<p>ლვოვის "კარპატის" ოფიციალურმა ვებგვერდმა თურქულ შეკრებაზე მყოფ ქართველ ლეგიონერთან ინტერვიუ გამოაქვეყნა</p><p><br> ლვოვის "კარპატის" ოფიციალურმა ვებგვერდმა ქართველ ლეგიონერ <strong>ლევან ყენიასთან</strong> ინტერვიუ გამოაქვეყნა.</p><p>ქართველი ფეხბურთელი გუნდთან ერთად სეზონის განახლებისთვის თურქეთში ემზადება.</p><p>ქართველ შემტევ ნახევარმცველთან ინტერვიუ სწორედ თურქულ შეკრებაზე შედგა.</p><p><span style="color: #ff0000;"><strong>* * *</strong></span></p><p>მას მარჯვენა მკლავზე ტატუ აქვს, დედის სახელი ორ ვარიანტად - ლათინური და ძველქართული ასოებით აწერია. მარჯვენა ხელზე მამის სახელი აწერია.</p><p>ლევანს ერთი ტატუ მკერდზეც აქვს, რომლის მნიშვნელობის ახსნა ჩვენთვის ვერ შეძლო. მხოლოდ ის თქვა, რომ მისი ოჯახის გვარისა თუ დინასტიის აღმნიშვნელია...</p><p>საკუთარი სხეულის "მოხატვას" ქართველი აღარ აპირებს. ამბობს, რომ თუკი ახალი ტატუს გაკეთებას მაინც გადაწყვეტს, ეს მისი გოგონას სახელი იქნება.</p><p>ლევანს ზამთრის შეკრებაზე ვესაუბრეთ.</p><p><strong>- ლევანტე, ბოლოს როდის იყავი შეკრებაზე? </strong></p><p>- სამი წლის წინ, როდესაც "შალკეში" ვთამაშობდი. სხვათა შორის, მაშინაც შეკრება თურქეთში გვქონდა, რომელიც ჩემთვის უიღბლოდ დასრულდა - ტრავმა მივიღე და კარგა ხანს ვეღარ ვითამაშე.</p><p><strong>- ვიცი, რომ ტრავმებზე საუბარი არ გიყვარს. ამიტომ, მოდი, ის გვითხარი, რით განსხვავდება უკრაინულ და გერმანულ გუნდებში შეკრება ერთმანეთისგან.</p><p></strong>- ამ შემთხვევაში ყველაფერი არა ქვეყანასა და კლუბზე, არამედ მწვრთნელზეა დამოკიდებული. როდესაც "შალკეში" ვთამაშობდი, მწვრთნელი ფელიქს მაგათი იყო. ის ძალიან დაუნდობელი მწვრთნელია და თავისი მანერით საკმაოდ განსხვავდება ნიკოლაი კოსტოვისგან.</p><p><strong>- მაგათის დატვირთვებზე ლეგენდები დადის, თუმცა არც ნიკოლაი კოსტოვი "გიფრთხილდებოდათ" პირველ შეკრებაზე და გარბენინებდათ…</p><p></strong>- ამის გარეშე არ იქნება, ფიზიკური მომზადების გარეშე რას გააკეთებ? აქ არავინ ამბობს იმას, რომ ფიზიკური სამუშაოს შესრულება საჭირო არაა; უბრალოდ, მაგათს მომზადების სრულებით სხვა სისტემა ჰქონდა...</p><p><strong>- შეგიძლია მაგალითი მოიყვანო?</strong></p><p>- შემიძლია - თუნდაც სამჯერადი ვარჯიში დღეში...</p><p><strong>- ფიზიკურ მომზადებაზე რატომ ამახვილებდა ასე ყურადღებას? </strong></p><p>- ასეთი სტრატეგია აქვს. ასე იყო ყველა გუნდში, სადაც მუშაობდა.</p><p><strong>- ამას შედეგი მოჰქონდა? </strong></p><p>- მხოლოდ პირველი სამი თვე, შემდეგ კი გადაღლილობა და ტრავმები იჩენდა თავს.</p><p><img src="pictures/artimages/image17/a679e1bb8cb9a43e30b518d0b67122a2.jpg" border="0" alt="Sportall.Ge" title="ლევან ყენია: საქართველოს მთები ყველაზე ლამაზია და სულ მენატრება" /></p><p><strong>- როდესაც "კარპატისთან" ერთად პირველ შეკრებაზე მიემგზავრებოდი, ნერვიულობდი?</strong></p><p>- რა თქმა უნდა, გარკვეულწილად ვღელავდი, თუმცა ამავდროულად, სასიამოვნო იყო იმის გააზრება, რომ თავს კარგად ვგრძნობდი და შემეძლო მუშაობა, ვარჯიში. საერთოდაც, ეს ყველაფერი სასიამოვნო პროცესია.</p><p><strong>- წლის ბოლო შენთვის საკმაოდ წარმატებული გამოდგა. ბრწყინვალე საგოლე გადაცემებს არიგებდი და თავადაც იტანდი. საქართველოში როგორ შეხვდნენ დიდ ფეხბურთში შენს დაბრუნებას?</strong></p><p>- საბედნიეროდ, ახლა ყველაფერი კარგადაა. ფორმა აღვიდგინე, თუმცა დაღლილობას მაინც ვგრძნობდი. საქართველოდან მხარს მიჭერდნენ, მირეკავდნენ, მამხნევებდნენ და მქომაგობდნენ. არცთუ ცოტა ინტერვიუც მივეცი, სადაც გულახდილად აღვნიშნე, რომ "კარპატიში" თავს კარგად ვგრძნობ.</p><p>მთავარია, რომ ფეხბურთის თამაში დავიწყე და დავუბრუნდი საქართველოს ნაკრებს. აი, ახლაც მიწვევა მივიღე და ჩემს თანაგუნდელ მურთაზ დაუშვილთან ერთად, თებერვლის დასაწყისში შეკრებაზე გავემგზავრები.</p><p><strong>- არამხოლოდ მასთან ერთად... </strong></p><p>- მართლაც, უკრაინის ჩემპიონატში ბევრი ქართველი მოთამაშეა. მათთან მჭიდრო ურთიერთობა გვაქვს. აი, ახლაც სასტუმროში ჩვენთან ერთადაა დაბინავებული "ილიჩევეცი", სადაც თორნიკე ოქრიაშვილი და დავით თარგამაძე თამაშობენ. ვფიქრობ, ნაკრების შეკრებაზე მათთან ერთად გავფრინდები.</p><p><strong>- აქაური მთები კავკასიას არ გაგონებს? </strong></p><p>- საქართველო მთაგორიანია. თურქეთის მთები თითქოს ჰგავს, მაგრამ მაინც არაა ისეთი, როგორიც საქართველოშია. საქართველოს მთები მშობლიურია და შესაბამისად, ჩემთვის ყველაზე ლამაზია. ყოველთვის მენატრება ხოლმე და ახლაც მომენატრა მათი ცქერა.</p><p><strong>- შვებულება როგორ გაატარე? </strong></p><p>- რამდენიმე ქვეყანაში ვიყავი. ცოტა ზღვაზე დავისვენე, გერმანიაში ვიყავი, გარკვეული დრო შინ, სამშობლოში დავყავი. ჯამში, დრო კარგად გავატარე.</p><p><strong>- გერმანიაში რაღა დაგრჩენია? </strong></p><p>- მეუღლე მყავს იქიდან. თავად სერბია, თუმცა გერმანიაშია დაბადებული. ამასთან, ჩემს გოგონასაც გერმანიის მოქალაქეობა აქვს. ასე რომ, გერმანიაში ხშირად ჩავდივარ ხოლმე.</p><p>როდესაც ლვოვში ვიმყოფები, ოჯახი გვერდით მყავს, ხოლო როდესაც შეკრებაზე მივდივარ, მეუღლე და ქალიშვილი გერმანიაში მიემგზავრებიან ხოლმე.</p><p><strong>- საინტერესოა, შენ თურქეთში ლვოვიდან გაემგზავრე, ბუბა დაუშვილი კი საქართველოდან ჩამოვიდა… </strong></p><p>- ნამდვილად. ლვოვში ჩემი მშობლები და მეუღლე ჩამოფრინდნენ და სამი დღე უკრაინაში ერთად გავატარეთ.</p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/erovnuli-nakrebi/44782-themur-qecbaiam-saalbanetho-sias-nikoloz-gelashvili-daamata.html" target="_blank">თემურ ქეცბაიამ საალბანეთო სიას ნიკოლოზ გელაშვილი დაამატა</a></p><p><a href="/fexburti/qarthuli-fekhburthi/legionerebi/44038-levan-yenia-ar-minda-momavalshic-mqondes-travmebi.html" target="_blank">ლევან ყენია: არ მინდა, მომავალშიც მქონდეს ტრავმები</a></p><p><a href="/fexburti/qarthuli-fekhburthi/legionerebi/43511-mofarikave-levan-yenia-ukraineli-iana-shemiakinas-tsinaaghmdeg-video.html" target="_blank">მოფარიკავე ლევან ყენია უკრაინელი იანა შემიაკინას წინააღმდეგ [VIDEO]</a><a href="/fexburti/qarthuli-fekhburthi/erovnuli-nakrebi/43501-levan-yenia-ar-momtsons-is-fekhburthi-rasac-saqarthvelos-nakrebi-thamashobs.html" target="_blank"></p><p>ლევან ყენია: არ მომწონს ის ფეხბურთი, რასაც საქართველოს ნაკრები თამაშობს</a></p>
"კვარა" ისევ როტაციაში და ორი მნიშვნელოვანი მატჩი პარალელურად
კონფერენს ლიგა: მექვაბიშვილმა სომხურ "ნოასთან" საგოლე გადაცემა გააკეთა
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს