- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვიტალი კლიჩკოს ცხოვრება
<p><p>სუპერმძიმე წონაში WBC-ის ჩემპიონი ვიტალი კლიჩკო საინტერესო ადამიანია - თანამედროვეობის ერთ-ერთი საუკეთესო მოკრივე, პოლიტიკოსი, ერუდიტი, მოჭადრაკე... უკრაინელის ცხოვრების შესახებ მისი ინტერვიუებიდან გაკეთებული მიქსტის დახმარებით შევიტყობთ.</p> <br> <p>სუპერმძიმე წონაში WBC-ის ჩემპიონი ვიტალი კლიჩკო საინტერესო ადამიანია - თანამედროვეობის ერთ-ერთი საუკეთესო მოკრივე, პოლიტიკოსი, ერუდიტი, მოჭადრაკე... უკრაინელის ცხოვრების შესახებ მისი ინტერვიუებიდან გაკეთებული მიქსტის დახმარებით შევიტყობთ.</p> <p>პატარაობისას ბაბუამ ანდაზა მითხრა, რომელიც დღემდე ჩემს ცხოვრებისეულ კრედოდ რჩება: "მთავარია გამარჯვებისკენ სწრაფა!" ეს ანდაზა ბაბუაჩემმა თავისი მშობლებისგან მოისმინა.</p><p>ბავშვობაში ფეხბურთელობაზე ვოცნებობდი. მაგრამ ჩემი მეგობრები ხუმრობენ - ერთხელ კლიჩკოსთვის ბურთის ართმევა მოინდომეს და... ის მოკრივე გახდა.</p><p>კრივი - ერთ-ერთი ყველაზე უხეში სახეობაა, მაგრამ ეს სპორტი ყველაზე მეტად ჰგავს ცხოვრებას.</p><p>ჩვეულებრივ, ყველაფერი ხუმრობაში გადამაქვს. ჟურნალისტები მეკითხებიან: "საიდან პოულობთ ძალებს?" ვპასუხობ: "საქმე ისაა, რომ მე უკრაინიდან ვარ. როცა ჩერნობილი აფეთქდა, იქვე ახლოს ვცხოვრობდით. ვფიქრობ, ატომური ენერგია მაქვს".</p><p>დიდი ადამიანი დიდ საგნებს, დიდ ავტომობილებს თხოულობს. "ეკონოს-კლასის" თვითმფრინავში ვერ ვეტევი - საჭიროა "ბიზნეს-კლასის" ფართო სავარძლები. ხოლო იმის გამო, რომ ყველაფერი დიდი ორჯერ მეტი ღირს, შესაბამისად, გაორმაგებულად გვიწევს მუშაობაც და ფულის შოვნაც.</p><p>ჩემი პირველი პროფესია იყო - ექსკურსიამძღოლობა. ჯერ კიდევ სსრკ-ის პერიოდში კიევში დავატარებდი მოსწავლეთა ჯგუფებს, რომლებიც მთელი საბჭოთა კავშირიდან ჩამოდიოდნენ.</p><p>ახალგაზრდობაში ხშირად დავდიოდი მოდების ჩვენებებზე. მოდა დიდად არ მაინტერესებდა, უფრო ლამაზ ქალებს ვაკვირდებოდი. სწორედ ერთ-ერთ ასეთ ჩვენებაზე გავიცანი ჩემი მომავალი მეუღლე.</p><p>კრივი ბიზნესისა და სპორტის ერთგვარი მიქსია, თანაც წილი თანაბარია - ორმოცდაათი ორმოცდაათზე. რით განსხვავდება მოყვარული პროფესიონალისგან? მოყვარული შედეგისთვის იბრძვის, პროფესიონალი - შედეგისთვისა და ჰონორარისთვის. ამით ის ოჯახს ინახავს.</p><p>პროფესიულ კრივში მხოლოდ კარგი სპორტსმენობა არ არის საკმარისი - მსახიობის თვისებებიც უნდა გქონდეს. ამის უამრავი მაგალითი არსებობს და მათგან ყველაზე თვალსაჩინოა - მუჰამედ ალი. მაგრამ მოკრივემ ზუსტად უნდა იცოდეს სად მთავრდება შოუ და სად იწყება რეალობა. წინააღმდეგ შემთხვევაში, სპექტაკლს, შესაძლოა, ნაღვლიანი დასასრული ჰქონდეს.</p><p>პოლიტიკა ჩემი ცხოვრების მნიშვნელოვანი ნაწილი გახდა. ის ტარაკანებით სავსე ქილას ჰგავს. აქ ბევრი იტყუება. მაგრამ იმ შემთხვევაშიც კი, თუ პოლიტიკოსები ერთმანეთის მიმართ აკრძალულ ილეთებს იყენებენ, ისინი ისევ ხვდებიან ერთმანეთს ამ ქილაში.</p><p>დარწმუნებული ვარ, ნებისმიერი ადამიანის მთავარი მეტოქე - საკუთარი თავის. თუ ადამიანი დაძლევს შიშებს, ნეგატიურ ემოციებს - ეს უკვე გამარჯვებაა. გამარჯვება საკუთარ თავზე.</p><p>არაერთხელ ჩამიდენია საქციელი სიგიჟის ზღვარზე. მაგალითად, ჯამპინგი ვერტმფრენიდან. ამაზე ჩემმა ძმამ წამაქეზა: "მე გადავხტი, შენ შეგიძლია?"</p><p>ძმის წინააღმდეგ რინგზე არასოდეს გავალ. არასოდეს გვიჩხუბია და არც მომავალში გავაკეთებთ ამას. ყველას ჰყავს ადამიანი, რომელსაც განსაკუთრებულ პატივს სცემს და მასთან ერთად ცხოვრების დიდი ნაწილი აქვს გატარებული. მაგალითად, შეძლებთ დედასთან ან მამასთან კრივს ან საყვარელი ადამიანისთვის მუშტის სახეში გარტყმას?!</p><p>ყველაზე ცუდი, რაც შეიძლება მოკრივეს დაემართოს - ბრძოლის წინა დღეს მომავალ მეტოქეზე ფიქრია. უმჯობესია დაისვენო, გამოიძინო, კონცენტრაცია მოახდინო.</p><p>ვოცნებობდი ტაისონთან და ფორმანთან ჩხუბზე... არ გამოვიდა. მადლობა ლენოქს ლუისს, რომლის წინააღმდეგ ბრძოლას დამანახა, რომ შემიძლია ნამდვილი კრივი და თანამედროვეობის დიადი მოკრივეების დამარცხება.</p><p>მაქვს გარკვეული ცრურწმენები, რომელსაც ბრძოლის წინ ვიცავ. მაგალითად, რინგზე გასვლამდე არასოდეს მივირთმევ ერთად მჟავე კიტრსა და რძეს.</p><p>ბულგაკოვი ჩემი ერთ-ერთი საყვარელი მწერალია. მისი ზოგიერთი წიგნი რამდენჯერმე მაქვს გადაკითხული. მისი ნოველის ("ძაღლური გული") მიხედვით გადაღებული ფილმი უკვე გახდა კლასიკა და არც კი ვიცი, რამდენჯერ მაქვს ნანახი. რაც ყველაზე საინტერესოა, მასში ყოველთვის რაღაც ახალს აღმოაჩენ.</p><p>ბევრი ლექსის ავტორი ვარ. ვწერ ჩემთვის, ჩემი ახლობლებისთვის, რომლებსაც ეს ლექსები ეძღვნება, მაგრამ მზად არ ვარ მათ გამოსაქვეყნებლად.</p><p>ფსიქოლოგი არ მჭირდება. თუ ადამიანს სტაბილური ფსიქიკა აქვს, მისი ვარჯიში საჭირო არ არის. ნერვების მხრივ ყველაფერი წესრიგში მაქვს. ჩემს კარიერაში იყო შემთხვევა, როცა ბრძოლის წინ რომელიღაც ექსტრასენსი მომიახლოვდა. მან იმ ორთაბროლის წაგება მიწინასწარმეტყველა. "სახალხო მკურნალი" თავიდან მოვიშორე, მაგრამ მაინც დავფიქრდი - იქნებ არ ღირდეს რინგზე გასვლა... ის ბრძოლა მოვიგე.</p><p>კრივი ძალიან ჰგავს ჭადრაკს. გარი კასპაროვის წინააღმდეგ 31 სვლა გავძელი და ერთხელ ქიშიც კი ვუთხარი, რის შემდეგაც, რა თქმა უნდა, მან დამაშამათა. მიუხედავად ამისა, ძალიან ამაყი ვიყავი იმით, რომ ყველა დროის საუკეთესო მოჭადრაკეს ღირსეულად ვეთამაშე.</p><p>მაინც და მაინც არ მომწონს, როცა ჩემი მეუღლე ჩემს ბრძოლებს ესწრება. ამის შესახებ ნატაშას ვუთხარი, მან კი მიპასუხა, რომ თუ დარბაზში არ შევუშვებ, ბილეთს მაინც შეიძენს და ტრიბუნაზე დაიკავებს ადგილს. ნატალიას მიაჩნია, რომ რთულ წუთებში ჩემს გვერდით უნდა იყოს.</p><p>მთელი ჩემი სხეული ნაიარევებით არის დაფარებული, ორმოცდაათი ნამდვილად იქნება. ყველაზე დასამახსოვრებელია - ჭრილობა ტუჩის მარცხენა კუთხიდან მთელს ლოყაზე. მკაფიოდ მამჩნევია სახეზე. ეს იარა ხუთი-ექვსი წლის ასაკში მივიღე. მეგობართან ერთად "ვგიჟობდი". შუშის კარს დავეჯახე და ნამსხვრევები ჩემსკენ წამოვიდა. ერთ-ერთი სახეში მომხვდა. ექიმი მალე ვერ მოვიდოდა, ამიტომაც ბებიამ ჩვეულებრივი ნემსითა და ძაფით გამიკერა ჭრილობა. ყოველგვარი ნარკოზის გარეშე.</p><p>პლასტიკურ ქირურგს რეგულარულად ვსტუმრობ. ჩვეულებრივ, ის ჩემთან რამდენიმე დღე მუშაობს ბრძოლამდე და ბრძოლის შემდეგ. კრივში ხშირია ჭრილობები, რის გამოც შეიძლება ბრძოლა შეწყვიტონ. ექიმის არაპროფესიული მუშაობის გამო, შესაძლოა, სახეზე ნაიარევი დაგრჩეს, რომელთან ნებისმიერი შეხება ქრონიკულ სისხლისდენას გამოიწვევს.</p><p>იოცნებეთ, რამდენად ფანტასტიკური არ უნდა მოგეჩვენოთ თქვენი მიზანი და იბრძოლეთ მისი ასრულებისთვის. მეც ვაგრძელებ ოცნებას. და ვცდილობ მათ რეალიზებას.</p><p>ჩემი ოცნებაა - ძმასთან ერთად გავინაწილო</p><p>ოთხი ყველაზე პრესტიჟული საჩემპიონო ტიტული: თითოს ორი ქამარი გვექნება. თუმცა ის სიტუაციაც მაწყობს, თუ ვლადიმერი სამ ტიტულს დაისაკუთრებს, მე კი ერთი მექნება. ნებისმიერ შემთხვევაში, ოთხივე საჩემპიონო ქამარი კლიჩკოების ოჯახის საკუთრება იქნება.</p><p>კარიერის დასრულების შემდეგ ჩემს ძმას აბსოლუტური ტიტულის მოპოვებაში დავეხმარები, აგრეთვე გავაგრძელებ კომპანია K2 Promotions-ში მუშაობას. თუმცა არც პოლიტიკურ კარიერას დავივიწყებ.</p> <p>ფოტო:</p><p>VITALI - ვიტალი კლიჩკო</p> <p> </p></p>
[VIDEO] ჯოშუამ კრივის ღირსება დაიცვა - ენტონიმ ჯეიკ პოლს ყბა მოტეხა
17-წლამდელ მოკრივეთა ნაკრებმა ევროპის ჩემპიონატზე ხუთი მედალი მოიპოვა
საქართველოს 23-წლამდე მოკრივეთა ნაკრებმა ევროპის ჩემპიონატზე სამი მედალი მოიპოვა
[VIDEO] ეგოიანის გოლი და წაგებას გადარჩენილი "ექსელსიორი"
[VIDEO] მიქაუტაძის სრული მატჩი და კაცნაკლული "ვილიარეალის" მარცხი "ბეტისთან"
ევრო 2026 | ფუტსალის ნაკრებმა თბილისური შეკრება დაასრულა
სამი ფრის შემდეგ - ლობოტკამ "ნაპოლის" გამარჯვება მოუპოვა
"გუნდი არ არის, ისინი უბრალოდ სამსახურში დადიან" - პერკინსმა "ლეიკერსი" გააკრიტიკა
"გრიფინმა" სუპერლიგის გუნდს ისევ მოუგო | თასის გათამაშების "კერკეტი" გუნდი კასპიდან
მე-14 ტრანსფერი ბოლო 1 წელიწადში - "სიტიმ" გეჰი შეიძინა
[VIDEO] მამუკელაშვილი დაბრუნდა - "ტორონტო" "კლიპერსთან" დამარცხდა
ქოჩორაშვილი შეცვლაზე შევიდა - "სპორტინგმა" გაიმარჯვა
როგორი შეფასებები მიიღეს პსჟ-ს ფეხბურთელებმა "ლილთან" მატჩში?
[VIDEO] ხვიჩა შეცვალეს - დემბელეს შედევრი და პსჟ-ს გამარჯვება
[VIDEO] შენგელიას 10 ქულა - "ბარსელონა" "ელ კლასიკოში" განადგურდა
ლუის ენრიკემ "ლილთან" მატჩში შემადგენლობა დაასახელა
ზურაბ საკანდელიძის და მიხეილ ქორქიას 21-ე მემორიალური ტურნირი "ქუთაისმა" მოიგო
კონფერენს ლიგის პლეი-ოფის წყვილები გაირკვა
პსჟ პერსპექტიულ შემტევს ხელშეკრულებას გაუგრძელებს
ჩელენჯ თასი | საბრძოლო რაზმით "ძებრესთან"
იჯარა გამოსყიდვის უფლებით - "რომა" შეტევის ხაზში გაძლიერდა
ჯეკო გუნდის შეცვლასთან ახლოსაა - ვეტერან ბოსნიელს საფრანგეთში იწვევენ
პაკეტა სამშობლოში დაბრუნებასთან ახლოსაა - პირადი კონტრაქტი უკვე შეთანხმებულია