<p><span style="line-height: 1.3em;" />კიდიაბას ზეიმს წლევანდელ აფრიკის თასზე ვეღარ ვიხილავთ <br> </span>მესამე ტურის წინ C ჯგუფში გარკვეული არაფერი იყო, რადგან მომდევნო ეტაპზე გასვლის შანსი ოთხივე გუნდს ჰქონდა.</p><p>ძალიან გაუჭირდა ნიგერიის ნაკრებს, რომელიც ეთიოპიასთან გამოკვეთილ ფავორიტად ითვლებოდა. იმის გამო, რომ პარალელურ შეხვედრაში ანგარიში 0:0 იყო, ანალოგიური შედეგი ნიგერიას ჯგუფში ტოვებდა. ფავორიტებმა ეთიოპიას მე-80 წუთამდე ვერაფერი მოუხერხეს, ამ დროს კი საქმეს ხელი <strong>ვიქტორ მოზესმა</strong> მოკიდა, რომელმაც 10-წუთიან მონაკვეთში ორი პენალტი დაიმსახურა და ორივე თავად გაიტანა.</p><p>პირველ შემთხვევაში მოზესი მცველმა მოცელა, მეორე ეპიზოდში კი ის ეთიოპიელთა კიპერმა, <strong>სისაი ბანჩამ</strong> წააქცია, რომელმაც მეორე ყვითელი ბარათი მიიღო და მოედანი დატოვა. იმის გამო, რომ ეთიოპიელებს ყველა ცვლილება განხორციელებული ჰქონდათ, კარში მცველი <strong>ადის ჰინტსა ტეკლე </strong>ჩადგა, ვინც დარტყმის კუთხე კი გამოიცნო, მაგრამ ბურთი ვერ მოიგერია.</p><p>საინტერესოა, რომ ეთიოპიელებს მეკარე პირველ ტურშიც გაუძევეს – მაშინ <strong>ჯემალ ტასევმა</strong> ჩვენთვის კარგად ნაცნობი <strong>ჩისამბა ლუნგუ </strong>“კუნგ-ფუს” ილეთით შეაჩერა. ამ ეპიზოდმა ბევრს შუმახერი-ბატისტონის ცნობილი შეჯახება გაახსენა. საბოლოოდ ნიგერიამ 2:0 მოიგო და 1/4-ფინალში გავიდა.</p><p>ტურნირი კი მოქმედი ჩემპიონის, ზამბიის ნაკრების გარეშე დარჩა, რომელმაც ბურკინა ფასოს ვერ მოუგო და 3 ფრით ჯგუფში მესამე ადგილი დაიკავა. ვიქტორ მოზესის გოლამდე, 1/4-ფინალში ბურკინა ფასო და ზამბია გადიოდნენ, მაგრამ მას შემდეგ, რაც “ჩელსის” ფეხბურთელმა ანგარიში გახსნა, ზამბიას მდგომარეობა დამძიმდა.</p><p>შეხვედრის ბოლო წუთები ძალიან დაძაბული იყო, რადგან გოლის გაშვების შემთხვევაში ტურნირს უკვე ბურკინა ფასოს ნაკრები გამოეთიშებოდა. საბოლოოდ,<strong> პიტროიპამ</strong> და კომპანიამ კარი მშრალად შეინახეს და საკუთარ ოთხეულში პირველი ადგილი დაიკავეს.</p><p><strong><span style="color: #ff0000;">ფავორიტები მომდევნო ეტაპზე</p><p></span></strong>B ჯგუფიდან მომდევნო ეტაპზე ორი ფავორიტი გავიდა. განის ნაკრებმა ნიგერს ძალიან იოლად მოუგო, მალის კი კონგოს დემოკრატიული რესპუბლიკის ნაკრებთან გაუჭირდა და გულშემატკივარიც ანერვიულა.</p><p>განელებმა თამაშის ბედი პირველივე ტაიმში გადაწყვიტეს. შეხვედრის მე-6 წუთზე ანგარიში <strong>ასამოა გიანმა</strong> გახსნა, 23-ეზე კი მეორე გოლი "პორტუს" ახალგაზრდა ფეხბურთელმა <strong>კრისტიან ატსუმ </strong>გაიტანა. მეორე ტაიმის დებიუტში თავი "რენელმა" <strong>ჯონ ბოიემაც </strong>გამოიჩინა და შეხვედრას წერტილი დაუსვა. საბოლოოდ 3:0 და განა ჯგუფში პირველ ადგილზე გავიდა. მეოთხედფინალში განა კაბო ვერდეს ნაკრებს შეხვდება.