<p>სერხიო კანალესმა 9 თვის შემდეგ ფეხბურთი პირველად სწორედ ყოფილი გუნდის წინააღმდეგ ითამაშა</p><p><br> მადრიდის "რეალი" ნახევარფინალშია, მაგრამ ეს "სამეფო კლუბს" ძალიან ძვირი დაუჯდა. აქ ორი ფეხბურთელის გაძევებას ნაკლებად ვგულისხმობთ - გუნდმა <strong>იკერ კასილიასი</strong> სამი თვით დაკარგა!</p><p>ჩემპიონატს რომ თავი გავანებოთ, "მანჩესტერ იუნაიტედთან" უმძიმეს ორთაბრძოლაში ესპანელები <strong>ანტონიო ადანის</strong> იმედზე უნდა იყვნენ.</p><p><strong>უნაი ემერიმ </strong>კი იოლად გაიყვანა "სევილია" ნახევარფინალში. სწორედ ამ თამაშით დავიწყებთ...</p><p><strong><span style="color: #ff0000;">ემერის შანსი</p><p></span></strong>უნაი ემერის გუნდს ევროთასებზე მოხვედრა ახლა მხოლოდ "სამეფო თასის" წყალობით თუ შეუძლია. ამიტომაც "სევილია" ყოველ ღონეს ხმარობს ამ ტურნირზე.</p><p>საპასუხო მატჩში ბევრი რამ "სარაგოსას" ახალწვეულის, <strong>ხოსე ფერნანდესის</strong> გაძევებამ გადაწყვიტა. <strong>ალვარო ნეგრედომ </strong>დუბლი შეასრულა, ხოლო თითო გოლი <strong>ივან რაკიტიჩის </strong>და შეცვლაზე შესული <strong>მანუ დელ მორალის </strong>ანგარიშზეა. მეორე ტაიმში "სარაგოსა" სულაც 9 კაცის ამარა დარჩა, <strong>ფრან გონსალესიც </strong>გააძევეს.</p><p><em><strong>უნაი ემერი</strong> (სევილია): "თამაშის გაყოფა ფაზებად შეიძლება: 11 - 11-ის წინააღმდეგ, 11 - 10-ის წინააღმდეგ და 11 - 9-ის წინააღმდეგ. ყოველ მომდევნო ფაზაში ჩვენი უპირატესობა აშკარა ხდებოდა".</p><p><strong>მანოლო ხიმენესი</strong> (სარაგოსა): "სანამ თანაბარ პირობებში ვთამაშობდით, მეტოქეს არაფერი დავუთმეთ. მიუხედავად ამისა, 9 კაცითაც არ წარმოგვიჩენია თავი ცუდად".</p><p></em></p><p><strong><span style="color: #ff0000;">კანალესი 9-თვიანი პაუზის მერე</p><p></span></strong>"რეალის" კართან კუთხურს აწოდებდნენ. ალიაქოთში <strong>ალვარო არბელოამ </strong>ფეხი ამოსცხო თავისივე გოლკიპერს. იკერ კასილიასი ტკივილისგან დაიმანჭა, ეგრევე გაიძრო ხელთათმანი და შველა ითხოვა.</p><p>თავიდანვე ჩანდა, რომ ხელის ტრავმა სერიოზული იყო. შემდეგ ექიმთა მცდელობისა და თავად იკერის სურვილის საწინააღმდეგოდ, <strong>ჟოზე მოურინიომ</strong> ის ანტონიო ადანით შეცვალა.</p><p>პირველი ტაიმის მიწურულს <strong>ქარიმ ბენზემამ </strong>ანგარიში გახსნა და ნახევარფინალისტის ვინაობაც გაირკვა. ერთ ტაიმში "ვალენსია" 4 გოლის გამტანს არ ჰგავდა, <strong>ფაბიო კოენტრაოს</strong> და <strong>ანხელ დი მარიას</strong> გაძევების მიუხედავად. საბოლოოდ, ზედიზედ სამ მატჩში "რეალმა" მხოლოდ ერთი გოლი გაუშვა "ვალენსიასგან" (2:0, 5:0, 1:1) და დამსახურებულად გავიდა ნახევარფინალში.</p><p>ამ შეხვედრაში მოედანს 9-თვიანი პაუზის შემდეგ დაუბრუნდა ესპანური ფეხბურთის ერთ-ერთი ყველაზე ნიჭიერი წარმომადგენელი <strong>სერხიო კანალესი</strong>.</p><p><em><strong>ერნესტო ვალვერდე</strong> (ვალენსია): "სამწუხაროდ, ყველაზე ცუდად მაშინ ვითამაშეთ, როცა რიცხობრივ უპირატესობაში დავრჩით".</p><p><strong>აიტორ კარანკა</strong> (რეალი): "რეალის" ფეხბურთელები არ არიან აგრესიულები. ის, რაც ამ შეხვედრაში მოხდა, გამონაკლისია. მთავარია, რომ მიზანს მივაღწიეთ".</p><p></em></p><p><strong><span style="line-height: 1.3em;">მეოთხედფინალი. საპასუხო მატჩები</span></strong></p><p><strong><em>სევილია-სარაგოსა 4:0 (0:0)</p><p></em></strong>გოლები: 1:0 ნეგრედო (36), 2:0 რაკიტიჩი (45), 3:0 ნეგრედო (66-პენ), 4:0 დელ მორალი (90)</p><p>სევილია (4-2-3-1): დ. ლოპესი - სისინიო, ფასიო, სპაჰიჩი, ფ. ნავარო - მედელი (52. დელ მორალი), კონდობია - ხესუს ნავასი, რაკიტიჩი, რეიესი (75. სტევანოვიჩი) - ნეგრედო (71. ბ. დიავარა).</p><p>სარაგოსა (4-2-3-1): ლეო ფრანკო - ხ. ფერნანდესი, ლანძარო, სეპუნარუ, პარედესი - ხოსე მარი, ფ. გონსალესი - ვ. როდრიგესი (51. ექტორი), სუკულინი (69. მოვილია), ვილჩესი - ალამო (33. ორტი)</p><p>გაძევება: ხ. ფერნანდესი (25), ფ. გონსალესი (65)</p><p><strong><em>ვალენსია-რეალი 1:1 (0:2)</p><p></em></strong>გოლები: 0:1 ბენზემა (44), 1:1 ტინო კოსტა (51)</p><p>ვალენსია (4-2-3-1): გუაიტა - ჟ. პერეირა, რამი, რ. კოშტა, სისოკო - რუისი (57. პიატი), ტინო კოსტა - ვიერა, ჟონასი (69. კანალესი), გუარდადო (46. ბანეგა) - ვალდესი.</p><p>რეალი (4-2-3-1): კასილიასი (16. ადანი) - არბელოა, ვარანი, ალბიოლი, ფ. კოენტრაო - ხედირა, ჩაბი ალონსო - დი მარია, იოზილი (52. ნაჩო), რონალდო - ბენზემა (74. მოდრიჩი).</p><p>გაძევება: კოენტრაო (50), დი მარია (87)</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/espanethi/44676-qseviliaq-da-qrealiq-espanethis-qsamefo-thasisq-nakhevarfinalshi-gavidnen-video.html" target="_blank">"სევილია" და "რეალი" ესპანეთის "სამეფო თასის" ნახევარფინალში გავიდნენ [VIDEO]</a></p>
[PHOTO] პეპესა და პორნო ვარსკვლავის ურთიერთობა - რა ფოტოს აქვეყნებს შეტევაში მიქაუტაძის თანაგუნდელის მეგობარი გოგონა
უარი სუპერლიგას - ''ბარსელონა" გაზრდილი შემოსავლებით კმაყოფილია
"იამალთან დაკავშირებით ეს არ მომწონს" - ფლიკი მედიაში გავრცელებულ სტატიებზე
უარი სუპერლიგას - ''ბარსელონა" გაზრდილი შემოსავლებით კმაყოფილია
ლომინაძემ გაიტანა, შეცვალეს და Flashscore-სგან ყველაზე მაღალი შეფასება დაიმსახურა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ლოჩოშვილის "ნიურნბერგმა" დიუსელდორფში გაიმარჯვა
იამალი საქართველოსთან ვერ ითამაშებს - დე ლა ფუენტესთვის მნიშვნელოვანი "ჯვაროსნების" დამარცხებაა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"ჩაკვეტაძე რთულ სიტუაციაშია, მას 7 თვეა არ უთამაშია... ბოლო დროს ხაჭაპურსა და ხინკალს ნაკლებად მივირთმევ" - ვილი სანიოლის პრესკონფერენცია
"ყველა დროის საუკეთესო ვარ და ამას კიდევ ერთხელ დავამტკიცებ" - მერაბ დვალიშვილი
ფოტო უკვე სხვა ფასი ღირს - ცნობილია, რა დაგიჯდებათ იამალის დედასთან ერთად ვახშმობა
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
[VIDEO] თურქი მეკარის ეს სიგიჟე ნახეთ? - ოზერმა "რომასთან" 2 წუთში 3 პენალტი მოიგერია
"პსჟ კი არა, ჩემპიონთა ლიგის ფავორიტი ეს გუნდია" - ლუის ენრიკეს მოულოდნელი არჩევანი
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის