<p><p />"დათვები" ამერიკის დედაქალაქს ესტუმრნენ და 3:1 გაიმარჯვეს <br> "ბოსტონმა" ზედიზედ მეოთხე გასვლითი მატჩი ჩაატარა სეზონში. კლოდ ჟულიენის გუნდს ორი შეხვედრა ევროპაში მოუწია, ორიც ჩრდილოეთ ამერიკაში დაბრუნების შემდეგ გაიმართა. ამჯერად "დათვები" ამერიკის დედაქალაქს ესტუმრნენ და 3:1 გაიმარჯვეს.</p><p>"ბრუინზის" რიგებში აღსანიშნავია მეკარე ტიმ ტომასი, რომელიც ჯერჯერობით კონკურენტ ტუუკი რასკიზე უკეთ გამოიყურება. ასევე კარგად მოქმედებს ახალბედა ნათან ჰორტონი. მან სეზონი გოლებით დაიწყო, ამჯერად კი ულამაზესი პასით გაატანინა კრეისის. გარდა ამისა, პირველ პერიოდში ლუჩიჩმაც გამოიჩინა თავი, როცა მეკარის საჯარიმოში დაასწრო ყველას. აღსანიშნავია, რომ ამ ჰოკეისტმა ე. წ. "გორდი ჰოუს ჰეთ-თრიკი" შეასრულა - გოლი, პასი და ჩხუბი ერთ მატჩში. მეორე პერიოდში ლუჩიჩმა ჯონ ერსკინთან გამართა ხელჩართული ბრძოლა.</p><p>ვაშინგტონელებისთვის სასიხარულო ის იყო, რომ პირველი შაიბა გაიტანა დებიუტანტმა მარკუს იოჰანსონმა - შვედმა ჩიმერას კარის უკნიდან გადაცემა გამოიყენა. თუმცა მესამე პერიოდის დასაწყისში მეტ ჰენვიკმა საბოლოოდ გადაუწურა "კეპიტალზს" თამაშის გადარჩენის იმედი. ერთი დღის შემდეგ "დათვები" ისევ "ვაშინგტონს" შეხვდებიან, ოღონდ საკუთარ მოედანზე.</p><p>სეზონი ახალი დაწყებულია, მაგრამ უკვე მეორე მატჩის ძირითადი დრო დასრულდა უგოლოდ. "კალგარის" მეკარემ მიკა კიპრუსოფმა "ნეშვილის" 34 დარტყმა მოიგერია და თავის ანგარიშზე კარიერაში 35-ე შათაუტი ჩაიწერა. ცუდად არც "ნეშვილის" მეკარე პეკა რინე გამოიყურებოდა - ძირითად დროში მანაც 34 დარტყმა მოიგერია, მაგრამ ოცდამეთხუმეტეს ვერ გაუმკლავდა - ოვერტაიმში "კალგარიმ" სწრაფი კონტრშეტევა განახორციელა და რენე ბურკმა მეორე ცდიდან შეაგდო შაიბა "პრედატორზის" კარში.</p><p>უცნაური ანგარიში დაფიქსირდა "მინესოტასა" და "ვანკუვერის" მატჩში. რა თქმა უნდა, "უაილდს" ჰქონდა ამ შეხვედრის მოგების შანსი, მაგრამ ექვს შაიბას ლუონგოს კარში არავინ ელოდა - 6:2. საინტერესოა, რომ "ვანკუვერის" მთავარ მწვრთნელ ალან ვინიოსთვის ეს საიუბილეო - მე-600 მატჩი იყო NHL-ში.</p><p>40 წუთის შემდეგ ანგარიში 6:1 გახლდათ და მატჩის მსვლელობამ ისე გამოიყვანა მწყობრიდან "კენაქსის" მოთამაშე რიკ რიპიენი, რომ გასახდელში მიმავალი "მინესოტას" გულშემატკივარს დაესხა თავს. კიდევ კარგი, საქმეში მენი მალორტა ჩაერია და თანაგუნდელი დააშოშმინა. რიპიენი ბოლო პერიოდში ყინულზე აღარ გამოჩენილა. გარდა ამისა, ამ ჰოკეისტმა მატჩის მსვლელობისას დამხმარე მსაჯს ჰკრა ხელი და საჯარიმო წუთები მიიღო.</p><p>ევროპიდან დაბრუნების შემდეგ ჯერჯერობით გონს ვერ მოვიდა "სან ხოსე". "ბოსტონისგან" განსხვავებით, "ზვიგენებმა" ჩრდილოეთ ამერიკაში ორი მატჩი შინ გამართეს და ორივე წააგეს: ჯერ "ატლანტასთან" 2:4, თუმცა იგებდნენ შეხვედრას - 2:0, ამჯერად კი "კაროლინასთან" 2:5 განადგურდნენ. "სან ხოსე" "ფინიქსთან" ერთად კონფერენციის ბოლო ადგილს იყოფს.</p><p><strong>ვაშინგტონი-ბოსტონი 1:3</p><p></strong>0:2, 1:0, 0:1</p><p>გოლები: 0:1 კრეისი-1 (ჰორტონი-3, ლუჩიჩი-2), 0:2 ლუჩიჩი-3 (ბოიჩუკი-2, კრეისი-5), 1:2 მ. იოჰანსონი-1 (ჩიმერა-1, ჰენდრიკსი-2), 1:3 ჰანვიკი-1 (საიდენბერგი-1, ველერი-1).</p><p><strong>ნეშვილი-კალგარი 0:1 (ო)</p><p></strong>0:0, 0:0, 0:0, 0:1</p><p>გოლი: 0:1 რენე ბურკი-1 (ბ. მორისონი-4, უაიტი-1).</p><p><strong>მინესოტა-ვანკუვერი 6:2</p><p></strong>3:1, 3:0, 0:1</p><p>გოლები: 0:1 დ. სედინი-5 (ჰ. სედინი-8, ედლერი-4), 1:1 ჟიდლიცკი-1 (კულენი-5, მიეტინენი-3), 2:1 ლატენდრესი-2 (ფალკი-1, ჰავლატი-4), 3:1 კლატერბეკი-2 (ლატენდრესი-1, ჰავლატი-5), 4:1 მადენი-1 (ბერნსი-1, შულტცი-1), 5:1 ბრუნეტი-2 (ჟიდლიცკი-2, მიეტინენი-4), 6:1 კულენი-3 (მ. კოივუ-4, ჟიდლიცკი-3), 6:2 დ. სედინი-6 (ჰ. სედინი-9, სამუელსონი-5).</p><p><strong>სან ხოსე-კაროლინა 2:5</p><p></strong>0:2, 2:1, 0:2</p><p>გოლები: 0:1 ე. სტაალი-2 (ლაროუზი-1, ბაბჩუკი-1), 0:2 კოული-1 (გლისონი-2, სკინერი-3), 0:3 დუაიერი-1 (ი. იოკინენი-3, ლაროუზი-2), 1:3 მარლო-1 (ბოილი-3, ჯ. ტორნტონი-2), 2:3 მარლო-2 (სეტოგუჩი-1, მიურეი-1), 2:4 ლაროუზი-1 (ე. სტაალი-2), 2:5 პიტკანენი-1 (კოსტოპულოსი-1, მაკბეინი-2).</p><p><strong>ყოველდღიური სპორტული გაზეთი</p><p>"ლელო"</strong></p></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
აბუაშვილის და წიტაიშვილის "მეცმა" მორიგი მარცხი განიცადა
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
გვარდიოლამ გაამხილა, როდის იფიქრებს მწვრთნელის კარიერის დასრულებაზე