</p><p>მეორე საგზური კონგოს დემოკრატიული რესპუბლიკის და მალის შეხვედრაში თამაშდებოდა. ყოფილ ზაირს მხოლოდ გამარჯვება აძლევდა ხელს და ანგარიშიც კონგოელებმა გახსნეს – შეხვედრის მესამე წუთზე, <strong>დიუმერსი მბოკანიმ </strong>პენალტი გამოიყენა და მათ კოლორიტულ მეკარე <strong>მუტება კიდიაბას</strong> ზეიმის საბაბი მისცა, თუმცა კონგოელთა სიხარული დიდხანს არ გაგრძელებულა – მბოკანის გოლიდან 11 წუთში, ანგარიში <strong>მამადუ სამასამ </strong>გაათანაბრა. სხვათა შორის, "მარსელის" და "ვალანსიენის" ყოფილმა ფორვარდმა ნაკრებში მხოლოდ მესამე გოლი გაიტანა და შესაბამისად, ყველაზე მნიშვნელოვანიც.</p><p>მეორე ტაიმში კონგო უტევდა, მაგრამ მომენტები მალის ნაკრებს ექმნებოდა. გოლის გატანა <strong>სეიდუ კეიტას, სიგიმარი დიარას </strong>და <strong>შეიკ დიაბეტეს </strong>შეეძლოთ, მაგრამ მალელებმა ვერც ერთი კონტრშეტევა გოლით ვერ დააგვირგვინეს.</p><p>ამ ფრის წყალობით მალი ჯგუფში მეორე ადგილზე გავიდა და ახლა მეოთხედფინალში ტურნირის მასპინძელს, სამხრეთ აფრიკის ნაკრებს შეხვდება.</p><p><strong><span style="color: #ff0000;">აფრიკის თასი. სამხრეთ აფრიკა 2013. III ტური.</p><p></span></strong></p><p><strong><span style="color: #ff0000;">B ჯგუფი</span></strong></p><p><strong><em>ნიგერი-განა 0:3</em></strong></p><p>გოლები: 0:1 ასამოა გიანი (6), 0:2 ატსუ (23), 0:3 ბოიე (49).</p><p><strong><em>კონგოს დრ-მალი 1:1</p><p></em></strong>გოლები: 1:0 მბოკანი (3-პენ), 1:1 სამასა (14).</p><p>თ მ ფ წ ბ ქ</p><p>1. განა 3 2 1 0 6-2 7</p><p>2. მალი 3 1 1 1 2-2 4</p><p>3. კონგოს დრ 3 0 3 0 3-3 3</p><p>4. ნიგერი 3 0 1 2 0-4 1</p><p><strong><span style="color: #ff0000;">C ჯგუფი</p><p></span></strong></p><p><strong><em>ბურკინა ფასო-ზამბია 0:0</em></strong></p><p><strong><em>ეთიოპია-ნიგერია 0:1</p><p></em></strong>გოლები: 0:1 მოზესი (80-პენ), 0:2 მოზესი (90-პენ).</p><p>გაძევება: სისაი ბანჩა (85. ეთიოპია)</p><p>თ მ ფ წ ბ ქ</p><p>1. ბურკინა ფასო 3 1 2 0 5-1 5</p><p>2. ნიგერია 3 1 2 0 4-2 5</p><p>3. ზამბია 3 0 3 0 2-2 3</p><p>4. ეთიოპია 3 0 1 2 1-7 1</p><p><strong>ბომბარდირები</strong>: 3 – ა. ტრაორე (ბურკინა ფასო); 2 – ემენიკე (ნიგერია), ჟერვინიო (კოტ დივუარი), სანგვენი (სამხრეთ აფრიკა), იაია ტურე (კოტ დივუარი), მბოკანი (კონგოს დრ), მოზესი (ნიგერია).</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/skhvadaskhva/44842-afrikis-thasi-sikvdilis-jgufis-pirveli-mskhverpli.html" target="_blank">აფრიკის თასი: სიკვდილის ჯგუფის პირველი მსხვერპლი</a></p>
მესიმ "ინტერ მაიამისთან" კონტრაქტი გაახანგრძლივა
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა