<p><span style="line-height: 1.3em;" />უბერებელი ალესანდრო დელ პიერო <br> </span><strong>ალესანდრო დელ პიეროს, ედინსონ კავანის</strong> და <strong>მაიკლ ოუენს</strong> გამორჩეული უქმეები ჰქონდათ.</p><p>იმავეს ნამდვილად ვერ ვიტყვით აფრიკულ ნაკრებებზე, რომლებსაც კარში დარტყმაზე დამატებითი ვარჯიში სჭირდებათ...</p><p><strong><span style="color: #ff0000;">150 </span></strong>– გოლი პრემიერლიგაში – მაიკლ ოუენი გახდა მეშვიდე ფეხბურთელი, ვინც ასეთ ნიშნულს მიაღწია.</p><p>33 წლის ფორვარდმა საიუბილეო გოლი "სუონსის" კარში ბოლო წუთზე გაიტანა, მისმა გუნდმა კი 1:3 წააგო. ამ გოლით ოუენმა 18-თვიანი უგოლო სერია და ამავე დროს, "სტოკის" 282-წუთიანი მშრალი სერია დაასრულა.</p><p>სხვა ფეხბურთელები, ვინც პრემიერლიგაში 150 ან მეტი გოლი გაიტანეს, არიან: <strong>ალან შირერი</strong> (260 გოლი), <strong>ენდი კოული</strong> (187 გოლი), <strong>ტიერი ანრი</strong> (175 გოლი), <strong>რობი ფაულერი</strong> (162 გოლი), <strong>ფრენკ ლამპარდი</strong> (158 გოლი) და <strong>უეინ რუნი </strong>(151 გოლი).</p><p><strong><span style="color: #ff0000;">100</span></strong> – გოლი სერია A-ში. ედინსონ კავანიმ მეასე გოლი იმ გუნდს გაუტანა, ვისთანაც, თავის დროზე, იტალიის ჩემპიონატში პირველი გოლი გაიტანა.</p><p>მაშინ "პალერმოში" მოთამაშე ურუგვაელს სერია "ა"-ში დებიუტი 2007 წლის მარტში, "ფიორენტინას" წინააღმდეგ ჰქონდა და მოედანზე გამოსვლიდან 16 წუთში კავანიმ სერია "ა"-ში პირველი გოლი გაიტანა.</p><p>ამ სეზონში 25 წლის ურუგვაელის ანგარიშზე უკვე 17 გოლია და ის სამი ბურთით უსწრებს <strong>ანტონიო დი ნატალეს </strong>და <strong>სტეფან ელ შაარავის</strong>.</p><p>ბოლო სამხრეთამერიკელი ფეხბურთელი, ვინც სერია A-ს ბომბარდირი გახდა, <strong>ერნან კრესპო </strong>იყო, რომელმაც "კაპოკანონიერის" წოდება 2000/01 წლების სეზონში მოიპოვა. ბოლო ნეაპოლელი კი <strong>დიეგო მარადონა</strong> იყო, ვინც იტალიის ჩემპიონატის საუკეთესო სნაიპერი 1987/88 წლების სეზონში გახდა.</p><p><strong><span style="color: #ff0000;">55 </span></strong>– დარტყმა გახდა საჭირო იმისთვის, რომ აფრიკელ ფეხბურთელებს აფრიკის ერთა თასზე პირველი გოლი გაეტანათ.</p><p>სამხრეთ აფრიკა-კაბო ვერდეს და ანგოლა-მაროკოს მატჩები უგოლოდ დასრულდა - ამ ორ შეხვედრაში ფეხურთელებმა ჯამში 34 დარტყმა განახორციელეს. პირველი გოლი მეორე დღეს, განა-კონგოს დემოკრატიული რესპუბლიკის შეხვედრაში, <strong>ემანუელ აგიემანგ-ბადუმ</strong> გაიტანა – სანამ "უდინეზეს" ფეხბურთელი თავს გამოიჩენდა, ორივე გუნდის მოთამაშეებმა კარისკენ 21 დარტყმა შეასრულეს. ბადუს გოლის დროს ტურნირის დაწყებიდან 220 წუთი იყო გასული.</p><p><span style="color: #ff0000;"><strong>20</strong></span> – უპასუხო გოლი მეტოქის კარში – ირანის პლაჟის ფეხბურთის ნაკრებმა აზიის ჩემპიონატზე ახალი რეკორდი დაამყარა და ფილიპინებს 20:0 მოუგო.</p><p>ტურნირის წინა რეკორდი 2006 წელს, იაპონიის და იმავე ფილიპინების შეხვედრაში დაფიქსირდა - მაშინ იაპონელებმა 16:0 მოიგეს. აღსანიშნავია, რომ ფილიპინების ნაკრებმა პირველი სამი წუთის განმავლობაში კარი მშრალად შეინახა (სულ მატჩი 36 წუთი გრძელდება) და პირველი პერიოდი (სულ სამია) მხოლოდ 0:3 წააგო.</p><p><span style="color: #ff0000;"><strong>4</strong></span> – გოლი ერთ შეხვედრაში – ალესანდრო დელ პიეროს აქამდე პოკერი შესრულებული არ ჰქონდა. შაბათს მისმა "სიდნეიმ" "ველინგტონ ფინიქსს" 7:1 მოუგო, ლეგენდარულმა იტალიელმა კი მეტოქის კარში 4 ბურთი გაიტანა.</p><p>38 წლის დელ პიერო გახდა მეოთხე ფეხბურთელი, ვინც ავსტრალიის ჩემპიონატში პოკერი შეასრულა. აქამდე ერთ მატჩში ოთხი გოლი გატანილი <strong>არჩი ტომპსონს, შეიმ შმელტცს</strong> (ორჯერ) და <strong>ბესარტ ბერიშას</strong> ჰქონდათ.</p><p>ამ მოგების წყალობით, "სიდნეი", რომელიც გუნდში <strong>ფრენკ ფარინას </strong>მისვლამდე ჩემპიონატში ბოლო, მე-10 პოზიციას იკავებდა, მეშვიდე ადგილზე გადავიდა.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/skhvadaskhva/44355-kvira-cifrebshi-sichqare-medlebi-da-uoltersis-uighbloba.html" target="_blank">კვირა ციფრებში: სიჩქარე, მედლები და უოლტერსის უიღბლობა</a></p>
მესიმ "ინტერ მაიამისთან" კონტრაქტი გაახანგრძლივა
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა