- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლეგიონი: ბექა შეყლაშვილის ლელო
<p>საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე ათი ტური დარჩა <br> საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე ათი ტური დარჩა.</p><p>სატურნირო ცხრილის პირველი ხუთი საფეხური ამ დროისთვის ქართველ მორაგბეთა ხუთ გუნდს უკავია.</p><p>აქედან სამი - "ტულონი", "ტულუზი" და "კლერმონი" იმდენად არიან დაწინაურებულნი, რომ სავარაუდოდ, მათ პლეი ოფს მიღმა დარჩენა არ ემუქრებათ, თუმცა თეორიულად ესეც შესაძლებელია.</p><p>"მონპელიეს" და "კასტრს" კი, რომლებიც დაწინაურებულ სამეულს კვალში უდგანან, მწვავე ბრძოლები ჯერ კიდევ წინ აქვთ.</p><p>წაუგებელ სერიას განაგრძობს გათამაშების ლიდერი <strong>დავით ქუბრიაშვილის</strong>, <strong>ლევან ჩილაჩავასა</strong> და <strong>კონსტანტინე მიქაუტაძის</strong> "ტულონი", რომელმაც მე-16 ტურში შინ დაამარცხა თამაზ მჭედლიძის "მონ დე მარსანი" - 15:9.</p><p>მასპინძლებს რამდენიმე წამყვანი მოთამაშე აკლდათ. ქუბრიაშვილთან ერთად, არ უთამაშიათ ბაკის ბოთას და ჯო ფან ნიკერკს.</p><p>მარსანელებმა, მიუხედავად იმისა, რომ აუტსაიდერები არიან, მეტოქეს სერიოზული წინააღმდეგობა გაუწიეს. პირველ ტაიმში ტულონელებმა დაწინაურება მაინც მოახერხეს და ექვსი ქულით - 15:9 მოიგეს.</p><p>შესვენების შემდეგ, დიდი მცდელობის მიუხედავად, მონაგრის გაზრდა ვერც ერთმა შეძლო.</p><p>მიქაუტაძე თამაშში 64-ე წუთიდან ჩაერთო, ჩილაჩავა სათადარიგოთა შორის იყო, თუმცა მოედანზე არ გამოჩენილა, მჭედლიძე განაცხადში არ იყო.</p><p>სატურნირო ცხრილში მეორე საფეხურზე გადაინაცვლა <strong>ვასილ კაკოვინისა</strong> და <strong>ჯაბა ბრეგვაძის</strong> "ტულუზმა", რომელმაც შინ დაამარცხა ბასკური "ბიარიცი" - 19:14.</p><p>ტულუზელები უპირატესობას თავიდანვე დაეუფლნენ და მე-9 წუთისთვის უკვე 13:0-ს იგებდნენ.</p><p>ბასკებმა მდგომარეობის გამოსწორება ტაიმის შუაწელისკენ მოახერხეს, თუმცა მაქსიმუმ, რაც შეძლეს, ანგარიშის ხუთ ქულამდე შემცირება იყო - 8:13.</p><p>მეორე ტაიმში ვითარება რადიკალურად არ შეცვლილა. გუნდებმა ორ-ორი საჯარიმო გაიტანეს და მასპინძლებმა მნიშვნელოვანი გამარჯვება იზეიმეს. კაკოვინს და ბრეგვაძეს არ უთამაშიათ.</p><p><strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონის" წაუგებელი სერია პერპინიანში შეწყდა.</p><p>"ვულკანებმა", რომელსაც რამდენიმე ტრავმირებული წამყვანი მოთამაშე აკლდა, "პერპინიანთან" 19:26 წააგო.</p><p>აღსანიშნავია, რომ კლერმონელები 62-ე წუთამდე ანგარიშში წინ იყვნენ, თუმცა მატჩის დასკვნით მეოთხედში მასპინძლებმა გარდატეხის შეტანა შეძლეს. ზირაქაშვილი ტრავმირებულია და არ უთამაშია, კოლელიშვილი განაცხადში არ იყო.</p><p><strong>მამუკა გორგოძის</strong>, <strong>მიხეილ ნარიაშვილისა</strong> და <strong>გიორგი ჟღენტის</strong> "მონპელიემ" სტუმრად უმნიშვნელოვანესი გამარჯვება მოიპოვა "აჟენთან" - 13:9.</p><p>ჩვენებურთა გუნდი თავიდანვე დაწინაურდა, თუმცა მასპინძლებმა, რომლებიც დივიზიონში ადგილის შენარჩუნებისთვის იბრძვიან, პირველი ტაიმის მიწურულისთვის ანგარიშის მინიმუმამდე შემცირება შეძლეს - 6:7. შესვენების შემდეგ "მონპელიემ" მონაგარს ორი საჯარიმო მიუმატა, რაზეც აჟენელებმა მხოლოდ ერთით უპასუხეს.</p><p>ნარიაშვილი ძირითად შემადგენლობაში იყო და 56-ე წუთზე შეცვალეს, გორგოძემ მოედანზე 19 წუთით მეტი დაჰყო, ჟღენტი ტრავმირებულია და არ უთამაშია.</p><p><strong>ანტონ ფეიქრიშვილის</strong> "კასტრმა", რომელიც ლიდერთა შორისაა და პლეი ოფში გასვლისთვის იბრძვის, მე-16 ტურის მატჩი სტუმრად გამართა ბასკურ "ბაიონთან" და 12:22 წააგო.</p><p>ჩვენებურის გუნდმა მეტოქეს წინააღმდეგობა მეტ-ნაკლებად პირველ ნახევარში გაუწია, თუმცა ოთხი ქულით მაინც დამარცხდა - 16:12. შესვენების შემდეგ "კასტრმა" მონაგარს ვეღარაფერი შემატა, ბასკებმა კი კიდევ ორი საჯარიმოს გატანა შეძლეს.</p><p><strong>ზურაბ ჟვანიას</strong> "სტად ფრანსემ" შინ იოლად დაამარცხა საპლეიოფო ექვსეულის ბოლო წევრი "გრენობლი" - 35:6. შედეგად პარიზელებს 37 ქულა დაუგროვდათ და ახლა "ალპელებს" მხოლოდ ხუთი ქულით ჩამორჩებიან, რაც იმას ნიშნავს, რომ პლეი ოფის საგზურისთვის ბრძოლა ჯერ კიდევ შეუძლიათ. ჟვანიას არ უთამაშია.</p><p>ისევ არ გამოჩენილა "ბორდოს" შემადგენლობაში <strong>ზაზა ნავროზაშვილი</strong>. ბორდოელები კი მე-16 ტურში შინ დამარცხდნენ "მეტრო რასინგთან" - 15:22. ჩვენებურის გუნდს ახლა 19 ქულა აქვს და დივიზიონში ადგილის შენარჩუნებისთვის იბრძვის.</p><p><span style="color: #ff0000;"><strong>I დივიზიონი</p><p></strong></span><strong>XVI ტური</p><p></strong>ბაიონი-კასტრი 22:12, პერპინიანი-კლერმონი 26:19, სტად ფრანსე-გრენობლი 35:6, აჟენი-მონპელიე 9:13, ტულონი-მონ დე მარსანი 15:9, ბორდო-მეტრო რასინგი 15:22, ტულუზი-ბიარიცი 19:14.</p><p><em>სატურნირო მდგომარეობა</p><p></em>1. ტულონი - 61 ქულა, 2. ტულუზი - 54, 3. კლერმონი - 54, 4. მონპელიე - 45, 5. კასტრი - 44, 6. გრენობლი - 42, 7. მეტრო რასინგი - 38, 8. პერპინიანი - 38, 9. სტად ფრანსე - 37, 10. ბიარიცი 37, 11. ბაიონი - 30, 12. ბორდო - 19, 13. აჟენი - 19, 14. მონ დე მარსანი - 9.</p><p><strong>XVII ტური</p><p></strong>მეტრო რასინგი-კლერმონი, მონ დე მარსანი-გრენობლი, ბაიონი-პერპინიანი, აჟენი-ტულუზი, ბორდო-ტულონი, კასტრი-სტად ფრანსე, მონპელიე-ბიარიცი.</p><p><span style="color: #ff0000;"><strong></p><p>* * *</strong></span></p><p>ელიტურ, მეორე დივიზიონში მე-19 ტურის მატჩები გაიმართა, რომლის შემდეგაც ნათლად გამოიკვეთა, რომ პლეი ოფში თამაშისთვის რეალურად ქართველ მორაგბეთა ოთხი გუნდი იბრძოლებს. ესენია: "ორიაკი", "ტარბი", "ბრივი" და "ლიონი".</p><p>"ქართული გუნდებიდან" საუკეთესო მაჩვენებელი <strong>ლევან დათუნაშვილის</strong>, <strong>კარლენ ასეიშვილისა</strong> და <strong>გიორგი ნაცარაშვილის</strong> "ორიაკს" აქვს.</p><p>ჩვენებურთა ეს გუნდი სტუმრად ეთამაშა <strong>გიორგი ჩხაიძის</strong>, <strong>დავით დადუნაშვილის</strong>, <strong>ირაკლი მირცხულავასა</strong> და <strong>გიორგი ნემსაძის</strong> "ტარბს" და 9:15 დამარცხდა.</p><p>ამ გამარჯვების შემდეგ ტარბელები საპლეიოფო ხუთეულს მჭიდროდ მიუახლოვდნენ, ორიაკი კი მეორე ადგილიდან მეოთხეზე დაქვეითდა.</p><p>დათუნაშვილი, ნაცარაშვილი, დადუნაშვილი, ჩხაიძე და მირცხულავა ძირითად შემადგენლობაში იყვნენ, ნემსაძე და ასეიშვილი თამაშში მეორე ტაიმიდან ჩაერთვნენ.</p><p><strong>დავით ხინჩაგიშვილის</strong>, <strong>გოდერძი შველიძისა</strong> და <strong>ირაკლი ნატრიაშვილის</strong> "ბრივი" სტუმრად დამარცხდა "ნარბონთან" - 17:28, თუმცა 51 ქულით სატურნირო ცხრილში მე-5 ადგილი მაინც შეინარჩუნა.</p><p>ქართველი მორაგბეები სათადარიგოთა შორის იყვნენ და მოედანზე მეორე ტაიმში გამოჩნდნენ.</p><p>აუტსაიდერთა დავაში <strong>ბექა შეყლაშვილის</strong> "ბეზიემ" შინ დაამარცხა <strong>დავით აშვეთიასა</strong> და <strong>შალვა სუთიაშვილის</strong> "მასი" - 30:21. შეყლაშვილმა, რომელმაც სრულად ითამაშა, 44-ე წუთზე ლელო მიითვალა. ძირითად შემადგენლობაში იყვნენ აშვეთია და სუთიაშვილიც.</p><p><strong>გურამ კავთიძის</strong> "ლიონმა" შინ დაამარცხა <strong>ალექსანდრე თოდუას</strong>, <strong>ვახტანგ მაისურაძის</strong>, <strong>ვახტანგ ახობაძის</strong>, <strong>კახაბერ კობერიძისა</strong> და <strong>გიორგი თეთრაშვილის</strong> "ალბი" - 26:12.</p><p>ლიონელთა რიგებში ტრავმის მოშუშების შემდეგ დაბრუნდნენ ლიონელ ნალე და სებასტიან შაბალი, რაც გუნდის თამაშს უმალვე დაეტყო.</p><p>თოდუამ თავიდან ბოლომდე ითამაშა; მაისურაძე 59-ე წუთზე შეცვალეს; კავთიძე თამაშში ერთი წუთით ადრე ჩაერთო; ახობაძე, კობერიძე და თეთრაშვილი განაცხადში არ იყვნენ.</p><p><strong>ტარიელ რატიანიძის</strong> "დაქსი" სტუმრად დამარცხდა "კოლომიესთან" - 15:22. რატიანიძე განაცხადში არ იყო.</p><p><span style="color: #ff0000;"><strong>II დივიზიონი</p><p></strong></span><strong>XIX ტური</p><p></strong>ოში-ლა როშელი 3:20, კოლომიე-დაქსი 22:15, ოიონაქსი-ექსი 22:10, კარკასონი-პო 12:12, ლიონი-ალბი 26:12, ნარბონი-ბრივი 28:17, ბეზიე-მასი 30:21, ტარბი-ორიაკი 15:9.</p><p><em>სატურნირო მდგომარეობა</p><p></em>1. ოიონაქსი - 77 ქულა, 2. პო - 58, 3. ლა როშელი - 58, 4. ორიაკი - 58, 5. ბრივი - 51, 6. ტარბი - 51, 7. კარკასონი - 50, 8. ლიონი - 48, 9. ნარბონი - 40, 10. ალბი - 39, 11. კოლომიე - 39, 12. ოში - 32, 13. ექსი - 29, 14. დაქსი - 29, 15. ბეზიე - 25, 16. მასი - 18.</p><p><strong>XX ტური</p><p></strong>ალბი-მასი, დაქსი-ნარბონი, პო-ოში, ექსი-ბეზიე, ბრივი-ორიაკი, კარკასონი-ტარბი, კოლომიე-ოიონაქსი, ლა როშელი-ლიონი.</p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა