1, გიორგი ქვარცხავა-1, კოკა ქომეთიანი-1, გრიგოლ ბერიშვილი-1, ლუკა კობერიძე-1;</p><p><span style="text-decoration: underline;">ნახევარმცველები:</span> ზვიად სიხარულია-21 (2), ვაკო ტყემალაძე-19, ალექსანდრე კოშკაძე-18 (1), დავით ბოლქვაძე-17 (1), ლევან კუტალია-17 (2), შოთა ლომია-14 (3), ლევან წურწუმია-11, ლუკა გუგუჩია-9, აკაკი ფარჯიკია-7, ლაშა კუკავა-6, ზურაბ ქვარცხავა-1, ლევან ქანთარია-1, ლუხუმ პატარაია-1, გიორგი ხუბუა-1, გიორგი ლაშქარავა-1 (1);</p><p><span style="text-decoration: underline;">თავდამსხმელები:</span> გიორგი გაბედავა-18 (9), ირაკლი ქობალია-16 (7), ირაკლი ეხვაია-6, მურთაზ ჩანგელია-1; ნიკა ქირია-1.</p><p><span style="text-decoration: underline;">მწვრთნელი:</span> ელგუჯა ქომეთიანი (I-XXII)</p><p><span style="color: #ff0000;"><strong>ზუგდიდის ყველა მატჩი პირველ ეტაპზე</strong></span></p><p>I ტური</p><p>ტორპედო-ზუგდიდი 1:0</p><p>II ტური</p><p>ზუგდიდი-დინამო (ბთ) 2:0</p><p>III ტური</p><p>კოლხეთი-ზუგდიდი 1:1</p><p>IV ტური</p><p>ზუგდიდი-დილა 0:0</p><p>V ტური</p><p>ვიტ ჯორჯია-ზუგდიდი 0:0</p><p>VI ტური</p><p>ზუგდიდი-ჩიხურა 4:2</p><p>VII ტური</p><p>სიონი-ზუგდიდი 0:0</p><p>VIII ტური</p><p>მერანი-ზუგდიდი 1:2</p><p>IX ტური</p><p>ზუგდიდი-დინამო (თბ) 1:1</p><p>X ტური</p><p>ზესტაფონი-ზუგდიდი 1:0</p><p>XI ტური</p><p>ზუგდიდი-მეტალურგი 2:1</p><p>XII ტური</p><p>ზუგდიდი-ტორპედო 2:1</p><p>XIII ტური</p><p>დინამო (ბთ)-ზუგდიდი 0:3</p><p>XIV ტური</p><p>ზუგდიდი-კოლხეთი 1:0</p><p>XV ტური</p><p>დილა-ზუგდიდი 3:0</p><p>XVI ტური</p><p>ზუგდიდი-ვიტ ჯორჯია 2:0</p><p>XVII ტური</p><p>ჩიხურა-ზუგდიდი 2:0</p><p>XVIII ტური</p><p>ზუგდიდი-სიონი 2:0</p><p>XIX ტური</p><p>ზუგდიდი-მერანი 3:2</p><p>XX ტური</p><p>დინამო (თბ)-ზუგდიდი 2:0</p><p>XXI ტური</p><p>ზუგდიდი-ზესტაფონი 0:3</p><p>XXII ტური</p><p>მეტალურგი-ზუგდიდი 5:1</p><p><span style="color: #ff0000;"><strong>სატურნირო ცხრილი</strong></span></p><p><img src="/media/images/new_photo/UCXOURI/2012/SOCCER/DEC17-31/MMM/geo/0000 22 geo saturniro .jpg" border="0" width="570" alt="Sportall.Ge" title="ზუგდიდის "ზუგდიდი" - ავტორიტეტთა რისხვა" /></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/fexburti/qarthuli-fekhburthi/chempionati/44410-bathumis-qdinamoq-shekhvedra-tsarsulthan.html" target="_blank">ბათუმის "დინამო" - შეხვედრა წარსულთან</a></p><p><a href="/fexburti/qarthuli-fekhburthi/chempionati/44309-rusthavis-qmetalurgiq-mthavari-moulodneloba.html" target="_blank">რუსთავის "მეტალურგი" - მთავარი მოულოდნელობა</a></p><p><a href="/fexburti/qarthuli-fekhburthi/chempionati/44252-martvilis-qmeraniq-ucvleli-kheltsera-da-damsakhurebuli-simpathiebi.html" target="_blank">მარტვილის "მერანი" - უცვლელი ხელწერა და დამსახურებული სიმპათიები</a></p><p><a href="/fexburti/qarthuli-fekhburthi/chempionati/44210-bolnisis-qsioniq-sherchenili-sharmi.html" target="_blank">ბოლნისის "სიონი" - შერჩენილი შარმი</a></p><p><a href="/fexburti/qarthuli-fekhburthi/chempionati/44148-thbilisis-qdinamoq-othkhtsliani-lodinis-dasasruli.html" target="_blank">თბილისის "დინამო" - ოთხწლიანი ლოდინის დასასრული...</a></p><p><a href="/fexburti/qarthuli-fekhburthi/skhvadaskhva/44087-qvit-jorjiaq-gundi-romelic-stumrad-ukethesia.html" target="_blank">"ვიტ ჯორჯია" - გუნდი, რომელიც სტუმრად უკეთესია</a><strong></p><p></strong><a href="/fexburti/qarthuli-fekhburthi/skhvadaskhva/44021-goris-qdilaq-didi-ambiciebi-da-gaurkvevloba.html" target="_blank">გორის "დილა" - დიდი ამბიციები და გაურკვევლობა</a></p><p><a href="/fexburti/qarthuli-fekhburthi/skhvadaskhva/43972-fothis-qkolkhethiq-saukunovani-iubile-arasazeimo-gantsyobith.html" target="_blank">ფოთის "კოლხეთი" - საუკუნოვანი იუბილე არასაზეიმო განწყობით</a></p><p><a href="/fexburti/qarthuli-fekhburthi/chempionati/43926-quthaisis-qtorpedoq-kargad-nacnobi-kursi.html" target="_blank">ქუთაისის "ტორპედო" - კარგად ნაცნობი კურსი</a></p>
"დილამ" ქუთაისში მოიგო; ორი მატჩი ფრედ დასრულდა
"ეს ადამიანი მწვრთნელია თუ ექსპერტი, ვერ ჩამოყალიბდა. სისულელეა, რასაც საუბრობს" - ლევან კობიაშვილი გიორგი ჭიაბრიშვილის განცხადებას გამოეხმაურა
ფრე წყალტუბოში: "გარეჯის" თავურები
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა