<p>საქართველოს 17-წლამდელთა ნაკრების ფეხბურთელი ლუკა ზარანდია მინსკის ტურნირის საუკეთესო თავდამსხმელად დაასახელეს <br> საქართველოს 17-წლამდელთა ნაკრებმა მინსკის საერთაშორისო ტურნირზე, რომელშიც რვა გუნდი მონაწილეობდა, ბოლოსწინა, მეშვიდე ადგილი დაიკავა. <strong>გიორგი დევდარიანის</strong> გუნდმა დასკვნით მატჩში მოლდოვა 4:2 დაამარცხა.</p><p>ანგარიში <strong>გრიგოლ ჩაბრაძემ</strong> გახსნა, რომელსაც კარგი საგოლე გადაცემა გაუკეთა <strong>გიორგი ბერიძემ</strong>, ხოლო საგოლე შეტევა მეკარე <strong>ოთო გოშაძემ</strong> წამოიწყო.</p><p>ეს ჩაბრაძის პირველი გოლია 17-წლამდელთა ნაკრების შემადგენლობაში. მეორე ტაიმში ჩაბრაძემ <strong>რომან ჭანტურიას</strong> პასით გამოიჩინა თავი.</p><p>მოლდოველები შეხვედრის მსვლელობისას დაწინაურდნენ კიდეც, მაგრამ უპირატესობა ვერ შეინარჩუნეს. შეცვლაზე შესულმა რომან ჭანტურიამ თამაშში აშკარა გარდატეხა შეიტანა. მოედანზე შესვლიდან ერთ წუთში მან ჯერ თავად გაიტანა, შემდეგ კი ჩაბრაძესაც გაატანინა.</p><p>მეოთხე გოლი კი ლუკა ზარანდიას ანგარიშზეა, რომელმაც მატჩს წერტილი შედეგიანი სოლო-რეიდით დაუსვა.</p><p>ტურნირის გამარჯვებული ბელგიის ნაკრები გახდა, რომელმაც ფინალში თერთმეტმეტრიანების სერიით რუსეთს სძლია. ძირითადი დრო ფრედ, 0:0 დასრულდა. მესამე ადგილისთვის მატჩში უკრაინამ მასპინძელი ბელორუსი 2:0 დაამარცხა.</p><p>ქართველებმა გუნდური ვერა, მაგრამ ერთი ინდივიდუალური ჯილდო მაინც მოიპოვეს. ტურნირის საუკეთესო თავდამსხმელად ლუკა ზარანდია დაასახელეს, რომელსაც პრიზი ბელორუსის ეროვნული ნაკრების მთავარმა მწვრთნელმა <strong>გეორგი კონდრატიევმა</strong> გადასცა.</p><p>ცნობისთვის, ტურნირის საუკეთესო მეკარე რუსი <strong>ანტონ მიტრიუშკინი</strong> გახდა, საუკეთესო მცველი - <strong>ალექსანდრ პავლოვეცი</strong> (ბელორუსი), საუკეთესო ნახევარმცველი - <strong>ვიქტორ კოვალენკო</strong> (უკრაინა). ტურნირის ბომბარდირი და საუკეთესო ფეხბურთელი კი ბელგიელი <strong>ზაქარია ბაკალი</strong> გახლავთ.</p><p><img src="pictures/artimages/image16/af4ffa1374e395b86f1c874f3e709186.jpg" border="0" alt="Sportall.Ge" title="საქართველო-მოლდოვა 4:2 - მინსკში ქართველმა 17-წლამდელებმა კარი გამოიჯახუნეს" style="border: 0px none; margin: 5px; float: left;" />"<em>ძალიან მოულოდნელი პრიზი იყო. ჩემი გვარი რომ გამოაცხადეს, გაოცება სახეზე მეწერა... საპრიზო ადგილზე რომ ვერ გავედით, გვეგონა, ჩვენკენ არავინ გამოიხედავდა.</p><p>დიდი მადლობა ყველას. მიუხედავად იმისა, რომ ეს ჩვენთვის ელიტრაუნდისთვის მოსამზადებელი ტურნირი იყო, ბიჭები ძალიან გულდაწყვეტილები ვართ, რომ შედეგი ვერ ვაჩვენეთ.</p><p>ამ ტურნირმა ბევრი რამ გვასწავლა და ჩვენი ბევრი შეცდომაც დაგვანახა. მთავარია, მარტისთვის ვიყოთ სათანადოდ მზად, რომ ავსტრიაში კარგი შედეგი ვაჩვენოთ და ჯგუფიდან გავიდეთ. მთავარი ესაა",</em> - უთხრა ზარანდიამ სფფ-ის ვებგვერდს.</p><p>საქართველოს ნაკრები ევროპის ჩემპიონატის შესარჩევი ტურნირის ელიტრაუნდისთვის მზადებას განაგრძობს და იმედი გვაქვს, იქ მინსკზე გაცილებით უკეთეს შედეგს აჩვენებს.</p><p>საქართველოს ფეხბურთის ფედერაციის ოფიციალური ვებგვერდის ცნობით, დევდარიანის გუნდს გერმანიის ნაკრებთან სპარინგი აქვს დაგეგმილი, 12 და 14 მარტს კი თბილისში შვედებს ამხანაგურად შეხვდება.</p><p>შეგახსენებთ, ავსტრიაში გასამართ ელიტრაუნდში საქართველოს ნაკრების მეტოქეები სერბეთი, ირლანდია და მასპინძლები იქნებიან.</p><p><span style="color: #ff0000;"><strong>U17. მინსკის საერთაშორისო ტურნირი.</strong></span></p><p><em><strong>საქართველო-მოლდოვა 4:2</strong></em></p><p>1:0 ჩაბრაძე (18), 1:1 კატერი (27), 1:2 გოლუბტოვი (44), 2:2 რ. ჭანტურია (50), 3:2 ჩაბრაძე (57), 4:2 ზარანდია (63)</p><p>საქართველო: გოშაძე, ველიაშვილი, გელაშვილი, ტაბიძე, თევზაძე, მალანია (74. შულაია), ხარაიშვილი (49. რ. ჭანტურია), კერძევაძე (41. გოროზია), ბერიძე (66. რუხაძე), ზარანდია, ჩაბრაძე</p><p>მწვრთნელი: გ. დევდარიანი</p><p>მოლდოვა: ფრუნზა, ტრიფანი, გოლუბტოვი, ანდრიუხინი, სვინარენკო (64. სანდული), ვ. მარკიცკი, ა. მარკიცკი, გოლუბევი, ბოჟი, კატერი (57. გორბანი), ბეჟანი</p><p>მწვრთნელი: ნ. ბუნია</p><p>გაფრთხილება: ბერიძე, ბეჟანი</p><p>გაძევება: ბეჟანი (80+3)</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
[VIDEO] U21. უშანსოდ - საქართველოს ნაკრები გერმანიასთანაც დამარცხდა
U21. გერმანიასთან მატჩში საქართველოს ნაკრების შემადგენლობა ცნობილია
U19. საქართველოს ნაკრებმა ბოლო ტურში გაიმარჯვა, მაგრამ ჯგუფში ჩარჩა
ჩაკვეტაძე მორიგ ტურში სათამაშოდ მზადაა
[საქართველოს ჩემპიონატი 2025] პლეი ოფების დროა!
ჩელენჯ თასი | 140 წლის "ქონოთთან" გალვეიში
[VIDEO] 39 წლის ჰალკის საოცარი გოლი ბრაზილიის ჩემპიონატში
ჩაბი ალონსო: ჯერ დაკარგული არაფერი არ არის
სუპერლიგის მე-7 ტური "ბათუმმა" "რუსთავის" ძლევით დახურა
წიტაიშვილის 68 წუთი და "მეცის" ზედიზედ მესამე წაგება
კიტეიშვილის "შტურმმა" გრაცულ დერბიში გაიმარჯვა
გოჩოლეიშვილი შეცვლაზე შევიდა - "ჰამბურგმა" "ვერდერს" მოუგო
[VIDEO] საგოლე პასების ჰეთ თრიკი - გულიაშვილის მაგარი მატჩი ბოსნიაში!
[VIDEO] ლოჩოშვილი გერმანიაში ყოჩაღობს - გაიტანა და დადებითი შეფასებები დაიმსახურა
"ქასიმფაშას" მწვრთნელად არველაძის ნაცვლად ემრე ბეროზოღლუ დანიშნეს
"ეს წარმოუდგენელია!" - "ზაბარნის არყოფნის მიზეზი საფონოვის თამაში იყო?" - ენრიკე ამ კითხვამ გააღიზიანა და ყველაფერი ახსნა
[VIDEO] შავდათუაშვილი და დვალაშვილი ბრინჯაოს მედლებისთვის ბრძოლაში დამარცხდნენ - ტოკიოს გრანდ სლემის მეორე დღე
[VIDEO] "ყველაფერი წინ არის, უფრო ძლიერს მელოდეთ... საქართველოს გაუმარჯოს!" - დვალიშვილმა იანთან ბრძოლის შემდეგ გავრცელებულ მიმართვაში ცრემლები ვერ შეიკავა
"ჯერ მერაბმა ბიჭები ჯაკუზიში წაიყვანოს" - იანმა დვალიშვილის დამარცხების შემდეგ შესაძლო რემატჩზე ისაუბრა
მესის მორიგი ტიტული - მაიამის "ინტერი" ისტორიაში პირველად MLS-ის ჩემპიონია
"შოუს დადგმა ვცადე" - დვალიშვილის პირველი კომენტარი იანთან მარცხის შემდეგ
[VIDEO] მერაბ დვალიშვილი პიოტრ იანთან მსაჯების გადაწყვეტილებით დამარცხდა
ლუის ენრიკე: კვარაცხელია განსხვავებულია, სანახაობრივია, უმაღლესი ინტელექტი აქვს